ރައީސް އިބްރާހިމް މުހައްމަދު ސޯލިހާއި ކުރީގެ ރައީސް ނަޝީދު އަދި ގާސިމް މަޖިލިހުގެ ތަޅުމުގައި.
27 ފެބުރުއަރީ 2023 - 08:03
64 comments
ޖުމްހޫރީ ޕާޓީ (ޖޭޕީ) ގެ ކޮންގްރެސް ފެށުމަށް މިދިޔަ ހުކުރު ދުވަހު ބޭއްވި ޖަލްސާގައި އެ ޕާޓީގެ ލީޑަރު ގާސިމް އިބްރާހިމް، ކުރީގެ ބައެއް ރައީސުންނަށް ވަރަށް ބޮޑަށް ތައުރީފު ކުރެއްވި ނަމަވެސް މިހާރުގެ ރައީސް އިބްރާހިމް މުހައްމަދު ސޯލިހަށް އެފަދަ ބަހެއް ވިދާޅުނުވުމުން ކުރިމަތިވި ފާޑުކިޔުންތަކަށް ރޭ ފިނި ރައްދެއް ދެއްވައިފި އެވެ.
ކޮންގްރެސް ފެށުމަށް ބޭއްވި ޖަލްސާގަ އާއި ނިންމުމަށް ރޭ ބޭއްވި ޖަލްސާގައި ވެސް ކުރީގެ ރައީސް އަދި އެމްޑީޕީގެ ރައީސް މުހައްމަދު ނަޝީދު ބައިވެރިވެވަޑައިގެންނެވިއިރު އެ މަނިކުފާނަށް އެ ދެ ޖަލްސާގައި ވެސް ގާސިމް ވަރަށް ބޮޑަށް ތައުރީފު ކުރައްވައި ވެރިކަމުގެ ތިން އަހަރުގެ ރަނގަޅު ބައެއް ކަންކަން ފާހަގަކުރެއްވި އެވެ. އަދި ކޮންގްރެސް ފެށުމުގެ ޖަލްސާގައި ނަޝީދުގެ އިތުރުން ކުރީގެ ރައީސް މައުމޫން އަބްދުލްގައްޔޫމާއި ކުރީގެ ރައީސް އަބްދުﷲ ޔާމީނަށް ތައުރީފު ކުރެއްވި އެވެ.
އެކަމަކު، ގާސިމް މިހާރު ކޯލިޝަން ހައްދަވައިގެން އުޅުއްވާ ރައީސް އިބްރާހިމް މުހައްމަދު ސޯލިހުގެ ރަނގަޅު އެއްވެސް ވާހަކައެއް ދެ ޖަލްސާގައި ވެސް ވިދާޅެއް ނުވެ އެވެ.
ކޮންގްރެސް ނިންމުމަށް ރޭ އޮތް ޖަލްސާގައި ގާސިމް ވިދާޅުވީ، ނަޝީދާއި ޔާމީނާއި ކުރީގެ ރައީސް މުހައްމަދު ވަހީދުގެ "ރަނގަޅު" ވާހަކަ އޭނާ ދެއްކެވިއިރު ރައީސް އިބްރާހިމް މުހައްމަދު ސޯލިހުގެ ނަންފުޅު ނުގެންނާތީ ބައެއް މީހުން ވާހަކަ ދައްކާ ކަމަށެވެ.
އޭގެ ރައްދުގައި ގާސިމް ކުރެއްވީ ސުވާލެކެވެ.
"އަޅުގަނޑަށް ބުނެވިއްޖެތޯ އެ ބޭފުޅާ [ރައީސް އިބްރާހިމް މުހައްމަދު ސޯލިހު] ގޯހޭ. ކަމެއް ކުރެއްވި ވާހަކަ. އެންމެ ފަހަރަކު ވެސް އަޅުގަނޑު ދަންނަވައިފިތޯ؟ ކީއްތޯ މި ވަނީ،" ގާސިމް ވިދާޅުވި އެވެ.
"ހައިރާންވޭ، މަގޭ އަނބިމީހާ ވެސް އެއީ ޓްރާންސްޕޯޓް މިނިސްޓަރޭ."
ޖޭޕީގެ ކޮންގްރެސް ނިންމުމުގެ ރަސްމިއްޔާތުގައި ނަޝީދާއި ގާސިމް އަތްގުޅުވާލައިގެން.---ފޮޓޯ: ނިޝާން އަލީ| މިހާރު
ރޭގެ ޖަލްސާގައި ވެސް ރައީސް އިބްރާހިމް މުހައްމަދު ސޯލިހުގެ ސަރުކާރުގެ "ރަނގަޅު" ވާހަކަތަކުގެ ބަދަލުގައި ސަރުކާރުގެ ބައެއް ކަންކަމަށް ގާސިމް ފާޑުވިދާޅުވި އެވެ. އެކަމަކު، ވާހަކައިގެ އެކި ހިސާބުތަކުގައި ނަޝީދުގެ ސަރުކާރުގެ ރަނގަޅު ވާހަކަތަކާއި ނަޝީދަށް ތައުރީފު ކުރެއްވުމުގެ ވާހަކަތައް ގެންނެވި އެވެ.
މި އަހަރުގެ ސެޕްޓެމްބަރު 9 ގައި ބާއްވާ ރިޔާސީ އިންތިހާބަށް މިހާރުގެ ސަރުކާރާއެކު ގާސިމް ކުރިއަށް ވަޑައިގަންނަވާނެތޯ ކޮންގްރެސްގައި ދެއްކެވި ވާހަކަތަކާ ގުޅިގެން ދަނީ ސުވާލު އުފައްދަމުންނެވެ. ހާއްސަކޮށް ރިޔާސީ އިންތިހާބަށް ޖޭޕީ އެކަނި ނުކުންނަން ނުވަތަ އެ ޕާޓީ އިސްވެ ހަދާ ކޯލިޝަނާއެކު އިންތިހާބަށް ނުކުންނަން ކޮންގްރެސްގައި ފާސްކުރި ގަރާރުގެ ސަބަބުން އެ ސުވާލު އުފެއްދުން ވަނީ އިތުރުވެފަ އެވެ.
އެ ގަރާރަށް އެންމެ ފަހުގެ ގޮތް ނިންމަން ޖެހެނީ ޖޭޕީގެ ކައުންސިލަށް ކަމަށް ވިޔަސް ގާސިމް ވިދާޅުވެފައިވާ ގޮތުގައި އެއީ އެ ކައުންސިލުން އަމަލުކުރުން ލާޒިމް ގަރާރެއް ނޫނެވެ. އެކަމަކު، އަލަށް އިންތިހާބުކުރި ކައުންސިލްގެ އަޣުލަބިއްޔަތު އޮތް ކަމަށް އަދި ދައްކަނީ ސަރުކާރާ ދެކޮޅަށް ކަމަށް ވާއިރު ޖޭޕީގެ ނިންމުން އަދި އަންނާނެ ގޮތެއް އެއީ ސުވާލެކެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ގޮވަތި
28 February 2023
ގާސިމަކީ މޮޔައެއް ތިމާއަށް ކަންތައްތަކެއް ކޮށްނުދިނުމަކީ ސަރުކާރު ގޯސްވުމެއް ނޫން ތިއަށް ކިޔަނީ އަމިއްލަ އެދުން މިސަރުކާރުން ދަަނީ ރައްޔިތުންނަށް ލައްކަ ކަންކަން ކޮށްދެމުން
އެޑަމް
27 February 2023
އަހަރެންހަމަކޮސްވެއްޖެ އަންނިމިގަންނަގަޑަކާހެދި އަންނިގާސިމާގުޅުނީމަ,އަންނިހީކުރަނީތައަންނިއައް,ބޮޑުވަޒީރުކަންދީގެންގާސިމުހެވިފަހުންނާނެހެން,ނުވަތަ,ޔާމީނާގުޅުނީމާ,އަންނިއައް,ބޮޑުވަޒީރުކަންދީގެންުޔާމީން ކުޅިބަލަން ހުންނާނެކަމައްހުރިހާވަގުތެއްގަކޮންމެމީހަކުވެސްްހަމައިގަހުންނަންޖެހެނީތިހެންވީމައެވެ,ހަމައިގަނުހުންނަވަގުތު ތިޔަކަހަލަ,ހަލުންއެޅޭނެތީއެވެ.ތިއައްވުރެމާތާހިރުވީސް,ޅަދުހުގެރަހުމަތްތެރިޔާ,އަދިޅިޔަންބެކައިރީބަސްއަހައިގެންހުރިނަމަ,މިހާރުތިއޮތީބޮޑުވަޒީރުކަމާ,ޅިޔަނާގެއްލިޢާއިލާފަސާދަވެފާ!!
އަލިހަންދްރޯ
27 February 2023
ސިޔާސީ ގޮތުން ގާސިމް ރަގަޅުވާނީ ހަމަ މާމިގިލީ މެންބަރު ކަމުގައި ސަންއައިލެންޑުގައި ހުންނަވަން އެކަނި.
ބޮޑުމީހާ
27 February 2023
ކިހިނެއް ގޯސްވާނީ! ޖޭޕީގެ އެތައް ވަޒީރުންނެއް! ވިލާ ކޮލެޖަށް ބޭނުން އިނާޔަތެއް، އެތައް ފަޅެެއް އެތައް ބަދަލެއް. މީ ރައްޔިތުންގެ ޚާދިމުން
ކާތިބު
27 February 2023
ރައީސުލްޖުމްހޫރިއްޔާގެ ނައިބު ނުވަތަ ދިވެހި ރާއްޖޭގެ ނައިބު ރައީސް - ޖޭޕީ ޓްރާންސްޕޯރޓް މިނިސްޓަރ - ޖޭޕީ ފިޝަރީޒް މިނިސްޓަރ - ޖޭޕީ ޓުއަރިޒަމް މިނިސްޓަރ - ޖޭޕީ އިމިގްރޭޝަން ކޮންޓްރޯލަރ - ޖޭޕީ އެމްޓީސީސީގެ އެމްޑީ - ޖޭޕީ އެމްޑަބްލިޔޫއެސްސީގެ އެމްޑީ - ޖޭޕީ އެތަކެއް ސްޓޭޓް މިނިސްޓަރުންނާއި ޑިޕިއުޓީ މިނިސްޓަރުންނާއި ރައީސް އޮފީހުގެ މިނިސްޓަރުން - ޖޭޕީ ދެން ކިހާވަރެއް ވީމަތޯ ހިތްފުރޭނީ؟ މިހުރިހާ އެންމެން ސަރުކާރުގައި އެތިބީ ކަންކަން ނިންމަން. ދެން؟؟
ޅިންދީ
27 February 2023
ގޯހެކޭ ނުބަނަމޭ. އަޅުގަޑުވެސް ވެރިކަން... ދެން އެވާހަކަ ހުއްޓާލާ.. އަޅުގަޑުގެ އަބިކަބަލުންނައްވެސް ވެރަށް ހެޔޮ..
މުރާލި
27 February 2023
2008 އާއި 2013 އަދި 2018 ގެ ރިޔާސީ އިންތިޚާބު ނިމިގެން މާޒީވެގެން މިއޮތީ 2023 ބޯމަތިވެފަ. 2008 ގަ ހޮވި ވެރިކަން ލިބި އެކަން ކުރަން ނޭނގި 3 އަހަރުން އިސްތިއުފާ ދީފަ އަނެއްކާ 2013 ގައި ނުކުމެ ފެއިލް ވީ މީހަކާ، 2008 ގަ ނުކުމެ ފެއިލްވެ ދެވަނަ ބުރުން ކޯލިޝަން ހަދާ 2013 ގަ ވެސް ކޯލިޝަން ހަދާ އަދި 2018 ގައި ކޯލިޝަން ހަދައިގެން އިންމީހަކާ، މިދައްކާ ވާހަކައެއްދޯ؟ އަޅެފަހެ މުޅި އުމުރަށް ތިޔަ ކަމެއްގަތަ ދެން އުޅޭނީ؟ ރައްޔަތުންގެ ލޯބި ލިބޭނީ "ތަންދީގެން".
ހުސެން ރަސީދު
27 February 2023
މަދެން ޕާޓީން މި ވަކިވަނީ މިހުރިހާ ދުވަހު ޖޭޕީއަށް ކުރި ތާއީދު އަބުރާ މި ގެންދަނީ. އަންނި އާއި އެކީ އުޅެވޭތޯ ބަލާ. މަނިކުފާނަށް ދުނިޔޭގެ އެދުމާއި ހުރެ އިސްލާމް ދީނާއި ރައްޓެހި ނޫންމީހުންވެސް މިހާރު މާރަގަޅުވެއްޖެ
ނަނާ
27 February 2023
ގޯހެކޭ ނުބުނާނެއެއްނު ދެވަނަ ބުރުގަ ކޯލިޝަން ހަދަންޖެހިދާނެވިއްޔަ އަނެއްކާވެސް.
ރޮންދާ ގާސިމު
27 February 2023
2019ގައި ރިޔާސީ އިންތިހާބަށް ކުރިމަތި ލައްވާފައި ވިދާޅުވީ ތިމަނާގެ މުދަލަކީ ރައްޔަތުންގެ މުދާ ކަމަށް. ކޮވިޑް 19 ދިވެހި ރައްޔަތުން އެންމެ ބިކަވި ދުވަހު ގެންގުޅޭ ސްޓާފުންނައި ދޭތެރޭ ކަންކުރިގޮއި އިގޭނީ ހަމަ އެކުދިނަށް.
އަލީ އަސްފާގު
27 February 2023
މުދަލާއި ފައިސާ އާއި ދުނިޔެ ބޭނުންވެގެން އުޅޭ ދެމީހުން ތިޔަތިބީ އެއްގަލަށް އަރާ. ބަލަ ގާސިމޫ މިހާރު އެއްހަރުން ކިތަށް ފަހަރުތޯ މަނިކުފާނުގެ ގަޔަށް ނަސީދަށް ޔާމީނަށް ކަށި ނުޖެހޭނެއޭ ބުނީ، މޮޔަފޮޅުވީތޯ. މަގޭ ވޯޓެއް މަގޭ އަނބިންގެ ވޯޓު ގާސިމަށް ދޭނީ ކިހިނެތްތޯ. ކޮވީޑްގެ ހާލަތުގަ ދިވެހި ރައްޔިތުން އެންމެ ބޮޑަށް ބިކަކުރިމީހަކީ ގާސިމް. އަހަރެމެންގެ މުސާރަ އަދި އަދަށްވެސް ވަނީ ނުދީފަ، ދެން ކޮނވޯޓެއްތޯ ތިޔަ އުޅެނީ ހޯދަން.
ހުދުކާފޫރު
27 February 2023
ސޯލިހު ބޭނުންވެގެން އުޅެނީ ހައްޖަށް ދާންތަ!؟؟ ފަޅޮލޭ ކިޔަގެ
އަލީ ހާލިދު
27 February 2023
ހުދުކާފޫރޫ މިތާ މީހަކު ސޯލިހޭ އެބަ ކިޔާތަ