ވިޔަފާރި / ޓީޖީއެސްޓީ

ޑޮލަރުން ލިބުނު އާމްދަނީ 66 ޕަސެންޓު އިތުރުވެ 113 މިލިއަނަށް

މީރާ އިން މީހަކު ހިދުމަތް ހޯދަނީ. ޑޮލަރުގެ ލިބުނު ޓެކްސް ބޮޑު ވެއްޖެ

ފާތިމަތު ޝަނާ މުހައްމަދު، މިހާރު

13 ފެބުރުއަރީ 2023 - 13:15

15 comments

މިދިޔަ މަހު މީރާއަށް ޑޮލަރުން ލިބުނު ޓެކްސް އާމްދަނީ 66 ޕަސެންޓް އިތުރުވެ 113 މިލިއަނަށް އަރައިފި އެވެ.

ޓެކްސް އިދާރާ، މީރާއިން އާންމުކުރި ތަފާސް ހިސާބުތަކުން އެނގޭ ގޮތުން، މިއީ މިދިޔަ އަހަރުގެ ޖެނުއަރީ މަހާ އަޅައި ބަލާއިރު 66 ޕަސެންޓުގެ އިތުރުވުމެކެވެ. މީރާއަށް މިދިޔަ އަހަރުގެ ޖެނުއަރީ މަހު ޑޮލަރުން ލިބުނު އާމްދަނީ އަކީ 75 މިލިއަނެވެ.

މިދިޔަ މަހުގެ ޑޮލަރުގެ ގާތްގަނޑަކަށް 70 ޕަސެންޓު ލިބުނީ ޓީޖީއެސްޓީގެ ގޮތުގަ އެވެ. ޓީޖީއެސްޓީގެ ގޮތުގައި މީރާއަށް 80 މިލިއަން ޑޮލަރު ލިބުނެވެ. މިއީ މިދިޔަ އަހަރުގެ ޑޮލަރުން ލިބުނު ޓީޖީއެސްޓީގެ އާމްދަނީ އަށް ވުރެ ގާތްގަނޑަކަށް ދެގުނަ އިތުރު އަދަދެކެވެ. މިދިޔަ އަހަރުގެ ޖެނުއަރީ މަހު ޓީޖީއެސްޓީގެ ގޮތުގައި ލިބުނީ 49 މިލިއަން ޑޮލަރެވެ.

އޭގެ އިތުރުން އިންކަމް ޓެކްސްގެ ގޮތުގައި ހަތް މިލިއަން ޑޮލަރު، އަދި ޑިޕާޗާ ޓެކްސްގެ ގޮތުގައި ފަސް މިލިއަން ޑޮލަރު ލިބުނެވެ. މިދިޔަ އަހަރުގެ މި މުއްދަތަށް ވުރެ ޑޮލަރުން ލިބުނު އިންކަމް ޓެކްސް ވަނީ 85 ޕަސެންޓް އިތުރުވެފަ އެވެ. އަދި ޑިޕާޗާ ޓެކްސް ވަނީ ގާތްގަނޑަކަށް 60 ޕަސެންޓު އިތުރުވެފަ އެވެ.

ދައުލަތަށް ޑޮލަރުގެ ލިބޭ އާމްދަނީ އިތުރުވި އިރު ރާއްޖޭގެ ކަޅު ބާޒާރުގައި ޑޮލަރުގެ އަގަށް އަދިވެސް މާބޮޑު ބަދަލެއް ނާދެ އެވެ. ދައުލަތަށް ވަންނަ ޑޮލަރުގެ ބޮޑު ބައެއް އެސްއޯއީތަކަށާއި ދަރަނި އަދާކުރަން ހޭދަކުރެ އެވެ.

ޑޮލަރުގެ އަގު ކަޅު ބާޒާރުގައި އިންތިހާ އަށް އުފުލުނީ ކޮވިޑްގެ ދުވަސްވަރު އެވެ. އޭރު އަގު 15.85ރ. އިން 20ރ. އަށް އެރި އެވެ. އޭގެ ފަހުން ޑޮލަރުގެ އަގު ވޭތުވެދިޔަ ދެ އަހަރު ވެސް ކަޅު ބާޒާރުގައި އެވްރެޖުކޮށް ހުރީ ޑޮލަރެއް، 17.35-17.40ރ. ދެމެދު އެވެ.

މީރާ ޑޮލަރު ޓެކްސް ޓީޖީއެސްޓީ ދައުލަތުގެ އާމްދަނީ

15 ކޮމެންޓް, 1 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

އަހުމަދުއަލޯ

14 February 2023

ހެހެ ތިޔަކުން އަހަރެމެންނަށް ކުރާނެ ފައިދާއެއް ނެތް. އަހަރެން މިހާރު މުދާ އަގުކުރަނީ 17.30 އަށް ބަލައިގެން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އެސްސީ

14 February 2023

ދައުލަތުގެ ބޮޑުންގެ ދަތުރުތަކަށް ޑޮލަރުން ކުރާ ހޭދަ ބަލާލަން ބޭނުން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އެމްސް

14 February 2023

ބޭންކުން ވިއްކާ ޑޮލަރެއް ވިއްޔާ ވިއްކާނީ ހަމަ އަގުގަ! ކަޅުބާޒާރަކީ ބޮޑު އަގުގަ ޑޮލަރު ވިއްކަން އުފައްދާފަ އޮތް ތަނެއް!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޙބބވވ

13 February 2023

އެކަމުވެސް ޑޮލަރުގެ އަގުނުވެއްޓޭ އަސްލު ރޭޓަށް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އެމްސް

14 February 2023

ބޭންކުން ހަމަ އަގުގަ ލިބޭނެ، ކަޅު ބާޒާރުގަ އެކި ދުވަހު ޑޮލަރު ހުންނާނީ އެކި ރޭޓްގަ!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮރަލް

13 February 2023

އަހަރަކު އެތައް ސަތޭކަ މިލިއަން ޑޮލަރެއް ބިދޭސީން އެބަ ބޭރު ކުރެ އެވެ. ވަގަށް ބޭރު ކުރާ އަދަދު ވ ގިނަ އެވެ. ބޭންކް ތަކާ އެމް އެމް އޭ އަކަށް ވެސް ނުބެލެ އެވެ. ހެސްކިޔާފަ މަނީ ލޯންޑް ކުރަނީ އެވެ. އެމީހުން ޑިޕޯޓް އެއްވެސް ނުކުރެވެ އެވެ. ދިވެއްސަކު ބީއެމްއެލް އަށް 2 ލައްކަ ރުފިޔާ ޖަމާ ކުރާ އިރަށް ސުވާލުކުރެ އެވެ. ޖަވާބު ނުދީފިނަމަ ބޭންކް ގެ ހުރިހާ އެކައުންޓް ތަކެއް ބްލޮކް ކޮށްލަ އެވެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އެމްސް

14 February 2023

އަހަރަކު ނޫން މަހަކު! އަހަރަކަަށް ބަލއިފިއްޔާ އެތައް ބިލަޔަނެއް ހުރިހާ ބިދޭސީން މައްޗަށް ބޭރުވޭ!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޑޯމްސް

13 February 2023

އެމްސް އަކީ، ސަރުކާރު ހިންގާ މައި ޕާޓީގެ އެކްޓިވިސްޓެއްކަން ކޮށްފައި ހުންނަ ގިނަ ކޮމެންޓްތަކުން އެނގޭ! ވީމާ، ރިސޯޓްއޯނަރުންނަށް ކަޅުބާޒާރަށް ޑޮލަރު ނުނެރެވޭނެ ކަހަލަ ޤާނޫނެއް ކަލޭމެންގެ ސްޕަރ މެޖޯރިޓީ ބޭނުންކޮށްގެން ހަދާބަލަ! ރާއްޖޭގައި އޮޕަރޭޓްކުރާ ރިޒޯޓްތަކުގެ މައި އެކައުންޓް ރާއްޖޭގައި ބޭއްވުން މަޖުބޫރުކޮށް، ވަކި ދުވަހެއް ވަންދެން އެ ބޭރު ފައިސާ ރާއްޖޭގައި ބެހެއްޓުމަށް ފަހުގައި ނޫނީ އެހެން ބޭންކަކަށް ޓްރާންސްފަރ ނުހެދޭގޮތް ހެދުމާއި، ބޭންކްތަކަށް ނޫނީ ޑޮލަރު މާރުނުކުރެވޭ ގޮތް ހެދުން! އަދި ޖެހޭނެ ހުރިހާ މަނީޗޭންޖަރތައް ބަންދުކޮށް، ބޭރުގެ އެއްވެސް ފައިސާއަކުން ރާއްޖޭގައި ވިޔަފާރިއާއި ޚިދުމަތުގެ އަގު ނުދެއްކޭގޮތް ހަދަން ވެސް! ބަލަ މި ރާއްޖެމީ، 2008 ގެ ކުރިން ޓީޓީ ހަދަން އެއަށްވާ ދިވެހި ފައިސާ ބޭންކަށް ދެއްކުމުން ކިތަންމެ ބޮޑު ޢަދަދެއްވެސް ޑޮލަރުން ހަދައިދިން ގައުމެކޭ!