ބ. ތުޅާދޫ: އެ ރަށުގައި އެއާޕޯޓެއް ތަރައްގީ ކުރުމުގެ މަސައްކަތް މި އަހަރު ނިމުމުގެ ކުރިން ނިންމާލަން މަސައްކަތް ކުރަމުންދާ ކަމަށް ރައީސް ސޯލިހު ވަނީ ވިދާޅުވެފައި -- ފޮޓޯ: މިހާދު
09 ޖެނުއަރީ 2023 - 20:24
17 comments
އަމާޒަކީ މި އަހަރު ނިމުމުގެ ކުރިން ބ. ތުޅާދޫގައި އެއާޕޯޓެއް ހަދައި ބޭނުންކުރެވޭ ވަރު ކުރުން ކަމަށް ރައީސް އިބްރާހިމް މުހައްމަދު ސޯލިހު މިއަދު ވިދާޅުވެއްޖެ އެވެ.
މި އަހަރުގެ ރިޔާސީ އިންތިހާބަށް އެމްޑީޕީން ނުކުންނަ ކެންޑިޑޭޓަކު ކަނޑައަޅަން މި މަހުގެ 28 ގައި ބާއްވާ ޕްރައިމަރީގެ ކެމްޕެއިނަށް ބ. އޭދަފުއްޓަށް ވަޑައިގެން ރައީސް ވިދާޅުވީ، ކޮންމެ ރަށަކުން ފުރައިގެން 20-30 މިނިޓުގެ ތެރޭގައި ދެވޭ ވަރަށް އެއާޕޯޓުތައް ހަދަން ވީ ވި ވައުދު ފުރިހަމަ ކުރަން މިހާރު ވެސް ތިން އެއާޕޯޓެއްގެ މަސައްކަތް ކުރިއަށް ގެންދާ ކަމަށެވެ.
ހޯރަފުށީ އެއާޕޯޓުގެ މަސައްކަތް މިހާރު ނިންމާލާފައިވާއިރު މުއްޔާއި ފަރެސްމާތޮޑާ އަދި މަގޫދޫ އެއާޕޯޓުގެ މަސައްކަތް މިހާރު ކުރިއަށް ގެންދާ ކަމަށް ރައީސް ވިދާޅުވި އެވެ.
ރައީސް އިބްރާހިމް މުހައްމަދު ސޯލިހު، އޭދަފުށީގެ މީހަކާ މިއަދު ވާހަކަ ދައްކަވަނީ.
ތުޅާދޫގައި އެއާޕޯޓެއް ހަދަން ވީ ވައުދު ފުއްދަން އޮތީ ކުޑަ ދުވަސްކޮޅެއް ކަމަށް ރައީސް ވިދާޅުވި އެވެ. އެ މަނިކުފާނު ވިދާޅުވީ، ކުރިއަށް އޮތް ދެތިން ހަފުތާގެ ތެރޭގައި އެ މަސައްކަތް ބަޔަކާ ހަވާލުކުރެވޭނެ ކަމަށެވެ.
ރައީސް ވިދާޅުވީ، އަމާޒަކީ މި އަހަރުގެ މެދުތެރޭގައި ތުޅާދޫގެ އެއާޕޯޓު ހަދަން ބިން ހިއްކައި، އިމާރާތް ކުރުމުގެ މަސައްކަތް ފަށައި، އަހަރު ނިމެންވާއިރަށް މަސައްކަތް ނިންމާލުން ކަމަށެވެ.
"އަޅުގަނޑުމެންގެ އަމާޒަކީ އަހަރުގެ މެދުތެރެއަށް އަޅާއިރު، ބިން ހިއްކައި އެ ތަނުގެ އިމާރާތް ކުރުމުގެ މަސައްކަތް ފައްޓަން. އިރާދަކުރެއްވިއްޔާ އަހަރު ނިމެންވާއިރަށް ބޭނުންކުރެވޭ ވަރު ކުރުމަކީ އަޅުގަނޑުމެންގެ އަމާޒު،" ރައީސް ވިދާޅުވި އެވެ.
ތުޅާދޫ އެއާޕޯޓު އެޅުމަށް ދާނެ ކަމަށް ސަރުކާރުން ކުރިން ލަފާކޮށްފައިވާ ހަރަދަކީ 21.9 މިލިއަން ރުފިޔާ އެވެ. އަމިއްލަ ކުންފުނިތަކުން ފަންޑު ކުރާ ގޮތަށް، ރިސޯޓް ހަދާނެ ރަށެއް ލިބޭ އުސޫލުން އެއާޕޯޓު ތަރައްގީ ކުރަން މިދިޔަ ނޮވެމްބަރުގައި ހުޅުވާލި ރަށްތަކުގެ ތެރޭގައި ތުޅާދޫ ހިމެނެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
މިލަދުންހުޅަނގު
10 January 2023
ނ.ދިގުފަރު،ނ.ދެކެނައްފަރު ނ.ކުންނަމަލައި ވިއްކުމާ ދެކޮޅު.!!!!!!!!!
އަލީ އަސްފާގު
10 January 2023
އިބުރާހިމް މުހައްމަދުގެ ވިސްނުމުގަ މާލޭގެ ރައްޔިތުންނަކީ ގަމާރުންތޯ . މޮޅުވާހަކަދައްކާފަ މާލޭގެ ރައްޔިތުންނަށް ހިއްކާ ނިމިފަހުރި ބިންތަކުން ގޯތި ނުދީ ލަސްކުރަނީ ކީއްވެބާ. މާލެއަށް ސޯލިހު ކަމެއްކޮށް ނުދީ އޮތީމަ ސިޓީކައުންސިލަށް މާލޭގެ ގޮޑިލިބި އެމްޑީޕީއަށް އެގޮޑި ގެއްލުނީ. މިފަހަރުވެސް މާލޭގަ ކަމެއް ނުކޮށް ބުރިޖުގެ މަސައްކަތް ނުކޮށް މާލޭ ރައްޔިތުންނަށް ގޯތި މިޕުރައިމަރީގެ ކުރިން ނުދޭނަމަ މާލޭން އިބުރާހިމް މުހައްމަދަށް ކާމިޔާބު ނުވާނެކަން ޔަގީން.
ތުޅާދޫމަންޖެ
10 January 2023
ބުނި ގޮތަށް އެއަޕޯޓް ނޭޅިއްޖެނަމަ ކުރިން ބުނި އެތި ކެންސަލްކުރަންޖެހިދާނެ.
ްއަހަ
10 January 2023
ތުޅާދޫ ދާއިރާގެ މަންޖެއަކު އިދިކޮޅު ކެނޑިޑޭޓަށް ރައްދުދީ ވާހަކަކޮޅެއް ދައްކާލާއިރަށް ތުޅާދޫއަށް އެއަޕޯޓެއް އަޅައިދޭން ނިންމައިފި.
ނުޖެހޭނެއޭ
10 January 2023
އަހަރު ނިމުމުގެ ކުރިން ރާއްޖޭގެ އެންމެ ގިނަ އަދަދެއްގެ ރައްޔިތުން އެއްކަމަކަށް ސަރުކާރުގައި އެދި އަދި ރަސްމީ ލިޔުން ކަމުގައިވާ ފޯރމްތައް ސަރުކާރަށް ލާފައިވަނީ އެއީ 2 ލައްކަ އާއި ގާތް ކުރާ އަދަދެއްގެ މީހުންނޭ އެމީހުން އެދެނީ ހުޅުމާލޭން ގޯތި ދޭން މިހާރު ވެސް ހުޅުމާލޭ 1 އަަދި 2 ކުން ދެވޭނެއޭ 2 ހާސް އަކަފޫޓްގެ 70 ހާސް ގޯތި ކިއެއްވެތޭ އެކަން ނުކުރަން ރައީސް އިބޫ ތިޔާ އުޅެނީ އެއީ ދިވެހިރައްޔިތުން ނޫންތޭ ރައްޔިތުންގެ މަޖްލީހުގެ މެމްބަރަކު އެދޭއިރަށް
ޙަހަހަހަ
10 January 2023
އަނގަ ނުތަޅަ ފަށާބަލަ ފުރަތަމަ. އެހާ ސްލޯ
ޙިނި
10 January 2023
ކޮންމެވެސް ބޭރު ކުންފުންޏަކާ އަވަހައް މަސައްކަތް ހަވާލުކުރޭ. ޢޭރުނެއްނު ގައުމުން ބޭރައް ފައިސާތައް ދާނީ.
ވާނުވާވައުދޭ
09 January 2023
އަސްތާ ބުނަންތާ މަގޭ ކޮއިފުޅާ މިދިޔަ އަހަރު ނިންމަން ބުނި ބްރިޖްގެ އެންމެ ތަނބެއް ވެސް އަދި އެއް ފެންމަތި ނުވެއޭ ޑިގްރީ ނަހަދާ މީހަކަށް ސަރުކާރުގެ ސެކްރެޓެރީ އެއްގެ މަގާމް ނުދެއޭ އެކަމަކު އެތައް ބިލިއަން ޑޮލަރުގެ ލޯން ނަގައިގެން ބްރިޖް އަޅަން ދިނީ ބްރިޖް އެޅުމުގެ އަލިފުބާ ވެސް ނުދަންނަ ކުންފުންނަކަށޭ މީ ކޮން ގޮތަކަށް ހިސާބު އިލްމް އަދި ގަވަރނެންސް ކިޔަވައިގެން އުޅޭ ސަރުކާރެއްތޭ ދެން ތުޅާދޫ އެއާރޕޯރޓް މިއަހަރު ނިންމާނެއޭ އިއުލާން ކުރުން އެއީ
ވިޔަވެތިއިގްތިސާދު
09 January 2023
މިގައުމަށް ރައްޔިތުންނަށް ކުރިއެރުން ތަރައްގީ މިގައުމަށް ފަރުވާ ހޯދަދެވޭނީ އެއީ ދައުލަތުގެ ބަޖެޓުން ކުރާ ޚަރަދު އެޚަރަދު ކުރާ 1 ރުފިޔާ އިން 1000 ރުފިޔާ ހަދާނަމައޭ ރާއްޖެތެރޭގައި އެއާރޕޯރޓްސް ތައް އަޅައިގެން އެކަން ނުވާނެއޭ ބަދަލުގައި އެ ފައިސާ އިން ހުޅުމާލޭ އިރުން އޮތް ފަޅު ހިއްކާ އެފަޅުން 1 ހެކްޓަރުގެ 1000 ބިން ނަގާ ކޮންމެ ބިމެއް 1 ބިިލިއަން ޑޮލަރަށް ވިއްކާލަބަލަ 1 ބިލިއަން ޑޮލަރު ލިބޭނެއޭ އެއިރުން އުފަލުން އިސްއުފާލާ ޓެކްސް އުވާލެވޭނެއޭ
ލޮލްް
10 January 2023
ހުޅުމާލެ އިރަށް އޮންނާނީ އިންޑޮނޭޝިޔާ ތަ؟ ހަހަހަހަ
ދަރަނި ދަންތުރަ
09 January 2023
ކަލޯ އިބުރާހީމާ ހާދަކަމެކޭ މިއަހަރު ނިމުމުގެ ކުރިން ކުރަންތިޔަބުނަނީ ބުރިޖު ވިލިގިއްޔަށް ނިންމަންޖެހޭ ، ދެކޮމަންޑޫ އެއޮތީ ނުގުޅި ، އެތައް ހާސްފުލެޓެއް ނިންމަންޖެހޭ ، ފާއިތުވި ހަތަރު އަލަށް އުފަންވި ހުރިހާ ކުދިންނަށް ހަދިޔާ ފޮށި ދޭންޖެހޭ ، ހަތަރު ޓާސަރީ ހޮސްޕިޓަލް ނިންމަންޖެހޭ ، އިބުރާހީމާ ކަލެޔަށް ވާނެތަ