ނަޝީދު ހުށަހެޅުއްވީ "ފިކުރެއްގެ ދިރުން" ނަމުގައި ގޮފިތައް ހަދައި ރިޔާސީ ކެންޑިޑޭޓެއް ކަނޑައަޅަން
ރައްޔިތުންގެ މަޖިލީހުގެ ރައީސް މުހައްމަދު ނަޝީދު ރިޔާސީ ޕްރައިމަރީގެ ކެމްޕޭން އިވެންޓެއްގައި: ނަޝީދު ވިދާޅުވަނީ އިންތިހާބު ކާމިޔާބު ކުރެއްވި ރައީސް އިބްރާހިމް މުހައްމަދު ސޯލިހަށް ރިޔާސީ އިންތިހާބު ކާމިޔާބު ނުކުރެއްވޭނެ ކަމަށް. -- ފޮޓޯ: ފަޔާޒް މޫސާ/މިހާރު
30 ޖެނުއަރީ 2023 - 10:04
141 comments
އެމްޑީޕީގެ ރިޔާސީ ޕްރައިމަރީގައި ރައީސް އިބްރާހިމް މުހައްމަދު ސޯލިހު ކާމިޔާބީ ހޯއްދަވާފައިވާ ކަމަށް، އެ މަނިކުފާނާ ވާދަކުރެއްވި މަޖިލީހުގެ ރައީސް މުހައްމަދު ނަޝީދު ގަބޫލުކުރައްވައިފި އެވެ.
އެމްޑީޕީގެ ވަޓްސްއެޕް ގްރޫޕަކަށް ނަޝީދު މިއަދު ހެނދުނު ފޮނުއްވި މެސެޖެއްގައި ލިޔުއްވާފައިވާ ގޮތުގައި "އިންތިހާބުގެ އޮޅުވާލުންތައް އެއްކިބާކޮށްފި ނަމަ" ރައީސް އިބްރާހިމް މުހައްމަދު ސޯލިހަށް ވަރަށް ގިނަ ވޯޓް އުނިވާނެ އެވެ. އެކަމަކު ނަޝީދު ވިދާޅުވީ ވޯޓާސް ލިސްޓަށް ބަލާ ނަމަ ކުޑަ ފަރަގަކުން ރައީސް މޮޅުވެދާނެ ކަމަށެވެ.
މިހެން ވިދާޅުވެ ނަޝީދު ލިޔުއްވި ގޮތުގައި، ޕްރައިމަރީ ކާމިޔާބުކުރެއްވުނަސް ރައީސަށް މި އަހަރުގެ ރިޔާސީ އިންތިހާބު ކާމިޔާބެއް ނުކުރެއްވޭނެ އެވެ.
"އަޅުގަނޑު ހުށަހަޅަނީ 'ފިކުރެއްގެ ދިރުން' ނަމުގައި އެމްޑީޕީގެ ގޮފިތައް ހުރިހާ ރަށެއްގައި ވެސް އަލުން ހަދައި، ކަނޑާލި 39،000 އަށް ވުރެ ގިނަ މީހުން އަލުން އެމްޑީޕީއާ ގުޅި، އެ މީހުންނާ އެކު އަޅުގަނޑުމެންނަށް ފެންނަ ގޮތް ނިންމުން،" ނަޝީދު ވިދާޅުވެފައިވެ އެވެ.
"ފިކުރެއްގެ ދިރުމުގެ ފަރާތުން ތާއީދުކުރާ ރިޔާސީ ކެނޑިޑޭޓެއް ކަނޑައަޅާނީ ފަހުން."
އެމްޑީޕީ ރިޔާސީ ޕްރައިމަރީގައި، އިންތިހާބުގައި މަޖިލީހުގެ ރައީސް މުހައްމަދު ނަޝީދު ވޯޓުލައްވަނީ.-- ފޮޓޯ: ފަޔާޒް މޫސާ /މިހާރު
ނަޝީދު ވިދާޅުވީ ރިޔާސީ އިންތިހާބުގެ ކުރިއަށް ބަރުލަމާނީ ނިޒާމަކަށް ބަދަލުކުރުމަށް އެއްބަސްވާ ކެންޑިޑޭޓަކީ ތާއީދުކުރަން ފަސޭހަވާނެ ކެންޑިޑޭޓެއް ކަމަށެވެ.
ނަޝީދުގެ މި މެސެޖަށް ރައްދު ދެއްވައި، އެމްޑީޕީގެ ޗެއާޕާސަން، އިކޮނޮމިކް މިނިސްޓަރު ފައްޔާޒް އިސްމާއިލް އެ ގްރޫޕްގައި ވިދާޅުވީ ނަޝީދުގެ އެ ހުށަހެޅުއްވުމާ މެދު އަލުން ވިސްނާލަށް އެދިވަޑައިގަންނަވާ ކަމަށެވެ.
"ޕާޓީގެ އުސޫލާއި ގަވައިދު ބަދަލު ނުކޮށް ތިގޮތަށް ކުރެވޭނެ ކަމަކަށް ގަބޫލެއް ނުކުރެވޭ. [ރިޔާސީ] ޓިކެޓް ކާމިޔާބުކުރާ ފަރާތަކީ ޕާޓީގެ ރިޔާސީ ކެންޑިޑޭޓް،" ފައްޔާޒް ވިދާޅުވި އެވެ.
އެމްޑީޕީގެ ޕްރައިމަރީ ކެމްޕެއިނުގެ ތެރެއިން ރައީސް އިބްރާހިމް މުހައްމަދު ސޯލިހު ވިދާޅުވެފައިވާ ގޮތުގައި އެ މަނިކުފާނު ތާއީދު ކުރައްވަނީ ރިޔާސީ ނިޒާމަކަށެވެ. އަދި ބަރުލަމާނީ ނިޒާމަކަށް ތާއީދުކުރައްވާ ނަމަ ރިޔާސީ އިންތިހާބަށް ކުރިމަތިލައްވަން މަސައްކަތެއް ނުކުރައްވާނެ ކަމަށް ރައީސް ވިދާޅުވި އެވެ.
"ބަރުލަމާނީ ނިޒާމެއްގެ ތެރޭގައި ވެރިކަން ކުރާކަށް ނޫޅޭނަން،" ރައީސް ވިދާޅުވި އެވެ.
ރާއްޖޭގެ ސިޔާސީ ޕާޓީއަކުން މިހާތަނަށް ބޭއްވި އެންމެ ވާދަވެރި އެތެރޭގެ އިންތިހާބުގައި ދެ ފަރާތުން ބަހުގެ ވަރުގަދަ ހަމަލާތައް ބަދަލުކުރި ނަމަވެސް އިންތިހާބަށް ފަހު ނަޝީދު އަދި އާންމުކޮށް އެއްވެސް ވާހަކައެއް ނުދައްކަވަ އެވެ. ރައީސް ވިދާޅުވެފައި ވަނީ ކިތަންމެ ވާދަވެރިކަމާ އެކު ކެމްޕޭންކުރި ނަމަވެސް އެ މަނިކުފާނު ހުންނެވީ އަދިވެސް އެކުގައި މަސައްކަތްކުރައްވަން ތައްޔާރަށް ކަމަށެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ފަހުމީދާ ހަމީދު
01 February 2023
މަނިކުފާނު ވެރިކަންކުރާހިތްވިޔަސް އެކަމުގެ ވައްޓަފާޅިއާއި އާޖުފާޖު ނޭގޭ... ކުރީގަ އަހަރެންނަކީވެސް މަނިކުފާނަށް އިންތިހާޔަށް ތާއީދުކޮށް މަނިކާފާނުގެ ދޫފުޅުން އެހެރަ ނުކުއްނަނީ ފަލްސަފާގެ ފިލާވަޅުތަށްކަމަށް ދެކުނުމީހެއް...ވެރިކަން ހިންގުމަކީ މަނިކުފާނުގެ ޒާތެއްވެސް ނޫން...އެހެނެއްނޫން ރަށުތެރެ ހަލަބޮލިކޮށް ދެބޯގެރިދުއްވުމާއި މަނިކުފާނަކީ އަދިވެސް އަރާހުރިމީހެއްނޫން.. އިހަށް ދެން ނާޒިމް އސ މުސްކުޅި މައިންބަފައިން ބަލަން ގޭގަ މަޑުކޮށްލައްވާ.
ދެން ރިޓަޔާވާން ފެނޭ
31 January 2023
މައުމޫނާ. ނަޝީދާ. ޔާމީން އެއްކޮށް ހަވާއީ ކަހަލަ ތަނަކައް ގޮސް އަވީލާން ތިބެ ދެން. ފަންގި ލައިގެން ނަށާލަ ނަށާލަ. ވެރިކަން ދެން ހަނދާން ނައްތާލާ. ހެހެހެހެ
ހަމީދު ް
31 January 2023
ނަޝީދުގެ 16000 ވޯޓު ކަނޑާލި މީޙުންގެ ތެރެއިން 50 އިންސައްތަ ވީމާ އިބޫއަށްވުރެ ގިނަކަމަށް އަންނިއަށް ފެނޭ. އިބޫއަތުގަ މީޑިއާ ހުރިހާ ބާރެއް، ވަޒީފާގެ ބިރު، އެހެންވީމާ އަންނި ދޫކުރާނެކަމަށް ނުފެނޭ. އަދިވެސް ޝިފާޒުމެން ހިތަށް އަރާހާއެއްޗަކުން ވަށްބަހުން ޖަހަނީ. އަންނި ނިކަން ނުލަފާވާނެ. ބަދަލު ނުހިފާނުހުންނާނެކަން ޝިފާޒުމެންނަށް އެނގޭނެ. އެހެންވީމާ އެމްޑީޕީ ބައިކުރަން އެބައުޅޭ އެމްޑީޕީން
ބޮޑުރިޔާ
31 January 2023
މައުމޫންއަށްފާޑު ކިޔާ މީހާގެ ހާލަތު މީހަކަށް ފާޑު ކިޔޭވަރުވެއެއްނޫން ވެރިކަމާ ހެދި މަރުދަންޖެހެނީ މީދެން ފުކެއް ބޮޑުވަރު ޑިމޮކްރެސީއަކީ ވޯޓުން ގޮތް ނިންމީމާ އެއަށްތަބާވުން ޑިމޮކުރަސީގެ ބައްޕަ ކަމަށް ހެދިގެން އުޅޭ މީހާއަށް އެވަރު ނޭގުނީމާ ދެން ލަލަލާ
ކަބުލޯ
31 January 2023
ކޮސް ނުގޮވާ މަޑުން ހުރޭ. އިތުރު ޗޮއިސްއެއް ނެތް.
ޔަގީންޓާރ
31 January 2023
މަށާ މަގޭ އާއިލާ ދެން މީނާއަށް ދޭނެ ވޯޓެއް ނޯންނާނެ! މިހާރުއެއީ އަހުރުން ކުރިން ތާއީދުކުރި އަންނިއެއްނޫން!
ޢަބްދުﷲ އައްޑޫ
31 January 2023
އަހަންނަކީވެސް ކަނޑާލި މެމްބަރެއް. ރައީސް ނަޝީދަކީ ރާއްޖޭގެ ތާރީހުގައި ފާހަނގަ ކޮށްލެވޭނެ ރައީސެއް. އެކަމަކު ބައެއް ފަހަރު ފިލްޓާ އޮފް ކޮށްގެން ވާހަކަ ދައްކާތީ މައްސަލައަކީ. އިބޫ ސަރުކާރުން ކަންކަން އެބަ ކުރޭ. ތަންކޮޅެއް ސްލޯއީ.
ވިސްނާށޭ
31 January 2023
ދެން އޮތްގޮތަކީ ރޫހާނީ ސޮރު މިޕާޓީން ވަކިކުރުން. ރަގަޅު ބާ؟
އެޑަމް
31 January 2023
ޕާޓީވުޖޫދުންފޮހެލުމައް މަސައްކަތްކުރާމީހަކު,ކޮންގުރެސްްބާއްވާފަޕާޓީންވަކިކުރަންވޯޓުނަގާވަކިކުރާށެވެ.އޭނާއަކައްދެނެއްޕާޓީއެއްގަނޫޅެވޭނެ!ވެރިކަމާހެދިމޮޔަވެހަލާކުވަނީ.ދެންހަދަންޖެހޭނީ,ފިކުރެއްގެނިމުންް,ސ,ފޭދޫމެމްބަރުފަދަވަފާތެރިބޭފުޅުންނެވެ.ނަމަވެސް,މޑޕ,ދެކެލޯބިވާއެޕާޓީއައްވަފާތެރި ޑެމޮކުރަސީއައްލޯބިކުރާއެކަކުވެސް ފިކުރެއްގެނިމުމަކައްބަދަލެއްނުވާނެ.އަންނިހޮވިއިރު ރައްޔިތުންްނައްފެނުނީމައުމޫނެވެ.އަންނިއެއްނުފެނޭރައްޔިތުންތިބީމައުމޫނުނޫނީބޮކެއްވިޔަސްރަގަޅުވެފާ,އަންނިހޮވިފަހުން އޭނަޔާއޭނަގެއާޚުލާގުދަސްވީ,ދެން,ހޯހޯ
ބަތްކައްކާ
31 January 2023
ސަހަނރޯ ކިޔަންކާއު މި ކެނީ
އެޑަމް
30 January 2023
މޑޕ ގެތެރެއިން ނަސީދައް އުފެއްދޭނީކޮންފިކުރެއްހެއްޔެވެ ކަލެޢާބައިވެރިވާނީމޑޕ,ތެރޭތިބިކަލޭކަހަލަ މީހުންނެވެ.ލަނޑަޔާވާނީ ލަނޑަޔާއެވެ.ދެންތިވީވަރުވެސްނުވާނެ, މޑޕ.ތެރެއިންފާޑުފާޑުފިކުރުއުފެދުނަސްއެއީ އޮރިޖިނަލް,ފިކުރަކައްނުވާނެ ނޭގޭމީހުނައްއޮޅުވާލަންއުޅުވަސް,މޑޕ އުފެއްދިބާނީއަކީ ނަސީދެއްނޫނެވެ.އެބައެއްގެހިތުގާވެރިކަންބަދަލުކުރުމުގެޚިޔާލުއުފެދިއެމަސައްކަތްފެށިއިރުއަންނިިރާއްޖޭގަވެސްނެއްއޭނަކުރިކަމަކީރާއްޖެއައިސްމަގުމަތީކުޅިގަޑުފަށާމީހުންގެލަދުހަޔާތްކެޑުވީ.ޒުވާނުންހަލާކުކުރީ!!