20 ފެބުރުއަރީ 2023 - 10:13
45 comments
ކުރީގެ ރައީސް މުހައްމަދު ނަޝީދުގެ މަންދޫބުން، ޖުމްހޫރީ ޕާޓީގެ ލީޑަރު ގާސިމް އިބްރާހިމްއާ ރޭ ބައްދަލުކުރައްވައިފި އެވެ.
އިތުރު ތަފްސީލެއް ނުދެއްވައި މަޑަވެލި ދާއިރާގެ މެމްބަރު އަދި އެމްޑީޕީގެ ރައީސް ނަޝީދުގެ "ފިކުރެއްގެ ދިރުން" ކެމްޕެއިންގައި އިސްކޮށް އުޅުއްވާ ހުސެއިން ފިރުޝާން ވިދާޅުވީ ނަޝީދުގެ މަންދޫބުންގެ ގޮތުގައި، ގދ. އަތޮޅުގެ ކުރީގެ މެމްބަރު މުހައްމަދު ރަޝާދު ހުސެއިން އާއި މަޑަވެލި ދާއިރާގެ ކުރީގެ މެމްބަރު މުހައްމަދު ނާޒިމް، މާމިގިލީ ދާއިރާގެ މެމްބަރު ގާސިމާ ބައްދަލުކުރައްވާފައިވާ ކަމަށެވެ.
އެމްޑީޕީގެ އެތެރޭގައި މައްސަލަތައް ބޮޑުވެ، ނަޝީދާއި ރައީސް އިބްރާހިމް މުހައްމަދު ސޯލިހަށް ތާއިދުކުރައްވާ ބޭފުޅުން ވަނީ ދެ ފެކްޝަނަކަށް ބެހިފަ އެވެ. އެހެންވެ، އެ ދެ ފެކްޝަނުން ވެސް އަންނަނީ އަންނަ ސެޕްޓެމްބަރު މަހު ބާއްވާ އިންތިހާބަށް ގާސިމްގެ ތާއީދު ހޯދުމަށް މަސައްކަތް ކުރަމުންނެވެ.
ރައީސްގެ މަންދޫބުންތަކެއް ވެސް މިދިޔަ ހަފުތާގައި ގާސިމްއާ ބައްދަލުކުރައްވާފައިވެ އެވެ.
ފިކުރެއްގެ ދިރުން ޓީމުގެ ފަރާތުން ރައީސް @MohamedNasheed ގެ މަންދޫބުންގެ ގޮތުގައި ކުރީގެ ގދ. މެމްބަރު މުހައްމަދު ރަޝާދު ހުސެން @huvado އަދި ކުރީގެ މަޑަވެލި ދާއިރާގެ މެމްބަރު މުހައްމަދު ނާޒިމް @ZindhagyNazim އޮނަރަބަލް @qasimibrahim އާއި ބައްދަލު ކުރައްވައިފި.#FikureggeDhirun pic.twitter.com/ftAg2p9u5c
— Hussain Firushan 🇲🇻 (@husnfirey) February 19, 2023
ރިޔާސީ އިންތިހާބު ބޯމަތިވެފައި ވަނިކޮށް ނަޝީދުގެ ފެކްޝަނުން ގާސިމްގެ ރިސޯޓު، ސަން އައިލެންޑުގައި ބައްދަލުކުރެއްވިއިރު، އެ މަނިކުފާނަށް ތާއިދުކުރައްވާ ބައެއް ބޭފުޅުން ގެންދަވަނީ މި ފަހަރުގެ އިންތިހާބަށް ގާސިމް ނުކުމެވަޑައިގަތުމަށް ބާރު އަޅުއްވައި ސޯޝަލް މީޑިއާގައި ކެމްޕެއިން ކުރައްވަމުންނެވެ.
މިދިޔަ މަހުގެ 28 ގައި ބޭއްވި އެމްޑީޕީގެ ރިޔާސީ ޕްރައިމަރީން ނަޝީދު ނާކާމިޔާބުވުމުން، އެ މަނިކުފާނަށް ވަނީ ޕާޓީގެ ޓިކެޓު ގެއްލިފަ އެވެ.
ސެޕްޓެމްބަރު 9 ގައި ބާއްވާ މި އަހަރުގެ ރިޔާސީ އިންތިހާބުގައި އަމަލު ކުރައްވާނެ ގޮތެއް ގާސިމް އަދި ނުނިންމަވަ އެވެ. އެކަން ބޮޑަށް ސާފުވާނީ އަންނަ ހުކުރު އަދި ހޮނިހިރު ދުވަހު ބާއްވާ ޖުމްހޫރީ ޕާޓީގެ ކޮންގްރެސްގަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
މުރަކަ
21 February 2023
ފޮޓޯ ބަލައިލީމައި ބޮޑަށް ހީވަނީ ވަރުގަދަ ކެއުންގަނޑެއް ނިންމާލަން ގޮސްތިބި ހެން. ގަސިމްއަށް ރަނގަޅުތާ. ގިނަ ފަރާތްތަކުންް އޭނާ ކައިރިއަށް ދިޔަވަރަކަށް. ހުރިހާ ދިމާލަކަށް ކޮޅު އެއްލައިގެން އުޅުއްވާނީ!
ލުތުފީ
21 February 2023
ނަޝީދުގެ ފަރާތުން މަންދޫބުންގެ ގޮތުގައި ޤާސިމް އިބްރާހިމް ކައިރިޔަށް ފޮނުވަން ހަމަ އެންމެ ރަގަޅު ދެމީހުންނަކީ މިއީތޯ ސުވާލުއުފެދޭ! ޤާސިމަކީވެސް ސިޔާސީ ޕާޓީއެއްގެ ވެރިއެއް. އެހެންވީމަ ކުރިޔަށް އޮތް އިންތިޚާބުގައި އަމިއްލަ ސާޕޯޓް ހޯދަން މިދެމީހުންނާއެކު ބައްދަލުކުރުމަކީވެސް ވެދާނެ ގޮތެއް. ރާއްޖޭގައި ކުރާ ނޫސްވެރިކަމުގައި ކޮންމެފަދަ ވާހަކައެއްވެސް ނިކުތުމަކީ ވެދާނެކަމެއް.
ނަޖްވާ
21 February 2023
މި ރަސާދަކީ ނާޒިމަކި ވަރަށް ބޮޑަށް ދީނީ ތޮފި އަޅައިގެން އުޅޭ ދެ މީހުން ކަމަށް ބެލެވޭ މީހުން! މި ޒާތުގެ ކޮންމެވެސް ވަރެއްގެ ދީނީ ވާހަކަ ދައްކާލާ އުޅޭ މީހުންނަށް ގާސިމު ގެ ބޯ ކާލަން ތަންކޮޅެއް ފަސޭހަ ކަމަށް ވަނީ އިނގޭ! ގާސިމަކީ މާ ތަނެއް ދޮރެއް އުޑެއް ބުޑެއް ދަންނަ މީހެއް ނޫންވީމަ ފަސޭހައިން ބޯކާލެވޭ ގޮތް ވަނީ! މިހާރު ވީ މީ ގާސިމު އަށް ބަރޯސާވާ ބަރޯސާ ވުން ދުރުވާން! އެހެން ހެދޭނީ މި ގާސިމު ގެ ވަރަ ކޮށައިގެން! އެކަން ކުރަންވެއްޖެތާ ކިތަންމެދުވަހެއް!
ނުފޯރާ
21 February 2023
ނުފޯރާފޮތިން ފޫގެލުމުގެ މިސާލެއް
ސޯލިހު
20 February 2023
މިހާރު ޕީޕީއެމް 1 ވަނަ ގާސިމް އާއި ނަޝީދު 2 ވަނަ ސޯލިހު 3 ވަނަ ކަން ޔަގީން ވެއްޖެ ފުރަތަމަ ބުރުން.
ހަސޯ
21 February 2023
ޕީޕީއެމް 1 ވަނަހޯދާނީ ކެންޑިޑޭޓަކާނުލާ
އހ
20 February 2023
އެއްކަ ކޯލިސަން ނުހަދަށް ވަކާލާތު ކުރާ މީހާގެ ހާލަތު.ވެރިކަން ލިބިފަ ތި ޔަ ހުރީ ދެން ދޭ ހުވާ ކުރަށް
ހުފްސް
21 February 2023
ދެން އުފެދޭނީ ގާސިމުގެ ސަރުކާރެއް ، ގާސިމް ވަކިން ނެރުމަކީ ކޯލިސަނެއް ނޫން
އާރީ
20 February 2023
ނަސީދަށް މިހާރު ގާސިމް ބަގީއަކަށް ވެސް ނުވޭ. ޔާމިން ވައްކަށް ކުރިކަމަކަށް ވެސް ނުވޭ. ހެޔޮނުވާނެ މީނަގެ ފިކުރަށް ތާއިދު ކުރަށް. އަމިންލަ ެއެދުމުން ފޯވެފަ ތި ހުރީ ފާޓީ ފުޑާލަށް ނުކުމެ
ވެލއޖ
21 February 2023
ދަގަނޑު ކެނޑޭނީ ކިހިނެއްކަން ބުނެދީބަލަ.
ބޮބީދެޔޯ
20 February 2023
ފަޅުރަށްތަކާ ގިރިތައް ވިއްކަން ޑީލް ނުހަދާތި
ޙަސަން އަޙްމަދު
20 February 2023
ގާސިމަށް އެނގޭނެ އަންނި ދައްކާ ހުވަފެން ހަގީގަތަށް ނުވާކަން. އިބޫ ގާސިމުމެނަށް ވީ ވައުދު އުވައި ނުލާތީ އަންނި ޕާޓީން އެހެރަ ހަޅޭއްލަނީ މިހާރުވެސް. އެމްޑީޕީ ސަރުކާރޭ ކިޔައިގެން. އަލްޒައިމާ ޖެހިފަ ހުރި މީހަކު ނޫނީ ގަބޫލުކުުރާނެ ރައްޔިތުން ވޯޓުލީ ކޯލިޝަނަށްކަން.
ބޮޑުމީހާ
20 February 2023
ސިޔާސީ މީހުން މިޖަހާ ސަކަރާތުގަ ރައްޔިތުންޖެހި ހުރިހާ ގެއްލުމަކާއި ތުރާލެއް ރައްޔިތުންނަށް. 20 ހާސް ފްލެޓް އަޅަން ވައުދުވި މީހަކު 5 އަހަރު ނިމޭއިރު ފްލެޓެއް ނޭޅޭ، މިވަރުގެ މީހަކަށް ވެރިކަން ދޭން ދިވެހި އެތައް ބަޔަކު އަނެއްކާވެސް ވޯޓް ދީފި. މިވަރުން ކަމެއް އިސްލާހުވާނީ ކިިހިނެއް؟