ޚަބަރު / ކްރިމިނަލް ކޯޓް

ކުޑަކުއްޖަކާ ބެހުނު ޓީޗަރަކު 15 އަހަރަށް ޖަލަށް

ކުޑަ ކުއްޖަކު މަގެއްގެ މަތީގައި: ކުއްޖަކާ ބެހުނު ޓީޗަރަކު 15 އަހަރަށް ޖަލަށްލާން ވަނީ ހުކުމްކޮށްފައި --- ފޮޓޯ/މިހާރު

މުއިއްޒު އިބްރާހިމް، މިހާރު

25 ޑިސެމްބަރ 2022 - 16:43

4 comments

ކުޑަކުއްޖަކަށް ޖިންސީ ގޯނާކުރި ޓީޗަރަކު 15 އަހަރަށް ޖަލަށްލާން ކްރިމިނަލް ކޯޓުން ހުކުމްކޮށްފި އެވެ.

ދ. ހުޅުދެލީ މީހެއްގެ މައްޗަށް އެ ހުކުމް އައީ މިދިޔަ އަހަރުގެ އޮގަސްޓް މަހު އޭނާ ކައިރިއަށް ގުރުއާން ކިޔަވަން ދިޔަ ކުއްޖެއް ކައިރީގައި "ވަރަށް ލޯބިވޭ" އޭ ބުނެ، އެ ކުއްޖާގެ މޭމަތީގައި އަތްލާފައިވާ މައްސަލާގަ އެވެ.

ކްރިމިނަލް ކޯޓުން މިއަދު ކުރި ހުކުމުގައިވަނީ އިތުބާރު ކުރެވޭ މަގާމެއްގައި ހުރެ ކުޑަކުއްޖަކާ އެކު ޖިންސީ އަމަލެއް ހިންގުމުގެ ދައުވާއަށް އިންކާރު ކުރިޔަސް، ހެކިތަކުން ކުށް ސާބިތުވާ ކަމަށެވެ.

އޭނާ 15 އަހަރަށް ޖަލަށްލާން ހުކުމް ކުރިޔަސް، ބަންދުގައި ހޭދަކުރި މުއްދަތު އުނިކުރުމުން އޭނާ ތަންފީޒު ކުރަން ޖެހޭނީ 13 އަހަރާއި އަށް މަހުގެ ޖަލު ހުކުމެކެވެ.