މުސްއަބު: އޭނާއަށް ދައުލަތުން ދޭންޖެހޭ 1.1 މިލިއަން އާދިއްތައިގެ ކުރިން ދޭން ކޯޓުން ވަނީ އަންގާފައި --- ފޮޓޯ/މިހާރު
24 ނޮވެމްބަރ 2022 - 12:28
5 comments
އިސްލާމިކް މިނިސްޓްރީގެ ކުރީގެ ޕާމަނަންޓް ސެކްރެޓަރީ މުސްއަބު އަބްދުﷲ މަގާމުން ވަކިކުރި މައްސަލާގައި ދޭންޖެހޭ 1.1 މިލިއަން ރުފިޔާގެ ބަދަލު އަންނަ އާދިއްތަ ދުވަސް ނިމުމުގެ ކުރިން ދައްކަން ސިވިލް ކޯޓުން އަމުރުކޮށްފި އެވެ.
ސަސްޕެންޝަންގައި މުސްއަބު ބެހެއްޓުމަށް ފަހު 2019 ވަނަ އަހަރު ސިވިލް ސާވިސް ކޮމިޝަން (ސީއެސްސީ) އިން އޭނާ ވަކިކުރަން ނިންމީ އެ ކޮމިޝަނުން ބެލި މައްސަލަތަކާ ގުޅިގެންނެވެ. އެކަމަކު މިދިޔަ އޮގަސްޓް މަހު ހައި ކޯޓުން ނިންމީ މުސްއަބު ވަކިކުރީ ގޯސްކޮށް ކަމަށް ވާތީ 1.1 މިލިއަންގެ ބަދަލެއް ދިނުމަށެވެ.
އެ ހުކުމް ތަންފީޒުކުރަން މުސްއަބުގެ ފަރާތުން ސިވިލް ކޯޓަށް ހުށަހެޅުމުން އެ ކޯޓުން އިއްޔެ ނެރުނު އަމުރުގައި ވަނީ ހައި ކޯޓުގެ ހުކުމާ އެއްގޮތަށް ސީއެސްސީން އަމަލު ކޮށްފައި ނުވާތީ އަންނަ އާދިއްތަ ދުވަހުގެ މެންދުރު 12 ގެ ކުރިން 1.1 މިލިއަން ރުފިޔާ ކޯޓަށް ޖަމާކުރަން އަންގާ ކަމަށެވެ.
ހައި ކޯޓުގެ ހުކުމް އިސްތިއުނާފް ކުރަން ބޭނުންވާ ކަމަށާއި އެހެންވެ، ހުކުމް ތަންފީޒު މަޑުޖައްސާލަން ސީއެސްސީން ކޯޓުގައި އެދުނެވެ. އެކަމަކު ކޯޓުގެ ނިންމުމުގައިވަނީ މަތީ ކޯޓަކުން އެހެން ގޮތަކަށް އަމުރު ނުކުރާހާ ހިނދަކު ހުކުމަށް އަމަލު ކުރަން ޖެހޭނެ ކަމަށެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ބަތޭލި
24 November 2022
ތިސިވިލްސާވިސް ކޮމިޝަނާއި އެތާގައި 40 ހާސް ރުފިޔާ މުސާރަނަގާ މެންބަރުންނާއި އެތަނުން އޮފީސްތަކަށް އައްޔަންކޮށްފައި ތިބޭ ޕްލޭސްޓޭޝަން (ޕީއެސް)ތަކަކީ ދެން ތިބި ސިވިލްސާވަންޓުންނަށް ޖެހިފައި އޮތް ދުއްޕާނެ.
ދައުރު
24 November 2022
މުއްސަބަށް ދޭންޖެހޭ 1.1 މިލިއަން ރުފިޔާ ދައްކަނީ ރައްޔިތުން ސަރުކާރަށް ދީފައިވާ ފައިސާއިން. މިއީ ދައުލަތުގެ ފައިސާއެއް ނޫން. މިފަދަ ބޮޑެތި އަދަދުތައް ދައްކަންޖެހެނީ މުވައްސަސާތަކުގެ ވެރިންގެ ނާގާބިލްކަމުގެ ސަބަބުން. އެކަމުގެ އަގު ރައްޔިތުން އަދާކުރާކަށް ނުޖެހޭނެ. މިހާރުވެސް ޖީއެސްޓީ ބޮޑުވެ، ރައްޔިތުން ހަނާވަނީ. އަދިވެސް ނާގާބިލްކަމުން ދައްކަންޖެހޭ ފައިސާ އިތުރުވަނީ.
އަވަދިވޭ
24 November 2022
އަދިވެސް ލަދުންވެސް ލާރިކޮޅު ދޭކަށްނޫޅޭދޯ. ކޯޓުތަކުން ބޭކާރު މަސައްކަތް ކުރުވަނީ. ކިހާބޮޑު ކަމެއްމީ. އަދިވެސް މަށެއްނުބުނާނަން ތިލާރިކޮޅު މުސްއަބަށް ދޭނެއެކޭ
މަހޭން
24 November 2022
ދޭންޖެހޭ ބަދަލު ދޭންޖެހޭނެ!. މުސްއަބު ވަކިކުރީ މިސަރުކާރުން އިސްލާމިކް މިނިސްޓްރީގެ އެޑްމިނިސްޓްރޭޝަންގެ ތެރެއައް އައްބާނަން ހުރި ހުރަހަކަށް މުސްއަބު ވީމަ.
އޮނަރަބްލް އަފީފު ދީދީ
24 November 2022
ސަރުކާރާއި ދައުލަތުގެ ބައެއް މުއައްސަސާތަކުގެ ވެރިންގެ ސަބަބުން ދައުލަތަށް ލިބޭ މިފަދަ ގެއްލުންތަކުގެ ބަދަލު މިދެންނެވި ފަރާތް ތަކުގެ ކިބައިން ދައުލަތަށް ނަގާންޖެހޭ. # މިކަމުގައިވެސް ޝަރުޢީ ކޯޓަކުން ހުކުމްކުރުމުން އެއީ ކުޅޭ ކުޅޭ އެއްޗެއްކަމަށް ހަދައިގެން ސިވިލްސާވިސް ކޮމިޝަންގެ ވެރިން އަޅާނުލައިތިބެފަ މިހިސާބަށް ދިޔައިމަ އިސްތިއުނާފު ކުރާން ބޭނުމޭ ބުނެ އުޒުރު ދައްކާއިރު ލަދެއް ނުގަނޭތޯ. މިފަދަ ކަންކަން ހުއްޓުވަން މަޖިލީހުން ޤާނޫނު ހަދާންޖެހޭ.