ސޯލާ ޕެނަލް ހަރުކުރަން ބައެއް ގަޑިތަކުގައި ހައިވޭގެ ލޭނެއް ބަންދުކުރަނީ

ލިންކު ރޯޑުގައި ސޯލާ ޕެނަލް ހަރުކުރުމުގެ މަސައްކަތް ކުރިއަށް ދަނީ: އެ މަސައްކަތަށް ލިންކް ރޯޑުގެ ލޭނެއް ބައެއް ގަޑިތަކުގައި ބަންދުކުރަން ވަނީ ނިންމައިފައި -- ފޮޓޯ: ނިޝާން އަލީ | މިހާރު

އިފްރާޒް އަލީ، މިހާރު

22 ޑިސެމްބަރ 2022 - 10:15

20 comments

ސިނަމާލެ ބްރިޖުން ހުޅުލެ އާއި ހުޅުމާލެ ގުޅުވައިދޭ ލިންކު ރޯޑުގައި ސޯލާ ޕެނަލް ހަރުކުރުމުގެ މަސައްކަތް ކުރުމަށް ބައެއް ގަޑިތަކުގައި އެ މަގުގެ އެއް ލޭން ބަންދުކުރަން ނިންމާފައިވާ ކަމަށް ތިމާވެއްޓާ ބެހޭ މިނިސްޓްރީން މިއަދު ބުނެފި އެވެ.

އެ މިނިސްޓްރީން ނެރުނު ނޫސްބަޔާނެއްގައި ބުނީ މާލެ-ހުޅުމާލެ ލިންކް ރޯޑުގެ މޫދާވީ ފަޅީގައި ސޯލާ ޕެނަލްގެ ސްޓްރަކްޗާ ހަރުކުރުމުގެ މަސައްކަތް ކުރުމަށް، އެ މަގުން ހުޅުމާލެ އިން މާލެ ދަތުރުކުރާ ފަޅީގެ އެއް ލޭނު ކަނޑައެޅިފައިވާ ވަކި ގަޑިތަކެއްގައި ބަންދުކުރާ ގޮތަށް ހަމަޖެހިފައިވާ ކަމަށެވެ.

އެ ލޭން ބަންދުކުރަން ހަމަޖެހިފައި ވަނީ ހުކުރު ދުވަސް ފިޔަވައި ކޮންމެ ދުވަހެއްގެ ވެސް ދުވާލުގެ ވަކި ވަގުތުތަކެއްގަ އެވެ. އެއީ:

• ހެނދުނު: 9:30 އިން 11:30 އަށް

• މެންދުރު: 1:30 އިން 4:30 އަށް

މިނިސްޓްރީން ބުނިގޮތުގައި އެ މަސައްކަތް ފަށާނީ އަންނަ އާދިއްތަ ދުވަހު އެވެ. މަސައްކަތް ނިންމާލެވޭނެ ކަމަށް ބެލެވެނީ އަންނަ އަހަރުގެ ފެބްރުއަރީ ފަހެއްގަ އެވެ.

"މަގު ބަންދުކުރުމުގެ ތަރުތީބު އަދި ގަޑިތަށް ކަނޑައެޅިފައި ވަނީ ކަމާގުޅޭ އެންމެ ހައި ސަރުކާރުގެ އިދާރާތަކާ މަޝްވަރާކުރުމަށް ފަހު އެވެ. އަދި މި ގަޑިތަކުގައި ލިންކް ރޯޑްގައި އެއްގަމު އުޅަނދު ދުއްވާ ފަރާތްތަކުން ސަމާލުކަން ދިނުމަށް މިކަމާ ގުޅޭ އެއްމެހައި އިދާރާތަކުން އިލްތިމާސްކުރެ އެވެ،" ބަޔާނުގައިވެ އެވެ.

Solar panel harukuran fashaifi, 20 million rufiyaa ge theyo haradhu salaamaiy vaane

The most trusted news source in the Maldives

Mihaaru

މިއީ ވޯލްޑް ބޭންކްގެ އެހީގައި ތިމާވެއްޓާ ބެހޭ މިނިސްޓްރީން ހިންގާ އެކްސެލެރޭޓިން ސަސްޓެއިންބަލް ޕްރައިވެޓް އިންވެސްޓްމަންޓް އިން ރިނިއުވަލް އެނާޖީ (އެސްޕަޔަ) ޕްރޮޖެކްޓުގެ ބައެކެވެ. އެ ޕްރޮޖެކްޓުގެ ދަށުން ލިންކް ރޯޑުގައި 5.6 މެގަވޮޓްގެ ސޯލާ ހަކަތައިގެ ނިޒާމު ގާއިމުކުރަނީ ތައިލެންޑުގެ އެންސިސް ކޯ ލިމިޓެޑް ކުންފުންޏާ ހަވާލުކޮށްގެންނެވެ.

ރާއްޖޭގައި ސޯލާ ހަކަތައިގެ ނިޒާމުގެ މި ވަރުގެ ބޮޑު ޕްރޮޖެކްޓެއް ހިންގާ މިއީ ފުރަތަމަ ފަހަރެވެ. އޭގެ ސަބަބުން ސަރުކާރުން ތެލަށް ކުރާ ހަރަދު ބޮޑުތަނުން ކުޑަވާނެ އެވެ.

އެންވަޔަރްމެންޓް މިނިސްޓްރީ އަވިން ހަކަތަ އުފެއްދުމުގެ މަޝްރޫއު ސޯލާ ޕެނަލް ސިނަމާލެ ބްރިޖު

20 ކޮމެންޓް, 14 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

LaamuonlineDOTcom

22 December 2022

ތަންތަނުގައި ސޯލާޕެނަލްތައް އަޅައިގެން ރައްޔިތުންނަށް ނުވަތަ ސަރުކާރަށް ލިބޭ ފައިދާއެއް ހަމަގައިމުވެސް އަޅުގަނޑަކަށް ނުވިސްނޭ، މިހެން ބުނެވޭ ސަބަބަކީ، ސުޓެލްކޯއަށް ސަބުސިޑީދޭވަރުން ދެނީ، އިހަކަށްދުވަހުވެސް ޝަރީފު އަރާ މިކިޔަނީ ސަރުކާރުގެ ހެޔޮފުޅުކަމުން ސަބުސިޑީ ދޭތީއޭ 24 ގަޑިއިރު ކަރަންޑު މިދެވެނީ، މީހަކު އަޅެ ހީހީ ހަލާކުވެދާނުން، ދެން ތިޔަ ޕެނަލްތަކެއް އެޅިޔަސް ނޭޅިޔަސް ބިލް ހަމަ ސޭމް، ބިލުކުރާރޭޓު ހަމައެއްވަރެއް، ފައިދާވަނީ ސުޓެލްކޯއަށް އެކަނި

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ދަބަރު

22 December 2022

މިހިރަ ދަގަނޑު ހޮޅިތަކަަށް ލޮނުގެ އަސަރުކޮށްގެން ދަބަރަށްވެގެން މި ހޮޅިތައް ވެއްޓެން ކިހާދުވަހެއް ނަގާނެބާ. މިހެން މިބުނީ ޖަހާފައި ހުރި ހޮޅިދަނޑިތައް ހުރި ހާލު ފެނިފައި. އެވެސް އެހުރީ ދަބަރަށްވެފައި.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބަޑިތަކުރު

22 December 2022

ތިޔަކަން ކުރެވޭބިންއޮތްތަނުގެ ގޮތުން މާގިނަ ބޭނުމެއް ނުހިފިދާނެ ތަނަކަށްވާއިރު، ތިޔަފަދަ ކަމެއް އެބިމުގައި ކުރުމަކީ ވަރަށް ބޭނުންތެރިކަމެއް. އެކަމަކު އެތަނަކީ ވަރަށްބޮޑަށް ލޮނުގެ އަސަރުކުރާނެ ގަދައަށް ވައިޖެހޭނެ ތަނަކަށްވުމުގެ އިތުރަށް އާންމުކޮށް ނުރައްކާތެރި އެކްސިޑެންޓްތައް ހިނގާތަނަށްވާއިރު މިކަންކަމުން އެތައް މިލިޔަން ރުފިޔާއެއް ޚަރަދުކޮށްގެން ތިޔަ ކުރެވޭ އިންވެސްޓްމަންޓް ސަލާމަތްކުރެވޭނެ ގޮތަކަށް ވިސްނާފައިވާނެކަމަށް އުންމީދުކުރަން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޝާނީން

22 December 2022

މުޅި އެމަގާ ބުރިޖްގަ އެކީ ޕެނަލް ހަރުކުރީމަ މާގިނަ ސޯލާ ޕެނަލް ހަރުކުރެވޭނެ. ދެން ހުޅުމާލެއަށް ފެރީގަ ދާނީ. ދެން ބުނަން ޖެހެނީ ޝައުނާ މެންގެ ސިނކުޑީގެ ފެންވަރު މިއޮތް ފެންނަނީއޭ..އެހިސާބުގެ ރީތިކަން ނުގެއްލޭ ގޮތަށް ތިކަން ކުރަނެ ނޭގުނުވިއްޔާ.. ބޯހަލާކު

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮހެއް ވެރިކަމުގަ

22 December 2022

ބްރިޖެއް ނޭޅުނުތާ އަނެއް މީހާ އަޅާފަ ހުރިތަންވެސް ހަލާކު ކޮށްލާ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ފޫހި

22 December 2022

ތިޔަތާގެ ބިން އެއްކޮށް ގެއްލިދިޔައީ. މެދުގައި ފަލަ ދަނގަޑު ޖަހާފަ މަތީގައި ފުރާޅެއްގެ ގޮތަށް ޕެނެލް ހަރުކުރިނަމަ ފުލުހުންނަށް އަދި އެހެން ބޭނުމަކުވެސް ބިން ބޭނުންކުރެވުނީސް. ބިމަކީ ހަމަ ފައިސާ މިހާރު ތިޔަ ހެދިގޮތުން ބިމުގެ އެއްވެސް ބޭނުމެއްނުކުރެވޭނެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބަޑިތަކުރު

22 December 2022

އެބުނަނީ ތެޔޮ އަންދާ މިންވަރު މަދުކުރުމަށް ސޯލާއިން ކަރަންޓް އުފައްދާނެ ތަނެއް ހަދާވާހަކައެވެ. އެއީ ދެފަރާތުން ކެނޑިނޭޅި ބާރު ސްޕީޑްގައި އެއްޗެހި ދުއްވާތަނެއްގައިއޮތް ހަނިހަނި ބިންކޮޅެއް އެއަށްވުރެ ވަކި ރަނގަޅަށް ބޭނުންކުރެވިދާނެ ބާވައެވެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ގުދުދުދާބެއްޔާ

22 December 2022

ބުރާންތިވެފަ ތިބި ބައެއް! އެއޮއްބޮޑު ތަން ބޭކާރު ކޮއްލީ! އެތަނުގައި ކުދި ފިހާރަ ފަތި ހަދާ އެތަނުގެ ފުރާޅުގައި ތިޔަ ސޯލާ ޕެނަލް ހަރުކުރިނަމަ! އޭރުން ވާރޭ ވެހޭ ވަގުތު އެތަނުގެ ހިޔާވެސް މީހުންނަށް ލިބުނީސް!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ފޮޑިބެ

22 December 2022

އަޅެ މީހަކު ހައިރާނެއް ނުވާނެތަ؟ ކޮންމެ ފަދަ ވާހަކައެއްވެސް ހަމަ އޯކޭ ދެއްތޯ. ތިތާ ސޯލަރ ޕީވީ ޖަހަން ކަމުނުދާނަމަ ފިހާރަ ބަރިއެއް އަޅަން އޯކޭވީ ކިހިނެތް؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ފިދަނަ ފެމިލީ

22 December 2022

ދަނޑިފަނުން އަޅާ ގެއެއްހެން ހީވަނީ. ތި ވައިގަދަ ދުވަހެއްގަ ނަގާ އެއްލާނުލާނެތަ؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކުދުބެއްޔާ

22 December 2022

ތިކަމާމެދު މަވެސް މިހުރީ ޝައްކެއްގެ މަތީގާ!!!! ދުއްވާފަދާ ބައެއްގެ ގައިމައްޗަށް އެއްލާ ނުލައިފިއްޔާ ނަސީބު.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ފިދަނާ

22 December 2022

ހީވާ ގޮތަށް ވާހަކަ ނުދައްކަބަލަ. ރިސާޗްކޮށްބަލަ ނިކަން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ނޭފަތުކުރި އަށްވިސްނާ ރާއްޖެ.

22 December 2022

ތިޔަ ސޯލާ ޕެނަލްތައް ޖެހުމާއިއެކީ ނަގަން ޖެހޭނެ، ނޯރތު ސެންޓަރ ވޯޓަރ ރަންވޭ އެޕްރޯޗް ޕާރތު މަތީހަރުކުރުމުން ޕެނަލް ތަކުގެ ދަޅަ(ގްލެއަރ) އެޅުމުގެސަބަބުން މެންދުރުގެ ގިނަ ވަގުތު ނޯތު ރަންވޭސް ތައް ބޭނުން ނުކުރެވޭނެ، މީގެސަބަބުން ސީޕްލޭން އޮޕަރޭސަން އަށް ބުރޫއެރުން އެކަށިގެންވޭ،

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހަސަން ބޭ

22 December 2022

ވަރަށް ގިނަ މީހުން ބުނޭ، ވައިގަދަ ދުވަހެއެގައި ތިޔަ ޕެނަލްތައް ނުހުންނާނޭ!، ވިސްނުމެއްނެތި ކޮށްފިކަމަކުން ފަހުން އެކަމުގެ ގެއެލުން ކުރިމަތިލާން ޖެހޭނެ!