ޕްރައިމަރީ ބާތިލްކުރުމުގެ މައްސަލަ: އިހްތިސާސްއާ މެދު އެމްޑީޕީން ސުވާލު އުފައްދައިފި

އެމްޑީޕީގެ ރިޔާސީ ކެންޑިޑޭޓް ރައީސް އިބްރާހިމް މުހައްމަދު ސޯލިހާއި ޕާޓީގެ ރައީސް ނަޝީދާ އެކު އެމްޑީޕީގެ އިސްވެރިން: ޕްރައިމަރީގެ ނަތީޖާ ބާތިލްކުރަން ހުށަހެޅި މައްސަލަ ނުބެލޭނެ ކަމަށް ބުނެ އެމްޑީޕީން ވަނީ އިހްތިސާސްއާ މެދު ސުވާލު އުފައްދާފައި --- ފޮޓޯ | މިހާރު

މުއިއްޒު އިބްރާހިމް، މިހާރު

05 މާޗް 2023 - 13:42

13 comments

އެމްޑީޕީގެ ރިޔާސީ ޕްރައިމަރީ ބާތިލް ކުރަން ހުށަހެޅި މައްސަލަ ނުބެލޭނެ ކަމަށް ބުނެ އެމްޑީޕީން އިހްތިސާސްއާ މެދު ސުވާލު އުފެއްދުމުން، ޕްރައިމަރީގެ ނަތީޖާއަށް އަމަލުކުރުން ފަސްކުރުމުގެ ވަގުތީ އަމުރެއް ނެރުމާ މެދު ގޮތެއް ނިންމުން ސިވިލް ކޯޓުން ފަސްކޮށްފި އެވެ.

މިދިޔަ ޖެނުއަރީ މަހު ބޭއްވި ރިޔާސީ ޕްރައިމަރީގައި ރައްޔިތުންގެ މަޖިލީހުގެ ރައީސް މުހައްމަދު ނަޝީދާ ވާދަ ކުރައްވައި، ރައީސް އިބްރާހިމް މުހައްމަދު ސޯލިހް ޕްރައިމަރީ ކާމިޔާބު ކުރައްވާފައި ވަނިކޮށް އެ ޕްރައިމަރީގެ ނަތީޖާ ބާތިލްކުރަން ހުށަހެޅީ އަލީ އަމްޖަދު ކިޔާ މީހެކެވެ.

MDP ge Riyaasee primary sahha noon kamah kanda alhaidheyn edhi court ah

The most trusted news source in the Maldives

Mihaaru

އެ މައްސަލާގައި ޕްރައިމަރީގެ ނަތީޖާއަށް އަމަލުކުރުން ފަސްކުރުމުގެ އަމުރަކަށް އެދިފައިވާތީ ސިވިލް ކޯޓުގައި މިއަދު ތާވަލްކުރީ ވަގުތީ އަމުރާ މެދު ވާހަކަ ދެއްކުމައި ގޮތެއް ނިންމުމުވެ. އެހެން ނަމަވެސް އެމްޑީޕީން ވަނީ އިިހްތިސާސްއާ މެދު ސުވާލު އުފައްދައި، އިޖްރާއީ މައްސަލައެއް ހުށަހަޅައިފަ އެވެ.

އެކަމަށް ޖަވާބުދާރީވާން 10 ދުވަހުގެ ފުރުސަތެއް ކޯޓުން މިއަދު ވަނީ ދީފަ އެވެ.

މަދަނީ އިޖްރައާތުގެ ގާނޫނު އޮންނަ ގޮތުން އެ މައްސަލަ ކޯޓަށް ނުބެލޭނެ ކަމަށް ބުނެ އިހްތިސާސްއާ މެދު ސުވާލު އުފައްދައިފި ނަމަ، އެކަމާ މެދު ދައުވާކުރާ ފަރާތުން ޖަވާބު ދޭންޖެހޭނެ އެވެ. އަދި އެއަށްފަހު އެކަމާ މެދު ކޯޓުން ގޮތެއް ނިންމަން ޖެހޭނެ އެވެ.

އެމްޑީޕީގައި މިހާތަނަށް ބޭއްވި އެންމެ ވާދަވެރި ޕްރައިމަރީގައި ރައީސް ނަޝީދުގެ މައްޗަށް ރައީސް އިބްރާހިމް މުހައްމަދު ސޯލިހް ކުރި ހޯއްދެވީ 61 ޕަސެންޓުންނެވެ.

ބޮޑު އަޣުލަބިއްޔަތަކުން ރައީސް އެ ޕްރައިމަރީ ކާމިޔާބު ކުރެއްވިޔަސް، ނަޝީދުގެ ފަރާތްޕުޅުން ވަނީ ޕްރައިމަރީގެ ސައްހަކަމާ މެދު ސުވާލު އުފައްދައިފަ އެވެ.

މި ނަތީޖާ ގަބޫލުނުކުރައްވައި ނަޝީދު ވަނީ "ފިކުރެއްގެ ދިރުން" ނަމުގައި ސިޔާސީ ހަރަކާތެއް ވެސް ފައްޓަވައިފަ އެވެ. އެމްޑީޕީގެ ގިނަ އަދަދެއްގެ ބަޔަކު އެ ހަރަކާތަށް ސޮއިކުރަމުން އަންނަ ކަމަށާއި މިހާތަނަށް 50،000 އަށް ވުރެން ގިނަ މެމްބަރުން ސޮއިކޮށްފައިވާ ކަމަށް އެ ހަރަކާތުގައި އިސްކޮށް އުޅުއްވާ މެމްބަރު އިބްރާހިމް ރަޝީދު (ބޮންޑޭ) މިއަދު ވަނީ ވިދާޅުވެފަ އެވެ.

ރައީސް މުހައްމަދު ނަޝީދު އެމްޑީޕީ ސިވިލް ކޯޓް އެމްޑީޕީ ކޮންގްރެސް ރައީސް އިބްރާހިމް މުހައްމަދު ސޯލިހް

13 ކޮމެންޓް, 9 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ލާމަސީލު

05 March 2023

ތިބުނާ 50000 މީހުން ލައްވާ އެމްޑީޕީގެ ރައީސް ސޮއިކުރުވީ އެމްޑީޕީ އަށްތަ؟ ނޫނީ ފޭކް ފޯމެއް ފުރުވާ ފޭކް އަދަދެއް ބުނެލީތަ؟ އަދިވެސް ތިބަލަނީ މީހުންގެ ބޮލަށް ޗިޕުޖަހާ ސްޓޯރީ މޭކް ކުރައްވަންތޯ. ހެޔޮނުވާނެ ތިއުޅުން ހުއްޓަވާލައްވާފަ ޕާޓީއާއިގެން ކުރިޔަށްދެވޭތޯ ދެންވެސް ބަލާބަލަ. ނަމެއްގަ ޕާޓީގެ ރައީސް ކަމުގަ ތިހުންނަވަނީ ޖެއްސުން ކުރައްވަންތޯ؟ ނޫނީ ތިޔަބޭނުންފުޅުވަނީ އަދިވެސް ރައީސްކަންތޯ؟ ނޫނީ ރަސްކަންތޯ؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އާވަސް

05 March 2023

ފިކުރެއްގެ ދިރުމަށް ސޮއިކުރީ ފަސްލައްކަ މީހުން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަހުމަދީ

05 March 2023

ޑިމޮކްރެޓިކް ޕާޓީގައި މަކަރުވެރި ރޭވުމެއްގެ ދަށުން 39000 މެމްބަރުންގެ ހައްގު ނެތި ބޭއްވި އިންތިޚާބު ބަލައެއް ނުގަނެވޭނެ ދުވަހަކުވެސް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އިންސާފުވެރި ގާޒީ

05 March 2023

39000 މެމްބަރުން ޕާޓީން ވަކިކޮށް ވޯޓުލުމުގެ ހައްގުން މަހުރޫމް ކުރުމަށްފަހު ޕްރައިމަރީ ބޭއްވުމަކީ 39000 މެމްބަރުންގެ ހައްގަށް އަރައިގަތުން . ވޯޓުލުމުގެ ހައްގަކީ އަސާސީ ހައްގެއް . އެހެންކަމުން އެމްޑީޕީ ގެ އެތެރޭގައި ބޭއްވުނު އިންތިހާބަކީ ބޭއިންސާފެއް . 39000 ދިވެހި ރައްޔިތުން އަދި އެމްޑީޕީ އުފެއްދި އިސް މެމްބަރުންގެ ހައްގުގައި އިންތިހާބު ބާތިލްކޮށް ކޯޓުން އިންސާފު ނަގަހައްޓާނެ . ކޯޓަށް އިތުބާރު އެބައޮތް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އެކްސްް

05 March 2023

ތިބުނާ 39000 މެންބަރުންގެ މައްސަލަ އޮތްކަން އެނގިހުރެ ޕްރައިމަރީގައި ވާދަކުރުމުގެ ބޭނުމަކީ ކޮބާ؟ އަދި 39000 މެންބަރުންނަކީ އެމީހުންގެ މެމްބަރޝިޕް ސައްހަކަން ކަށަވަރުކުރުމަށް އިލެކްޝަނުންވެސް ވަގުތުދިނުމަށްފަހު އެކަން ނުކުރުމުގެ ސަބަބުން ޕާޓީ ދަފްތަރުން އުނިވެގެން ދިޔަމީހުން. އޭގެ ތެރޭގައި އެހެނިހެން ޕާޓީތަކުގެ އެތައް މެންބަރުންނެއް ހިމެނޭ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އިބްރަތް13322ދ

05 March 2023

ނަމުގަ މަންޑޭލާ .. ހަގީގަތުގައި މުގާބޭ ތި ކެނެރީގޭ ނަޝީދަކީ .. މިހާރު ތި ފިކުރު އޮތީ ގާސިމްއައް ދީފައި ! ދެރައީ އަންނި މަންޑޭލާ ކަމައް ހީކޮއް އޭނާގެ ވަށާއެބުރޭ މަދު ބަޔަކު އަދިވެސް އުޅޭތީ !