ޚަބަރު

ޔުނިވާސިޓީތަކުގެ އިދާރީ މުވައްޒަފުންގެ މުސާރަ 35 ޕަސެންޓަށް ބޮޑުވާނެ: ސަރުކާރު

ޔުނިވާސިޓީތަކުގައި މަސައްކަތްކުރާ 440 އިދާރީ މުވައްޒަފުންގެ މުސާރަ ބޮޑުވާއިރު، އެކަމަށް އަހަރަކު 11.1 މިލިއަން ރުފިޔާ ހަރަދުވޭ.

ޔުނިވާސިޓީ މުވައްޒަފުންގެ މުސާރައަށް އައި ބަދަލާ ގުޅޭ ގޮތުން ނޫސްވެރިންނަށް މައުލޫމާތު ދިނުމަށް ބޭއްވި ޕްރެސްގައި (ވ-ކ) ހަޔަ އެޑިއުކޭޝަން މިނިސްޓަރު ޑރ. އިބްރާހިމް ހަސަން އާއި ފިނޭންސް މިނިސްޓަރު އިބްރާހިމް އަމީރު އަދި ޕޭ ކޮމިޝަންގެ އެސްޖީ ޑރ. ފައިޒަލް ވާހަކަ ދައްކަވަނީ. -- ފޮޓޯ: ރައީސް އޮފީސް

އިފްރާޒް އަލީ، މިހާރު

06 މާޗް 2023 - 14:02

15 comments

ޔުނިވާސިޓީ މުވައްޒަފުންގެ މުސާރައަށް ގެނައި ބަދަލާއެކު، އެތަންތަނުގައި މަސައްކަތް ކުރާ އިދާރީ މުވައްޒަފުންގެ މުސާރަ 35 ޕަސެންޓަށް ބޮޑުވާނެ ކަމަށް ސަރުކާރުން މިއަދު ބުނެފި އެވެ.

ޔުނިވާސިޓީ މުވައްޒަފުންގެ މުސާރައަށް އައި ބަދަލާ ގުޅޭ ގޮތުން ނޫސްވެރިންނަށް މައުލޫމާތު ދިނުމަށް މިއަދު ހެނދުނު ރައީސް އޮފީހުގައި ބޭއްވި ނިއުސް ބްރީފިންގައި ފިނޭންސް މިނިސްޓަރު އިބްރާހިމް އަމީރު ވިދާޅުވީ، ދައުލަތުގެ އެހެން އޮފީސްތަކުގައި ވެސް އިދާރީ މުވައްޒަފުންނަށް މުސާރައިގެ ކުރިއެރުން ދިނުމަށް ޕްލޭންކޮށްފައިވާ ގޮތަށް، ޔުނިވާސިޓީތަކުގެ އިދާރީ މުވައްޒަފުންގެ މުސާރައަށް ވެސް ބަދަލު އަންނާނެ ކަމަށެވެ.

ޔުނިވާސިޓީ މުވައްޒަފުންގެ މުސާރައަށް އައި ބަދަލާ ގުޅޭ ގޮތުން ނޫސްވެރިންނަށް މައުލޫމާތު ދިނުމަށް ބޭއްވި ޕްރެސްގައި ފިނޭންސް މިނިސްޓަރު އިބްރާހިމް އަމީރު ވާހަކަދައްކަވަނީ. -- ފޮޓޯ: ރައީސް އޮފީސް

"މި ހުރިހާ މުވައްޒަފުންނަކީ ވެސް ކުރިއަށް އޮތް ތަނުގައި ދައުލަތުގެ ޕޭ ފްރޭމްވޯކަށް ބަދަލުވާނެ މުވައްޒަފުން. ދައުލަތުގެ ޕޭ ފްރޭމްވޯކަށް ބަދަލުވާއިރު ދައުލަތުގެ ހުރިހާ ފަންތިއެއްގެ މުވައްޒަފުން ވެސް އެ ހަމައެއްގައި ހިމެނޭ،" އަމީރު ވިދާޅުވި އެވެ.

ފިނޭންސް މިނިސްޓްރީން އާއްމުކުރި ބައެއް ތަފްސީލްތައް

• ގައުމީ ޔުނިވާސިޓީގައި އިދާރީ މުވައްޒަފުންގެ ގޮތުގައި 376 މުވައްޒަފުން މަސައްކަތް ކުރޭ.

• އިސްލާމިކް ޔުނިވާސިޓީގައި އިދާރީ މުވައްޒަފުންގެ ގޮތުގައި 64 މުވައްޒަފުން މަސައްކަތް ކުރޭ.

• އިދާރީ މުވައްޒަފުންނަށް ދައުލަތުގެ ބަޖެޓުން މަހަކު ޖުމްލަ 951،973ރ. ހަރަދުވާނެ.

• އެއީ އަހަރަކު 11.3 މިލިއަން ރުފިޔާ.

University lecturer in ge musaara 59 percent ah bodu koffi

The most trusted news source in the Maldives

Mihaaru

މިނިސްޓަރު އަމީރު ގޮތުގައި، ގައުމީ ޔުނިވާސިޓީ އާއި އިސްލާމިކް ޔުނިވާސިޓީ އަދި ޕޮލިޓެކްނިކްގެ މުވައްޒަފުންގެ މުސާރައަށް މި މަހުން ފެށިގެން ގެނައި މި ބަދަލާ އެކު، ޖުމްލަ 767 މުވައްޒަފުންގެ މުސާރަ ބޮޑުވާނެ އެވެ.

ފިނޭންސް މިނިސްޓްރީން ބުނީ ޔުނިވަސިޓީތަކުގެ މުވައްޒަފުންގެ މުސާރައަށް ގެނައި ބަދަލާ އެކު، ދައުލަތުގެ ބަޖެޓުން އަހަރަކު މުޅި ޖުމްލަ 62.5 މިލިއަން ރުފިޔާ ހަރަދުވާނެ ކަމަށެވެ. އެއީ ކުރީގައި އެކަމަށް ހޭދަކުރާ ބެޖެޓާ އަޅާ ބަލާއިރު، 5.2 މިލިއަން ރުފިޔާގެ އިތުރުވުމެކެވެ.

ނަމަވެސް، މާޗުން ފެށިގެން މުސާރަ ބޮޑުކުރުމުން މި އަހަރު ދައުލަތުގެ ބަޖެޓުން އެކަމަށް ހޭދަވާނީ މުޅި ޖުމްލަ 52 މިލިއަން ރުފިޔާ ކަމަށް މިނިސްޓްރީން ބުންޏެވެ.

ފިނޭންސް މިނިސްޓްރީ ރައީސް އޮފީސް ޔުނިވާސިޓީ މިނިސްޓްރީ އޮފް ހަޔާ އެޑިއުކޭޝަން

15 ކޮމެންޓް, 3 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ބޮޑުމީހާ

06 March 2023

އިރުއިރުކޮޅާ އެކި ވަޒީފާތަކުގެ މީހުންގެ މުސާރަ ބޮޑުކުރަނީ ކީއްކުރަންބާ! އެންމެން މަސައްކަތްކުރަނީ ދިރިއުޅުމުގެ ޚަރަދު ހަމަޖައްސަން. އެންމެން ވިޔަފާރިކުރަނީ އެއްތަނަކުން އެއް އަގަކަށް. ދެން މުސާރައިގެ ތިހާ ފަރަގެއް ހުންނަންޖެހޭ ސަބަބެއް ނެތް. ދައުލަތުގެ މުވައްޒަފުންނަށް ހަމަހަމަ މިންގަޑެއް އޮންނަންވީ. އިތުރުކުރަންވީ ތައުލީމް، ތަޖުރިބާ އަދި ޒިންމާއަށް. އެއްބަޔަކަށް 85000ރ އަނެއް ބަޔަަކަށް 10000ރ ނުލިބުން މީ ގައުމީ ބޮޑު މައްސަަލައެއް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އިބުރާހީމާ ފެއަށް ޖެހޭ

06 March 2023

ކޮބައިހޭ ސިވިލްސަރވިސް އިދާރީ މަގާމްތައް ހަރާމް ވާނެ ދޭނެވޮތެއް އޮތްނަމަ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އެމްސް

06 March 2023

މަދުބަޔެއްގެ މުސާރަ %35 ބޮޑުވި އިރު ތަކެތީގެ އަގު ވަނީ %50 އާއި %100 އާއި ދޭތެރޭގެ މިންވަރަށް ނުވަތަ އެއަށްވުރެވެސް ބޮޑުވެފަ! ކުރިން -/1 ރ އަށް ގަންނަން ލިބުނު ކުކުޅުބިސް މިހާރު -/2 އަށްވެސް ނުލިބޭ! ކުރިން -/2 އަަށް ލިބުނު ދޮންކެޔޮވަށް މިހާރު -/5 އަށްވެސް ނުލިބޭ! ތަރުކާރީގެ އަގު ވަނީ 2 ގުނައަށްވުރެ ބޮޑަށް އުފުލުލިފަ!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އިދާރީ މީހާ ޖައުފަރު

06 March 2023

މިހާރުވެސް ތިޔަ 35 އިންސައްތަ ނޮންޕްރެކްޓިސް އެލަވަންސް ގެ ގޮތުގައި ހުރިހާ އެންމެންނަށް ލިބޭ. އިތުރަށް ދެއްވާ 35 އިންސައްތަ ތޯ ދެއްވަން ހަމަޖެއްސެވީ. ނުވަތަ ދުރުގަ އަޑުއަހަންތިބޭމީހުންނަށް އެއްޗެއް ބުނެލީތޯ؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ދެރައޭ

06 March 2023

މަ މިއުޅެނީ ފިއުޗަރ ޕްރެޒިޑެންޓްގެ ކޮމްޕެނީ 'ވިލާ' ގައި. މަގޭ މުސާރައިގެ ތަންކޮޅެއްވެސް ބޮޑެއްނުވޭ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ފަހަރީ

06 March 2023

ސަރުކާރު ކުންފުނި ތަކުގެ މުސާރަިގެ ފަރަގު ނައްތާލަން ވެސް ޖެހޭ އެބަ. ކުދި ކުން ފުނި ތަކުގަ ޑިޕާރަޓް މެންޓް ތައް ހިންގަނީ އެކަނި.. އެހެން ކުންފުނި ތަކުގަ ބަހާލައިގެން، އެކަމް ވެސް ކުދި ކުންފުނި ތަކުގަ ލިބެނީ އެއް ޕޯސްޓަކަށް ޑަބަލް ދައަކޮށް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްކުރާމީހާ

06 March 2023

އެންމެ ރަނގަޅު ގޮތެއް ކަމަށް ފެންނަނީ މުސާރަ ބޮޑުކުރާއިރު މުސާރަ 'ކުޑަކުރަންޖެހޭ' މީހުންނަށް މުސާރަ ކުޑަކުރުން. މިސާލަކަށް އެކަށީގެންނުވާވަރުގެ ބޮޑެތި މުސާރަދީފަ ތިބޭ ސިޔާސީ މީހުން... އިންތިޚާބު ކަމިޔާބުކުރުމަށް ކޮންމެ ރަށަކުން 20 ސިޔާސީ މަޤާމު އުފައްދާ އެންމެ ބޮޑެތި ޢާއިލާތަކަށް ވަޒީފާ ބަހާލުމުގެ ބަދަލުގައި ސިޔާސީ މަޤާމު މަދުކުރުން. ކޮންމެ ސަރުކާރަކުންވެސް ސިޔާސީ މަޤާމުތައް އުފައްދާ..އެހެންނަމަވެސް ވެރިކަން ބޭނުންވިޔަސް މީދެން ފުކެއް ބޮޑުވަރު..

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޖިލް

06 March 2023

ސިޔާސީ މަގާމުތަކާ ހެދި ދައުލަތުގެ މާލިއްޔަތަ ބޮޑުވާ ބާރު ކީއްވެ ތިހެން ކިޔައި ނުދެނީ. އެވެސް އަދި މަސައްކަތެއް ކުރާ ބަޔަކު ނަމަ ރަނގަޅު. ސައިން އިން ވެފަ އަމިއްލަ މަސައްކަތުގަ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އުމޭއްތަ

06 March 2023

ކޮންމެ ފަހަރަކު ޕްރެޝަރަށް ވެއްޓިގެން އިދާރީ މުވައްޒަފުންގެ މުސާރަ ބޮޑު ކުރަނީ ކީއްވެތަ؟ މިއުޅެނީ ސްކިލްޑް މީހުން ނުހިފޭއްޓިގެން. އެމީހުނަށް ބޮޑު މުސާރަ ދީފަ އެމީހުން ބައިތިއްބަން ވީ. އޭގެ މާނައެއް ނޫން ސިޓީ ކަނޑަން އިންނަ އެޑްމިން އޮފިސަރާ، މުސާރަ ޝީޓު ހަދާ އެޗްއާރު އޮފިސަރާ، ފޯނު ނަގަން އިންނަ ކޯޕަރޭޓް އޮފިސަރަށް މުސާރަ ބޮޑު ކުރާށޭ. މީ ނިސްބަތުން އަންސްކިލްޑް މަސައްކަތް. އެންމެނަށްވެސް ކުރެވޭނެ ކަންކަން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހިހޫ

06 March 2023

އަންސްކިލްޑް މަސައްކަތޭ ބުނީމަ ހީވަނީތަ.. އެމީހުން ކުރަންޖެހޭ މަސައްކަތް ވަކި ބުރަކަން ކުޑައެއްނޫން. ތިޔަކިޔާ ސްކިލްޑް މީހުން ބޭނުން އިރަކު އޮފީހަށް ގޮއްސަ ހިތަށް އެރީމަ މަސައްކަތްކޮށްފަ އަދި މާމައްޗަށް ކިޔެވީތީއޭ ކިޔާފަ އެބަޖެހޭ އިތުރު ފައިސާތަކެއްވެސް ދޭން. ސެޓްފިކެޓެއްވެސް ހޯދަނީ އިތުރު ފައިސާތަކެއް ހޯދަން. ކޮންމެހެން މަސައްކަތް ރަގަޅަށް ކުރާކަށް ނޫން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޓިނުމޭން

06 March 2023

މަސައްކަތް ބުރަ ވުމަކީ މުސާރަ ބޮޑުވާ ކަމެއް ނޫން. މުސާރަ ބޮޑުވަނީ އިކޮނޮމީގައި އެ ސްކިލް އެއްގެ ސްކާސިޓީއަށް ބަލައިގެން. ރާނާ ސިމެންތި ޖަހާ މީހާ ކުރަނީ ވަރަށް ބުރަ މަސައްކަތެއް. އެކަމު އޭނައަށްވުރެ އެތައް ގުނައެއް ބޮޑު މުސާރަ ލިބޭނެ އެ އިމާރާތް ކުރަހައި ސްޓްރަކްޗަރަލް ޑްރޮވިންގ ހެދި އާކިޓެކްޓުންނަށާ އިންޖިނިއަރުންނަށް. ލެކްޗަރާއިންނަށް މުސާރަ ބޮޑު ވީމަ އެޑްމިން އޮފިސަރަށް ބޮޑު ވާކަށް ނުޖެހޭ. ޑޮކްޓަރަށް ބޮޑުވީމަ ރިސެޕްޝަނިސްޓަށް ބޮޑުވާކަށް ނުޖެހޭ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކަތަމަންޑޫ

06 March 2023

އިދާރީ އެކިމަގާމު ތަކުގައި މަސައްކަތް ކުރާމީހުން ނަކީ މުހިއްމުކަން ކުޑަބައެއްގެ ގޮތުގައި ބަލާ އެމީހުންނަށް ދިރިއުޅުމާ ނުބައްދަލު ކުޑަ މުސާރައެއް ދިނުމަކީ ބޭ އިންސާފެއް . އެމީހުންނާ ނުލާ އަހަރުމެން ނަށް އަހަރުމެން ގެ ފަންނީ މަސައްކަތް ކުރުމަކީ ނުވާނެކަމެއް. ކޮންމެ މަސައްކަތެއް ކުރިޔަސް ހަމަޖެހިގެން ދިރިއުޅެވެން ޖެހޭ. ދިރިއުޅުން ހަމަޖެހިފައި މިއޮންނަނީ ލިބޭ މުސާރައިގެ މައްޗައް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ާއުނިމާ

06 March 2023

އެއްވެސް ކޮންސިސްޓެންސީ އެއްނެތް. ހަދާނެ ނަހދާނެއް ކުރާނެ ނުކުރާނެކަމެއް ނޭގިގެން ތިޔަ އުޅެނީ...ސުކޫލުތަކުގެ ތީޗަރުންގެ މުސާރަ ބޮޑުކުރިއިރު އެމުއައްސަސާގެ އިދާރީ މުވައްޒަފުންމަތިން ހަނދާނެއްނުވި! ސިވިލްސާވިސްގެ މުވައްޒަފުން އިދާރީ މުވައްސަފުން ކޮބާތޯ! މިހާރުވެސް ޔުނިވާސިޓީގެ ސެކްރެޓެރީ ލެވެލްގެ މީހަކަށް 10،000 އަށްވުވެ ގިނައިން ލިބޭ! މުސާރަ ބޮޑުކުރަންޏާ ދައުލަތުގެ ހުރިހާ މުައައްސަސާއެއްގެ ހުރިހާ މުވައްޒަފުންނަށްވެސް ނިސްބަތުން ބޮޑުކުރަންޖެހޭނެ!