އެންސްޕާ އާއި އާސަންދަގެ އެހީ އެއް އޮފީހަކުން

އިކޮނޮމިކް މިނިސްޓަރު ފައްޔާޒް އިސްމާއިލް އާއި ޖެންޑާ މިނިސްޓަރު އައިޝަތު މުހައްމަދު ދީދީ، އާސަންދަ އާއި އެންސްޕާގެ ހިދުމަތްތައް ލިބޭ "ވިރަ" ކަސްޓަމާ އެކްސްޕީރިއެންސް ސެންޓަރު ހުޅުވުމަށް ބޭއްވި ރަސްމިއްޔާތުގައި -- ފޮޓޯ: އާސަންދަ

އިފްރާޒް އަލީ، މިހާރު

24 ނޮވެމްބަރ 2022 - 15:15

9 comments

އެންސްޕާ އާއި އާސަންދައިން ދޭ ބޭސްފަރުވާގެ އެހީ އެއް އޮފީހަކުން ލިބޭ ގޮތަށް ހަދައިފި އެވެ.

އެ ދެ އޮފީހުން ދެމުން އަންނަ ހިދުމަތްތައް ލިބޭ ކަސްޓަމަ އެކްސްޕީރިއަންސް ސެންޓަރެއް "ވިރަ" ގެ ނަމުގައި މިއަދު ހެނދުނު ހުޅުވީ އަމީނީމަގުގައި ހުންނަ ފެން ބިލްޑިންގާ ޖެހިގެން ހުޅަނގަށް އޮންނަ ގޯޅީގަ އެވެ.

އާސަންދަ އާއި އެންސްޕާގެ ހިދުމަތްތައް ލިބޭ "ވިރަ" ކަސްޓަމާ އެކްސްޕީރިއެންސް ސެންޓަރު -- ފޮޓޯ: އާސަންދަ

އެ ސެންޓަރު ހުޅުއްވައިދެއްވީ އިކޮނޮމިކް މިނިސްޓަރު ފައްޔާޒް އިސްމާއިލާއި ޖެންޑާ މިނިސްޓަރު އައިޝަތު މުހައްމަދު ދީދީ އެވެ. އެ ރަސްމިއްޔާތުގައި އެންސްޕާގެ ސީއީއޯ މަރިޔަމް ޝަފީގާއި އާސަންދަގެ މެނޭޖިން ޑިރެކްޓަރު އިސްމާއިލް އައްޒާމް ވަޖީހު ވެސް ބައިވެރިވެވަޑައިގަތެވެ.

އާސަންދައިން ބުނީ އެ ސެންޓަރު ހުޅުވީ ބޭސްފަރުވާގެ ކަންކަމުގައި ދައުލަތުގެ އެހީއަށް ބޭނުންވާ މީހުންނަށް އެކަމާ ގުޅޭ ހިދުމަތްތައް އެއް ފުރާޅެއްގެ ދަށުން ދިނުމަށް ކަމަށެވެ. އެ ސެންޓަރުގެ ކައުންޓަރުތައް އައިޖީއެމްއެޗާއި ހުޅުމާލެ ހޮސްޕިޓަލުގައި ވެސް ހުންނާނެ ކަމަށް ބުންޏެވެ.

އިކޮނޮމިކް މިނިސްޓަރު ފައްޔާޒް އިސްމާއިލް އާއި ޖެންޑާ މިނިސްޓަރު އައިޝަތު މުހައްމަދު ދީދީ، އާސަންދަ އާއި އެންސްޕާގެ ހިދުމަތްތައް ލިބޭ "ވިރަ" ކަސްޓަމާ އެކްސްޕީރިއެންސް ސެންޓަރު ހުޅުއްވައިދެއްވަނީ - ފޮޓޯ: އާސަންދަ

އެ ސެންޓަރުން ހިދުމަތް ލިބޭނީ ރަސްމީ ދުވަސްތަކުގައި ހެނދުނު 8 އިން ރޭގަނޑު 10 އަށް ކަމަށް ވެސް އާސަންދަ އިން ބުންޏެވެ.

އާސަންދަ އާއި އެންސްޕާގެ ހިދުމަތްތައް އެއް ސިސްޓަމެއްގެ ތެރެއިން ދެވޭނެ އިންތިޒާމު ހަމަޖައްސަމުން އަންނަ ކަމަށް، މި ހަފުތާގައި ރައްޔިތުންގެ މަޖިލީހުގެ ހިއުމަން ރައިޓްސް ކޮމެޓީން ބޭއްވި ބައްދަލުވުންތަކުގައި އެ ދެ އޮފީހުގެ އިސްވެރިން ވިދާޅުވެފައިވެ އެވެ.

ސިއްހަތު އެންސްޕާ އާސަންދަ ސޯޝަލް އެންޑް ފެމިލީ ޑިވެލޮޕްމަންޓް މިނިސްޓްރީ

9 ކޮމެންޓް, 9 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ފޫހި

27 November 2022

ހެޔޮނުވާނެ ތިޔަ ދެތަން އެއްކޮށްލަބަލަ. ދެނަމެއްކިޔާފަ ހެސްކިޔާފަ މީހުން ލައިގެން ކޮން ސަކަރާތެއް. މިނޫނީ ނޫޅޭނެ އޮންލައިން ކޮށްފަވެސް ހެސްކިޔާފަ މުވައްޒަފުން ލައިގެން އޮފީސްތައް ހިންގާގައުމެއް. 3 ލައްކަ މީހުންނަށް ޚިދުމަތްދޭން 200 މިލިއަން މީހުންނަށް ޚިދުމަތްދޭވަރުގެ އޮފީސްތައް. މީހުން ހައިރާންވާނެ މިތާގެ އިސްރާފު ފެނުމުން،

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ސުހާނާ

25 November 2022

ކެވޭވަރު މިހާރަށްވުރެ ތަރައްޤީ ކޮށް ގޭކުދިންނަށް މަޅާލެވޭ ގޮތަށް ރެޑީކޮށް ދައުރުނިމޭއިރު އެއްކޮށް ދަވާލާ އިންޑިއާ ބެލުމުގެ ދަސަށް މިތަން ދާނެގޮތަށް މަގުފަހިކޮށްލީ،

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހަސަންޒިމާލް

25 November 2022

އެންސްޕާ އާއި އާސަންދަ ވަކި 2 ތަނެއްގެ ގޮތުގައި ހިންގަންޖެހޭ ގޮތެއް ނުވިސްނޭ. އަދި 2 ތަނުގެ މަސައްކަތް އެއްފުރާޅެއްގެ ދަށަށް ގެންނަން އިތުރު ތަނެއް ހަދަންޖެހުނު ސަބަބެއް ނޭގެ. އެނގޭ ކަމަކީ ދާދި އެއްކަހަލަ ކަންކަން މެނޭޖްކޮށްލާނެ ގޮތް ނޭގުން ނުވަތަ ގަސްތާއެކު ޚަރަދު ބޮޑުކޮށް ކަންކަން ކުރުން. ރައްޔިތުންގެ ފައިސާއިން ސިޔާސީ ވަޒީފާ އުފެއްދުން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ާއުނިމާ

25 November 2022

2 އޮފީހުގެ ފުރަންޓް އޮފީސް އެއްތަނަކަށް ހަދިޔަކަސް އަދި ކަމަކުނުދާނެ، މުޅި 2 އޮފީސްވެސް އެއް އޮފީހަކަށް ހަދަންވީ، އޭރުން ސިޔާސީ މަޤާމުތައް މަދުވެ ހިންގުންވެސް ހަރުދަނާވެ ރައްޔިތުންނަށް ލިބޭ ޚިދުމަތް ވެސް ރަނގަޅުވާނީ