ފައްޔާޒު، 2028 ގެ އެމްޑީޕީގެ ރިޔާސީ ޕްރައިމަރީގައި ވާދަކުރައްވަނީ

އެމްޑީޕީގެ ގައުމީ މަޖިލިހުގެ ބައްދަލުވުމެއްގައި އެ ޕާޓީގެ ރައީސް ފައްޔާޒު ބައިވެރިވެވަޑައިގަންނަވަނީ.---ފޮޓޯ: އެމްޑީޕީ

ފާތިމަތު އަޖްފާން، މިހާރު

23 ނޮވެމްބަރ 2024 - 18:34

ދެހާސް އަށާވީސް ވަނަ އަހަރު ބާއްވާ ރިޔާސީ އިންތިހާބުގައި އެމްޑީޕީގެ ފަރާތުން ނުކުންނަވާނެ ކެންޑިޑޭޓަކު ކަނޑައެޅުމުގެ ޕްރައިމަރީގައި ވާދަކުރައްވަން އެ ޕާޓީގެ ޗެއާޕާސަން ފައްޔާޒު އިސްމާއިލް ނިންމަވައި އެކަން މިއަދު އިއުލާން ކުރައްވައިފި އެވެ.

އިދިކޮޅު އެމްޑީޕީގައި މިހާރު އެންމެ ނުފޫޒު ގަދަ އެއް ލީޑަރު ފައްޔާޒު ރިޔާސީ ޕްރައިމަރީ އަށް ނުކުންނަވާނެކަން އިއުލާން ކުރެއްވީ އެ ޕާޓީގެ ގައުމީ މަޖިލިހުގެ މެމްބަރުން ތިއްބަވާ ވަޓްސްއެޕް ގުރޫޕުގަ އެވެ.

ރިޔާސީ ޕްރައިމަރީގައި ވާދަކުރައްވާނެ ކަން އިއުލާން ކުރެއްވުމަށް ފަހު، ފައްޔާޒު އެދިވަޑައިގަތީ އެކަމަށް ތާއީދު ކޮށްދިނުމަށެވެ.

ދެން ބާއްވާ ރިޔާސީ އިންތިހާބުގައި އެމްޑީޕީގެ ޓިކެޓު ހޯދުމުގެ ވާދަވެރިކަން ބޮޑުވާނެ ކަމަށް ބެލެވޭއިރު، އެ ޓިކެޓް ހޯއްދެވުމުގެ ޝައުގުވެރިކަން އެންމެ ފުރަތަމަ މި އިއުލާން ކުރެއްވީ މިދިޔަ ފަސް އަހަރު އިކޮނޮމިކް މިނިސްޓަރުކަން ވެސް ކުރެއްވި ފައްޔާޒެވެ.

ރިޔާސީ އިންތިހާބުގައި ކުރީގެ ރައީސް އިބްރާހިމް މުހައްމަދު ސޯލިހު (އިބޫ) އެމްޑީޕީގެ ފަރާތުން އަނެއްކާވެސް ނުކުންނަވާނެ ކަމަށް ބައެއް މީހުން ގަބޫލުކުރި ނަމަވެސް އެ މަނިކުފާނު އެ އަަށް އަދި ސާފު ޖަވާބެއް ނުދެއްވަ އެވެ.

"ފުދިއްޖެ. ފުނޑިއްޖެ" ނަމުގައި އިދިކޮޅު އެމްޑީޕީން ރޭ ކާނިވާ ސަރަހައްދުގައި ބޭއްވި ޖަލްސާގައި ކުރީގެ ރައީސް އިބޫ އާއި އެމްޑީގެ ޗެއާޕާސަން ފައްޔާޒް އިސްމާއިލް ބައިވެރިވެވަޑައިގަންނަވަނީ.-- ފޮޓޯ: ނިޝާން އަލީ | މިހާރު

މިދިޔަ ހަފުތާގެ އާދިއްތަ ދުވަހު ރާއްޖެ ޓީވީގެ "ފަށާއިރު" ޕްރޮގްރާމްގައި އެ ސުވާލު ކުރުމުން އިބޫ ވިދާޅުވީ، އެ މަނިކުފާނުގެ ސިޔާސީ ކުރިމަގާ ބެހޭ ގޮތުން އެމްޑީޕީގެ އިސްވެރިންނާ ވާހަކަފުޅު ދައްކަވާފައިވާ ކަަމަށާއި ކުރިއަށް ވަޑައިގަންނަވާނެ ގޮތް ވެސް އެ ބޭފުޅުންނާ ހިއްސާ ކުރައްވާފައިވާ ކަމަށެވެ.

އިބޫ ވިދާޅުވި ގޮތުގައި އެމްޑީޕީގެ ރިޔާސީ ޕްރައިމަރީގައި ވާދަކުރެއްވުމަށް "ހަތަރު ފަސް" މެމްބަރަކު މިހާރު ވެސް ޝައުގުވެރިކަން ފާޅުކުރައްވާފައިވެ އެވެ. އެއީ ވަރަށް ރަނގަޅު ކަމެއްގެ ގޮތުގައި ސިފަ ކުރައްވައި، އެ މަނިކުފާނު ވިދާޅުވީ ވާދަވެރި އެތެރޭގެ އިންތިހާބެއް ކުރިއަށް ގެންދިއުމަކީ ވަރަށް މުހިއްމު ކަމެއް ކަމަށެވެ.

އަންނަ ރިޔާސީ އިންތިހާބުގައި ވާދަކުރައްވާނެކަން ކުރީގެ ރައީސް ޔާމީން އަބްދުލްގައްޔޫމް ވެސް ވަނީ އިއުލާން ކުރައްވައިފަ އެވެ.

އެމްޑީޕީ ރައީސް އިބްރާހިމް މުހައްމަދު ސޯލިހް ފައްޔާޒު އިސްމާއިލް (ކުރީގެ މިނިސްޓަރު) ރިޔާސީ އިންތިޚާބު ރިޔާސީ އިންތިހާބު 2028 އިދިކޮޅު ފަރާތްތައް

98 ކޮމެންޓް, 49 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ޖޯކް

25 November 2024

އަމިއްލަ ގޭގެ މީހުންވެސް ވޯޓެއްދީފިއްޔާ ރަނގަޅު ހެހެ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އައްނިބޭބެ

24 November 2024

ރައީސް ނަޝީދު އަންނި ނޫން މިރާއްޖޭގެ ރައްޔިތަކަށް ފައިދާއެވާކަހަލަ ކަމެއްކުރެއްވި ރައީސަކު އަދި ވެރިކަމެއް ނުކުރަށްވާ. ކުރިން ރ ނ އަށް ނަފުރަތުކުރި އެކެއް ރައްޔިތުންގެ ދުލުން ރ ނ ރައްޔިތުންނަށް ( ސީދާ ރައްޔިތުމީހާގެ ޖީބަށް ) އެއްޗެއް ލިބޭގޮތަށް ހެއްދެވިކަން ގަބޫލުކުރޭ . އަޅުގަނޑަށް ބޮޑަށް ގަބޫލުކުރެވެނީ 2028 ގައި ރ ނަޝީދު އަލުން ވެރިކަމަށް ވަޑައިގެންފާނެހެން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ގިޔާސް

24 November 2024

ގައުމުގެ އެއްކޮށް ބަނގުރޫޓުކޮށްލާފަ އަދި ވެރިކަމަށް އަންނަން އެބަ މަސައްކަތް ކުރެއެންނު

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އެމްޑިޕީ ކުދިން

24 November 2024

އަހަރެމެން ބޭނުމީ އާޒިމް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ފިކުރީ

24 November 2024

ފައްޔާޒް މީ ކާކުތަ. އަދި މިހާތަނަށް އެއްވެސް އިންތިހާހަބުން މޮޅުވެފައި އިން މީހެއް ނޫން

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހުސެން އަލީ

24 November 2024

އަހަރެމެން ދެނެއް މިގައުމުގެ ވެރިކަމެއް އެމްޑީޕީއަކަން ނުދޭނަން

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އިހްސާސް

24 November 2024

މީނަ މިކަމަކައިގެން ދޯ އިބޫ ޞާލިޙުގެ ސިޔާސީ ހަޔާތް އެފުއްމިފުށަށް ޖަހާ ގޯސްތައް ހެއްދުވީ. ދެރައީ އިބުރާހިމަށް އެކަން ރެޔަކާ ނުލީމަ. އެންމެފަހުން އަންނިވެސް އިބޫއާ ފެޔަށްޖެހި ރައްޔިތުންގެ ނަފުރަތު އިބޫއަށް އިންތިހާއަށް އަމާޒުވި. މިއީ އިބުރާއަށް އެމްޑީޕީގެ ކުރި ނުލިބުނީމަ ފައްޔާޒު ފެށި ކަމެއްހެން ހާދަހީވެޔޭ. އެކަމަކު ކޮޔާ ދެން ތިކަން ތިއޮތީ ފުނޑިނިމިފަ. އެހެން ކަމަކާ ވިސްނިއްޔާ މާތާހިރުވާނެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ނަންބެ

24 November 2024

އެމްޑީޕީގެ ފިކުރަން ނިސްބަތްވާ އެކަކަށްވެސް އިރާދަކުރެއްވިއްޔާ ދުވަހަކުވެސް ވޯޓެއް ނުދޭނަން....

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޢާޒިމް 2028

24 November 2024

ޝައްކެތްވެސް ނެތް، ހަމަ ޔަގީނުންވެސް ދިވެހި ރާއްޖެ މިއަދު މިއޮތް ޙާލަތުން އާ ހަރުފަތަކަށް ގެންދެވޭނެ ކެނޑިޑޭޓަކީ އާދަމް އާޒިމް. ތަޖުރިބާއާއި، ތައުލީމީ ގޮތުން އަދި ޒުވާނުން ބާރުވެރިކުރުމަށާއި ޕާރޓީގެ އާންމު މެމްބަރުންގެ މަސްލަހަތު އިސްކުރައްވައި އާޒިމް ކުރައްވަމުން ގެންދަވާ މަސައްކަތްތަކަކީ ރައްޔިތުން މިއަދު ބަލައިގެންފައިވާ މަސައްކަތްތަކެއް. ޢާޒިމް 2028.