މިދިޔަ އަހަރު ބޭއްވި 14 އަހަރުން ދަށުގެ ފުޓްބޯޅަ މުބާރާތުގެ އެންމެ ގިނަ ލަނޑު ޖަހައިގެން ރަންބޫޓް އެވޯޑާ އިލާން ހަވާލު ވަނީ: އިންޓަ ސްކޫލް ފުޓްބޯޅަ މުބާރާތުގައި އިއްޔެ އިސްކަންދަރު 29 ލަނޑުން މޮޅުވި މެޗުގައި އޭނާ ވަނީ 13 ލަނޑު ޖަހައިފަ --- ފައިލް ފޮޓޯ: އެފްއޭއެމް
20 ފެބުރުއަރީ 2023 - 09:00
14 comments
އިންޓަ ސްކޫލް 15 އަހަރުން ދަށުގެ މުބާރާތުގައި އިއްޔެ އަމީނިއްޔާ ސްކޫލްގެ މައްޗަށް އިސްކަންދަރުން 29-0 ބޮޑު މޮޅެއް ހޯދައިފި އެވެ.
އިސްކަންދަރުގެ ފޯވާޑް މުހައްމަދު އިލާން އިމްރާން 13 ލަނޑު ޖެހި އެވެ.
ފުރަތަމަ ހާފުގައި ނަތީޖާ އަކީ 17-0 އެވެ. އިސްކަންދަރު ސްކޫލްގެ މި ޓީމުގައި ރާއްޖޭގެ 16 އަހަރުން ދަށުގެ ގައުމީ ޓީމުގެ ގިނަ ކުޅުންތެރިންތަކެއް ހިމެނެ އެވެ. އަދި އެފްއޭއެމުން މިދިޔަ އަހަރު ބޭއްވި 14 އަހަރުން ދަށުގެ މުބާރާތް ކާމިޔާބު ކުރި، ކްލަބް ވެލެންސިއާގެ ޓީމަށް އެއްކޮށް ކުޅުނު ކުޅުންތެރިން ވެސް ހިމެނެ އެވެ.
އިލާން އާއި އީތަން އިބްރާހިމް ޒަކީގެ އިތުރުން އިސްކަންދަރުގެ ކެޕްޓަން ޔޫސުފް އަޔާން އާމިރު (އާންބެ) އަކީ ޔޫސުފް އަޒީމް (ޔޫއްޓޭ) ގެ ކޯޗު ކަމުގެ ދަށުން ވެލެންސިއާގެ އެކަޑަމީގައި އެއްކޮށް ތަމްރީން ހަދަމުން އަންނަ ކުޅުންތެރިންނެވެ. އެފްއޭއެމް 14 އަހަރުން ދަށުގެ މުބާރާތުގައި ވެސް އެންމެ ގިނަ ލަނޑު ޖެހި ކުޅުންތެރިޔާގެ އެވޯޑް ހޯދި އިލާން ވަނީ 14 އަހަރުން ދަށުގެ މުޅި މުބާރާތުގައި އޭނާ ޖެހި ލަނޑުގެ އަދަދުގެ ދެބައި ކުޅަ އެއްބައި އިއްޔެގެ މެޗުގައި އެކަނި ކާމިޔާބު ކޮށްފަ އެވެ.
އިންޓަ ސްކޫލް 15 އަހަރުން ދަށުގެ މުބާރާތުގައި އިއްޔެ އިސްކަންދަރާއި އަމީނިއްޔާ ކުޅުނު މެޗުގެ ތެރެއިން --- ފޮޓޯ: އެފްއޭއެމް
އެ މުބާރާތުގެ ރަންބޫޓް އެވޯޑް އިލާން ހޯދީ 35 ލަނޑު ޖަހައިގެންނެވެ. ރާއްޖޭގެ ކުރިމަގުގެ ފުޓްބޯޅައިގެ އުންމީދެއްގެ ގޮތުގައި ތަޖުރިބާކާރުން ފާހަގަ ކުރާ އިލާން ވަނީ މެޗުގެ ތިންވަނަ މިނެޓްގައި އިސްކަންދަރަށް، އަމީނިއްޔާގެ ގޯލް ހުޅުވައި ދީފަ އެވެ.
ހަމަ އަލުން ކުޅެން ފެށިތަނާ އީތަން ލަނޑު ޖެހި އެވެ. ފުރަތަމަ ހާފުގައި ޖެހި 13 ލަނޑުގެ ތެރެއިން ފަސް ލަނޑު ޖެހީ އިލާން އެވެ.
އީތަން ވެސް ވަނީ ހަ ލަނޑު ޖަހައި ދެ ހެޓްރިކް ފުރިހަމަކޮޮށްފަ އެވެ. އަހުމަދު ކާއިން، ކެޕްޓަން އަޔާން އަދި އަބްދުﷲ އައިދާހް ސާޖިދު ވެސް ވަނީ، ކޮންމެ ކުޅުންތެރިޔަކު ތިން ލަނޑު ޖަހައިފަ އެވެ. އަދި ޔޫސުފް ޖުޖާޖް އިނާޒް ވެސް ލަނޑެއް ޖެހި އެވެ.
އިސްކަންދަރު ޓީމުގެ ކުޅުން މިހާ ތަފާތުވި ސަބަބަކީ ޒުވާން ގައުމީ ޓީމުގައި ވެސް އެއްކޮށް ކުޅޭ ގިނަ ކުޅުންތެރިންތަކެއް ތިބުން ކަމަށް ތަޖުރިބާކާރުން ބުނެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ޢައްސި
22 February 2023
މިވަރުވީމަދެން ލަދުގަންނަ ވަރުވޭ.
ހިނާ
22 February 2023
އިސްކަންދަރަށް ގެންގޮސްފައި އޮތީ އެއުމުރު ފުރައިގެ ޤައުމީ ޓީމް.. ގެންގޮސްފައޭ މިބުނީ..ކުރިން އެކި ސްކޫލް ތަކަށް ކުޅެފައި ތިބި ކުދިން އިސްކަންދަރަށް ހާއްސަ ޓްރާންސްފާއެއްގެ ދަށުން ގެންގޮސްފައި ތިބީމައި. ކުދިން ޓްރާސްފަރ ހަދަން ނޭގޭނަމަ އުމުރު ފުރައިން އެހާ ތަފާތެއް ނުދައްކާނެ.. އެއީ އެކުދިންގެ ކުށެއްވެސް ނޫން. އެކުދިން އެއް ބަޔަކު އަނެއްބަޔަކަށް އިހުތިރާމު ކުރާނެ. ސްކޫލުން ބެލެނިވެރިން ތަކަކާ ގުޅިގެން ހިންގާފައިވާ ކަމަކާ ވައްތަރީ..
އެސީސީއަށް
21 February 2023
އިސްކަންދަރު ސްކޫލުން މިކުދިންނަށް ޖާގަ ލިބޭގޮތްވެސް ބަލާލަން ވަރަށް މުހިންމު! މިއީ އެޑިއުކޭޝަން މިނިސްޓްރީ ތެރޭ ހިންގާ އެންމެ ބޮޑު އެއް ކޮރަޕްޝަން. އެސީސީއޭ އެސެސްމަންޓެއް ހަދާދެއްވަބަލަ މާލޭ ސްކޫލުތަކުން ޖާގަދެނީ އެންމެނަށް އެއް އުސޫލަކުންތޯ؟ އަނެއްކާ އިސްކަންދަރު ޕްރިންސިޕަލަކީ އެހެން ސްކޫލަކަށް ބަދަލުކުރެވޭ މީހެއްވެސް ނޫން.
ލައޓި
21 February 2023
އަމީނިއްޔާ ޕްރިންސިޕަލް އިސްތިއުފާ
ތުނޑުހަސަނު
20 February 2023
މިއީ ކުޑަކުދިންތަކެއްގެ ކުރިމަގު ބަނަކޮށް ފުރައްސާރަކޮށް ބުލީކުރުމުގެ ޢަމަލެއް. އިސްކަންދަރު ސްކޫލުގެ މެނޭޖްމެންޓާއި ޓީމުގެ ކޯޗު ޖެހޭނެ މިކަން ހުއްޓުވަން. ކުޅޭނީ މޮޅުވާން. މިވަރުކުރުން އެއީ ފުރައްސާރައެއް އަދި ބުލީއެއްް. ޖެހިޖެހިގެން ހުރި ދެ ސްކޫލެއްގެ ދަރިވަރުންގެ މެދުގައި ހަމަނުޖެހުން އުފެދެން ހުޅުވުނު ދޮރެއް މިއީ. އަމީނިއްޔާ ދަރިވަރުންނަށް ފުރައްސާރަ ކުރުމަށްް އެހެން ސްކޫލުތަކުގެ ދަރިވަރުން ވެސް މިނަތީޖާގެ ބޭނުން ހިފާނެ.
ސަލީމްމް
20 February 2023
މިއީ ކުޑަކުދިން ގެ މުބާރާތެއް. މިއަކު ނެތް އެއްވެސް ސްކޫލަކަށް ހަޖޫ ޖަހާނެ ޖާގައެއް.. އިސްކަންދަރު ޓީމު އެކުލަވާލާފާ ވަނީ ފުޓުބޯޅައަށް މޮޅު ކުދިން އެ ސްކޫލަށް ވައްދައިގެން.. އެހެންކަމުން އިސްކަންދަރުގާ އޮތީ އެ އުމުރު ފުރާގެ ގައުމީޓީމު.. އިސްކަން ދަރު ޓީމު މޮޅަށް ކުޅެ ކަމިޔާބު ލިބުމަކީވެސް އުފާކުރާންޖެހޭ ކަމެއް. ޢެކުދިން ވަރަށް މޮޅު ވަރަށް ކުލަދާނަ...
ފެމިނިސްޓް ކަތްދާދީ
20 February 2023
އަމީނިއްޔާއޭ. ތި ނަތީޖާ ބަދަލު ކުރަން ފެމިނިސްޓުން ހަޅުތާލު ނުކޮށްފިއްޔާ ދެރަ.
ރާއްޖެ
20 February 2023
މިއޮތީ ބުލީ ކޮއްފަ. ކޯޗް ޖެހޭނެ މިކަން ހުއްޓުވަން. ފެއަރޕްލޭ.
ޟާނު
21 February 2023
ކޮބާތަ ބުލީ ކުރުމަކީ ދެންފަހަރަކުން އެވަރު ޖެހުނަ ނުދީ ހިފެހެއްޓުން އޮތީ މިހާރު ކިރިޔާ ކަމެއް ވާއިރަށް ބުލީ ކުރުމޭ ކިޔާ ކުދިން ނުކުޅެދޭ މީހުނަށް ހެދުން މިއޮންނަނޫ ކިޔާއެއްޗިއްސަށް ކުރިމަތިލާން ދަސްކޮށްދިނުން މާރަގަޅުވާނެ
ނަމެނެ
20 February 2023
އަމީނިއްޔާ ޓީމު މިވީ ބޮޑު ޖޯކަކަށް
ފޮނިފޮނިޓައްޕު ކުމާރު
20 February 2023
ވާނީ ރާއްޖެކޮޅަށް އިރާނު 17 ލަނޑުޖެހީކަމަށް. އެކަމަކު މިއޮތީ އިސްކަންދަރުން އަމީނިއްޔާއަށް ހަދާލިގޮތް.
ބޮޑު ޖޯކު
25 February 2023
މިިިިިއީ ބާވާވަރުގެ މުބާރާތެއް ނޫން. ޙުރިހާ ރަންގަޅު ކުޅުން ތެރިން އެއްކޮއްގެން އިސްކަންދަރަށް ތަށިދޭން ބާއްވާ މުބާޜާތެއް. ޙަމަ ޖޯކެއް. މީގެން ސްކޫލުން ކޮއްދިން އެއްވެސް ކަމެއް ނުފެނޭ. ދެން އަތް ޖަހަން ތިބޭ ޕްރިންސިޕަލް އަށް ސަނާކިޔާފަ.