ވިޔަފާރި / މަސް އެކްސްޕޯޓް ކުރުމުގެ ވިޔަފާރި

އެންމެ ގިނަ ކަންނެލި ގަތުމާއި އެކްސްޕޯޓް ކުރުމުގެ ގައުމީ އެވޯޑް ބިގް ފިޝް އަށް

ރައީސުލްޖުމްހޫރިއްޔާ އިބްރާހިމް މުހައްމަދު ސޯލިހު (ކ). ބިގް ފިޝްގެ ސީއީއޯ ޝާފިން އަހުމަދަށް (ވ). އެވޯޑު ހަވާލު ކުރައްވަނީ. ބިގް ފިޝް އަކީ 2017 ވަނަ އަހަރު ފެށި ކުންފުންޏެއް. -- ފޮޓޯ: ބިގް ފިޝް

އައިޝަތު ޖަޒްލީ، މިހާރު

13 ޑިސެމްބަރ 2022 - 10:58

4 comments

އެންމެ ގިނަ ކަންނެލި ގަތުމާއި އެކްސްޕޯޓް ކުރުމުގެ އެވޯޑް ބިގް ފިޝް އަށް ލިބިއްޖެ އެވެ.

މި އަހަރުގެ މަސްވެރިންގެ ދުވަސް ފާހަގަކުރުމަށް ގދ. ފަރެސްމާތޮޑާގައި މިދިޔަ އާދިއްތަ ދުވަހުގެ ރޭ ބޭއްވި ޖަލްސާގައި އެ ކުންފުނީގެ ސީއީއޯ ޝާފިން އަހުމަދާ އެ އެވޯޑް ހަވާލު ކޮށްދެއްވީ ރައީސް އިބްރާހިމް މުހައްމަދު ސޯލިހެވެ.

It was an honour to receive the national award for exporting the largest volume of yellowfin tuna from Maldives in 2021 at the Fishermen's Day event last night. Thank you @ibusolih @DrHussainHassan @faya_i @ZahaWaheed @FishermensUnion @MoFMRAmv pic.twitter.com/azV5HCmBzg
— Big Fish Maldives (@BigfishMV) December 12, 2022

އެވޯޑު ލިބުން ފާހަގަ ކޮށް ބިގް ފިޝްއިން ކުރި ޓުވީޓު.

ބިގް ފިޝް އަކީ 2017 އަހަރުން ފެށިގެން މަސް ގަނެ، އެ ޕްރޮސެސް ކޮށް، އެކްސްޕޯޓް ކުރުމުގެ މަސައްކަތް ފުޅާދާއިރާއެއްގައި ކުރާ ކުންފުންޏެކެވެ. އެ ކުންފުނީގެ މައިގަނޑު ކަސްޓަމަރުންނަކީ ސަޝިމީ ގްރޭޑްގެ ތާޒާ އަދި ގަނޑުކުރި ކަނޑު މަހުގެ ބާވަތްތައް އެމެރިކާ އާއި އޭޝިއާ އަދި އީޔޫގެ ގައުމުތަކަށް ވިއްކާ ޑިސްޓްރިބިއުޓަރުންނާއި ޕްރޮސެސަރުންނާއި ރީޓެއިލަރުންނެވެ.

ބިގް ފިޝްގެ މައުލޫމާތު ހިމެނޭ ބުކްލެޓެއް ރައީސް އިބްރާހިމް މުހައްމަދު ސޯލިހު ބައްލަވާލައްވަނީ. -- ފޮޓޯ: ބިގް ފިޝް

ބިފް ފިޝްގެ ސީއީއޯ ޝާފިން ވިދާޅުވީ، އެ ކުންފުންޏަށް ލިބުނު ކާމިޔާބީ އަކީ ފާއިތުވި ފަސް އަހަރު މުވައްޒަފުންނާއި ކަންނެލީގެ މަސްވެރިން ކުރާ މީހުން ކޮށްފައިވާ ބުރަ މަސައްކަތުގެ ނަތީޖާ ކަމަށެވެ. އެ އެވޯޑަކީ ކުންފުންޏަށް ލިބުނު ބޮޑު ކާމިޔާބީއަކާއި ޝަރަފެއްގެ ގޮތުގައި އޭނާ ސިފަ ކުރެއްވި އެވެ.

"މި އެވޯޑުގެ ފަހަތުގައި ތިބީ ބިގް ފިޝްގެ މަސައްކަތްތެރި ޓީމާއި އަޅުގަނޑުމެންގެ ޕްރައިމަރީ ޕާޓްނަރުންގެ ގޮތުގައި މަސައްކަތް ކުރަމުންދާ ހީވާގި ކަންނެލި މަސްވެރިން. މިއީ އަޅުގަނޑުމެން ވަރަށް ފަހުރުވެރިވާ ކާމިޔާބީއެއް،" އޭނާ ވިދާޅުވި އެވެ.

މަސްވެރިންގެ ދުވަހުގެ މުނާސަބަތުގައި ގދ. ފަރެސްމާތޮޑގައި ކުރިއަށް ދިޔަ ހަރަކާތްތަކުގައި ބިގް ފިޝްއިން މަސްވެރިންނާ މައުލޫމާތު ހިއްސާކުރަނީ. -- ފޮޓޯ: ބިގް ފިޝް

ބިގް ފިޝްގެ ފެކްޓަރީ ހުންނަނީ ކ. ހިންމަފުށީގަ އެވެ.

ބިގް ފިޝްއިން ބުނިގޮތުގައި، އެ ކުންފުނި ފުޅާކޮށް، ކެޕޭސިޓީ އިތުރު ކުރުމުގެ ގޮތުން އެ ރަށުގައި އިތުރު ފެކްޓަރީއެއް ހެދުމުގެ ފަސް މިލިއަން ޑޮލަރުގެ ޕްރޮޖެކްޓެއް މިހާރު ވަނީ ފަށައިފަ އެވެ. އެއީ އެމެރިކާ އާއި އީޔޫގެ ގައުމުތަކުގައި ރީޓެއިލްކޮށް ވިއްކާ ކަނޑުމަހުގެ ބާވަތްތައް އުފެއްދުމަށް އަމާޒުކޮށް ހަދާ ފެކްޓަރީ އެކެވެ. އެ ޕްރޮޖެކްޓުގެ ސަބަބުން މަސްގަތުމަށް މިހާރަށް ވުރެ ބޮޑު އަގެއް ދިނުމަށް މަގު ފަހިވާނެ ކަމަށް ބުންޏެވެ.

ކަޅުބިލަ މަހުގެ އުފެއްދުންތައް ތައްޔާރު ކުރުމަށް ގދ. ތިނަދޫގައި 10 މިލިއަން ޑޮލަރުގެ ފެކްޓަރީއެއް އެޅުމުގެ ޕްރޮޖެކްޓެއް ވެސް އަންނަ އަހަރުގެ ކުރީ ކޮޅު ފެށުމަށް ހަމަޖެހިފައިވާ ކަމަށް ބިގް ފިޝް އިން ބުންޏެވެ.

މަސްވެރިކަން މަސްވެރިންގެ ދުވަސް މަސް އެކްސްޕޯޓް ކުރުމުގެ ވިޔަފާރި

4 ކޮމެންޓް, 0 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ކޮރަލް

13 December 2022

މަސް ވެރީން ބާނަ މަސް ފެކްޓާރީ ތަކުން ޕެކް ކޮށްދޭނަމަ ރިޓެއިލް ކޮށް މަސްވެރީންނަށް ވެސް އެކްސްޕޯޓް ކުރެވޭނެ އެވެ. ދުނިޔޭގެ އަނެއް ބިތުގަ އޮތް އެމެރިކާ އަށް މަސްބޭރު ކުރެވޭ އިރު ޗައިނާ ޑުބައި ފަދަ ގައުމު ތަކަށުގެ ބޮޑެތި ރެސްޓޯރަންޓް ތަކަށް މަސް ބޭރު ކުރަން ފަސޭހަ ވާނެއެވެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ގަސްވެރިޔާ

13 December 2022

އަމިއްލައަށް މަސް އެކްސްޕޯޓު ކުރެވޭ ފެންވަރުގެ މަސްވެރިންނަށް އަމިއްލައަށް ޕެކްވެސް ކުރެވެންޖެހޭނެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މަސްވރިޔާ

13 December 2022

މަސްވރިން މަހައްދަމުން މަސް ޔޫރަޕަށް ބޭރުކުރަމުން މަސް މާކެޓު ކުރަމުން މި ހުރިހާ ކަމެއް ނުކުރެވޭނެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ވަޅޯމާޓު

14 December 2022

މަސްބާނަނީ ދިވެހިން އެކަންޏެއް ނޫން. އަރަބިގައުމުތަކުގަ ވެސް އަދި އެނޫން ބައިވަރު ގައުމުތަކުގަވެސް ކަނޑުމަސް ބާނާ. ކޮމްޕެޓިޝަން އޮންނާނެ ކޮންމެތާކުވެސް. ފަސޭހައެއްނުވާނެ އެކްސްޕޯޓުކުރާކަށް ބޭނުން އަގަކު.