ރާމިޒާ: އޭނާއަށް ކުރާ ދައުވާ އަލުން ބަލަން ވަނީ އަންގާފައި
14 ނޮވެމްބަރ 2022 - 13:08
4 comments
ފިރިމީހާ މަސްތުވާތަކެތީގެ ވިޔަފާރި ކޮށްގެން ހޯދި ކަމަށް ތުހުމަތުވާ ފައިސާ ބޭނުންކުރި ކަމަށް ބުނެ އަންހެނެއްގެ މައްޗަށް ކުރި މަނީ ލޯންޑްރިންގެ ދައުވާ ކްރިމިނަލް ކޯޓުން ބޭރުކޮށްލުމުން އެ މައްސަލަ އަލުން ބަލަން ހައި ކޯޓުން އަންގައިފި އެވެ.
ގދ. ތިނަދޫ ލަކީލާސްޓާ، ރާމިޒާ އަލީގެ މައްޗަށް ދައުލަތުން ދައުވާކުރީ އޭނާގެ ފިރިމީހާ މަސްތުވާތަކެތީގެ ވިޔަފާރި ކޮށްގެން ހޯދި ކަމަށް ޝައްކުވާ ފައިސާ އިން އޭނާ މުއާމަލާތުކުރި ކަަމަށް ބުނެ އެވެ. އެކަމަކު ޝަރީއަތުގެ ކުރީގެ ހުށަހެޅުންތަކާ މެދު ގޮތް ނިންމިއިރު ކްރިމިނަލް ކޯޓުން ނިންމީ މައްސަލަ ބޭރުކޮށްލާށެވެ.
އެ ނިންމުން ދައުލަތުން އިސްތިއުނާފް ކުރުމުން ހައި ކޯޓުން އިއްޔެ ކުރި ހުކުމުގައި ވަނީ އެ މައްސަލަ މަދަނީ މިންގަނޑުން ބަލާއިރު ކުރިއަށް ގެންދެވޭނެ ކަމަށް ކްރިމިނަލް ކޯޓުން ނިންމުމަށް ފަހު، ޝަރީއަތުގެ ކުރީގެ ހުށަހެޅުންތަކާ މެދު ގޮތް ނިންމިއިރު މައްސަލަ ބޭރުކޮށްލާފައި ވަނީ ޖިނާއީ އިޖުރައާތުގެ ގާނޫނާ ހިލާފަށް ކަމަށެވެ. ޝަރީއަތުގެ ކުރީގެ ހުށަހެޅުންތަކާ މެދު ގޮތް ނިންމަން ޖެހޭނީ މައްސަލަ މައުޟޫއީ ގޮތުން ބެލުމަކާ ނުލައި ކަމަށް ވެސް އެ ހުކުމުގައިވެ އެވެ.
ތިން ފަނޑިޔާރުންގެ އިއްތިފާގުން ކުރެއްވި ހުކުމުގައި ވަނީ ކްރިމިނަލް ކޯޓުން ނިންމި ނިންމުން ބާތިލް ކުރުމާއެކު، ރާމިޒާގެ ފަރާތުން ހުށަހެޅި ޝަރީއަތުގެ ކުރީގެ ހުށަހެޅުންތަކާ މެދު އަލުން ގޮތެއް ނިންމުމަށެވެ.
ރާމިޒާ އާއި އޭނާގެ ފިރިމީހާ އާއި ދަރިިފުޅުގެ އެކައުންޓްގައި ލައްކައަކަށް ވުރެ ގިނަ ރުފިޔާ ހުރިއިރު، އެ ދެ މީހުން އުޅޭ ގެއިން ވެސް މިލިއަނަކަށް ވުރެ ގިނަ ރުފިޔާ ފެނިފައިވާ ކަމަށް ދައުލަތުން ބުނެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އުގުލު އާދަނު
14 November 2022
ދިވެހި ލަފުޒު، 'ހުދު ފޮތިކޮޅު' ބަދަލު ކުރަންވީ 'މާތް ކަޅު ކޮތަޅު'. މާނަ އަކީ ސާފުވެފަ ތާހިރު ވެފަ ރަގަޅުވާނެ!
ކޮނޑަށް ފަށްއެރި ޙަސަނު
14 November 2022
ފުރަތަމ ބެލީ ސުމެއްގެ މީހުންތަ؟
ކުކްރެއްލާ
14 November 2022
ބަލަގަ އަހަރުމެންގެ ރައީސް ބުނަނީ ކިތަންމެ ގިނަފައިސާއެއް ގެއަށް ވެއްދިއަސް، އެފައިސާ ހޯދީ ކިހިނެއްތޯ އަނބިމީހާވެސް ނާހާނެކަމަށެވެ. ދެން ކީއްކުރަން ފައިސާ ހޯދިގޮތެއް ބަލަނީ.
ސްމޭޝް-ފުވައްމުލައް
14 November 2022
ސާބަހޭ! ދަރިންގެ އެކައުންޓްގައި މަސައްކަތެއް ނުކޮށް ތިބޭ އަނބިންގެ އެކައުންޓްގައި ލައްކައިން ރަށުތެރޭގައި ލާހޫރޭއިންގެ އެކައުންޓްގައި މިލިޔަނުން ފައިސާ ހުރީމަ، ކޯޓްުންވެސް ބަލަން ޖެހޭނީ! އެފައިސާ ލިބުނު ގޮތްވެސް ބަލައި ލިބުނު، ނުވަތަ ހޯދި ގޮތް ސާބިތުކޮށްދޭން ޖެހޭނެ! ސާބިތު ކޮށްނުދެވޭ ދައުލަތަށް ނަގަން ޖެހޭނީ. މިފަދަ ކަންކަން ދޫކޮށްލެވިގެން ނުވާނެ!