ބުރްޖް ހަލީފާ ކުރިމަތީގައި ޝާހްރުކް ހާންގެ "އައިކޯނިކް" ޕޯސްގައި
16 ޖެނުއަރީ 2023 - 06:19
2 comments
ދުވަސްތަކެއްގެ މެދުކެނޑުމަކަށް ފަހު ބޮލީވުޑްގެ ސްކްރީންތަކަށް ޝާހްރުކް ހާން އެނބުރި އަންނާނީ މި މަހު ނެރޭ ޕަތާން ފިލްމުގެ ހީރޯގެ ބައިންނެވެ.
އެ ފިލްމުގެ ޓްރެއިލާ މީގެ ހައެއްކަ ދުވަސް ކުރިން ނެރެފައި ވާއިރު، ފިލްމު ޕްރޮމޯޓުކުރުމަށް ކުރިއަށް ގެންދާ މަސައްކަތްތަކުގެ ތެރެއިން ހޮނިހިރު ދުވަހު ވަނީ ފިލްމުގެ ޓްރެއިލާ ދުނިޔޭގެ އެންމެ އުސް އިމާރާތް ބްރުޖް ހަލީފާގައި ވެސް އަޅުވާފަ އެވެ.
ޝާހުއާ އެކު ބްރުޖް ހަލީފާ އިން ފިލްމުގެ ޓްރެއިލާ ބަލައިލަން އެތައް ހާސް ބަޔަކު ދުބާއީގެ މަގުތަކަށް އެއްވި އެވެ. އެ މަންޒަރުތައް "ޕަތާން" ފިލްމު އުފައްދާފައިވާ ޔާޝް ރާޖް ފިލްމްސް (ވައިއާރްއެފް) ގެ އިންސްޓަގްރާމް ޕޭޖުގައި ވަނީ ހިއްސާކޮށްފަ އެވެ.
ސިއްދާތު އާނަންދު ޑައިރެކްޓްކޮށް އުފައްދާފައިވާ އެ އެކްޝަން ފިލްމުގައި ހީރޯ ޝާހްރުކް އަދި ދިޕިކާ ގުޅިގެން، ވިލަންގެ ރޯލުން ފެންނަ ޖޯން އަބްރަހަމްގެ ޓެރަރިސްޓު ގްރޫޕާ ހަނގުރާމަކުރެ އެވެ.
ފިލްމުގެ ޓްރެއިލާ އަށް މިހާތަނަށް ލިބުނު ތަރުހީބު ބޮޑެވެ. ޔޫޓިއުބުގައި 50 މިލިއަނާ ގާތްކުރާ އަދަދަކަށް ވިއުސް ލިބިފައިވާ އިރު، ގިނަ ބަޔަކު އަންނަނީ އޭގެ ރީތިކަމަށް ތައުރީފްކޮށް ކޮމެންޓު ކުރަމުންނެވެ.
ޕަތާން ފިލްމު ސިނަމާތަކުގައި އަޅުވަން ނިންމާފައިވަނީ މި މަހުގެ 25 ވަނަ ދުވަހު އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ގެދާނޯމޮސް
16 January 2023
ފިލްމް ތަށް ހަދާއިރު އޭގެ ފެށޭއަކުރާއި އެކު ނަން ކުރުކޮށް ވަރުގަދަ ކުރެވިއްޖެ ނަމަ ތަރިންގެ ރޯލްތަކުން އެހިންހަމަ ޖެހުން ފެނި ފިލްމު މަޝްހޫރު ވާސަބަބެއް ކަމުގަ ބެލެވެއެވެ.
އަފްރާސިޔާބު
16 January 2023
މި ޚަބަރުގައި ބައެއް ވަނީ އުނިވެފައި. އެއީ އެފިލްމު ބޮއިކޮޓް ކުރުމަށް އިންޑިއާގެ ހަރުކަށި ވިސްނުން ގެންގުޅޭ ފާދިރީން ހިންދީން ރުޅިއަރުވައި ޝާހުރުކް ޚާނާ ދެކޮޅަށް އިންޒާރު ދެމުންދާ އިރުވެސް އިންޑިއާގެ އިލްމީ މީހުންގެ މެދުގައި ޚާއްސަކޮށް ޒުވާނުންގެ މެދުގައި ޝާހުރުކް ޚާނުގެ މަގުބޫލުކަން އިތުރުވާ ވާހަކަ. އިންޑިއާގެ މުސްލިމުންނާ ދެކޮޅަށް ހަރުކަށި ސިޔާސީ މީހުން ތިބީ އާރއެސްއެސްއާ (ހަރުކަށި ހިންދީންނާ) އެއްކޮޅަށް.