ވެންޓިލޭޓަރު މައްސަލާގައި ހެލްތު މިނިސްޓަރު އަބްދުﷲ އަމީނާއި އޭނާގެ މުވައްޒަފުން ރައްޔިތުންގެ މަޖިލީހުގެ މާލިއްޔަތު ކޮމިޓީން ސުވާލު ކުރަނީ. --ފޮޓޯ: ނިޝާން އަލީ/މިހާރު
20 ޑިސެމްބަރ 2022 - 14:50
14 comments
ކޮވިޑާ ގުޅިގެން ވެންޓިލޭޓަރުތަކެއް ގެންނަން ދުބާއީ ކުންފުންޏަކާ ހަވާލުކޮށް، އޭ ނުލިބުނު މައްސަލާގައި ތިން މީހެއްގެ މައްޗަށް ދައުވާ ކޮށްދިނުމަށް އެދި އޭސީސީން ޕްރޮސިކިއުޓާ ޖެނެރަލްގެ އޮފީހަށް ފޮނުވައިފި އެވެ.
އެ މައްސަލައިގައި ދައުވާ ކޮށްދިނުމަށް އެދި ޕީޖީ އޮފީހަށް ފޮނުވީ ހެލްތު މިނިސްޓްރީގެ ކުރީގެ ނައިބު ސ. ފޭދޫ ޕިންކް ހައުސް ޝިޔާމާ މުހައްމަދާއި އެ މިނިސްޓްރީގެ ކުރީގެ ޑިރެކްޓަރު ތ. ކިނބިދޫ ބޯގަންވިލާ، އަހުމަދު އަސްލަމްގެ އިތުރުން އެ މިނިސްޓްރީގެ ކުރީގެ ލީގަލް އޮފިސަރު ލ. ގަން، ފެއަރީގާޑެން އަލީ ޝިހާމްގެ މައްޗަށެވެ.
އެ މީހުންގެ މައްޗަށް ވެސް ކުރުމަށް ކޮށްދިނުމަށް އެދުނީ ކޮރަޕްޝަން ހުއްޓުވުމާއި މަނާކުރުމުގެ ގާނޫނުގެ ދަށުން، ދައުލަތަށް ފައިދާއެއް ލިބެން އޮތްކަމެއްގައި އެ ނޫން ގޮތަކަށް އަމަލުކުރުމުގެ ކުށުގެ ދައުވާ އެވެ.
އެ މައްސަލައިގައި ދައުލަތަށް ގެއްލުނު 31,052,025ރ. އަނބުރާ ހޯދުމަށް ވެސް އޭސީސީން އެދުނެވެ.
ކޮވިޑް-19 ގެ ފަރުވާ އަށް ވެންޓިލޭޓަރު ހޯދަން، މާލީ އަދި ފަންނީ ގާބިލް ކަމެއް ނެތް ދުބާއީގެ ކުންފުންޏެއް ހޮވުމުގައި މާލިއްޔަތު ގަވާއިދާ ހިލާފުވެ ދައުލަތަށް ގެއްލުން ލިބޭ ގޮތަށް އަމަލުކޮށްފައިވާ ކަން ފަޅާއެރީ، އޮޑިޓަ ޖެނެރަލް ނެރުއްވި ހާއްސަ އޮޑިޓުންނެވެ.
މައްސަލަ ފެންމަތިވުމާ އެކު، އެކަމުގައި ހެލްތު މިނިސްޓްރީގެ ބިޑް ކޮމިޓީ އާއި އެ މިނިސްޓްރީގެ ފައިނޭންޝަލް އެގްޒެކެޓިވްސް އަދި ވެންޓިލޭޓަރުތައް ގެނައުމާ ގުޅޭ އެއްބަސްވުންތަކުގައި ސޮއިކުރެއްވި ވެރިން މަގާމުން އެކަހެރި ކުރީ މިދިޔަ އަހަރު އޯގަސްޓް މަހުގެ ތެރޭގަ އެވެ.
މުސާރަ އާއި އިނާޔަތް ލިބޭ ގޮތަށް އެ ބޭފުޅުން ސަސްޕެންޑްކޮށްފައިވާތާ އަށް މަސް ވެފައިވަނިކޮށް ނިޝާމާ އާއި ޝިޔާމާ މަގާމުން ވަނީ ވަކިކޮށްފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ފަހުމީބެ
21 December 2022
ތިޔަވަރު ކަމެއް ތިލެވަލް ބަޔަކަށް ނުކުރެވޭނެ
ކީނާ
20 December 2022
އަލީ ޝިހާމް މިހާރުވެސް އުޅޭ. ކުރީގެ ލީގަލްއޭ ކީއްވެ އެއޮތީ
އިޙްސާސް..
20 December 2022
އެންމެ ބޮޑެތި ބޮޑުން ސަލާމަތް ކުރެއްވީތޯ؟
ބޮޑުހުސޭނު
20 December 2022
ތިބެރިންގެނަމުގަނެތަސް ގާތްބައެއްގެނަމުގަ ދުބާއީގަވެސް ބޯހިޔާވަހިކަންހުރިތޯވެސް ބަލަންވާނެ
ކަތިބުރުމާ
21 December 2022
ތިމީހުން އިރު އިރު ކޮޅާ ޑުބާއީއަށް ދޭ....
ސާޒު
20 December 2022
ކޮބާ އަމީންސޯ؟؟
ޢަފްރާސިޔާބު
20 December 2022
ހެލްތު މިނިސްޓްރީގެ މާލީ ޒިންމާދާރު ވެރިޔަކަށް ހުރިމީހާއަކީ ފިނޭންސްގެ ފައިނޭންޝަލް ކޮންޓްރޯލަރއާއި ފިނޭންސް މިނިސްޓަރު އަންގަވާގޮތަށް އެއިރު މަސައްކަތް ކުރާގޮތަށް ހުންނަ މީހެއް. ފަހުން ހުރި މާލީ ޒިންމާދާރުވެރިޔާގެ ބޯހަރުކަމުން ބައެއްފަރާތްތަކަށް އަދިވެސް ފައިސާ ނުދައްކާކަމަށްވަނީ މާލިއްޔަތުގެ ގަވާއިދާ ޚިލާފޭ ކިޔާފައި.
އައްޑާ
20 December 2022
އިންނާ ލިއްލާހި ވައިންނާ އިލައިހި ރާޖިއޫން!
ނަގުލާ
20 December 2022
އާދައިގެ މުވައްޒަފުން ހަނާ ކޮށްލާފަ މަތިފަޑި ހެވިލާފަ.. އަންދާ ޤާނޫން
އޮނަރަބްލް އަފީފު ދީދީ
20 December 2022
ޤއ އިން ރައީސުލް ޖުމްހުރީއްޔާގެމައްޗަށް ދީފައިވާބާރުތައްދޫކޮށް ޕެންޑަމިކްތެރޭގައި އެބާރުތައް HPA ގެ ޑައިރެކްޓަރ ޖެނެރަލްއަކަށް ހުންނެވިމީހާއާއި ޙަވާލުކުރުމުގެ ސަބަބުންނޫންތޯ ތިކަންކަންތިގޮތަށް ހިގާންމެދުވެރިވީ. އެހެންވީމާ އޭނާގެމައްޗަށްވެސް އިހްމާލުވުމާއި ޤއ އާއި ހިލާފުވުމުގެ ދައުވާކުރަންވާނެ. # އަދި ދައުލަތުގެމާލު ޙަވާލުވެފައިވާ ފިނޭންސް މިނިސްޓަރާއި ޤއ ގެދަށުން އުފައްދާފައިވާ ފައިނޭންޝަލް ކޮންޓްރޯލަރ ގެ މަޤާމްގައިހުރިމީހާވެސް ޒިންމާވާންޖެހޭނެ.
ވަހީދުބެ
20 December 2022
ޖީއެމްއާރަށް އެއަރޕޯޓުދިން މައްސަލަ ތަހުގީގު ވެސް ނުކުރެވުނު. އެއިރުގެ ޓޫރިޒަމް މިނިސްޓަރު ޒުލްފާ ވިދާޅުވެފައި އެބައޮތް އެކަމުގައި 73 މިލިޔަން ޑޮލަރު ނަގާފައިވާކަމަށް.