ރައީސް މިއަދު ވިލިނގިއްޔަށް ވަޑައިގަތުމުން އެމްޑީޕީގެ ސަޕޯޓަރުން މަރުހަބާ ކިޔަނީ.
22 ޖެނުއަރީ 2023 - 19:10
11 comments
އެމްޑީޕީއަށްޓަކައި ގުރުބާންވި މީހުންނާ ދިމާލަށް ބޭނުންހާ އެއްޗެއް ކިޔުމަކީ ފައިދާ ހުރި ގޮތެއް ނޫން ކަމަށް ވިދާޅުވެ، ރައީސް އިބްރާހިމް މުހައްމަދު ސޯލިހު، ކުރީގެ ރައީސް މުހައްމަދު ނަޝީދުގެ ފެކްޝަނަށް މިއަދު ރައްދު ދެއްވައިފި އެވެ.
"ވަކި މީހެއްގެ ވަކި މަގުސަދެއް ހާސިލުކުރުމަށްޓަކައި މި ޕާޓީއަށްޓަކައި ގުރުބާންވީ މީހުންނާ ދިމާލަށް ބޭނުންހާ އެޗެއްބޭނުން ގޮތަށް ކިޔުމަކީ މި ޕާޓީއަށް ފައިދާ ހުރި ގޮތެއް ނޫން،" އަންނަ ހޮނިހިރު ދުވަހު ބާއްވާ އެމްޑީޕީގެ ރިޔާސީ ޕްރައިމަރީގެ ކެމްޕެއިނަށް ގއ. ވިލިނގިއްޔަށް މިއަދު ހަވީރު ވަޑައިގެން ރައީސް ވިދާޅުވި އެވެ.
ރައީސް އިބްރާހިމް މުހައްމަދު ސޯލިހު އެހެން ވިދާޅުވިއިރު، އެމްޑީޕީގައި އެންމެ ކުރިއްސުރެ އުޅުއްވި ބައެއް ބޭފުޅުން އެ މަނިކުފާނާއެކު އުޅުއްވާތީ ނަޝީދުގެ ފެކްޝަނުން ދަނީ ފާޑުކިޔަމުންނެވެ. ހާއްސަކޮށް މި ޕްރައިމަރީގެ ކެމްޕެއިންގައި އެކަން ވަކިން ބޮޑެވެ.
ރައީސް ވިދާޅުވިގޮތުގައި، ބައެއް މީހުން ހަގީގަތް އޮޅުވާލަން އުޅުނަސް އެމްޑީޕީ އުފެއްދުމަށް އެންމެ ފުރަތަމަ ސޮއިކުރި މީހުންގެ ލިސްޓުގައި ދެވަނަ އަށް އޮތީ އެ މަނިކުފާނުގެ ނަންފުޅެވެ.
"އެއްވަނަ އަށް ސޮއިކުރީ ބޯގަންވިލާ އިބްރާހިމް އިސްމާއިލް. ދެން އަޅުގަނޑު. ދެން އެ އަށް ފަހު ދެން ތިބި މީހުން ތަރުތީބު ވެގެން އައީ،" އެމްޑީޕީގެ އިސް ލީޑަރުގެ މަގާމު ވެސް ފުރުއްވާ ރައީސް އިބްރާހިމް މުހައްމަދު ސޯލިހު ވިދާޅުވި އެވެ.
ވިލިނގިލީގައި އޮތް ބައްދަލުވުމުގައި ތިއްބެވި އެމްޑީޕީގެ ކުރީގެ ޗެއާޕާސަން ރީކޯ މޫސާ މަނިކު ފަދަ ބައެއް ބޭފުޅުންގެ ނަން ވިދާޅުވަމުން، ރައީސް ވިދާޅުވީ އެ ޕާޓީ ބޮޑުވަމުން އައި ގޮތް އެ ބޭފުޅުންނަށް އެނގިވަޑައިގަންނަވާނެ ކަމަށެވެ. އަދި މިއަދު މި ހިސާބަށް އާދެވުނީ އެއިން ކޮންމެ ބޭފުޅެއްގެ ބުރަ މަސައްކަތުން ކަމަށް ވިދާޅުވި އެވެ.
އެއްވަނަ އަށް ސޮއިކުރީ ބޯގަންވިލާ އިބްރާހިމް އިސްމާއިލް. ދެން އަޅުގަނޑު. ދެން އެ އަށް ފަހު ދެން ތިބި މީހުން ތަރުތީބު ވެގެން އައީ،"--- ރައީސް
އެ މަނިކުފާނު ވިދާޅުވީ، ޕްރައިމަރީއެއްގައި ވާދަކުރާއިރު ވެސް ޕާޓީއަށްޓަކައި ގުރުބާންވި މީހުންގެ އަގުވަޒަން ނުކުރުމަކީ ރަނގަޅު ގޮތެއް ނޫން ކަމަށެވެ.
"އަޅުގަނޑު އިރާދަކުރެއްވިއްޔާ ކުރިއަށް ދާނީ މި ތިއްބެވި ހުރިހާ ބޭފުޅުންނާއެކު،" ރައީސް އިބްރާހިމް މުހައްމަދު ސޯލިހު ވިދާޅުވި އެވެ.
ރައީސް މިއަދު ވިލިނގިއްޔަށް ވަޑައިގެންނެވި ވަގުތު އިދިކޮޅު ޕީޕީއެމްގެ ބައެއް މީހުން މުޒާހަރާ އަށް ނުކުމެ އެކި ފަހަރު މަތިން ބެރިކޭޑް ފަޅާލައި އެ މަނިކުފާނާ ދިމާލަށް ދުއްވައިގަންނަން އުޅުމުން ފުލުހުން އެ މީހުން ހުއްޓުވައި މުޒާހަރާ ރޫޅާލި އެވެ. މި ރަށުގެ ބޮޑުމަގަށް ރައީސަށް މަރުހަބާ ކިޔަން އެއްވި މީހުންނާ އެ މަނިކުފާނު ސަލާމް ކުރައްވަމުން ގެންދެވިއިރު، ޕީޕީއެމްގެ ބައެއް ސަޕޯޓަރުން ގެންދިޔައީ އެކި ގޯޅިގޯޅިން ނުކުމެ ރައީސާ ދިމާލަށް ދުއްވައި ގަނެވޭތޯ މަސައްކަތް ކުރަމުންނެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ރެކިފުތާ
26 January 2023
ތިޔަ ގޮޑީގައި ނަގާ ބޭންދިމީހާގެ އަގުވަޒަން ނުކޮށް ޕާޓީއަށް ގައްދާރުވި މޫސައާއި އިބުރާއާއި ދެމީހުން ގާތްކޮށް އަދި ޕާޓީއަށް ގުރުބާންވި އެތައްބައެއް ކަނޑާފަ ވޯޓުލިބޭނެކަމަށް ހީވިއަަސް އެކަމެއްވާކަށްނެތް.
އިބޫ ދެވަނަ
23 January 2023
ޕާޓީއަށްޓަކައި ގުރުބާންވީމީހުންގެ އަގުވަޒަންކުރަންޔާ އެންމެކުރިން އަގުވަޒަންކުރަންޖެހޭނީ އަންނިގެ. އެމްޑީޕީ އުފެދުނީއްސުރެ އަންނިވަރަށް ޕާޓީއަށް ގުރުބާންވި މީހެއް ނުހުންނާނެ. 2ވަނައަށް ޕާޓީއަށް ސޮއިކުރި މީހާ އެކަން ނުދަންނަނަމަ ބުނެވޭނީ އެއީ ހާދަހާވާ ދެފުއްކެހެރި ބޭވަފާތެރި ކެހިވެރި މީހެކޭ. ފެށުނީއްސުރެ އަންނި ބަލައިނުގަންނަ މީހުން އަންނި ބަލައިނުގަނޭ. އެކަމު 2ވަނައަށް ސޮއިކުރި މީހާއަކީ އަންނި ބަލައިގަނެގެން ހުންނަތާ އެންމެ ގިނަދުވަސްވީ އެކަކު
ދޮހޮއްތު
23 January 2023
ޕާޓީއަށްޓަކައެއްނޫން ވެރިކަމާ އާރާބާރަށްޓަކައި ފައިސާއަށްޓަކައި
ރަދީފްއޮފިޝަލް
23 January 2023
2 ވަނައިގަ ނަން އޮތުން އެއީ ވެދުމަށް ހުރިހާ އެއްޗެއް ދޭން ޖެހޭ ސަބަބެއް ތޯ؟؟ ފުރަތަމަ މިކަން ސާފްވާން ޖެހޭ.ވ.ވެދުން
އެމްސް
23 January 2023
އަބުރުވެރިން ނޫނީ ޕާޓީގެ އިސް ސަފަށް ނުލާނަމަ އެއްޗެހި ކިޔުމުގެ ފުރުސަތުވެސް ކުޑަވާނެ!
އެމްޑީޕީ މީހާ
23 January 2023
ލޮލް
އޮނަރަބްލް އަފީފު ދީދީ
23 January 2023
އެމްޑީޕީ އަށާއި ރައީސް ނަޝީދުއަށް އެންމެބޮޑަށް ނަފުރަތުކުރާ މީހުންވެސް އެއްބަސްވާ އެއްކަމެއްގެ ގޮތުގައިއޮތީ "ރާއްޖެއަށް މިބަދަލު ގެނައުމުގެ އެންމެބޮޑު ޤުރުބާނީއެއް ވެވަޑައިގެންނެވި މީހަކީ" ކުރީގެ ޒުވާން ލިއުންތެރިޔާ އަދި މިހާރު ދައުލަތުގެ ޤާނޫނުހަދާ މަޖިލީހުގެ ރައީސް މުޙައްމަދު ނަޝީދު ކަން. # މި ޙަޤީގަތް އޮޅުވާލުމަށް ކުރީގެ ރައީސް މައުމޫނު ކުރެއްވި މަސައްކަތަށްވުރެން ނުބައި މަސައްކަތް މިހާރު ވެރިކަމުގައި ހުންނެވިމީހާ ކުރާތަން ފެނިގެން އެބަދޭ.
ރަދުން
23 January 2023
ޕާޓީ އަށްޓަކާ، ގުރުބާންވީން... އިބޫ ވެރިިކަމަށް ގެންނަންވެސް މަސައްކަތް ކުރިން އެކަމް އަގު ވަޒަނެއް ނުކުރި. ސަރުކާރުގެ ކުންފުންޏެއްގައި ހުރި ވަޒީފާއިންވެސް ޖެހުނީ ވަކިވާން. މަގުމަތިވީ ހަމަ. އިބޫ އަކީ ދޮގުހެދުމުގަ ހައްދުފަހަނަ އަޅާފަ ހުރި މީހެއް. އަސްލު އެމް.ޑީ.ޕީ މީހުން ތިބީ މަގުމަތީ.... އިބޫ ކާރި ކޮށްގެން އުޅެނީ އސީ ޝަރީފް މެން ކަހަލަ ކޮރަޕްޓް މީހުން.
ކުޗީ
22 January 2023
ކިއްލާގަ ހާދަ މީސްކޮޅު މަދޭ ސައުދޫ. ފޮޓޯ އިން ފެންނަނީ ސައުދު ފޯރިނަގަން ދެއަތް ނަގާ އަތްޖަހާއިރު ދެންތިބި މީހުން ވަރަށް މަޑުމޯޅިވެފަ ތިބިތަން.
ބޫނންބާ
22 January 2023
ޜިކޯ މޫސަ ތިޔަ ކެމްޕޭނުގާ ހިމެނުމުން، ތިޔަ ރައީސަކީ ދައުލަތުގެ ފައިސާހޯދުމާ ކޮރަޕްޝަން ނައްތާލަން އުޅޭ މީހަކަށްވުރެ ވެރިކަމުގެ މަސްތުގާޖެހި، ކޮންމެގޮތެއްވަރިހަމަ، ރައްޔިތުންނަށް ހެޔޮއެދޭމީހެއްކަމަކަށް ނުބެލެވޭ.