11 ނޮވެމްބަރ 2022 - 16:00
4 comments
މ. ސެންޑްރޯޒްގެ ހުޅަނގުބައިގައި އިއްޔެ ރޭ ހިނގި ނުރައްކާތެރި އަލިފާނުގެ ހާދިސާގައި ފިހިގެން، އައިޖީއެމްއެޗުގައި ފަރުވާދެމުން އަންނަ މީހާގެ ހާލު އަދިވެސް ވަރަށް ސީރިއަސް ކަމަށް އެ ހޮސްޕިޓަލުން މިއަދު ބުނެފި އެވެ.
މީޑިއާ އޮފިޝަލަކު "މިހާރު" އަށް ވިދާޅުވީ އެެ މީހާ އަށް އަދިވެސް ފަރުވާދެމުން އަންނަނީ އައިސީޔޫގައި، ވެންޓިލޭޓަރުގެ އެހީގައި ކަމަށެވެ.
"އޭނާގެ ހާލަތަށް އެއްވެސް ބަލެއް ނާދޭ، އަދިވެސް ކްރިޓިކަލް،" އޮފިޝަލް ވިދާޅުވި އެވެ.
ޖިންސު ވެސް ވަކިކުރަން އުނދަގޫވާ ވަރަށް ފިހިފައި އޮތް އެ މީހާގެ ޖިންސު މިހާރު ދެނެގަނެވިފައިވާ ކަމަށާއި އެއީ ފިރިހެނެއް ކަމަށް އައިޖީއެމްއެޗުން ބުންޏެވެ.
އައިޖީއެމްއެޗުގައި އޮތް މީހާ އޮތީ ކާކުކަން ނޭނގޭ ވަރަށް ފިހިފައި https://t.co/S7vMxWtUDB
— Mihaaru (@Mihaarunews) November 10, 2022
ފުލުހުން މިއަދު ބުނީ އެ ހާދިސާގައި މަރުވި 10 މީހުންގެ ތެރޭގައި ހިމެނެނީ އިންޑިއާގެ ހަތް މީހަކާއި ބަންގްލަދޭޝްގެ ދެ މީހަކު ކަމަށެވެ. ކާކުކަން ނޭނގޭ އެކަކު އެބައޮތް ކަމަށް ވެސް ފުލުހުން ބުންޏެވެ.
މަރުވި ބައެއް މީހުންގެ ހަށިގަނޑު ވަރަށް ބޮޑަށް ފިހި، ކާކުކަން ދެނެގަންނަން އުނދަގޫވި އެވެ. މަރުވި އެންމެންގެ ހަށިގަނޑު މިހާރު އޮތީ ގަލޮޅު މޯޗަރީގަ އެވެ.
މިހާތަނަށް މާލޭގައި ހިނގި އެންމެ ބޮޑު އަލިފާނުގެ ހާދިސާ ހިނގީ ސެންޑްރޯޒް ހުޅަނގުބައިގައި ތިރީގައި ހުންނަ ޖަރާޖެއްގައި ރޯވެގެން ކަމަށް ބުނެ އެވެ. އެ ގޭގައި މަތީ ފުލޯގައި ދިރިއުޅުނީ ބިދޭސީ މަސައްކަތްތެރިންނެވެ. އޭގެ ތެރޭގައި ބަންގްލަދޭޝް، ސްރީ ލަންކާ އަދި އިންޑިއާ މީހުން ވެސް ހިމެނެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އައްލާ.
12 November 2022
އެއްފަހަރާ މީހާ ގިނަބަޔަކު މިހާހިތްދަތިގޮތަކަށް މަރުވުމަކީ ސަރުކާރު އިމާޖެންސީއަށްއައިސް ވަގުތުން ގައުމުގެ އެކިއެކި ކޮމިޓީތައް އެކްޓިވޭޓްވެ، ކުއްލިކެބިނެޓް މީޓިން ބޭއްވި، އަވަސް ފިިޔަވަޅުއެޅި، ހާލުގައި ޖެހުނު މީޙުންނަށް އެކަށީގެންވާ ފައިނެންޝިއަލް އެހީލިބި، ހިތާމަ ފާޅުކުރުމުގެ ދުވަހެއް ކަނޑައެޅި، ބައިދަނޑިއަށް ދިދަ ތިރިކުރެވެންޖެހޭނެ ދުވަހެއް. އެކަމަކު ކީއްކުރާނީ، ބޭރުމީހުން ބޭރުމީހުންނަށްވީމަ އަހަރުމެން އެހާ ގަދަރެއް އެމީހުންނަށް ނުކުރޭ.
ކިންގް އިލްހާމް
11 November 2022
ވަރަށް ހިތްދަތި ހިތަށް އަސަރުކުރި، ހަބަރެއް ، މިކާރިސާގައި ދުނިޔެ ދޫކުރި ފަރާތްތަކަށް ﷲ ރަޙްމަތް ލައްވަވާށި، އާމީން ، އަދި އަނިޔާ ލިބުން ފަރާތްތަކަށް އަވަސް ޝިފާއެއް މިންވަރު ކުރއްވާށި، އާމީން
ޙިމް
11 November 2022
މިވަރަށް ފިހޭ މީހުން ސަލާމަތް ވުމަކީ ނާދިރު ކަމެއް.
އޮނަރަބްލް އަފީފު ދީދީ
11 November 2022
ޤާނޫނުތަންފީޒުކުރުމުގެ ޤާނޫނީ ޒިންމާ އަދާކުރަންޖެހޭ ސަރުކާރާއި ސިޓީކައުންސިލް ފަދަ ފަރާތްތަކުގެ އިހްމާލާއި ފަރުވާ ކުޑަކަމުގެ ސަބަބުން ދިރިތިބި 10 މީހުންގެ ފުރާނަ ދިއުމުންވެސް ތިމާމެން ދެނަހުރި ކަމަކަށްވެސް ނަހަދާ އަދިވެސް އެތިބީ މަޤާމުގައި ބަގުޑި ބައްދައިގެން. # ހިންގާލަން އުޅޭ މީހާއާއި މާތޮޑާ ވަޒީރުގެ އިތުރުން މޭޔަރުގެ މައްޗަށް މިކަމުގައި ދައުވާ އުފުލާންޖެހޭނެ. ކީއްވެގެންތޯ ދައުލަތުގެ ޕްރޮސިކިއުޓަރ އެއްވެސް ފިޔަވަޅެއްނާޅުއްވާ ހަނުހުންނަވަނީ..!!؟