ސްޓެލްކޯގެ މައި އިމާރާތް: އެ ކުންފުންޏާ ދެކޮޅަށް ދައުވާކުރަނީ ފޯކްލިފްޓެއްގެ މައްސަލާގައި:-- މިހާރު ފޮޓޯ: ނިޝާން އަލީ
16 ޖެނުއަރީ 2017 - 13:28
33 comments
ޓަގު ބޯޓެއްގެ މައްސަލާގައި ސެންޓަ އެންޓަޕްރައިސަސް އަށް 160 މިލިއަން ރުފިޔާ ދައްކަން މޯލްޑިވްސް ޕޯޓްސް ލިމިޓެޑް(އެމްޕީއެލް) ގެ މައްޗަށް ހުކުމެއް އައިސްފައި ވަނިކޮށް ފޯކްލިފްޓެއްގެ މައްސަލާގައި 40 މިލިއަނަށް ވުރެ ގިނަ ރުފިޔާ ހޯދަން ސެންޓަ އެންޓަޕްރައިސަސް އިން ސްޓެލްކޯއާ ދެކޮޅަށް ދައުވާކޮށްފި އެވެ.
ސެންޓަ އެންޓަޕްރައިސަސް އިން މި މަހުގެ ދެވަނަ ދުވަހު ސިވިލް ކޯޓަށް މައްސަލަ ހުށަހެޅީ އެ ކުންފުނިން ސްޓެލްކޯ އަށް ގެނެސްދިން ހަ ޓަނުގެ ފޯކް ލިފްޓެއްގެ އަގުގެ ގޮތުގައި ދައްކަންޖެހޭ 1،292،475 ރުފިޔާ އާއި އެ ފައިސާ ނުދެއްކުމުން ލިބިފައިވާ ގެއްލުމުގެ ބަދަލުގެ ގޮތުގައި 40 މިލިއަނަށް ވުރެ ގިނަ ރުފިޔާ ހޯދުމަށެވެ.
އެ މައްސަލަ ކޯޓުގެ ޑިސްޕިއުޓް ރިޒޮލިއުޝަން ޑިވިޝަންގައި ހައްލު ނުވެގެން މިިހާރު ވަނީ ޝަރީއަތަށް ފޮނުވާފައި ކަމަށް ސިވިލް ކޯޓުން ބުންޏެވެ.
ސްޓެލްކޯ އާއި ސެންޓަ އެންޓަޕްރައިސަސްއާ ދެމެދު ފޯކްލިފްޓެއްގެ މައްސަލަ ޖެހުނީ ސެންޓަ އެންޓަޕްރައިސަސް އިން ސެޓްލްކޯގެ އެދުމަށް ގެނެސްދިން ފޯކްލިފްޓާ ހަވާލުވާން ސްޓެލްކޯ އިން ދެކޮޅު ހެދުމުންނެވެ. ސްޓެލްކޯ އިން ބުނަމުންދަނީ އެ ފޯކްލިފްޓަކީ އެ ކުންފުނިން އޯޑަރު ދިން ބާވަތުގެ ފޯކްލިފްޓެއް ނޫން ކަމަށެވެ. ސްޓެލްކޯއިން އޯޑަރު ދިނީ ހަ ޓަނުގެ ފޯކްލިފްޓަކަށް ކަމަށާއި އެކަމަކު ގެނައީ 4.6 ޓަނުގެ ފޯކްލިފްޓެއް ކަމަށް ސްޓެލްކޯ އިން ބުނެ އެވެ.
ގެނައި ފޯކްލިފްޓަކީ އޯޑަރު ދިން ބާވަތުގެ އެއްޗަކަށް ނުވާތީ އެ ފޯކްލިފްޓް ސްޓެލްކޯގެ އިމާރާތުން ނެރުމަށް ސިވިލް ކޯޓުން ޖެނުއަރީ 2015 ގައި ސެންޓަ އެންޓަޕްރައިސަސް އަށް އަމުރުކުރި އެވެ. އެކަމަކު ސެޕްޓެމްބަރު 2015 ގައި ހައި ކޯޓުން ވަނީ އެ ހުކުމް ބާތިލްކޮށްފަ އެވެ. އެ މައްސަލަ މިހާރު އޮތީ ސުޕްރީމް ކޯޓުގަ އެވެ.
ސެންޓަ އެންޓަޕްރައިސަސް އިން ސްޓެލްކޯއާ ދެކޮޅަށް ދައުވާ ކުރިއިރު ޓަގު ބޯޓެއް ބަންނަން އެ ކުންފުންޏާ ހަވާލުކޮށް، އެ މަސައްކަތުގެ އަގު ނުދެއްކުމުން ޖޫރިމަނާއާ އެކު 160 މިލިއަން ރުފިޔާ އެ ކުންފުންޏަށް ދައްކަން އެމްޕީއެލްގެ މައްޗަށް ސިވިލް ކޯޓުން މިދިޔަ މަހު ވަނީ އަމުރުކޮށްފަ އެވެ. އެ މައްސަލަ އިސްތިއުނާފް ކުރަން އެމްޕީއެލް އިން ވަނީ ނިންމައިފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
މަޒް
17 January 2017
މީ ހަމަ ރޭވިގެން ދައުލަތުން ފައިސާ ނަގަންވެގެން ކޮރަޕްޝަނުގެ ތުހުމަތު ކުރެވިފައިވާ ވަރަށް މަތީ ބަޔަކު ކުރަމުން ދާ ކަމެއް.. އެއް ފޯކް ލިފްޓުގެ އަގު ނުދީގެން 35 ފޯކް ލިފްޓުގެ އަގު ދައްކަން މި ޖެހެނީ.. މީގެން ބައެއް ކޯޓަށް ރައީސް އޮފީހަށް އޭސީސީއަށް ލިބޭނެކަން ކަށަވަރު
ބާގިރު
16 January 2017
ކުދިންނޭ އަސްކުރޭ އަވަސް ކުރޭ. އެެއްބަޔަކު ފައިސާ މޮޅުނަމެއްގަ އެކުވެންނާއި ހަވާލު ކޮށްފަ އެކަން ކޯޓް މެދުވެރިވެ އަނެއްކާ އިތުރަށް ޖޫރިމނާ ވެސް ދެނީ. އަނެއްބަޔަކު މުވައްސަސާތަކާއި ކޮމެޓީ ތަކާއި ޖަމިއްޔާ ތަކާއި ބައްދަލު ކުރުމުގަ ހޭބޯނާރައިގެން ތެޅެނީ... ވާ ވާ .. ނޫނޭ މޮޅު.. ހުރިހާ ކަމެއް މައުމޫނުގެ މައްސަލަޔަށް... ތަޅުލާފަ ހުރި އޮފީހެއްގައި ހުރި މުދާ އެންމެންގެ ލޯމަތީގަ ގަދަބާރުން ގެންގޮސްފަ މައުމޫނާއި ސުވާލު ކުރީނުން އެއަށް ވީގޮތެއް ސާފު ކުރަށްދޯ. ނޫނޭ ފުދިއްޖެ.
ޔަތީމު ސޮރު
16 January 2017
މަހީހީ ހަލާކު. ރޮއިރޮއި ދެލޯފާރު. ވިސްނާ ވިސްނާ ބޯހަލާކު. ނުވި ތާކަށް ލަދުންގޮސް ނޭގޭ ބުނާނެ އެއްޗެއްވެސް. 2018 ޔަގީން....
ހަސަން
16 January 2017
ފޯކްލިފްޓް ޗާރޖް ބިލަށް އަވަހަށް އިތުރު ކޮށްލާ
ޢަބްދުﷲ ސަޢީދު ގދ.ގައްދޫ.
16 January 2017
އިތުރު ފައިދާއެއް ދަމައިގަން ކޮންމެ ދަރަންޏަކީ ރިބާއެވެ.
މޫސަ
17 January 2017
އެއީ ދަރަންޏެއްނޫން ކޯޓަކުންވެސް ނަގައެއް ނުދެވޭނެ. އެބުނާ ބިލުގައި ޖުރިމާނާ އޮތަސް އެއްބަސްވުމުގައި ބިލްތަކަށް ޖުރިމާނާ ދޭންޖެހޭ އުސޫލެއް އޮންނާނެ އެއާއި ޚިލާފަށް ޖުރިމާނާއެއްވެސް ފައިސާއެއްވެސް ލިބިދީގެންނުވާނެ.
ރަނގަޅު
16 January 2017
ތިބުނަނީވެސް ރަނގަޅު ވާހަކައެއް. މިހާރު މި އުޅެނީ ބަސްނައަހާ ސަރުކާރެއް އައިސްގެންނު؟
އަލީ
16 January 2017
ގެނައި އުޅަދަކީ ޓަނު ހަވަނުވާ އަދި ކޯޓޭޝަނުގައި ދީފައިވާ ސްޕެކްސްއާއި ދިމާނުވާ އުޅަދެއްނަމަ އެއުޅަދާއި ހަވާލުވާކަށް ނުޖެހޭ . ޢަދިއެއަށް ފައިސާދޭކަށްވެސް ނުޖެހޭ. އެކަމަކު އުޅަދާއި ހަވާލުވެއްޖެނަމަ ފައިސާދޭންޖެހޭނެ އެގްރީމެންޓްގައި ބުނާ މުއްދަތުގައި. ނުދީފިނަމަ ޖޫރިމަނާވާންވެސް ޖެހޭނެ. ހަމައެކަނި ޖޫރިމަނާވާނީ އެއްފަރާތެއްނޫން. ޢެގްރީމެންޓް އޮންނަންވެސް ދެފަރާތަށްވެސް ހަމަހަމަވާގޮތަށް
ޖިލްބާބު ހަބީބު
16 January 2017
ފޯކްލިފްޓްގެ އަގު ދީފައިވަނީ އަގުބޮޑު ވައްތަރުން. ގެނައީ އަގު ހެޔޮ ވައްތަރު. ގަތްއެތީގެ އަސްލު އަގުން އިތުރުވާ ބައި އެޑްވާންސްކޮށް ޖީބަށް. ފޯކް ލިފްޓް ބަލައިގަތުމަށް އެންގުމުން ބަލައިގަތް. ބޭނުން ނުކުރެވޭ އެއްޗަކަށްވުމުން ބޭނުން ނުކުރެވި ބޭއްވީ. ކޯޓުން އޭގެ އަގު ދޭން އެންގުމުން އަސްލު އަގުން އިތުރުވާ ބައި 3 ބަޔަށް ބަހާލަން. ރަނގަޅު ނޫންތޯ؟
ދޮންދީނި
16 January 2017
ފާޑުފާޑުގެ ނަންނަމުގައި ލާރ މިކަނީ ހަމައެއްބައެއް...ނޫނޭ ބޯ އެބަހުރި އިނގޭ!....އެކަމަކު ނަމަނަމަ ތިމާ އެކަނިމާއެކަނި ކަށްވަޅުގައި އޮންނަންޖެހޭނެކަން ހަނދާން ނައްތާނުލައްވާ!
އަލީ
16 January 2017
ސަރުކާރު ތަންތަނުން ހިދުމަތް ހޯދުމަށްފަހު ރައްޔިތުމީހާއަށް ފައިސާދެނީ ހިތައްއެރި ދުވަހަކުން. އެކަމަކު އެޚިދްމަތަށް ފައިސާ ނުލިބުނު ކަމުގައިވިޔަސް ރައްޔިތުމީހާ އެބިލްގައިވާ އަދަދަށް އެބިލްހެދި ކްއާޓަރ ނިމޭއިރަށް މީރާޢަށް ފައިސާ ދައްކަންޖެހޭ. ޢެއީ އަރަތެއްތަ ނުލިބޭ ފައިސާއަކަށް ޖީއެސްޓި ދައްކަންޖެހެނީ. އެގްރީމެންޓެއް ހެދިއްޔާ އެއޮންނަ މުއްދަތަކަށް ފައިސާ ސަރުކާރުންވެސް ދައްކަންޖެހޭނެ. އެގްރީމެންޓަށް އިހްތިރާމް ކުރަންޖެހޭނީ އެއްފަރާތަކުންނޫން. ރައްޔިތުންގެ ފައިސާއަކީ ސަރުކާރުގެ ތަރިކަ މުދަލެއްވެސް ނޫން. އިންސާފުލިބޭތޯ ރައްޔިތުމީހާވެސް ކޯޓަށް ދާންޖެހޭނެ. އެނުލިބުން އެއީ އެހެންކަމެއް. ކޮމެންޓްކުރާ މީހުން ކީއްވާނީ ސަރުކާރުންވެސް ޖޫރިމަނާ ދައްކަން ޖެހޭ ޖަމަށް ގަބޫލު ކުރިއްޔާ
އިހުސާނު އަލީ
16 January 2017
ގަބޫލު ކުރާތީވެ ލައިކުސް މިދެނީ
2ކޭ3
16 January 2017
ކޯޓުން ހުކުމް ކޮށް ފިއްޔާ 200 މިލިއަން ދެވެނީ ރައްޔިތުންގެ ފައިސާ އިން...