މަރުކަޒީ ބޭންކް، އެމްއެމްއޭ ގެ އިމާރާތް--ފޮޓޯ:މިހާރު
30 ނޮވެމްބަރ 2022 - 14:39
12 comments
ދައުލަތުގެ ޖުމްލަ ރިޒާވްގައި މި ވަގުތު ހުރީ 499 މިލިއަން ޑޮލަރު ކަމަށާއި ރިޒާވް އެހާ ބޮޑަށް ދަށަށް ދަނީ، ތެލަށް ކުރަން ޖެހޭ ހަރަދު ބޮޑުވާތީ ކަމަށް މަރުކަޒީ ބޭންކް، އެމްއެމްއޭއިން ބުނެފި އެވެ.
އެމްއެމްއޭއިން ބުނީ، ދުނިޔޭގެ ބާޒާރުގައި ތެލުގެ އަގު އިންތިހާ އަށް އުފުލެމުން އަންނަ ދަނޑިވަޅެއްގައި ތެލަށް ކުރާ ހޭދަ ވަރަށް ބޮޑަށް އިތުރުވާތީ، އެކަމަށް ރިޒާވުން ކުރަން ޖެހޭ ހޭދަ ވެސް ބޮޑުވަމުންދާ ކަމަށެވެ.
މިދިޔަ ސެޕްޓެމްބަރު މަހު ރާއްޖޭގެ ރިޒާވްގައި ހުރީ 540 މިލިއަން ޑޮލަރެވެ. އެހެންވެ، އެ މަހަށް ވުރެ ވެސް ގާތްގަނޑަކަށް 40 މިލިއަން ރުފިޔާ މިވަނީ މަދުވެފަ އެވެ. އެހެންވެ، މިއީ ވޭތުވެދިޔަ 21 މަހު ވެސް ރާއްޖޭގެ ރިޒާވް ދަށަށް ނުދާ ވަރެކެވެ.
އަންނަ އަހަރަށް ލަފާކުރާ ދައުލަތުގެ ބަޖެޓު ފޮތުގައިވާ ގޮތުން އަންނަ އަހަރު ރިޒާވް ހުންނާނީ 606.3 މިލިއަން ޑޮލަރުގަ އެވެ. މިއީ މި އަހަރުގެ ރިޒާވް ހުންނާނެ ކަމަށް ލަފާކުރާ އަދަދަށްވުރެ 32 މިލިއަން ޑޮލަރު ދަށް އަދަދެކެވެ. މި އަހަރު ނިމޭ އިރު ރިޒާވްގައި 638 މިލިއަން ޑޮލަރު ހުންނާނެ ކަމަށް ބަޖެޓު ފޮތުގައި ލަފާކޮށްފައިވެ އެވެ. ރާއްޖޭގެ ރިޒާވް މިދިޔަ އަހަރު ނިމުނު އިރު ހުރީ 805 މިލިއަން ޑޮލަރުގަ އެވެ. އަދި 2020 ވަނަ އަހަރު ނިމުނު އިރު ރާއްޖޭގެ ރިޒާވް ހުރީ 985 މިލިއަން ޑޮލަރުގަ އެވެ.
އެމްއެމްއޭއިން ބުނީ މި އަހަރުގެ މެދުން ފެށިގެން ރާއްޖޭގެ ރިޒާވް އަންނަނީ ދަށްވަމުން ކަމަށެވެ. އަދި ދުނިޔޭގެ ބާޒާރުގައި ތެލުގެ އަގު އުފުލެމުންދާ ވަރަކަށް ކުރިއަށް އޮތްތަނުގައި ވެސް ރިޒާވަށް އޭގެ އަސަރު ކުރުމުގެ ފުރުސަތު އެބައޮތް ކަމަށް އެ އިދާރާއިން ބުންޏެވެ.
މި އަހަރު ރާއްޖޭގެ ރިޒާވް މައްޗަށް ގޮސްފައި ހުރީ މާޗް މަހު އެވެ. އެ މަހު ރާއްޖޭގައި ރިޒާވްގައި 865 މިލިއަން ޑޮލަރު ހުއްޓެވެ. އެ މަހާ އަޅާ ކިޔާ ނަމަ ރާއްޖޭގެ ރިޒާވް ވަނީ 366 މިލިއަން ޑޮލަރު ދަށަށް ގޮސްފަ އެވެ. އެއީ ގާތްގަނޑަކަށް 45 ޕަސެންޓުގެ ވެއްޓުމެކެވެ.
ދައުލަތުގެ ޖުމްލަ ރިޒާވްގެ އިތުރުން ޔޫޒަބަލް ރިޒާވްގައި ހުރި މިންވަރު ވެސް އެއް މަހުން އަނެއް މަހަށް ދަނީ ދަށްވަމުންނެވެ. އެ ރިޒާވްގައި މިދިޔަ ސެޕްޓެމްބަރު މަހުގެ ނިޔަލަށް ހުރީ 184 މިލިއަން ޑޮލަރެވެ.
ޔޫޒަބަލް ރިޒާވްގެ ތަފްސީލް ކުރިން ހާމަކުރި ނަމަވެސް މިހާރު އެމްއެމްއޭ އިން އެކަމުގެ ތަފްސީލުތައް ހާމައެއް ނުކުރެ އެވެ. ޔޫޒަބްލް ރިޒާވަކީ ރަސްމީ ރިޒާވުން ކުރު މުއްދަތުގެ ބޭރުގެ ލައިބިލިޓީތައް އުނިކުރުމުން ބާކީ އޮންނަ އަދަދެވެ. ޔޫޒަބްލް ރިޒާވުން ދައްކައިދެނީ ބޭރު ފައިސާގެ އެކި މުއާމަލާތްތަކަށް ވަގުތުން ވަގުތަށް ބޭނުންކުރުމަށް ހުރި ފައިސާގެ އަދަދެވެ.
އެކަމަކު، މި ވެރިކަމުގެ ފަސް އަަހަރުގެ ތެރޭގައި ދައުލަތުގެ ރިޒާވް އެއް ބިލިއަން ޑޮލަަރަށް އިތުރުކޮށްދިނުމަކީ ރައީސް އިބްރާހިމް މުހައްމަދު ސޯލިހުގެ ރިޔާސިީ ވައުދެކެވެ.
ރިޒާވް އިތުރު ކުރުމަށްޓަކައި އެންމެ ފަސޭހަ ގޮތަކީ ލިބޭ އާމްދަނީން މިންވަރެއް ރައްކާކުރުމެވެ. ގައުމަށް ވަންނަ ބޭރު ފައިސާ އަށް ވުރެ ގައުމުން ބޭރުވާ ބޭރު ފައިސާ ގިނަވާ ނަމަ ދުވަހެއް ދުވަހަކަށް ރިޒާވް ދާނީ ދަށްވަމުންނެވެ. ދެމެހެއްޓެނިވި ގޮތެއްގައި ގައުމު ތަރައްގީ ކުރުމަށްޓަކައި ރިޒާވް ބޮޑު ކުރުމަކީ ވަރަށް މުހިއްމު ކަމެކެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ބޮޑުމީހާ
30 November 2022
އެމްބަސީތަކާއި ކޮންސަލްޓަންޓުންނަށް ހިތުހުރިވަރަކަށް މުސާރަ ދީފަ، މިލިއަނުން ބަދަލު ދީފަ، ކޯލިޝަން ވެރިން ހިތްރުއްސަން ފީތައް ބޮޑުކޮށްފަ، 5 އަހަރުތެރޭ އެއްވެސް އިންވެސްޓްމަންޓެއް ނުގެނެވި ރިޒާވް މަތިވާނެގޮތެއް ނުވިސްނޭ
އޮނަރަބްލް އަފީފު ދީދީ
30 November 2022
ދައުލަތާއިރައްޔަތް ޙިއްސާވާ ޕަބްލިކް ކުންފުނި State Trading Organaisation ގެ އާންމުޙިއްސާދާރުންގެ އަދަދު އިތުރުކޮށް ދައުލަތުގެ އެހެންކުންފުނިތަކުން (އެމްއޭސީއެލް، MTCC، މޯލްޑިވިއަން، RDC އަދި ފެނަކަފަދަ ކުންފުނިތަކުން) މުދާ އިމްޕޯޓްކޮށްވިއްކުން ހުއްޓާލަންޖެހޭ. # މިދެންނެވިކުންފުނިތަކަށް ބޭނުންވާމުދާ އެސްޓީއޯ މެދުވެރިކޮށް އެތެރެކޮށް އެފަރާތް ތަކާއި ޙަވާލު ކުރެވިދާނެ. ބޭނުމަކީ ފައިސާ މެނޭޖް ކުރުމާއި ހެޔޮއަގުގައި ތަކެތި ހޯދަން ފުރުސަތު ފުޅާކުރުން.
އޮނަރަބްލް އަފީފު ދީދީ
30 November 2022
ޙިއްސާ ދާރުން އިތުރު ކުރުމަށް STO ގައި އޮތް ސަރުކާރު ޙިއްސާތަށް ބަހާލަން ސިވިލް ސާވިސްގައި 15 އަހަރު މަސައްކަތްކޮށް މަޤާމްގައި ދެކިތިބި ކޮންމެ މީހަކަށް، ޓްއަރިޒަމް ދާއިރާއާއި ޕަބްލިކް ކުންފުނިތަކުގައި ވަޒީފާގައިތިބެ ޕެންޝަން ސްކީމްގައި ބައިވެރިވެފައިތިބި ކޮންމެ ޟިހަކަށާއި ރެޖިސްޓްރީވެގެން މަހަށްދާ ކޮންމެ މަސްވެރިއަކަށް އަދި އުމުރުން 18 އަހަރުފުރި 65 އަހަރު ނުފުރޭ ކޮންމެ ދިވެއްސަކަށް ޙިއްސާއެއް ދިނުން ރަނގަޅު. އެހެންނޫނީ މަހުޖަނުން މިތަންގަނެލާނެ.
ޗާލީޗޮޕްލިން
30 November 2022
މާދަމާވެސްވާނެ 3 ސިޔާސީ މަގާމަށް މަގުމަތިން އެބޯޅޭމިބޯޅޭއަކު އައްޔަންކުރަން.
މީހާމީ
30 November 2022
މިހާރުވެސް ތިލަފުށީގައި ކުއްޔަށް ނަގާގެން 4 ތާންގި ތެޔޮ ރިޒާވް ގައި އެބަހުރި، ކޯސްޓްލައިން ގެ 4 ތާންގި،
ދަރަނި ދަންތުރަ
30 November 2022
ޓެކްސް ބޮޑުކުރުމަކީ ދުނިޔޭގެ ގައުމުތަކުގަ ވަރަށް އަންޕޮޕިއުލާ ކަމެއް. އާ ދައުރަކަށް ކުރިމަތިލާން އުޅޭ ރައީސްއަކު އިންތިހާބެއް ކުރިމަތީގަ އޮތްވާ ޓެކްސް ބޮޑު ކުރާނީ ގައުމުގެ އިގްތިސާދީ ހާލަތު ވަރަށްވެސް ގޯސްވީމަ.
ދަރަނި ދަންތުރަ
30 November 2022
ދަރަނި ދަންތުރައޭ ކިޔާފަ ވެރިކަމަށް އެރި މީހުން އެންމެ ދައުރެއްތެރޭ ދައުލަތުގެ ޖުމްލަ ދަރަނި ދެގުނަޔަށްވުރެވެސް ބޮޑުކޮށްފި. އެވެސް އެންމެ ފަރާތަކުން ދަރަނި ނަގައިގެން. އެހެންވީމަ ގައުމަށް ބޭރުން ވަންނަހާ ފައިސާއެއްހެން ދޭން ޖެހޭނީ އެމީހުންނަށް. ސޮވެރިން ފަންޑްވެސް ހުސްކޮށްލާފަ ހުރީ. ދަރަނި އަދާކުރަންށާ ބަޖެޓް ފޫބައްދަންވެސް ލޯނުގެ މައްޗަށް އިތުރު ލޯނު ނަގައިގެން މިވަގުތު އެހިފަހައްޓަނީ.
ބުރުގާ
30 November 2022
ސާބަހޭ އެމްޑީޕީ ސަރުކާރާ! ކަޑަބޮއްޖަހާފަ ރާއްޖެ މިދަނީ ލަންކާ ދިޔަ މަގުން. ރައްޔިތު މީހުން ނާށިގަނޑު އަތައްލާން ތައްޔާރުވޭ
އޮނަރަބްލް އަފީފު ދީދީ
30 November 2022
ތެލުގެ އަގުހެޔޮކުރުމަށާއި ރާއްޖެއަށްބޭނުންވާވަރަށް ތެޔޮރައްކާތެރިކޮށްފައި ބެހެއްޓުމަށްޓަކާ ކ.އަތޮޅު ފޮނަދޫގެއިތުރުން ރާއްޖޭގެއުތުރުން ހަނިމާދޫ އަދި ދެކުނުން އައްޑޫސިޓީގައި ޑީސެލް، ޕެޓްރޯލް، އެލްޕީޖީ އަދި ޖެޓްފިއުލް ރައްކާކުރެވޭ ސްޓޯރޭޖް ހަދާ އެތަންތަނުގައި 3 މަސްދުވަހަށް ބޭނުންވާ ތެޔޮރައްކާކުރެވޭގޮތްހަދާކަށް ނުވޭތަ. # އެއްފަހަރާ ގިނައަދަދެއްގެތެޔޮ ގެނައުމަކީ އުފުލުމުގެއަގު (Freight) ކުޑަވެގެންދާނެކަމެއްކަން އެސްޓީއޯގެ ވެރިންނަށްވެސް އިގޭނެ.
ކޮރަލް
30 November 2022
ރާއްޖޭގަ ރިޒާވް އެއް ނެތެވެ. އޮތީ 100 ބިލިއަން ގެ ދަރަނި އެވެ. ދެން ބޮޑު ލޯން އެއް ނަގާފަ ރިޒާވް އަށް ލީމަ މޫނުމަތި ރީތި ވާނެ އެވެ.
ތެލުގެ ވާހަކަ ނުދައްކާ، ބްރިޖް އަޅާފަ ބަހައްޓާ!
30 November 2022
މުޅި ދުނިޔޭގައި ތެލުގެ ވާހަކަ ދައްކާތާ 10 މަސްދުވަސް ވެއްޖެ. ވަރިހަމަތާ، ލޯނުގެ މައްޗައް ލޯނު ނަގައިގެން ދަރާ މިވިކެނީ. ދިވެހި ފައިސާ އަކީ އެއްވެސް އަގެއް ހުރިއެއްޗެއް ނޫން. ގައުމު ދަރަނި އަދާކުރަން މިޖެހެނީ ހަމަ ޑޮލަރުން. އެކަމު ދުވާލަކު ދެފަހަރު ހިނގާ އެއްޕޯޓަކާ ބްރިޖް އަޅަން؟