ޚަބަރު / ރައީސް އިބްރާހިމް މުހައްމަދު ސޯލިހް

މަސައްކަތްތައް މި ހިންގަނީ ރިޔާސީ އިންތިހާބަށް ބަލައިގެނެއް ނޫން: ރައީސް

ރައީސް އިބްރާހިމް މުހައްމަދު ސޯލިހު، ހިރިލަންދޫ ފެނަކައިގެ އާ އޮފީސް މިއަދު ހުޅުއްވައި ދެއްވަނީ.---ފޮޓޯ: ރައީސް އޮފީސް

މޫސާ ރަޝީދު، މިހާރު

02 މާޗް 2023 - 14:26

މި ސަރުކާރުން ތަރައްގީގެ އެކި މަސައްކަތްތައް ކުރިއަށް ގެންދަނީ މި އަރުގެ ރިޔާސީ އިންތިހާބަށް ބަލައިގެން ނޫން ކަމަށް ރައީސް އިބްރާހިމް މުހައްމަދު ސޯލިހު މިއަދު ވިދާޅުވެއްޖެ އެވެ.

ތ. ހިރިލަންދު އަށް ވަޑައިގެން، އެ ރަށުގައި އަލަށް އިމާރާތް ކޮށްފައިވާ ފެނަކަ އޮފީސް ރަސްމީކޮށް ހުޅުވުމުގެ ރަސްމިއްޔާތުގައި ރައީސް ވިދާޅުވީ، މީގެ ކުރީގެ ސަރުކާރުތަކުން މަސައްކަތް ކޮށްފައި ވަނީ ރިޔާސީ އިންތިހާބު ކާމިޔާބު ކުރުމަށްޓަކައި ކޮންމެހެން ކުރަންޖެހޭ ދިމަދިމާލުގައި މަސައްކަތްތައް ހިންގުމަށް ކަމަށެވެ.

އޭގެ ސަބަބުން ރާއްޖެ އަށް ލިބޭ އާމްދަނީއާ އަޅައި ބަލާއިރު ތަރައްގީވާން ޖެހޭ ވަރަށް ތަރައްގީ ނުވާ ކަމަށް އެ މަނިކުފާނު ވިދާޅުވި އެވެ.

"އަޅުގަނޑުމެން ވިސްނުން ތަފާތު ވާނެ. އަޅުގަނޑުމެން މަސައްކަތް ރާވައި ކުރިޔަށް މި ގެންދަނީ ކުރިއަށް އޮތް ރިޔާސީ އިންތިހާބު ނޫނީ މަޖިލިސް އިންތިހާބަކީ އެންމެ މުހިންމު ކަމެއް ގޮތުގައި ދެކިގެނެއް ނޫން،" ރައީސް ވިދާޅުވި އެވެ.

ތ. ހިރިލަންދޫ ފެނަކަ އޮފީސް ހުޅުވުމަށް މިއަދު ބޭއްވި ރަސްމިއްޔާތުގައި ރައީސް ވާހަކަފުޅު ދައްކަވަނީ--ފޮޓޯ: ރައީސް އޮފީސް

ސަރުކާރުގެ ވިސްނުން ހުރީ މުޅި ރާއްޖެ ތަރައްގީ ކުރަން ބޭނުންވާ ހިދުމަތްތައް އަބަދުވެސް ފޯރު ކޮށްދެމުން ގެންދިއުމަށް ކަމަށް ރައީސް އިބްރާހިމް މުހައްމަދު ސޯލިހު ވިދާޅުވި އެވެ.

"ތިބޭފުޅުން ނިންމަވާނީ [ރިޔާސީ އިންތިހާބުގައި] ދެން ކަން ކުރަންވީ ގޮތެއް،" އެ މަނިކުފާނު ވިދާޅުވި އެވެ.

ރައީސް ވިދާޅުވިގޮތުގައި ސަރުކާރުގެ މެނިފެސްޓޯ އޭގެ އެންމެ ރަނގަޅު ގޮތަށް ފުއްދެނީ މިނިސްޓްރީތަކާއި ކުންފުނިތައް ހިންގަވާ ބޭފުޅުންގެ ބުރަ މަސައްކަތުންނެވެ.

ރައްޔިތުންގެ މަޖިލީހުގައި ސަރުކާރުގެ ސިޔާސަތުތައް ކުރިޔަށް ގެންދަން އެހީތެރިކަން ވަރަށް ބޮޑަށް ލިބޭ ކަމަށާއި އެ ތާއީދު ނެތް ނަމަ ތަރައްގީގެ މަސައްކަތްތައް ނުކުރެވޭނެ ކަމަށް އެ މަނިކުފާނު ވިދާޅުވި އެވެ.

ރައީސް ހިރިލަންދު އަށް މިއަދު ކުރައްވާ ދަތުރުފުޅުގައި، އެ ރަށު ސްކޫލަށް 71 އަހަރު ފުރުން ފާހަގަ ކުރުމުގެ ގޮތުން ބާއްވާ ހާއްސަ ޖަލްސާއެއްގައި ބައިވެރިވެވަޑައިގަންނަވާނެ އެވެ.

ރައީސް އިބްރާހިމް މުހައްމަދު ސޯލިހް ފެނަކަ ކޯޕަރޭޝަން ރިޔާސީ އިންތިޚާބު 2023 ތަރައްގީގެ މަޝްރޫއުތައް

29 ކޮމެންޓް, 14 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

1206

05 March 2023

ދެ ކޮމަންޑޫ ދެމެދުން ވެސް ހަރުކޮށް އިވޭ ވާހަކަޔަކީ ތިއީ. އެ އަޑަށް ކެތް ނުވެގެން ބޯ ހޯލް ތޮރުފަން ޖަހާފައި ހުރި މުޑިއެއް ވެސް ވެއްޓިއްޖެ ކަމަށް ޚަބަރުތައް ބުނޭ. ދޮގު ހަދަން ފިސާރި ކެރޭ ވެރިއެއް. ދުޢާ ދެއްވާފައި ވެރިން ވީމާ ނެތްތާ އެއްޗެއް ބުނެވޭކަށް ދޯ، ޝޭޚު އިލްޔާސް، ދޯ ޝޭޚު އިމްރާން، ދޯ ޑރ. އިޔާޒް. ???

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބޮޑުމީހާ

03 March 2023

މަޝްރޫއެއް ހިންގިއްޖެތަ! މާލެ ސަރަހައްދުގަ ފެށީ އަމީނީ މަގު ހަދަން ދައުރު ދެބައިވެފަ އޮއްވާ، މިހާރު އެހަދާ ސްޕީޑުން އަދި ދެތިން އަހަރު ނަގާނެ. ދެން ފެށީ ބްރިޖް މަސައްކަތް. އެކަމުގައިވެސް މާ ބޮޑު ކުރިއެރުމެއް ނެތް ފެންނާކަށް. ދެން ހިއްކާފަ އޮތް ފޭސް 2 އިން 2018 އިން ފެށިގެން ގޯތި ދޭން ކިޔާ އަޑު އިވޭ. އެކަންވެސް ނުވެ 5 އަހަރު ނިމެނީ. ތިނަދޫއިންވެސް ހިއްކާފަ އޮތް ބިމަކުން 5 އަހަރުން ގޯއްޗެއް ނުދެވުނު. ދެން ތިކިޔަނީ ކޮން ޕްރޮޖެކްޓެއްގެ ވާހަކައެއް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އެހެން

02 March 2023

އެއްގޮތަކަށްވެސް އިންތިހާބަކަށް ޓާގެޓްކުރާ ބައެއް ނޫން ތިއީކީ. އެންމެ ފަހުން ބޭއްވި ޕްރައިމަރީއަށް އައްޑޫ ކައުންސިލް ލައްވާ ހޭލާ ތިބެ މަސައްކަތެއްވެސް ނުކުރުވާ އަދި ގޯތި ދޭން ދަންވަރު އިއުލާނެއްވެސް ނުކުރޭ. ޕްރައިމަރީ އަންނަނިކޮށް ހަމަ ނޭނގި އެމީހުންނަށް ހޭލާ ތިބެވުނީ ރައްޔިތުންނަށްޓަކައި ލޮލުފިޔަނުޖެހިގެން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މޯލާ

02 March 2023

ދެން ކޮންކަމަކަށް ބަލައިގެން.ސީދާ ރިޔާސީ އިންތިހާބަށް.ވަރިހަމަ ރަނުން ޖަރީކުރިޔަސް ދަރަނިބޮލަށް ވޯޓް ނުދޭނަން.ކަރަޕްޝަން ހައްދުން ނެއްޓިފަ ދަރަނި ހައްދުން ނެއްޓިފަ އެއްޖިންސުން ގުޅުން ހިންގުން ހައްދުންނެއްޓިފަ ބެންކްއޮފް މޯލްޑިވުސް އިން ވައްކަން ކުރުން ހައްދުންނެއްޓިފަ އެތެރޭގެ އުދުހުންތަކުގެ އަގު ހައްދުން ނެއްޓިފަ މާރާމާރީ ހައްދުންނެއްޓިފަ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބޮޑުމީހާ

02 March 2023

100 ބިލިއަން ދައުލަތް ދަރާ އޮތީ. ކޮންމެ ރަށެއް ތަރައްގީއެއް ނުކުރެވޭނެ، ތި ހުރިހާ ޕްރޮޖެކްޓްތަކަކީ ވަކިބަޔަކަށް މާލީ މަންފާތަކެއް ހޯދުަމަށް ޑިޒައިންކޮށްފައިވާ ޕްރޮޖެކްޓްތަކެއް. 180 އެތައް ރަށެއްގައި 2000 ހާ މީހުން ތިބޭ ހުރިހާ ހިދުމަތެއް ދެވޭނެ ގޮތެއް ނުވިސްނޭ، ތަރައްގީ ވާނީ އާބާދީ އެއްފަސްކޮށްގެން

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ސޯޅު

02 March 2023

ކޮބާ ކޮމަންޑޫ ބްރިޖް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ވިސްނާލުމަށް އެދެމޭ

02 March 2023

ރިޔާސީއިންތިޙާބަށް މަޝްރޫހިންގިޔަސްހެޔޮ އެގޮތަށްފާޅުކޮށް ބުނެފަކުރިޔަސް މައްސަލައެއްނެތް.2023 ދިވެހިގައުމު މިނިވަންކުރަން ފިސާރިޖޯޝުގަ ދިވެހިންނުކުމެ ތިޔަތަރައްގީ ނިމުމަކަށްގެންނާނެ.ކެރިތިބެ ފިސާރި ޖޯޝުގާ އެދިމިތިބީ ދިވެހިން މޮޅުކޮއްދޭން ދިވެހިންގެ ޝަރަފާގަދަރާ ދިވެހިންގެ މިނިވަން ދިދަވިހުރާލުމަށް ހިތުވިންދުއަވަސްވެމިތީ.ވީރާނެވެ ހަސްފަސްނެތިމިދާ ދިވެހިންގެ މިނިވަންކަން ހޯދުމަށް ފަންރިޔަލުގަނުކުމެ އޮނޑިދުއްވަންޖެހުނަސް މިނިވަންކަމަށް ގުރުބާންވާން

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ފެނުއްކަ

02 March 2023

ހަގީގަތަކީ ފެނަކަ އިންޖީނުގެތައް ހުޅުވިޔަސް ފެނަކައިގަ އެތައް ދުވަހެން ވަންދެން ތިބި މުއައްޒަފުންނަށް މާބޮޑު އަޅާލުމެއް ނެތްކަން. ސަރުކާރަށް ތާއީދު ހޯދުމަށް ތަނާ އެކަށިގެން ނުވާވަރަށް މީހުން ވައްދާ އެމީހުންނަށް މުސާރަ ދޭންވެގެން މުއައްޒަފުންގެ އޯވަރޓައިމްތައް ކަނޑާލާ ހެދުމުން ހައްތާ ތާއީދު ގެއްލުނީ. މިހާރު ފެނަކައިގެ އެއްވެސް މީހެއް މިސަރުކާރަކަށް ތާއީދެއް ނުކުރޭ. އެންމެންވެސް ބޭނުންވަނީ ސަރުކާރު ބަދަލުކޮށް އެތަނުން ކޮރަޕްޓު ސައީދު ބޭރުކުރަން.