މި އަހަރުގެ އަންހެނުންގެ ދުވަސް ފާހަގަކުރުމަށް ނަހުލާ އިސްވެ މިރޭ ބޭއްވި ޖަލްސާގައި އޭނާ ވާހަކަ ދައްކަވަނީ.---ފޮޓޯ: ފަޔާޒު މޫސާ| މިހާރު
08 މާޗް 2023 - 23:50
53 comments
އޭނާ ސިޔާސީ ކަންކަމުގެ ތެރެއަށް ނުކުމެވަޑައިގެންނެވިއިރު، ބައިވަރު ގޮންޖެހުންތަކާ ކުރިމަތިވި ކަމަށާއި ފުރަތަމަ ކޮޅު ފަސޭހަ ނޫން ކަމަށް ޓްރާންސްޕޯޓް މިނިސްޓަރު އަދި ޖޭޕީގެ ޑެޕިއުޓީ ލީޑަރު އާއިޝަތު ނަހުލާ މިރޭ ވިދާޅުވެއްޖެ އެވެ.
އެ ޕާޓީގެ ލީޑަރު އަދި ރާއްޖޭގެ ޓޫރިޒަމް ދާއިރާގެ އެންމެ މުއްސަނދި އެއް ބޭފުޅާ ގާސިމް އިބްރާހިމްގެ އަނބިކަނބަލުން ނަހުލާ އިސްވެ، މި އަހަރުގެ އަންހެނުންގެ ދުވަސް ފާހަގަކުރަން ބޭއްވި ޖަލްސާގައި ވިދާޅުވީ، ސިޔާސީ ދާއިރާ އަށް ނުކުމެވަޑައިގަތީ "އެތައް އުނދަގޫތަކާ" އެކު ކަމަށެވެ.
"މިނިސްޓްރީއަކަށް ޖޮއިން ކުރި ފަހުން އެ ތަނުގައި ވެސް ތެދަށް ދަންނަވަންޏާ އަޅުގަނޑަށް ކަންކަން ފަސޭހައެއް ނޫން. ބައެއް ބޭފުޅުންގެ، ބައެއް ފިރިހެން ބޭފުޅުންގެ ވިސްނުން ހުންނަ ގޮތުން އަންހެން ބޭފުޅެއް ނޫނީ އަންހެނަކު ތަނެއްގައި އިސްކޮށް ހުރީމާ އުނދަގޫވާ ގޮތް ވޭ،" މި ވެރިކަމާއެކު، ނޮވެމްބަރު 17 2018 އިން ފެށިގެން ޓްރާސްޕޯޓް މިނިސްޓަރުކަން ކުރައްވާ ނަހުލާ ވިދާޅުވި އެވެ.
މި އަހަރުގެ އަންހެނުންގެ ދުވަސް ފާހަގަކުރުމަށް މިނިސްޓަރު ނަހުލާ އިސްވެ ބޭއްވި ހަފުލާގައި އޭނާ އާއި ރާއްޖޭގައި ހުންނަވާ ޗައިނާގެ ސަފީރު އަދި ބައެއް އެހެން އަންހެނުން ދުވަހުގެ މުނާސަބަތާ ގުޅޭ ކޭކެއް ފަޅުއްވަނީ.---ފޮޓޯ: ފަޔާޒު މޫސާ| މިހާރު
އެހެންވެ، ފިރިހެނުންގެ ކިބައިން މިރޭ އޭނާ އެދިވަޑައިގަތީ އެ ވިސްނުން ބަދަލުކުރުމަށެވެ.
"އަޅުގަނޑުމެން މިންތީގެ ހަމަހަމަކަމަށް މަސައްކަތް ކުރަން އެބަޖެހޭ. ތިޔަބޭފުޅުން [ފިރިހެނުން] ވެސް އެ ކަން ގަބޫލު ކުރައްވައި އެ ޖާގަ ދެއްވާށޭ. އަޅުގަނޑުމެންގެ ވިސްނުމާއި އަޅުގަނޑުމެންގެ ބަސް ކަންތައްތައް ނިންމުމުގައި، ޕޮލިސީ މޭކް ކުރުމުގައި ހިމަނަން އެބަޖެހޭ،" ދާދި ފަހުން ބޭއްވި ޖޭޕީގެ ކޮންގްރެސްގައި އެންމެ ގިނަ ވޯޓުން އެ ޕާޓީގެ ޑެޕިއުޓީ ލީޑަރަކަށް އިންތިހާބު ކޮށްފައިވާ ނަހުލާ ވިދާޅުވި އެވެ.
"އެއީ މުހިންމު ކަމެކޭ. އޭގެ ސަބަބުން ޔަގީނުން ވެސް އަންނަން އޮތް ޖީލުތަކަށް އޭގެ ފައިދާ ކުރާނެއޭ."
މި އަހަރުގެ އަންހެނުންގެ ދުވަސް ފާހަގަކުރަން މިނިސްޓަރު ނަހުލާ އިސްވެ މިރޭ ބޭއްވި ޖަލްސާ އަށް ދިޔަ ބައެއް އަންހެނުން.---ފޮޓޯ: ފަޔާޒު މޫސާ| މިހާރު
ޖޭޕީގެ ޖަގަހަ ކުނޫޒްގައި ބޭއްވި ޖަލްސާ އަށް އެކި ދާއިރާތަކުން ގިނަ އަންހެނުންތަކެއް ހާޒިރުވި ކަމާއި އެ ހަފުލާގެ ކުލަގަދަކަން ފާހަގަކުރައްވަމުން ނަހުލާ ވިދާޅުވިގޮތުގައި އަބަދުވެސް އަންހެނުންނަށް ވިސްނައިދީފައި އޮންނަނީ އެފަދަ ހަފުލާތައް އެ މީހުންނަށް ނުބޭއްވޭނެ ކަމެވެ. އެކަމަކު، އެކި ފިކުރާއި އެކި ވަޒީފާތަކުގައި އުޅޭ މީހުން އޭނާގެ މިރޭގެ ޖަލްސާގައި އެއީ ދޮގެއް ކަން ސާބިތު ކޮށްދީފި ކަމަށް ނަހުލާ ވިދާޅުވި އެވެ.
"އެ ކަމަށްޓަކައި ވަރަށް ބޮޑަށް ޝުކުރިއްޔާ،" އޭނާ ވިދާޅުވި އެވެ.
މި އަހަރުގެ އަންހެނުންގެ ދުވަސް ފާހަގަކުރަން މިނިސްޓަރު ނަހުލާ އިސްވެ މިރޭ ބޭއްވި ޖަލްސާގައި އަންހެނުންތަކެއް ބޮޑުބެރުގެ ހަރަކާތެއް ހުށަހަޅައިދެނީ.---ފޮޓޯ: ފަޔާޒު މޫސާ| މިހާރު
ނަހުލާ ވިދާޅުވީ، އަންހެނުން ކަމަކާ ކުރިމަތިލައިގެން ނުކުމެއްޖެ ވަރަށް ގިނަ އުނދަގޫތަކާއި ދުއްތުރާތައް ކުރިމަތިވާ ކަމަށާއި އެއީ ހަގީގަތެއް ކަމަށެވެ. އެކަމަކު، އޭނާ ގޮވާލެއްވީ ގޮތް ދޫނުކޮށް، ފިސާރި ފޯރި އާއި ޖޯޝާއެކު ނުކުމެ މަސައްކަތް ކުރުމަށެވެ.
އަޅުގަނޑު ހަނދާން ކޮށްލަން ބޭނުންވަނީ ﷲ ތައާލާ ވިހެވުމުގެ ނިއުމަތް ދެއްވީ އަޅުގަނޑުމެންނަށޭ. ވަރަށް ބޮޑު ބުރައެކޭ. ވަރަށް ބޮޑު ތަކުލީފެކޭ. ވަރަށް ތަދުވާ ހިނދުކޮޅެކޭ. އެ ގަޑިއަށް އަޅުގަނޑުމެންނަށް ކެތް ކުރެވެންޏާ ދެން ކޮން ކަމަކާހޭ ކުރިމަތި ނުލާންވީ؟ ކުރިމަތި ނުލެވެންވީ. ކުރިމަތިލާށޭ،"--- ނަހުލާ
އޭނާ ވިދާޅުވިގޮތުގައި، އަންހެނުން ވަޒީފާގެ މައިދާނަށް ނުކުތަސް އެހީވާނެ މީހުން ވަރަށް މަދެވެ. އެކަމުން އަރައިގަތުމަށްޓަކައި އަންހެނުން އަންހެނުންގެ ފަހަތުގައި ތިބުމަކީ މުހިންމު ކަމެއް ކަމަށާއި ރާއްޖެ އާއި ދުނިޔޭގެ ނިސްބަތުން ބެލިޔަސް އަންހެނުންގެ މާ ގިނަވާނެ ކަމަށް ވިދާޅުވި އެވެ.
އޭނާ ވިދާޅުވީ، ގޭގަ އާއި އޮފީސް މާހައުލުގައި ދިމާވާ މައްސަލަތަކުގައި އަޑު އުފުލަން ނުކެރި ނުވަތަ އެހެން މީހަކާ އެ ވާހަކަތައް ހިއްސާ ކުރަން ނުކެރޭ ހާލަތުތައް އަންހެނުންނަށް ވަރަށް ގިނައިން ކުރިމަތިވާ ކަމަށެވެ.
އަންހެނުންގެ ދުވަސް ފާހަގަކުރުމަށް ޖުމްހޫރީ ޕާޓީން ބޭއްވި ހަފްލާގެ ތެރެއިން ޑެޕިއުޓީ ލީޑަރު ވާހަކަފުޅުދައްކަވަނީ pic.twitter.com/efhmQGJq9N
— JP Secretariat (@JPSecretariat) March 8, 2023
"އަޅުގަނޑު ހަނދާން ކޮށްލަން ބޭނުންވަނީ ﷲ ތައާލާ ވިހެވުމުގެ ނިއުމަތް ދެއްވީ އަޅުގަނޑުމެންނަށޭ. ވަރަށް ބޮޑު ބުރައެކޭ. ވަރަށް ބޮޑު ތަކުލީފެކޭ. ވަރަށް ތަދުވާ ހިނދުކޮޅެކޭ. އެ ގަޑިއަށް އަޅުގަނޑުމެންނަށް ކެތް ކުރެވެންޏާ ދެން ކޮން ކަމަކާހޭ ކުރިމަތި ނުލާންވީ؟ ކުރިމަތި ނުލެވެންވީ. ކުރިމަތިލާށޭ،" ނަހުލާ އެދިވަޑައިގަތެވެ.
"މީހަކު ކިޔާ އެއްޗަކަށް ބެލުމެއް ނެތި، ފަހަތުން ލަވާ ހަޅޭކަކަށް ބެލުމެއް ނެތި، ކުރާ ފުރައްސާރައަކަށް ބެލުމެއް ނެތި ކުރިއަށް ހިންގަވާށޭ. އަޅުގަނޑުމެންނަކީ ނުލާހިކު ނަލަ ބައެކޭ. އަޅުގަނޑުމެންނަށް އަޅުގަނޑުމެންގެ ނަފުސުތައް ވަރަށް އަގު ބޮޑު. އަޅުގަނޑުމެންގެ ނަފުސުތައް އަޅުގަނޑުމެންގެ އަންހެނުން އެކަކު އަނެކަކަށް ނުކުރި އިހުތިރާމެއް ނުކުރި ގަދަރެއް އަޅުގަނޑުމެންނަށް އެއްވެސް ތާކު ނުލިބޭނެއޭ."
މި އަހަރުގެ އަންހެނުންގެ ދުވަސް ފާހަގަކުރަން މިނިސްޓަރު ނަހުލާ އިސްވެ މިރޭ ބޭއްވި ޖަލްސާ އަށް ދިޔަ ބައެއް އަންހެނުން.---ފޮޓޯ: ފަޔާޒު މޫސާ| މިހާރު
ނަހުލާ ވިދާޅުވީ، އަންހެނުން ދަސްކުރަންވީ އެ މީހުންގެ ނަފުސުތައް ކޮޅަށް ޖަހަން ކަމަށާއި އަމިއްލަ އަށް ކަންކަމާ ކުރިމަތިލާން ކަމަށެވެ. އަންހެނުންނަށް އިހުތިރާމާއި ގަދަރު ލިބޭނީ އޭރުން ކަމަށް އޭނާ ވިދާޅުވި އެވެ.
"ހަމަ ގައިމު ވެސް އަޅުގަނޑު ތިޔަ ހުރިހާ ލޮބުވެތި އަންހެންބޭފުޅުން ދެކެ ވަރަށް ލޯބިވޭ،" ނަހުލާ ވިދާޅުވި އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ލާމަސީލު
09 March 2023
އެބުނީ އޭނަޔަށް ނައިބުރައިސްކަން ދީފަ ފިރިހެނުން ނައިބުރައިސް ކަމަށް ކުރިމަތި ނުލާށޯ.
ދަގަތްފާނު
09 March 2023
ރާއްޖޭގައި އެއާޕޯޓާއި މަގުހެދުމާއި އުޅަނދުފަހަރު ބަނުމާއި ރިޕެއާ މަސައްކަތުގަ އަންހެނަކު ނުފެނޭ، ޑުރައިވަރުންނާ ކައްޕިންނާ މަތިންދާބޯޓު ދުއްވާ ގުރޫޕު އެއްކޮށްލީމަ އުޅޭނީ ޖުމްލަ ހައެއްކަ އަންހެނުން، ދެން ޓްރާންސްޕޯޓު މިނިސްޓަރަކަށް އަންހެނަކުލީމަ އެއޮތީ އަންހެނުންނަށް ހައްގު މަގާމު ދެވިފަ.
ދަގަތްފާނު
09 March 2023
ރާއްޖޭގައި މިވަގުތު ހިނގާ ތަރައްގީގެ އެންމެ މުހިންމު މަސްރޫއަކީ އަމީނީމަގު ހެދުން، އެތާކަށް އެންމެ އަންހެނެއްވެސް ކާރިއެއްނުވޭ، އެކަމާބެހޭ ވަޒީރުކަމާއި އަމީނީމަގު ދާއިރާގެ ގޮނޑި ހޯދަން މުޅިންވެސް އުޅެނީ. މިއީ ތިބުނާ ހަމަހަމަކަން އޮތްހިސާބަކީ.
ނެތްބައި
09 March 2023
ވިހެއުމުގެ ނިއުމަތް ދެއްވިއިރު އެކަމާ އެކު އަންހެނުން ދަރިން ބަލަން ކުރަންޖެހޭ މަސައްކަތްތައްވެސް ވަރަށް ބުރަވެފަ ބޮޑު. ދަރިން ބެލުމުގަ ދިމާވާ ގޮންޖެހުންތަކަށްވެސް ކެތްކުރަން ފަސޭހަވާނީ އަންހެނުންނަށް. ދަރިން ބެލުމުގެ މައިގަނޑު ޒިންމާ އަންހެނުންނަށް އޮންނަނީ ދަރިންބެލުމާއެކު ދިރިއުޅުމުގެ އެހެނިހެން ކަންކަންވެސް ބެލެހެއްޓުމަށް އަންހެނުން މޮޅުވާނެތީ. ގިނަ ދަރިން ތިބިއްޔާ ހުރިހާ ކުދިންނަށް ހަމހަމައަށް ގަޑިދީފަ އެހން ކަންކަން ބަރާބަރަށް ހަމަ ކުރެވޭބާ
ސުން
09 March 2023
ކަލޭ އެހެންވެދޯ ޖާގަ ދެނީ.
އަސާސީ
09 March 2023
ފިރިހެނުންނަށް ލިބޭ އަސާސީ ހައްޤުތަކުގެ ތެރެއިން އަންހެނަކަށް ނުލިބޭ އެންމެ ކަމެއްވެސް ބުނެދީބަލަ! ނޯންނާނެ. ފެމިނިޒަމް އަކީ ހުޅަނގުގެ ސެކިއުލަރ ފިކުރެއް.
ބަޑިތަކުރު
09 March 2023
މަ ގޭގައި ދަރިބަލަން ހުރެދާނަން އަންހެނުންނަށް ޖާގަދީފައި. އެކަމަކު ދަރިއަށް ކިރުދޭން ގެއަށް އަންނަންވާނެ. އެއީ ދަރީއަށް އަދާކުރަންޖެހޭ ހައްގު. ބިޒީއޭ ކިޔާފަ ބުއްފުޅިއަށް ބަދަލުކޮށް ކިރުމަޔަކު ފޮނުވާނީކީނޫން.
ޖައުފަރުބެ
09 March 2023
އަންހެނަކަށްވީތީ އިސްމަގާމެއް ނުދިނުން މިއީ ވަރަށް އޮންނަކަމެއް. ތަފާތު ހިސާބުތައް ބަލާލީމަ އެނގޭނެ ކިތަންމެ މަތީ ސަނަދެއް އަދި އެކްޕީރިއަންސެއް އޮތަސް ފިރިހެނަކު މަތީގަ ބަހައްޓާފަ ތިބީ ކޮންކޮން ތަންނަނެއްގަ ތޯ. މިއީ ބަދަލުވާންޖރހޭ ކަމެއް
ާމައުސޫމް
09 March 2023
އެޗްއާރްސީއެމް ބޯޑުގަ 4 އަންހެނުން، 1 ފިރެހެނެއް.
ޓޭޓް
09 March 2023
ރާއްޖޭގައި ފުރުސަތު އޮތީ އަންހެނުންނަށް ދިވެހި ފިރިހެނުންނަށް އޮތީ އާއިލާއާ ދުރުގައި ރިސޯޓު ޖޮބްގައި އުޅުން ކާކުތަ ދިވެހި ފިރިހެނުންނަށް އެއްވެސް ހަމްދަރުދީއެއް ވަނީ ދިވެހި ފިރިހެން ކުދިން ބާކީކޮށް ބިކަ ކޮއްލައިފި ހެޔޮނުވާނެ އެ ކުދިންނަށް އެހެން ހަދަން
ދޮންދައިތަ
09 March 2023
އޮފީހެއްގެ ތެރެއިން އަންހެނުންނަށް އެންމެ އުދަގޫ ކުރާނީ ވެސް ހަމަ އަންހެނުން. ސިވިލް ސާރވިސްގަ ވަޒީފާ އަދާ ކުރާ ގިނަ މީހުންނަކީ އަންހެނުން. މިނިސްޓަރަކަށް ، ޕޮލިޓިކްސް މީހަކަށް ނޫނީ މަޝްހޫރު މީހަކަށް ކޮންމެ މީހަކު ވާކަށް ނުޖެހޭނެ. ޕޯޑިައެމްގަ ވާހަކަ ނުދައްކާ ކޮންމެ އަންހެނަކީ ވަޒީފާގެ މާހައުލުގަ ގޮންޖެހުންތަކާ ދިމާވާ މީހެއް ނޫން. ކޮންމެ މީހަކީވެސް ޒިންމާދާރު ވަޒީފާއެއް އަދާ ކުރާ މީހެއް. ގޭގަ ދަރިންބަލަން ތިބެނީވެސް ޒިންމަދާރު ހީވާގި އަންހެނުން.