ދަރުބާރު ގޭގެ ފާށަނާ މާލަމުގައި މިރޭ ބޭއްވި ބައްދަލުވުމުގައި ރައީސް ވާހަކަފުޅު ދައްކަވަނީ--ފޮޓޯ: ނިޝާން އަލީ | މިހާރު
10 ޖެނުއަރީ 2023 - 22:50
103 comments
މާލޭގެ މީހުންނަށް ސަރުކާރުން ވައުދުވެފައިވާ ގޮތަށް، ބޯހިޔާވަހިކަމުން އެއްވެސް މީހަކު ބާކީ ނުކޮށް ފްލެޓާއި ގޯތި ދޭނެ ކަމަށް ރައީސް އިބްރާހިމް މުހައްމަދު ސޯލިހު މިރޭ ވިދާޅުވެއްޖެ އެވެ.
އެމްޑީޕީގެ ރިޔާސީ ޕްރައިމަރީ ކެމްޕެއިނަށް ދަރުބާރުގޭގައި މާލޭގެ މީހުންނާ ބައްދަލު ކުރައްވައި ރައީސް ވިދާޅުވީ، ކުރީގެ އެއްވެސް ސަރުކާރަކުން ކުރިޔަށް ނުގެންދާ ވަރުގެ ބޯހިޔާވަހި ކަމުގެ މަޝްރޫއުތައް މި ފަސް އަހަރުގެ ތެރޭގައި ހިންގަމުން އަންނަ ކަމަށެވެ.
މުޅި ރާއްޖޭގައި 16،000 އަށް ވުރެ ގިނަ ފްލެޓާއި ގޯއްޗާއި ރޯ ހައުސްގެ މަޝްރޫއުތައް ކުރިޔަށް ގެންދާ ކަމަށާއި މާލެ އަށް ހާއްސަ ކޮށްގެން 7،000 ފްލެޓާއި 5،000 ގޯތި ދިނުމުގެ މަޝްރޫއެއް އެބައޮތް ކަމަށް އެ މަނިކުފާނު ވިދާޅުވި އެވެ.
"މިއީ އޮޅުވާލައިގެން ވޯޓު ހޯދަން ދައްކާ ވާހަކައެއް ނޫން. ވޯޓަކާއި މި ކަމަކާ ނެތް ގުޅުމެއް. މި އަހަރުގެ މެދަށް އަންނަ އިރު އެވީ ވައުދާ އެއްގޮތަށް މާލޭގެ ރައްޔިތުންނަށް ގޯތި ކަނޑާފައި ދޭނަން،" ރައީސް އިބްރާހިމް މުހައްމަދު ސޯޅިހު ވިދާޅުވި އެވެ.
ފްލެޓުގެ ވާހަކަ އެހެން ބޭފުޅަކު ދައްކަވާނެ ކަމެއް ނެތް -- ރައީސް
ރައީސް ވިދާޅުވިގޮތުގައި ހައުސިން މިނިސްޓްރީން މިހާރު ކުރަމުން އަންނަނީ ފްލެޓާއި ގޯތީގެ ފޯމުތައް އިވެލުއޭޓް ކުރުމުގެ މަސައްކަތެވެ. ހާމަކަން ބޮޑު ގޮތެއްގައި ވީހާ ވެސް ރަނގަޅަށް އެ މަސައްކަތް ކުރުމަށް ފަހު، ޝަރުތު ހަމަވާ އެއްވެސް މީހަކު ބާކީ ނުކޮށް، ބޯހިޔާވަހިކަން ފޯރުކޮށްދޭނެ ކަމަށް އެ މަނިކުފާނު ވިދާޅުވި އެވެ.
މާލޭގެ ބައެއް ރައްޔިތުންނާއެކު ރައީސް މިރޭ ބައްދަލު ކުރެއްވުން-- ފޮޓޯ: ނިޝާން އަލީ | މިހާރު
މި ސަރުކާރުން އަޅަން ފެށި ފްލެޓުތައް ވެސް މި ދައުރުގެ ތެރޭގައި ނިންމައި، މާލޭގެ މީހުންނަށް ދިރިއުޅެވޭ ވަރު ކުރާނެ ކަމަށް ވެސް ރައީސް ވިދާޅުވި އެވެ.
"ފްލެޓުގެ ވާހަކަ އެހެން ބޭފުޅަކު ދައްކަވާނެ ކަމެއް ނެތް. މިއީ މިކަން އޮތް ގޮތް،" ރައީސް ވިދާޅުވި އެވެ.
ރައީސް އިބްރާހިމް މުހައްމަދު ސޯލިހު ވިދާޅުވީ، އެ މަނިކުފާނާ ވާދަވެރި ކެންޑިޑޭޓު، ކުރީގެ ރައީސް އަދި ރައްޔިތުންގެ މަޖިލީހުގެ ރައީސް މުހައްމަދު ނަޝީދު ދައުލަތުގެ ރިޒާވާއި މާލީ ހާލަތާ ބެހޭ ގޮތުން އޮޅުވާލައްވައިގެން ވާހަކަފުޅު ދައްކަވާ ކަމަށެވެ. ދުވާލަކު އެއްފަހަރު އެކި ގޮތްގޮތަށް "ދައުލަތް ބަނޑަށް ޖެހޭ" ވާހަކަފުޅު ދައްކަވަމުން ދާ ކަމަށް ވެސް ރައީސް ވިދާޅުވި އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ކޮބާ ކޮބާ
12 January 2023
ޔާﷲ...މާލޭގެ ބިކަވެފައިވާ އާއިލާ ތަކުގެ ނިކަމެތި ދަރިންތަކަށް ބޯހިޔާ ވަހިކަން މިންވަރުފުޅު ކޮށް ދެއްވާނދޭވެ..އާމީން
ބޯކޮށް އެކަކަށް ނޫން ހިޔާ
12 January 2023
ބޯހިޔާއަކީ 3 ކައްކާ މީހުން ހުސްއަތާ ބައިތިއްބާފަ އެންމެ 5 ހާސް މީހުނަށް ފަސް ހަ މިލިޔަނުގެ ބިން ހަދިޔާކޮަށްދިނުމެއް ނޫން. އަމިއްލަ އެދުން ބޮޑުކަމުން ލަކީ 5000 ގޭގެ ހުވަފެން ދެކިގެން ލައްކައެއްހާ މީހުން ތިބިދާނެ. އެއީ މިގައުމުގެ ބަލިކަމަކީ.
ހަސަނު
12 January 2023
ދޭނަމޭ ބުނެފިއްޔާ އިބޫ ދޭނެ... އެ ކަން ވާނެ..
ޔާމން
12 January 2023
ސާބަހޭ ރައީސް. ގޯއްޗެއް ލިބުން އެއީ ވަރަށް ބޮޑު އުއްމީދެއް.
ޙިޔަޚު123
12 January 2023
ޅޭޓްސް ސީ ދޯ!!
ޝާޢިރު ވަކީލް
11 January 2023
މަނިކުފާނަށް ތި އުޅެނީ އަމިއްލަ ރަށުގައި ކަމެއްނުކުރެވިގެން ދެން ކުކުޅުބިހޭތަ ތިކިޔަނީ
ބޮޑުމީހާ
11 January 2023
4 އަހަރު ނުދީ ހިފެހެއްޓީ ކީއްވެހޭ!
ޢެމެރިކާ
11 January 2023
ދޮގާ މަކަރާ އޮޅުވާލުން. މި ސަރުކާރުގަ އޮތީ.
އޮނަރަބްލް އަފީފު ދީދީ
11 January 2023
ރާއްޖޭގައިހުރި މިފަދަ އެތައްކަމަކީ ޓެކްހުގެ ނިޒާމްގެ ތެރެއިން ހައްލުހޯދިދާނެ ކަންކަން. # ބޯހިޔާވަހިކަމުގެ ހައްލުހޯދުމަށް މީހެއްގެ ނަމުގައި ހޯދާ ފުރަތަމަ ބިމާއި ފުލެޓް ޓެކްސް ފުރީވެފައި އޭނާގެ ނަމުގައި ހޯދާ 2 ވަނަ ފުލެޓާއި ބިމުން %50 ޓެކްސް އަދި އެފަދަ މީހަކު އިތުރަށް ހޯދާ ކޮންމެ ފުލެޓާއި ބިމުން %100 ޓެކްސް ނަގާން ޤާނޫނު ފާސްކޮށްފައިމެނުވީ ތިފަދަ ކަމެއްކޮށްގެން ނުވާނެ. މިހެންބުނާއިރު އިގޭ މާލޭގެ ބިންވެރިން މިފަދަ ކަމަކަށް ރުހުން ނުދޭނެކަންވެސް.
ނިޔަނެތި ދިވެހި
11 January 2023
ބޯހިޔާވަހިކަން ފޯރުކޮށްދިނުމުގައި ޢާއްމުވެފައި މިވާ ނޭއްގާނީ ގިންތީގެ އުސޫލު އުވެންޖެހޭ. ވަޒީފާ ވަކިދާއިރާއެއް ވަކި ކުންފުންޏެއް ވަކި ނަސްލެއް ވަކި ކަންކޮޅެއްގެ އުފަންމީހެއް... މިކަހަލަ ނާއިންސާފު ތަފާތުކުރުންތައް ހުއްޓާލަންޖެހޭ. އެތަނެއްގައި ދިރިއުޅެނީ ބޭނުންޖެހިފައި ތިބި ބަޔެއް ގެދޮރުވެރި ކޮށްދިނުމުގައި ހަމަޖެހޭ އިންސާފުވެރި ގޮތްތަކަކަށް އިސްކަންދީގެން ހާމަގޮތެއްގައި ފޯރުކޮށްދެމުން ދެވޭތޯބައްލަވާ!
ދުނިޔެވީ އަޚްލާގާ ދީނީ އީމާންވެސް ބުނަނީ
11 January 2023
ތިމާއަށް ޔަގީނުންވެސް ޢަދުލުވެރި ނުވެވޭނެ އަދި ހަމަޖެހޭ ގޮތަކަށް ދެކޮޅުވެސް ނުޖެއްސޭނެ އަދި ރައްޔިތުން ހަމަހަމަ ކުރުމުގެ އުސޫލާ އިމަށް ޚިލާފު ކަމެއްގައި ޑިމޮކްރެސީގެ ނަމުގައި އުޅޭ ޕާޓީއެއް ކޮނޑުއަޅުއްވާގެން އަމިއްލައަށް ބަނދެވުމުގެ ބޭނުމެއް ކޮބައިތޯ؟ ވެރިކަން ހަމަ ކޮންމެހެންވެސް ހޯދަން ޖެހޭތޯ؟ ރައްޔިތުންގެ ހައްގުވާ ކުރެވޭ ކޮންމެ ރަނގަޅު ކަމަކީ އަދި ކޮންމެ ގޯސްކަމަކީ ސިލްސިލާގެ އެތައް ބަޔަކަށް ފޯރާނެކަމެއް.