ގައުމީ ޔުނިވާސިޓީގެ ލެކްޗަރާއަކަށް ކުރިން ލިބެމުން އައީ 18،880ރ. މި ގެނައި ބަދަލާއެކު މިހާރު ޔުނިވާސިޓީގެ ލެކްޗަރާއަކަށް އިތުރު ވަގުތާ ނުލައި މަހެއްގެ މައްޗަށް 29،900ރ. ލިބޭނެ.
ގައުމީ ޔުނިވަސިޓީގެ ގްރެޖުއޭޝަން ހަފުލާއެއް: ޔުނިވާސިޓީ ލެކްޗަރާއިންގެ މުސާރަ 59 ޕަސެންޓަށް ވަނީ ބޮޑުކޮށްފައި. --ފައިލް ފޮޓޯ: ރައީސް އޮފީސް
02 މާޗް 2023 - 15:29
30 comments
ޔުނިވާސިޓީތަކުގައި މަސައްކަތް ކުރާ ލެކްޗަރާއިންގެ މުސާރަ 59 ޕަސެންޓަށް ބޮޑުކުރިކަން ރައީސް އިބްރާހިމް މުހައްމަދު ސޯލިހު މިއަދު އިއުލާން ކުރައްވައިފި އެވެ.
މި އަހަރުގެ ރިޔާސީ ބަޔާން އިއްވަވަމުން އެ މަނިކުފާނު ވަނީ ރާއްޖޭގެ ޔުނިވާސިޓީތަކުގައި މަސައްކަތްކުރާ މުވައްޒަފުންގެ މުސާރައަށް ހެޔޮ ބަދަލެއް އަންނާނެ ކަމަށް އިއުލާން ކުރައްވައިފަ އެވެ.
ހިރިލަންދޫ ސްކޫލަށް 71 އަހަރު ފުރުން ފާހަގަކުރުމުގެ ގޮތުން މިއަދު މި ރަށުގައި ބޭއްވި ޖަލްސާގައި ރައީސް ވިދާޅުވީ، މަތީ ތައުލީމު ދޭ ތަންތަނުގައި މަސައްކަތް ކުރާ މުވައްޒަފުންގެ މުސާރައަށް އިއްޔެ އިން ފެށިގެން ހެޔޮ ބަދަލެއް ގެނެސްފައިވާ ކަމަށެވެ.
ގައުމީ ޔުނިވާސިޓީ އާއި އިސްލާމިކް ޔުނިވާސިޓީ އަދި ޕޮލިޓެކްނިކްގައި މަސައްކަތް ކުރާ މީހުންނަށް އަންނަ މަހުން ފެށިގެން ލިބޭނީ ބޮޑު މުސާރަ ކަމަށް އެ މަނިކުފާނު ވިދާޅުވި އެވެ.
ރައީސް އިބްރާހިމް މުހައްމަދު ސޯލިހު ވިދާޅުވި ގޮތުގައި، ގައުމީ ޔުނިވާސިޓީގެ ލެކްޗަރާއަކަށް ކުރިން ލިބެމުން އައީ 18،880ރ. އެވެ. އެކަމަކު، އާ ބަދަލާއެކު މިހާރު ޔުނިވާސިޓީގެ ލެކްޗަރާއަކަށް އިތުރު ވަގުތާ ނުލައި މަހެއްގެ މައްޗަށް 29،900ރ. ލިބޭނެ ކަމަށާއި އެއީ 59 ޕަސެންޓުގެ ކުރިއެރުމެއް ކަމަށް ވިދާޅުވި އެވެ.
ތ. ހިރިލަންދޫ ސްކޫލްގައި ރައީސް އިބްރާހިމް މުހައްމަދު ސޯލިހު ވާހަކަފުޅު ދައްކަވަނީ--ފޮޓޯ: ރައީސް އޮފީސް
މީގެ އިތުރުން ސީނިއާ ލެކްޗަރާއަކަށް މިހާރު ލިބެނީ 20،831ރ. ކަމަށާއި މި ބަދަލާއެކު ދެން ލިބޭނީ 34،000ރ. ކަމަށް ރައީސް ވިދާޅުވި އެވެ. އެސިސްޓަންޓް ޕްރޮފެސަރެއްގެ މުސާރަ 23،500 އިން 39،500 އަށް ބޮޑުވެއްޖެ ކަމަށް ވެސް އެ މަނިކުފާނު ވިދާޅުވި އެވެ.
މަތީ ތައުލީމުގެ މުވައްޒަފުންގެ މުސާރައަށް އަންނަ ބަދަލުތައް:
އެސޯސިއޭޓް ޕްރޮފެސަރެއްގެ މުސާރަ 26،000ރ. އިން 45،000ރ. އަށް
ޑީންއެއްގެ މުސާރަ 30،000ރ. އިން 38،000ރ. އަށް
ރަޖިސްޓްރާގެ މުސާރަ 32،000ރ. - 42،000ރ. އަށް
ވައިސް ޗާންސަލާގެ މުސާރަ 39،000ރ. އިން 48،000ރ. އަށް
ރައީސް ވިދާޅުވީ ސަރުކާރުން ގެންނަ މި ބަދަލާއެކު ޖުމުލަ 767 މުއައްޒަފެއްގެ މުސާރައަށް ބަދަލު އަންނާނެ ކަމަށެވެ. އެކަމަށްޓަކައި ދައުލަތުން އަހަރަކު 62 މިލިއަން ރުފިޔާ ހަރަދު ކުރާނެ ކަމަށް ވެސް ރައީސް ވިދާޅުވި އެވެ.
އެކަމާ ބެހޭ ތަފުސީލްތައް ކުރިޔަށް އޮތް ދުވަސްތަކުގެ ތެރޭގައި ކަމާ ބެހޭ މިނިސްޓަރުން ހާމަ ކުރައްވާނެ ކަމަށް ވެސް ރައީސް ވިދާޅުވި އެވެ.
މަތީ ތައުލީމު ދޭ ތަންތަނުގައި މަސައްކަތް ކުރާ މީހުންގެ މުސާރަ ބޮޑުކުރަން ސަރުކާރުން ނިންމީ މިދިޔަ އަހަރު ސްކޫލް ޓީޗަރުންގެ މުސާރަ ބޮޑުކުރިއިރު، އެ ބަދަލުގެ ތެރޭގައި ޔުނިވާސިޓީގެ ލެކްޗަރާއިންގެ މުސާރަ ނުހިމެނޭތީ އެ މައްސަލާގައި އެ މީހުން ހިތްހަމަނުޖެހުން ފާޅުކޮށްފައި ވަނިކޮށެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ހުސައިން
05 March 2023
"މީގެ އިތުރުން ސީނިއާ ލެކްޗަރާއަކަށް މިހާރު ލިބެނީ 20،831ރ. ކަމަށާއި މި ބަދަލާއެކު ދެން ލިބޭނީ 34،000ރ. ކަމަށް ރައީސް ވިދާޅުވި އެވެ. " ޕޮލިޓެކްނިކްގެ ސީނިއަރ ލެކްޗަރާރ އަކަށް ތިވަރެއް ނުލިބޭ. ޔުނުވަރސިޓީގެ ލެކްޗަރާރ އަކަށް ލިބޭ މުސާރަ އަށްވުރެ 3000/- ވަރު މަދު. މިފަހަރު ބޮޑުވެގެން އަންނައިރު މިތަފާތު ނުގެންގުޅޭނެ ކަމަށް އުންމީދު ކުރަން.
މުސާރަ
04 March 2023
ތިހުރިހާ ތަނެެއްގެ އިދާރީ މީހުން ކުރަނީ މަސައްކަތެއްނޫންތަ؟ އެ މީހުންގެ މުސާރަ ކީއްވެ ބޮޑު ނުކުރަނީ؟
ކުރަނީ
05 March 2023
ކުރަންވެގެން އުޅެނީ. ވަގުތު ނޫހުގައި އެބައިން
އަލީ ރަމީޒު
03 March 2023
އެހެންވީމަ ތަކެތީގެ އަގުވެސް 60 ޕަސެންޓަށް ބޮޑުވާނެކަމުގެ ޔަގީންކަން މި ލިބުނީ. މިގޮތަށް ފަހަރަކު ތަނަކުން މުސާރަ ބޮޑުކުރަމުން ދިއުމަކީ އަނިޔާވެރި އަމަލެއް، ސަބަބަކީ ތިޔަހެން ބޮޑުކުރަމުން ގޮސް އެންމެ ފަހުން ބޮޑުކުރަން ހުންނަ މުސާރައަށްވާ ފަައިސާގެ ބަޖެޓު ނުލިބޭނެތީ. އޭރަށް އެމީހުންގެ އިންސާފު ކޮބައިތޯ، ރަގަޅުވެރިންނަކީ ހުރިހާ މުވައްޒަފުންނާއިމެދުވެސް ހަމަހަމަކަން ގާއިމު ކުރާވެރިން، ތިޔައީ ބޭއިންސާފު، މުސާރަ ބޮޑުކުރަންވާނީ އެންމެނަށް އެއްފަހަރާ،
ޖަލު ކޮއްތު ރޭޓު
03 March 2023
މަބުނީ އާދައިގެ ސިވިލު ސާވަންޓުންނަށް ދޭ ރަށުން ބޭރު ކޮއްތާ އެލަވަންސް ނަމަނަމަ ސޯލިހު ބޮޑު ނުކުރާތި. އާދައިގެ ސިވިލު އަޅުންނަށް ކާން އެދެނީ ޖަލު ކޮއްތަށް ވުރެ ކުޑަ ރޭޓުން. ކޮބާތެ ސޯލިހުގެ ލަދު ހަޔާތް؟ ވޯލުޑު ކަޕް ބަލަން ގަތަރަށް ގޮސްވެސް ތަޅާލި މިލިއަނުން އެސޮރޫ
ބަބޫ
03 March 2023
ޔުނިވާސިޓީތަކުގެ މިވައްޒަފުންނަކީ އެތަނުގައި ކިޔަވާދޭ ލެކްޗަރާއިންނާ އިސް 4 މަގާމުތަ. ކޮބާ އެތަނުގަ މަސައްކަތް ކުރާ އެޑްމިން އޮފިސަރުން. އެއީ އަބަދު ނުކައި ނުބޮއެ ރޯދަޔަށް ތިބޭބައެއްތަ؟. ޔަގީނުންވެސް އެމީހުން އިބޫއަކަށް ދެން ވޯޓެއް ނުދޭނެ. ސްކޫލްތަކުން ހަލާކު ވެގެން މުޖުތަމައު ފަސާދަކުރަން ނެރޭ ކުއްކުރާކުދިން ހުއްޓުވަން ތިބި ފުލުހުންނާއި ސިފައިންގެ މުސާރަވެސް އެއީ ގެއްލޭނެ ވޯޓް. ސަރުކާރުގެ އެކި އޮފީސްތަކުގެ އެޑްމިން އޮފިސަރުންގެ ވޯޓް ގެއްލޭނެ.
އިދާރީ
02 March 2023
ހަސަން ޙަމީދަށް ކިހާވަރެއްގެ މުސާރައިގެ ކުރިއެރުމެއް ލިބުނުތޯ؟ މިހާރުވެސް ވަޒީރެއްގެ މުސާރަޔާއި ރިޓަޔަރމަންޓުން ލިބޭ އިނާޔަތާއެކު 80،000ރ މަހަކު ގެއަށް ގެންދޭ. ކުރާކަމަކީ ތަނުގައި ހެދެމުން އަންނަ ގަސްކެޑުން. ސާބަސް މިވެރިންނަށް
ހުސޭނުބޭ
03 March 2023
ރިޓަޔަމަންޓް ގައި ތިބޭ މީހުން މުސާރަ ލިބޭ ވަޒީފާތަކަށް ނުކުތީމަ ރިޓަޔަމަންޓް ފައިސާ ހުއްޓެންވާނޭ ނޫނީ. އެދެވެނީ އެއް ކަމަކަށް ދެ ބޮޑި ފައިސާ ނުންތޯ؟
ޙަމީދުހަސަން
02 March 2023
ވައިސް ޗާންސެލަރަށް އަދިވެސް މުސާރަ ކުޑަ. ވީސީ ޝަރީފު އިންނަވާނީ މެންހަޓަންގައި ކޮފީ ހިއްޕަވަން. ތަނުގައި ކުރަނީ ކީތްކަމެއްކަން ވެސް އެމަނިކުފާނަށް އެނގިވަޑައި ނުގަންނަވާނެ.
އިދާރީ މުވައްޒަފު
02 March 2023
މިޤައުމުގަ މުސާރަ ކުޑަވެގެން އަބަދުވެސް ޝަކުވާކުރަނީ ޓީޗަރުން، ނަރުހުން ޑޮކްޓަރުން، ލޯޔަރުން، މަޖިލިސް މެމްބަރުން ފަދަ ބޮޑެތި މުސާރަ ލިބޭ މީހުން. އިދާރީ މުވައްޒަފުން 24 ގަޑިއިރު އަޅު މަސައްކަތްކުރާ އެއީ މިގައުމުގައި އުޅޭ ބައެއްކަން އެއްވެސް އިރަކު ވެރިއަކު ނުދަނޭ. އެމީހުން އެތިބެނީ 7000 ލިބޭ އިރުވެސް އޭގެން ދެކޮޅު ޖެހޭތީ. ބޮޑެތި މުސާރަވެރިން އެތިބެނީ ބައި ލައްކަ ލިބޭއިރުވެސް ކުޑައޭ ކުޑައޭ ކިޔަން
ޜަނާ
02 March 2023
ގަޑި ކެންސަލްވަނީ އަދިވެސް ބޮޑުކުރޭ. ޔުނިވަސީޓީޮން މިހާރުހުރި ވެރިޔާ ބަދަލުކުރޭ ނުވާނެ އޭނަޔަކައް
ޒުމްބޫމްބުރާ
02 March 2023
ކޮބާތޯ ވިޒިޓިންގ ލެކްޗަރާރުންގެ މުސާރަ ގަޑިއަކު 275 މާކުޑަ