ޝެއިންގެ ޝިޕްމެންޓެއް. އަނެއްކާ ވެސް ހިލޭ ޝިޕިންއާ އެކު ތަކެތި ގެނެވެނީ
14 ނޮވެމްބަރ 2022 - 21:57
17 comments
ތިން މަހަށް ފަހު އަނެއްކާ ވެސް ޝެއިން އިން ރާއްޖެ އަށް ޝިޕިން ފްރީކޮށް ތަކެތި ގެނެވޭނެ ގޮތް ހަދައިފި އެވެ.
ޗައިނާގެ ފާސްޓް ފެޝަން ބްރޭންޑް، ޝެއިން އިން ޝިޕިންގެ އަގު ނުނަގައި ތަކެތި ގަނެވެނީ 250 ޑޮލަރުން މަތީގެ ވިޔަފާރި ކުރާ ނަމަ އެވެ. މީގެ ކުރިން ޝެއިން އިން ރާއްޖެ އަށް މުދާ ގެންނައިރު ކުރިން އޮންނަނީ 200 ޑޮލަރަށް ވުރެ ގިނައިން ގަންނަ ނަމަ ހިލޭ ޝިޕްކޮށްދޭ ގޮތަށެވެ. އަދި ކޮވިޑްގެ ކުރިން 150 ޑޮލަރުން މަތީގެ ވިޔަފާރި ކުރާ ނަމަ ހިލޭ ޝިޕްކޮށްދޭ ގޮތަށް އޮތެވެ.
މިދިޔަ ތިން މަހު ޝެއިން އިން ވަނީ އެ އޮންލައިން މެދުވެރިކޮށް ގަންނަ ކޮންމެ އައިޓަމަކުން 30 ޑޮލަރު ޝިޕިން ފީގެ ގޮތުގައި ނަގަން ކަނޑައަޅައިފަ އެވެ. ނަމަވެސް މިހާރު ކުރިއެކޭ އެއްގޮތަށް ޝިޕިން ހިލޭ ލިބޭ ލިމިޓަށް ވުރެ ދަށުން ވިޔަފާރި ކުރާ ނަމަ ކޮންމެ އައިޓަމަކަށް 24 ޑޮލަރު ޗާޖު ކުރާނެ އެވެ.
ރާއްޖޭގައި ވެސް ބޮޑު މަގުބޫލު ކަމެއް ހޯދާފައިވާ ޝެއިން ބްރޭންޑުން މިދިޔަ އޮގަސްޓް މަހު ޝިޕިން ފީއެއް ނަގަން ފެށި ސަބަބެއް ނޭނގެ އެވެ.
ޝެއިން އިން ހިލޭ ޝިޕް ނުކުރެވޭ ގޮތް ހެދުމުން ރާއްޖޭގައި ވެސް ގިނަ ބަޔަކު ވަނީ އެކަމާ ކަންބޮޑުވުން ފާޅުކޮށް، އެކަން ބަދަލުކުރުމަށް އެ ކުންފުނީގައި އެދިފަ އެވެ. އޭރު ޝެއިން އަށް އެ ގޮތަށް ރިކުއެސްޓް ކުރި ފަރާތްތަކަށް އެ މައްސަލަ ރިވިއު ކުރަމުން އަންނަ ކަމަށް ބުނެ ޖަވާބުދީފައި ވެ އެވެ.
ޝެއިން އިން އެ ވިޔަފާރި ފެށީ 2011 ވަނަ އަހަރު އެވެ. އެ ކުންފުނިން 2014 ވަނަ އަހަރު އޮންލައިން ވިޔަފާރި އަށް ވަދެ، ކުރު މުއްދަތެއްގައި އާންމުންގެ ބޮޑު މަގުބޫލުކަމެއް ހޯދި އެވެ. އަގު ހެޔޮކޮށް، ގިނަ ބާވަތްތަކެއް ވިއްކަމުން އަންނަ ޝެއިން އިން މިހާރު 200 އަށް ވުރެ ގިނަ ގައުމަށް ވިޔަފާރި ވަނީ ފުޅާކޮށްފަ އެވެ. އެ ކުންފުނީގެ އާމްދަނީ މިހާރު އުޅެނީ 10 ބިލިއަން ޑޮލަރަށް ވުރެ މަތީގަ އެވެ.
އަންނައުނާއި ރީތިވާ ސާމާނުން ފެށިގެން ބަދިގޭގައި ބޭނުންކުރާ އެކި ކަހަލަ ސާމާނުތައް ވެސް ޝެއިން އިން ލިބޭއިރު ގާތްގަނޑަކަށް ދެ ހަފުތާ ތެރޭގައި އޯޑަރުކުރާ ސާމާނު ރާއްޖެ އަށް ލިބެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ކޏބިލި
15 November 2022
ހުވައި މިބުނަނީ, މާލޭގެ ކަޑަތަކުން ގަތުމަށްވުރެ ކޮލިޓީވެފަ ހިތަށް ރީތި އެތިލިބިފަ އަގު ހެވީ މާބޮޑަށް. މިހާރު ކޮތަރު ސިޓީގަ އުޅޭތީ މަށަށް ރަގަޅީ ހަމަ ބޭރުން އެ ޢެމީހުން އތުން ބޭރުން ގެނައުން.
ބޯހަލާކޭ
15 November 2022
މަގޭ އަންހެނުން ރޭގަ ނުވެސް ނިދާ އުފަލުން. ކަންތަކާ ޖެހުނީ. ދެން މަ ޖެހޭނީ އަބަދު ޕޯސްޓް ފޮށިގަނޑު ބަލާ ދާވަރު
ކުރުމަންޖެ
15 November 2022
މީ އަސްލު ހަމަ ވަރަށް އުފާވެރި ޚަބަރެއް. ރާއްޖޭގެ މުއްސަނދި ވިޔަފާރިވެރިންގެ ސަބަބުން ޝިޕިންގއަށް ބޮޑު ފީ އެއް ދައްކަން ޖެހުނީ. އަހަންނަށް ހީވަނީ އެހެން އެކަން ކުރީމަ ވެސް މުއްސަނދި ވިޔަފާރިވެރިން އަތުން ގަންނާނެ މީހަކު ނުވީހެން. މިހާރުވެސް ޝީންއިން ނުގެނެވެންޏާ ވޭލާ، ކްލޯތްލީ، ހޯތް ކަހަލަ ތަންތަނުން ގަންނަން އެންމެ ރަނގަޅީ. ބަޔަކަށް ދެރައެއް ދޭން އުޅެންޏާ ވާނީ މިކަހަލަ ގޮތެއް މުއްސަނދިންނޭ. މީހަކަށް ދެއްވާ އެއްޗެއްގަ ކަލޭމެންނަކަށް އަތެއް ނޭޅޭނެ
ހުތްއާދަނު
15 November 2022
ފާޑެއްގެ ބަޔަކާ ޑެލިވެރީ ހަވާލުކުރީމައި އަތަށް ގޮވީ.
ލޮލީ ޖާބިރު
15 November 2022
ފުރަތަމަ އެންްމެން ދަސްކޮށްބަލަ ނަން ރަނގަޅަށް ކިޔަން - ‘ޝީއިން’ އެއީ ކިޔާގޮތަކީ!
ފޫހި
15 November 2022
މިކހާރުވެސް ޝެއިން އަގުހެވެއްނޫން. އައިޓަމްތެރެއަށް ޝިޕިންގ ފީ ލާފަ ހުންނަނީ އަގުހަދާފަ. ދިވެހިންނަށް ވާނުވާއެއްނޭންގޭ. އަސުލު އެހެން ސައިޓްތަކަށްވުރެ އައިޓަމްތަކުގެ އަގުބޮޑު. ބައެއްފަހަރަށް ސޭލް ތަކެތި އަގު ހެޔޮކޮށްފަހުރޭ.
ކެމިކަލް އަލީ
15 November 2022
އަސްތާ. މަގޭ އަންހެނުންގެ ޚަރަދު ބޮޑުވީ އަނެއްކާވެސް. މިހާރު ނޫހުން ޝެއިން ނުވަތަ އެހެން "ފާސްޓް ފެޝަން" ތަކުގަ ހުންނަ ޓޮކްސިކް ކެމިކަލް ތަކުގެ ވާހަކަ ލިޔެދީބަލަ.
ކުރުމަންޖެ
15 November 2022
ޔޫގެ ކޮފީއަށް ދާ ޚަރަދު ކިތަންމެ ބޭކާރަސް ހެޔޮދޯ. އެމީހަކު ހިތްހަމަ ޖެހޭ ކަމެއް ކުރިޔަ ދީބަލަ ބެސްޓީ. ދެމީހުން ހެޕީކޮށް އުޅެވޭނީ އަނބި ގޮއްޔެ އަށް މިކަހަލަ ކަންކަން ކުރަން ވެސް ދިނީމަ. "ލޮޓްސް އޮފް ލަވް"
ކައްޓިބެ
15 November 2022
ކުރިން 150 ޑޮލަރުން މަތިންގަންނަނަމަ ހިލޭ ޝިޕިން. މިހާރު 250 ޑޮލަރު. ދިވެހިން ހަމަ ގަމާރީއޭ ބުނެވޭނީ. އެ ހެޔޮ ފްރީޝިޕިން ލިސްޓް 500 އަށް އެރިޔަސް، ފުރީ ޝިޕިން އިންނަންޏާ ދެން ދިވެހިންނަށް ހެޔޮ.
ކުރުމަންޖެ
15 November 2022
މަޖީދީ މަގުގަ ހުންނަ ފިހާރަތަކުން ގަތުމަށްވުރެ އަހަރަކަށް ވާވަރަށް 500 ޑޮލަރަށް ވެސް ފްރީ ޝިޕް ވަނީހުން ހެވޭ އަހަރެމެންނަށް.
ދަތްނެތްކުއްޖާ
14 November 2022
ދުވާލެއްގެ މައްޗަށް 2ލައްކަ އަށްވުރެ ގިނަ ޑޮލަރގެ ތަކެތި މި ޝެއިން މެދުވެރިކޮއް ދިވެހިންގަނޭ. މަހަކު 5 ވަރަކަށް މިލިއަން ޑޮލަރ ރާއްޖެއިން އެވެރިންނަށް ލިބޭ. މިކަން މިހެން އޮއްވާ ޝިޕިންގ ފީއެއް ނަގަން ފެށުމުން ރާއްޖެއިން ކުރަމުން އައި އެވެރިންގެ ވިޔަފާރި ހުއްޓުމަށް އައިސްފިކަން ވެރިންނަށް އިޙުސާސް ވުމުން ކުރިންގޮތައް ރުޖޫޢުވެ ރާއްޖެއަށް މިހާރު އެވެރިން ދީފައިވަނީ ފަސްޓް ޕްރިއަރިޓީ ޤައުމެއްގެގޮތުގައި. މިހެން ވުމުން ދިވެހިންތައް މޮޔަވާނެތާ! ސަހަރޯ!
ދޯޕައްޓާ
14 November 2022
އިންޑިއާއިން ހަވާދާއި ބިހާއި ހިލަވެލިވެސް އެހާގިނައިން އެތެރެކުރޭ އެކަމަކު ހިލޭ ޝިޕިންގ ނުލިބޭ.
ރޯޒަސް
15 November 2022
ކަލޯ ކޮންތާކުން ހޯދި ނަންބަރެއްތީ؟
ދޮފައަޓާ
15 November 2022
@ދޯޕައްޓާ، ޝީން އިން ތަކެތި ނުގެނެސް ބޭނުން ނުކޮށްއުޅޭ މީހުން ވަރަށް ގިނަވާނެ އެކަމަކު ކަލޭމެންނަކަށް، އިންޑިޔާއިން ހަވާދާ ބިހާ ހިލަވެއްޔާ އެހެންވެސް އެކަހަލަ ސާމާނާ ނުލާ ނޫޅެވޭނެ، އިންޑިޔާއޭ ނުކިޔަ ސައިޒްގަ ތިބެވޭތޯބަލާ.
މުޑަހަންޖާ
14 November 2022
އެމެރިކާގެ ފޭސްބުކް، ޓުވިޓާ، އެމޭޒަންފަދަ ކުންފުނިތައް އަޑިއަޅައި އެތައްހާސް މުވައްޒަފުންނެއް ވަޒީފާއިން ވަކިކުރަމުންދާއިރު އެކުންފުނިތަކަށް ގޮންޖަހައި ޗައިނާގެ ވިޔަފާރިތައް މުޅި ދުނިޔެއަށް ފެތުރިއްޖެ، ހުޅަނގާއި އެމެރިކާއިން މިކަމާއި ބޯގޮވައިގެން ކުރާކަމަކީ އެސޮރުމެންގެ ނޫސްތަކާއި އެކިގައުމުތަކުގަ ޕުލާންޓްކޮށްފަތިބޭ އެޖެންޓުން މެދުވެރިކޮށް ޑެޓްޓްރެޕޭ ހިއުމަންރައިޓޭ ސެކިއުރިޓީއޭ ކިޔާފަ ކޮންމެދުވަހަކު ޗައިނާއާދެކޮޅަށް ޕުރޮޕެގެންޑާ ފެތުރަނީ.
ނަން.
15 November 2022
ފޯނު މާކެޓްގެ އެންމެ ކުރިޔަށް ވާވޭ ޖެހިލަން އުޅުނީމަ ވީގޮތް ބަލާ. ވާވޭގެ ވެރިޔާގެ ދަރި ކެނެޑާގަ ބަންދުކޮށް ގޫގުލްގެ އެންޑްރޮއިޑް ސާވިސްތަކުން އެމީހުން ބްލޮކްކޮށް އެމީހުންނަށް ޗިޕް ވިއްކުން މަނާކޮށް ހުޅަނގާ އެމީހުންގެ ބާރުއޮތް އެތައް ގައުމަކުން ފިޔަވަޅުއަޅާ އެވަނީ އެމީހުންގެ މާކެޓް ގެއްލުވާލާފަ. ޓިކްޓޮކް ފުނޑާލަންވެސް ކެނޑިނޭޅި ދަނީ މަސައްކަތް ކުރަމުން. މިއީ އެމެރިކާއިން އެބުނާ އޯޕަން އެންޑް ފްރީ މާކެޓް އުސޫލުތައް.