މާލެ-ހުޅުމާލެ ހައިވޭގައި ހަރުކުރާ ސޯލާ ޕެނަލްތަކުން އަންނަ މަހު ކަރަންޓު އުފައްދަން ފަށަނީ

މިނިސްޓްރީން ބުނި ގޮތުގައި މި ޕްރޮޖެކްޓުގެ 70 ޕަސެންޓް މަސައްކަތް މިހާރު އޮތީ ނިމިފައި.

މާލެ-ހުޅުމާލެ ހައިވޭގައި ސޯލާ ޕެނަލް ހަރުކުރުމުގެ މަސައްކަތް މިނިސްޓަރު ޝައުނާ އާއި ވޯލްޑް ބެންކުގެ ބޭފުޅުން ފައްޓަވައިދެއްވަނީ: މި ސޯލާ ޕެނަލްތަކުން ކަރަންޓު އުފައްދަން އަންނަ މަހު ފަށާނެ.-- ފޮޓޯ: ނިޝާން އަލީ | މިހާރު

އިފްރާޒް އަލީ، މިހާރު

02 ޖުލައި 2023 - 14:25

26 comments

މާލެ-ހުޅުމާލެ ހައިވޭގައި މިހާރު ހަރުކުރަމުން އަންނަ ސޯލާ ޕެނަލްތަކުން އަންނަ މަހު ކަރަންޓު އުފައްދަން ފަށާނެ ކަމަށް ތިމާވެއްޓާ ބެހޭ މިނިސްޓްރީން މިއަދު ބުނެފި އެވެ.

ވޯލްޑް ބޭންކުގެ އެހީގައި ތިމާވެއްޓާ ބެހޭ މިނިސްޓްރީން ހިންގާ "އެކްސެލެރޭޓިންގް ސަސްޓެއިންބަލް ޕްރައިވެޓް އިންވެސްޓްމަންޓް އިން ރިނިއުވަބަލް އެނާޖީ (އެސްޕަޔާ)" ޕްރޮޖެކްޓުގެ ދަށުން މާލެ-ހުޅުމާލެ ލިންކް ރޯޑުގައި ހަދަމުން އަންނަ ސޯލާ ހަކަތައިގެ ނިޒާމުގެ ސްޓަރަކްޗާގައި ސޯލާ ޕެނަލްތައް ހަރުކުރަން ފެށީ މިދިޔަ މެއި މަހު އެވެ.

މާލެ-ހުޅުމާލެ ހައިވޭގައި ސޯލާ ޕެނަލްތައް ހަރުކުރުމުގެ މަސައްކަތް ކުރަނީ: މި މަސައްކަތް ކުރަނީ ތައިލެންޑުގެ އެންސިސް ކޯ ލިމިޓެޑުން.-- ފޮޓޯ: ނިޝާން އަލީ | މިހާރު

މިނިސްޓްރީން ދިން މައުލޫމާތުގައިވާ ގޮތުގައި، ސޯލާ ޕެނަލްތައް ހަރުކުރުމުގެ މަސައްކަތުގެ ބޮޑު ބައެއް މި މަހު ނިންމާލެވޭނެ އެވެ. އަދި ސޯލާ ހަކަތައިގެ ނިޒާމު ސްޓެލްކޯގެ ގްރިޑަށް ގުޅައި، ސޯލާ ހަކަތައިން ކަރަންޓް އުފައްދަން އަންނަ މަހުގެ ތެރޭގައި ފަށާނެ އެވެ.

"މި މަޝްރޫއުގެ ދަށުން އުފައްދާ ކަރަންޓް ގުޅާނީ ސްޓެލްކޯގެ މެއިން ގްރިޑަށް. މި މަޝްރޫއުގެ މަސައްކަތް ނިމި ސްޓެލްކޯގެ ގްރިޑަށް ގުޅުމުން ސްޓެލްކޯ އިން ޑީސެލް ބޭނުންކޮށްގެން އުފައްދާ ހަކަތައިގެ މިންވަރު ދަށްވެ ތެލަށް ކުރާ ހޭދަކުޑަކުރެވޭނެ. އަދި ދައުލަތުން ތެލުގެ ސަބްސިޑީ އަށް ހޭދަކުރާ މިންވަރު ވެސް ކުޑަކުރެވޭނެ،" މިނިސްޓްރީން ބުންޏެވެ.

މާލެ-ހުޅުމާލެ ހައިވޭގެ ސޯލާ އެނާޖީ ޕްރޮޖެކްޓުން ކުރާނެ ފައިދާގެ ތަފުސީލު | މައުލޫމާތު: އެންވަޔަރަމަންޓް މިނިސްޓްރީ

މިނިސްޓްރީން ބުނީ އެ ޕްރޮޖެކްޓްގެ ދަށުން މިހާރު ކުރަމުން އަންނަ މަސައްކަތަކީ ހައިވޭގެ މޫދާވީ ފަޅި އާއި ހުޅުމާލޭ ބޯށިމާހިނގުމުގައި (ސީޕްލޭން ސަރަހައްދުގައި) ސްޓީލް ސްޓްރަކްޗާ ހަރުކުރުމުގެ މަސައްކަތް ކަމަށެވެ. އަދި ހައިވޭގެ މެދުގައި އޮންނަ ސަރަހައްދުގައި ސޯލާ ޕެނަލްތައް ހަރުކުރުމުގެ މަސައްކަތް ވެސް މިހާރު ކުރަމުން އަންނަ ކަމަށް މިނިސްޓްރީން ބުންޏެވެ.

މި ޕްރޮޖެކްޓުގެ މަސައްކަތުގެ 70 ޕަސެންޓް މިހާރު ނިމިފައިވާ ކަމަށް ވެސް މިނިސްޓްރީން ބުންޏެވެ.

ސިނަމާލެ ބްރިޖުން މާލެ، ހުޅުލެ އަދި ހުޅުމާލެ ގުޅުވައިދޭ ލިންކު ރޯޑުގައި ނުވަތަ ހައިވޭގައި 5.6 މެގަވޮޓްގެ ސޯލާ ހަކަތައިގެ ނިޒާމު ގާއިމުކުރަނީ ތައިލެންޑުގެ އެންސިސް ކޯ ލިމިޓެޑް ކުންފުންޏާ ހަވާލުކޮށްގެންނެވެ. އެ ކުންފުންޏާ މި މަސައްކަތް ހަވާލުކުރީ ނޮވެމްބަރު 2020 ގަ އެވެ. އަދި އަމަލީ މަސައްކަތް ފެށީ މިދިޔަ އަހަރު ޑިސެމްބަރުގަ އެވެ.

Solar panel harukuran fashaifi, 20 million rufiyaa ge theyo haradhu salaamaiy vaane

The most trusted news source in the Maldives

Mihaaru

ރާއްޖޭގައި ސޯލާ ހަކަތައިގެ ނިޒާމުގެ މި ވަރުގެ ބޮޑު ޕްރޮޖެކްޓެއް ހިންގާ މިއީ ފުރަތަމަ ފަހަރެވެ. މި ޕްރޮޖެކްޓުގެ ސަބަބުން ސަރުކާރުން ތެލަށް ކުރާ ހަރަދު ބޮޑުތަނުން ކުޑަވާނެ އެވެ.

ކަރަންޓު ސޯލާ ޕަވާ އެންވަޔަރްމެންޓް މިނިސްޓްރީ އަވިން ހަކަތަ އުފެއްދުމުގެ މަޝްރޫއު ސޯލާ ޕެނަލް

26 ކޮމެންޓް, 10 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ގުދުގުދާބެއްޔާ

04 July 2023

ލޮނުވިއްސަާ އޭރިޔާގައި ހަރުކުރި ސޯލާ ޕެނަލްތަކުގެ އުމުރަކީ ގިނަވެގެން 1 އަހަރުދުވަސް! ތިޔަ ޕެނަލްތަކުގެ މައްޗައް ލޮނުބުރާ ފުސްވެ ކަރަންޓް އުފެއްދޭ މިންވަރު %10 ވަރުވާނެ! ކިހިނެތް ތިޔަ ޕެނަލްތައް ދޮންނާނީ! ރައްޔިތުންގެ ފައިސާއިން ބިލިޔަން ޚަރަދުކޮއްގެން މިކުރަނީ ފޫނެތްފަޔަށް ފެން ފުރުން!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޢަހްސަން ފަރީދު

02 July 2023

200މިލިއަން ލިޓާރ އަހަރަކު މުޅި ރާއްޖޭއަށް ބޭނުންވޭ އިންޑަސްޓްރިއަލް ވިލެޖް ތައް ނުލާ. 2މިލިއަން ލީޓާރ އުނިވާ ވަރަށް ސޯލާ ހަކަތަ އުފެއްދުނީމާ އެއީ ރާއްޖެއަށް ބޭނުންވާ ހަކާތައިގެ1% މިސޯލާ ގްރިޑް ބިންމަތީ ކިތައްމަސް ދުވަހު ކޮޅަށް ހުރެދާނެތޯ ދެފަރާތުން ލޮނުތާޅާ ހިސަބު؟ ސޯލާ ޕީވީ އެފިޝިއެންސީ އެވެރެޖް 20-15%ގަ އުޅޭ އިރު ލޮނުތާޅާ ވަރުން 100މިލިއަން ލީޓަރ ސަލާމަށްވާ ވަރަށްވެސް ކަރަންޓް ނުއުފެއްދޭނެ ހެންހީވަނީ.. އެއްމެ ރަންގަޅޫ ލޮކޭޝަނެއް ނޫން..

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

GanevihkaaDOTcom

02 July 2023

ސޯލާޕެލަންތަކުން ކަރަންޓު އުފެއްދުމަކުން ރައްޔިތުންނަށް ކުރާ ފައިދާއެއްނެތް، ދައުލަތުން ތެލުގެ ސަބްސިޑީ އަށް ހޭދަކުރާވަރު ދަށްކުރެވޭނެކަމަށް މިވަނީ!! ކަރަންޓުބިލު ކުޑައެއްނުވޭ، ރައްޔިތުންގެ ބިންތަކުގަ ސޯލާޕެނަލް އަޅައިގެން ސަރުކާރުން ސަރުކާރުގެ ފައިދާއަށް ކުރާ އިންވެސްޓުމަންޓެއްމީ!! ދެން ކާބަންޑާއޮކުސައިޑުގެ ވާހަކައަކީ އޮޅުވާލަންދަށްކާ ވާހަކައެއް، ރާއްޖެއިން CO2 ބޭރުކުރިޔަސް ނުކުރިޔަސް ކުރާނެ ފައިދާއެއްނެތް، ބޮޑެތިގައުމުތަކުން ކުރާވަރުންކުރަނީ،

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބޮޑުމީހާ

02 July 2023

ތި ސޯލާ ހަރުކުރަންވެސް މިގައުމުން ހިކިފަސްތަނަކަށް ފެނުނީ އެންމެ ކާރުބާރުބޮޑު ހައިވޭ. އެހެން ރަށެއްގައި ތިޖެހިނަމަވެސް 20 މިލިއަން ސަލާމަތްކުރެވޭނީ ދައުލަތުން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކައްޕިތާނު

02 July 2023

އަހަރެއްހާ ދުވަސްފަހުން ބޮޑު ދަބަރު ގުޅަައެއް ހެން ފެންނާނެ ތަނެއްތީ. ސޭވް މައި ޓްވީޓް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހުނިބެ

02 July 2023

ހަކަތައިގެ ދވެހި މާފިއާތަކުގެ ވާހަކަ އާއްމުކޮށް ނޫސްތަކުގާ ލިޔަން ކެރޭނެތޯއެވެ. އެއާއިއެކު ޕާލޭގެ ނާޖާއިޒު ނުފޫޒާ، މެޑެމްގެ އާއިލާގެ ބައެއް މެންބަރުން ސަރުކާރު ތެރެއިން ތިމާވެށީގެ ނަމުގާ އަމިއްލައަށް ކަންކަން ފަހިކޮށްގެން ކުރާ ވިޔަފާރިތަކުގެ ވާހަކަ ލިޔަން ނުކުރެނީ ކީއްވެ؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

‫އަދުރޭ

02 July 2023

‫ތިޔައީ ހޮޅިކަމެއް.. ސޯލާރ ޕެނަލްތައް އިތުރުވަނީ ހެސްކިޔާފަ, ކަރަންޓް ބިލްތައް ފަތުއަޑު ކިޔާފަ ވަނީ ބޮޑު.. ސްކީމަކުން ތިޔާގެ ޕެނަލްތައް ގަނެގެން ހަރުކުރިޔަސް އުމުރު ހުސްވާއިރުވެސް ސަލާމަތްނުވޭ..

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އައްޑޫކޮއްޔާ

02 July 2023

މިގެ ހުންނަނީ ގުރިޑަށް ގުޅާފަ ސޯލާޕެނެލް ހަރުކޮށްފަ. ކަރަންޓް ބިލް ގަ އޮންނަނީ 0.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ވަން

02 July 2023

މިރާއްޖޭގަ ހައިވޭ އެއް ނޯވެ. ލޮލް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ތިމާވެށި

02 July 2023

ކުންފުންޔަށް ލުޔެއް ލިބޭ އިރަށް އެތެރޭގެ ހަރަދު ތައް ބޮޑޫ ކޮށްލާނެ އެވެ. އަބަދުވެސް އުޅޭ ނީ އަވަހަށް ބަޖެޓް ހުސް ކޮށް ނުލެވިގެންނެވެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހީހީ ސުލީހް

02 July 2023

ބޮލެއހުރިމީހަކު ތިޔަތާކު ސޯލާއެއް ހަރެއްނުކުރާނެ. ފުރަތަމަކަމަކަށް ތިމަގުގެ ރީތިކަން ގެއްލިއްޖެ. ދެވަނަކަމަކަށް ތީގެން ތިބުނާހާ ހަކަތައެއް ނުއުފެއްދޭނެ. 2-1 އަހަރުވާއިރު ދަބަރައްވެ ހުސްވާނެ.