ޚަބަރު / ނަޝީދަށް ދިން ޓެރަރިސްޓް ހަމަލާ

މެއި 6 ހަމަލާ: ފަނޑިޔާރުންގެ ބެންޗު އުވާލައި، އެންމެ ފަނޑިޔާރަކާ ހަވާލުކޮށްފި

ބޮން ގޮއްވާލި ސައިކަލު: އެ މައްސަލަ ބަލަން ނެގި ތިން ފަނޑިޔާރުންގެ ބެންޗް ވަނީ އުވާލާފައި --- ފޮޓޯ/މިހާރު

މުއިއްޒު އިބްރާހިމް، މިހާރު

28 ނޮވެމްބަރ 2022 - 12:10

ރައްޔިތުންގެ މަޖިލީހުގެ ރައީސް މުހައްމަދު ނަޝީދަށް ދިން ޓެރަރިސްޓް ހަމަލާގެ މައްސަލަ ބެލުމަށް ކްރިމިނަލް ކޯޓުން އެކުލަވާލި ފަނޑިޔާރުންގެ ބެންޗު އުވާލައި، އެއް ފަނޑިޔާރަކާ އެ މައްސަލަ ބެލުން ހަވާލުކޮށްފި އެވެ.

މިދިޔަ އަހަރުގެ މޭ ހަ ވަނަ ދުވަހުގެ ރޭ ބޮމެއް ގޮއްވާލައިގެން ނަޝީދަށް ދިން ހަމަލާގެ މައްސަލަ ބެލުމަށް ކްރިމިނަލް ކޯޓުން އެކުލަވާލި ތިން ފަނޑިޔާރުންގެ ބެންޗް އުވާލީ އެ ބެންޗަށް އެންމެ ފަހުން އައްޔަން ކުރެއްވި ފަނޑިޔާރު ތަނާޒުލްވުމުން ކަމަށް ކްރިމިނަލް ކޯޓުން ބުންޏެވެ.

އެ ކޯޓުން ބުނީ އެ ބެންޗުން ތަނާޒުލްވީ، ގާޒީ ހަސަން ސައީދު ކަމަށެވެ. އޭގެ ކުރިން އެ ބެންޗުގައި އިންނެވި ގާޒީ އާދަމް މުހައްމަދު ވެސް ތަނާޒުލްވި އެވެ.

ކްރިމިނަލް ކޯޓުން ބުނިގޮތުގައި ދެން އެ މައްސަލަ ބައްލަވާނީ ގާޒީ ސޮފްވަތު ހަބީބު އެކަންޏެވެ.

މިއީ މި މައްސަލަ ބަލާ ބެންޗު ބަދަލުވި ތިން ވަނަ ފަހަރެވެ.

ބޮން ގޮއްވާލި މައްސަލާގައި ދައުލަތުން ދައުވާކުރަނީ މއ. ފޭރުގޭ މުޖާޒް އަހުމަދާއި ގއ. ކޮނޑޭ ފޮޅޭމާ ތަހުމީން އަހުމަދާއި ނ. މަނަދޫ ނޫރީގޭ އަލީ ހައިޝަމާއި ގއ. ވިލިނގިލީ ހުދުރުވާގޭ ފަހުމީ އަލީގެ އިތުރުން މ، ކުދެހިގޭ އިސްހާގާއި އއ. މާޅޮހު، އަސަރީގޭ މުހައްމަދު ނާޒިމްގެ މައްޗަށެވެ. ބޮން ގޮއްވާލުމުގައި އަމަލީ ގޮތުން ބައިވެރިވި އަހުމަދު އަދުހަމް ކުށަށް އިއުތިރާފްވުމުން މިދިޔަ އަހަރު ކްރިމިނަލް ކޯޓުން ވަނީ އޭނާ އަށް 23 އަހަރުގެ ޖަލު ހުކުމެއް އިއްވައިފަ އެވެ.

ކުށްކުރުން ބޮމުގެ ހަމަލާ ޓެރަރިޒަމް ކްރިމިނަލް ކޯޓް ނަޝީދަށް ދިން ޓެރަރިސްޓް ހަމަލާ

10 ކޮމެންޓް, 6 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

އޮނަރަބްލް އަފީފު ދީދީ

28 November 2022

ތަނާޒުލާއި، ތަޙައްދުލް ވަތަވައްކަލް ފަދަ ދިވެހިން އެހާފަރިތަނޫން އަރަބިބަސްތަކެއްބޭނުންކޮށްފައި އަދުލުއިންސާފު ޤާއިމްކޮށްދޭންތިބޭ ފަނޑިޔާރުން މިގޮތަށްކަންކުރުމަކީ އަދުލުއިންސާފާއިދޭތެރޭ ރައްޔިތުންގެހިތްތަކުގައި ނުތަނަވަސްކަން އުފެދި ޝަރުޢީ ނިޒާމަށް ކުރާންޖެހޭ އިތުބާރު ގެއްލިގެން ހިގައިދާނެ ކަމަކަށްވާތީ ދައުލަތުގެ އެންމެ ފަޙުރުވެރި އެއްބާރު ކަމުގައިވާ ސްޕްރީމް ކޯޓުން މިކަންކަން ތަކުރާރު ނުވާނެ ގޮތަކަށް ނިންމުމެއް ނިންމުމަކީ ވަރަށް މުހިންމު ކަމެއް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހުސައިން 803

28 November 2022

ރައީސް ޔާމީންގެ މައްސަލަ ނޫނިއްޔާ މިސަރުކާރާއި މުއައްސަސާތަކުން ބަލާތަނެއް ނުފެނޭ،، މިއާރުގެ ރައީސްމައްޗަށް ރައްޔިތުންގެ މަޖިލީހުގެ ރައީސް ބަދުއަހްލާޤީ މައްސަލަ ތުހުމަތު ކުރީމަވެސް ހޭވެސް އަހާލާނެ މުއައްސަސާއެއް ނުވި، ފެނަކަ އެމްޑީގެ މައްޗަށް ، ފެނަކައިފެ ޑީއެމްޑީ ކޮރޮޕްސަންގެ ތުހުމަތުތަކެއް ކުރީމަވެސް ހާވެސް އަހާލި މުއައްސަސާއެއްނެތް، ކޯޓުން ބޭރުން ރައްޔިތުން ފައިސާއިން 800 މިލިޔަން ނޫމަޑިއަށް ދިނީމަވެސް ހޭވެސް އަހާލާނެ މުއައްސަސާއެއްނެތް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އެމްސް

28 November 2022

އަސްލު ބޮހާއި ފަންޑް ކުރި މީހުން ހޯދާކަށް ނޫޅޭ؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ސުންބުލި

28 November 2022

ފަރުކޮޅުފުށި އޮތީ ޚާއްޞަ މެހްމާނުންނަށް ޚާއްޞަތަނެއްގެ ގޮތުގަ ވަކިރަށެއްގެ ގޮތުގަ ރައީސް ޔާމީނުބާއްވާފައެވެ. ވަކިން ބުރިޖެއް އަޅާފަވެއެވެ. އެތަނުގަ ނަށީދު އުޅުއްވަން ވިސްނެވި ނަމަ މާސާދާ ކޮށް އުޅެވޭނެއެވެ. ފުދޭވަރެއްގެ ރީތި ތަނަވަސް ތަނެކެވެ. މޫދަށްއެރިލާ ހަދަން ފަސޭހައެވެ. އެކަމަކު އެތަނަކީ ނަމުގަ ހިމާޔަތް ކޮށްފަ އޮތް ތަނަކަށްވެ އެތަނަކީ އެޗްޑީސީގެ ކުނިއަޅާ ގޮނޑަކަށް ހަދާ އެމީހުންގެ މީހުންގެ ލާންޗް ފަހަރަު ފައިބަރުކުރާ ތަނަކަށް ހަދައިފިއެވެ.