ރޯދަ އަށް ތޮއްޑޫ ތައްޔާރު، 200 ޓަނު ކަރާ ލިބޭނެ

ތޮއްޑޫ ކަރާ ދަނޑެއްގައި މީހަކު މަސައްކަތްކުރަނީ: މި އަހަރުގެ ރޯދަ މަހަށް ހާއްސަކޮށްގެން އެ ރަށުގައި 112 ކަރާ ދަނޑު ހައްދާ-- ފޮޓޯ: ފަޔާޒް މޫސާ | މިހާރު

އއ. ތޮއްޑޫން، ފާތިމަތު ޝަނާ މުހައްމަދު، މިހާރު

12 މާޗް 2023 - 12:06

16 comments

މި ރޯދަ މަހު އއ. ތޮއްޑޫގެ ދަނޑުތަކުން 200 ޓަނުގެ ކަރާ ލިބޭނެ ކަމަށް ކައުންސިލުން ބުނެފި އެވެ.

ކަރާ ހެއްދުމުގައި އަބަދުވެސް އެންމެ ކުރީގައި އުޅޭ ތޮއްޑޫ ކައުންސިލްގެ ރައީސް އަހްމަދު ކަރަމް ވިދާޅުވީ 112 ދަނޑެއްގައި އެކި ބާވަތްތައް ހައްދަމުން އަންނަ އިރު، ގިނަ ދަނޑުތައް ހާއްސަކޮށްފައި ވަނީ ކަރާ ހައްދަން ކަމަށެވެ. އެ ދަނޑުތަކުން ކޮންމެ ދުވަހަކު 5،000 ކިލޯ އާއި 8،000 ކިލޯއާ ދެމެދުގެ އަދަދަކަށް ކަރާ މާލެއަށް ގެނެވޭނެ ކަމަށް ލަފާކުރެ އެވެ.

"ދެ މިލިއަން އަކަ ފޫޓުގެ ސަރަހައްދެއްގައި ކަރާ ހައްދާނެ. ކަރާ ބޭރު ކުރެވޭ އަދަދަށް ބަލާ އިރު ގާތްގަނޑަކަށް 9-10 މިލިއަން ރުފިޔާ ލިބޭނެ،" އެވެ.

ތޮއްޑޫ ކަރާ ވެލެއްގައި އޮތް ކަރައެއް. ރޯދަ މަހަށް އެންމެ ގިނައިން ތޮއްޑޫން އުފައްދަނީ ކަރާ- - ފޮޓޯ: ފަޔާޒް މޫސާ | މިހާރު

ކަރަމް ވިދާޅުވި ގޮތުގައި ރޯދައަށް ދަނޑުވެރިން ވަނީ ދުރާލައި ތައްޔާރުވެފަ އެވެ. ކަރާގެ އިތުރުން ތަރުކާރީގެ ގިނަ ބާވަތްތަކެއް ވެސް ލިބޭނެ ކަމަށް އޭނާ ވިދާޅުވި އެވެ.

ބާޒާރުގައި ކަރާ ކިލޯއެއްގެ އަގު މިހާރު އުޅެނީ 10-15ރ. ދެމެދުގަ އެވެ. އެކަމަކު ރޯދަ މަސް ފެށުމާ އެކު ކޮންމެ އަހަރަކު ވެސް އަގު ބޮޑުވެ އެވެ.

މި އަހަރުގެ ރޯދަ މަހުގެ ފުރަތަމަ ހަފުތާގައި ކަރާ ލިބޭ ވަރު މިދިޔަ އަހަރަށް ވުރެ މަދުވާނެ ކަމަށް އޭނާ ވިދާޅުވި އެވެ. އެއީ ކައުންސިލުން ދަނޑުތައް ދޫކޮށް، ފުރަތަމަ ދަނޑުވެރިންގެ މަސައްކަތް ފެށި އިރު ކަރާ ދަނޑުތަކުގައި ބައްޔެއް ފެތުރުމުގެ ސަބަބުން އެންމެ ބޭނުންވާ ސްޕީޑުގައި ދަނޑުތައް ނުހެދުމުންނެވެ.

ތޮއްޑޫގެ ދަނޑުވެރިން ކަރާ ދަނޑުގައި މަސައްކަތް ކުރަނީ. އެރަށަކީ އެންމެ ގިނަ އަދަދަކަށް ކަރާ ދަނޑު ހައްދާ ރަށް-- ފޮޓޯ: ފަޔާޒް މޫސާ/ މިހާރު

ތޮއްޑޫ ދަނޑުވެރިން ކަރާ ދަނޑުތައް ހައްދަނީ ރޯދަ މަހުގެ ކޮންމެ ދުވަހަކު ވެސް ކަރާ ލިބޭނެ ގޮތަށް ބަލައިގެންނެވެ. ކަރާ ދަނޑެއް ހެއްދުމަށް ދެ މަސް ނަގަ އެވެ.

ކަރާގެ އިތުރުން ތަރުކާރީ އާއި ފަތުގެ ބާވަތްތަކުގެ 14،000 ކިލޯ އާއި ފަޅޯގެ 13،000 ކިލޯ އާއި ކިއުކަމްބާގެ 10،000 ކިލޯ އާއި ގިތެޔޮ މިރުހުގެ 2،000 ކިލޯ މި އަހަރުގެ ރޯދަ މަހު ތޮއްޑޫން އުފެއްދޭނެ ކަމަށް އެރަށު ކައުންސިލުން ލަފާކުރެ އެވެ.

ދަނޑުވެރިކަން އއ. ތޮއްޑޫ ކަރާ

16 ކޮމެންޓް, 1 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

އަލި

13 March 2023

މިހާރުވެސް ބޭނުން ވަރަކަށް ކަރާ ލިބޭ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކެމިކަލް އަލީ

13 March 2023

ކިހާވަރެއްގެ ކެމިކަލް ތިބިމަށް އޮއްސައިގެންބާ ތިހާ ގިނަ ޓަނުގެ ކަރާ ތިއުފައްދަނީ؟ ތިހުރިހާ ކެމިކަލް ކައިގެން ދިވެހިން ކެންސަރު ޖެހިގެން ދެން ފަރުވާކުރަން އަވައްޓެރި ގައުމަކަށް ދިޔައިމާ އެތަނުން ދިވެހިން ފެލާލައިގެން އާސަންދަ ހުސްކޮށްލަނީ. މިއީ ހުސްނުވާ އާސަންދަ ހުސްވާ ގޮތަކީ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހައްޕު

12 March 2023

ތޮއްޑޫ އިބުރާ އަނެއްކާ ލިޔަންފެށީ ދޯ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ރަދީފްއޮފިޝަލް

12 March 2023

ތަމެން 20000 ޓަނު ގެނަޔަސް އަގު ހެޔޮ ނުވޭ.އެހެންވީމަ ޓަނޭ ހަންގަނޑޭ ނުކިޔާ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ނުއާ

12 March 2023

އެވަރުން ލިބިގެން ރޯދަމަހު އަގުހެޔޮވާނެބާ..

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އޮނަރަބްލް އަފީފު ދީދީ

12 March 2023

މާލޭސަރުކާރުން ރަނގަޅު ގޮތެއް ހޯދާދޭނެކަމަށް ބަލަން ނުތިބެ ތޮއްޑޫ ފަދަ ދަނޑުވެރިކަމާއި މަސްވެރި ރަށްރަށުން އެރަށުގެ ނުވަތަ އަތޮޅުގައި އުފައްދާ ތަކެތި ދަނޑުވެރިން އަމިއްލައަށް ކ.އަތޮޅު މާލެއަށް ގޮސްގެން ވިއްކުމުގެ ބަދަލުގައި "ގަންނާން ބޭނުން މީހާ އެރަށަކަށް އައިސްގެން" ތަކެތި ގަނެވޭނެ އިންތިޒާމް ރަށު ނުވަތަ އަތޮޅު ކައުންސިލާއި ދަނޑުވެރިން ގުޅިގެން ޤާއިމްކުރާން ޖެހޭ. އޭރުން ތަކެއްޗަށް ރަނގަޅު އަގު ހޯދަންވެސް ފަސޭހަވާނެ. ގެއްލުން ކުޑަކުރެވޭނެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ރެއްކާ

13 March 2023

ކަލޭ މިހާރު ތޮއްޑުއާ ހަސަދަލީ؟ ގޮސް ތަގެ ރަށުގަ ކަރާ ހައްދައިގެން ވިއްކަން އިނީމަ ވީނު

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަލްފާ ސިއެރާ

12 March 2023

ދިވެހި ދަނޑުވެރިންނަށް ހިއްވަރުދިނުމުގެ ގޮތުން ރާއްޖެއިން ބޭރުން ކަރާ އެތެރެކުރުން ދަތިވާނެ ކަހަލަ އުސޫލެއް ގެންގުޅުން ބުއްދިވެރި.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކިރު ސައި

12 March 2023

ދިވެހި ދަނޑުވެރިންނަށް ހިއްވަރުދޭން ހަމައެކަނި ކަރާ ކާންވީނު. ބުއްދި އިސްކޮށްބަލަ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އޮނަރަބްލް އަފީފު ދީދީ

12 March 2023

އެމްޑީޕީ ޓިކެޓްގައިނިކުތްމީހާއަށް ރައްޔިތުންވޯޓްދިނީ މެނިފެސްޓޯގައިއޮތް ނޫއިޤްތިސޯދުގެދަށުގައިވާ އެގްރީވިޔަފާރިއަށް ފުރުސަތުލިބުމަށް ބޭނުންވާތީ. # އެހެންނަމަވެސް މެނިފެސްޓޯ ފިނދުދަށަށްލައިގެންހުރެ 5 އަހަރުނިންމާލަނީ ތޮއްޑޫމީހުންފަދަ ދަނޑުވެރިކަމަށް މަސައްކަތްކުރާފަރާތްތަކަށް މިދެންނެވި އެގްރީވިޔަފާރީގެ ނަފާލިބޭނެ އެއްވެސްކަމެއްކޮށްނުދީ. ދަނޑުވެރިކަމާއި މަސްވެރިކަމުގެ ރަށްރަށުން ހާލަތު ބަދަލު ކުރާން އަމިއްލައަށް އިސްނެންގެވުން ބުއްދިވެރި.