ގިނަ އޮފީސްތަކެއް ހިންގާ ވެލާނާގެ ބިލްޑިން: ވަޒީފާއަށް ނުނެރެ ދެ އަހަރު ވަންދެން ދެ މީހަކު ބޭތިއްބި މައްސަލާގައި ދެ އަހަރުގެ މުސާރަ އާއި އިނާޔަތްތައް ދޭން ވަނީ އަމުރުކޮށްފައި --- ފޮޓޯ/މިހާރު
16 މާޗް 2023 - 21:36
9 comments
ވަޒީފާ ހަމަޖެއްސުމަށް ފަހު،ފަސް އަހަރަށް ވުރެ ގިނަ ދުވަސް ވަންދެން ދެ މީހަކު ވަޒީފާ އަށް ނުނެރެ އަދި މުސާރަ ނުދީ ބޭތިއްބި މައްސަލައެއްގައި އެ މީހުންނަށް ދެ އަހަރުގެ މުސާރަ އާއި އިނާޔަތްތައް އެއްފަހަރާ ދޭން ވަޒީފާއާ ބެހޭ ޓްރައިބިއުނަލުން އަމުރުކޮށްފި އެވެ.
މެދު ސަރަހައްދުގެ ގައުމީ އިދާރާ އުވައިލުމާ ގުޅިގެން އެ ތަނުގެ ދެ މުވައްޒަފަކު ދ. ކުޑަހުވަދޫ ކައުންސިލްގެ އިދާރާގެ ވަޒީފާ އަށް ބަދަލުކުރީ މާޗް 2013 އިގަ އެވެ. އެކަމަކު އެ މީހުންނަށް އެތަނުގައި ވަޒީފާ އަދާކުރެވޭނެ އިންތިޒާމު ހަމަޖެއްސީ އޭގެ ފަސް އަހަރާއި ނުވަ މަސް ފަހުން ފެބްރުއަރީ 2019 އިގަ އެވެ.
އެ މުއްދަތުގައި އެ މީހުންނަށް މުސާރަ އާއި އިނާޔަތްތަކެއް ނުދެ އެވެ. އެ މީހުން އެހެން ވަޒީފާއެއް ވެސް އަދައެއް ނުކުރެ އެވެ. ގެއްލުނު މުއްދަތުގެ މުސާރަ އާއި އިނާޔަތް ދޭން އެދުނަސް، ފިނޭންސް މިނިސްޓްރީން އެންގީ ކައުންސިލްގެ ބަޖެޓަށް ފައިސާ ބަޖެޓަށް އިތުރު ނުކުރެވޭނެ ކަމަށެވެ.
އެހެންވެ، އެ މީހުން ޓްރައިބިއުނަލަށް މައްސަލަ ހުށަހެޅީ ގެއްލުނު ފަސް އަހަރުގެ މުސާރަ އާއި އިނާޔަތްތަކަށް ފަސް ލައްކަ އަށް ވުރެ ގިނަ ރުފިޔާ ހޯދުމަށެވެ. ނަމަވެސް ޓްރައިބިއުނަލުން ނަގައިދިނީ ދެ އަހަރުގެ މުސާރަ އާއި އިނާޔަތްތަކެވެ. އެއީ ކޮންމެ މީހަކަށް 187،000 އަށް ވުރެ ގިނަ ރުފިޔާ އެވެ.
ޓްރައިބިއުނަލުން މިދިޔަ މަހުގެ ފަހުކޮޅު ނިންމި ނިންމުމުގައި ވަނީ އެ މީހުން ވަޒީފާ އަށް ނެރުމަށްޓަކައި ސިވިލް ސާވިސް ކޮމިޝަނުން އެކަށީގެންވާ މަސައްކަތެއް ކޮށްފައި ނުވާ ކަމަށެވެ. އެ މީހުންގެ ފަރާތުން ވެސް ގެއްލުން ކުޑަކުރަން ކުރި މަސައްކަތްތަކަށް ބަލައި، ފައިސާގެ އަދަދު ކުޑަކުރީ ކަމަށް ނިންމުމުގައިވެ އެވެ.
ޓްރައިބިއުނަލުން އެންގީ އެ ފައިސާ އެއް މަސް ތެރޭގައި އެ ދެ މީހުންނަށް ދިނުމަށެވެ.
މީގެ ކުރިން ވެސް މިފަދަ މައްސަލައެއްގައި ގެއްލުނު މުއްދަތުގެ މުސާރަ އާއި އިނާޔަތްތައް ދޭން ޓްރައިބިއުނަލުން އަމުރުކުރި އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ދޮންބެ އާދަނު
17 March 2023
މަސްއޫލިއްޔަތަށް އިހުމާލު ވަނީވެސް ވަކިބައެއް. ފައިސާ ދޭންޖެހޭ ހިސާބަށް ދާ މައްސަލަތަކުގައި ވެސް ފައިސާ ލިބެނީ ވަކި ބަޔަކަށް. ވަޒީފާއާއި ގުޅޭ މަސައްކަތެއް ނުކޮށް، އެމުއްދަތުގައި ވަޒީފާއަށް ނުނިކުމެ އަމިއްލަ މަސައްކަތުން އާމްދަނީ ހޯދައިފި. އެކަމަކުވެސް މުސާރަވެސް ދޭންޖެހޭ. ވަޒީފާގައިހުރެ މަސައްކަތަށް ނުނިކުތީމާ މުސާރަ ކަނޑަނޑަނީ. މިވެސް ހަމަ އިންސާފުރަ. މީ ޑަބަލް ސެލެރީ އުޞޫލެއްނު. މުސާރައަކީ ކުރާ މަސައްކަތުގެ އުޖޫރަ.
ބަކޫ
17 March 2023
އަނެއްކާވެސް ދުވަސްކޮޅަކުން އަނެއްމީހާ ކަނޑާލާނެ. މިމައަސަލާގައި އެޗް އާރު ހެޑް އަތުން މިފައިސާ ކަނޑާބަލަ، އެބައެގޭ ގަވައދާއި ހިލާފަށްކަން އޭނަ ބޭނުންވީމަ ކަނޑާލީ! އަޅެ މިމީހުން އަތުން މިފައިސާ ކެނޑޭގޮތަށް ހަދާ މިމީހުންނަށް ފިޔަވަޅުއަޅަންވީނުންތަށް އެއިރުންޖެހިލުނަވާނެ ސިވިލް ސާރވިސްއިން މިކަމާއި ވެއްޖެއެއްނުންތަ ވިސްނަން މިހާރު......
ޑޮކްޓާރ. ބަނާނާ
17 March 2023
ބަލަ މިކަމަށް ގޮތް ނިމި މިކަމުގެ ޒިއްމާ ނަގަން ޖެހޭ މީހާ ހޯދާ އެމީހުނަށް އަދަބު ދެނީ ކޮން ދުވަހަކުން ތޯ.؟؟.މިފަދަ މައަސަލަ ލަތަކުގައި ކޮންމެ ފަހަރަކު މެ މިގޮތަށް ބަދަލު ދީ ބައިތުލް މާލު ހުސްކުކުރުން ނޫން ގޮތެއް ނުފެނޭ.
ސަންތި އަހުމަދު
17 March 2023
ތަނެއް ދޮރެއް ނޭގޭ ސިޔާސީ މީހާ އޮފީސް ތަކުގެ މަތީ މަގާމުތަކުގައި ވަޒީފާ ގައި ދެމި ހުރެ ކުރާ ކަމަކީ ބައި އަޅައިގެން ބަދަލުދިނުން. ތިޔަކަން ކުރިމިހާއަށް ވާނެ އެއްވެސް ކަމެއް ނޯންނާނެ.
ގާނޫނު
17 March 2023
ސަރުކާރުގެ ވަޒީފާދެނީ ގާނޫނާއި އެއްގޮތަށް މަސައްކަތް ކުރުމަށް އެއްބަސްވެ ސޮއިކުރުމަށް ފަހުގައެވެ. އެހެންނަމަވެސް އޮފީސްތަކުގެ ވެރީން ބޭނުންވީމާ ގާނޫނަށް ބެލުމެށްނެތި ވަޒީފާއިން ކަޑާލާ ބޭރުކޮއްލަނީއެވެ. ނުހައްގުން ކަނޑާލިމާ ހައްގު ހޯދުމަށް ހުކުމް ހިފައިގެން މިދަނީ ކޯޓަށެވެ.ކޯޓުން މިބުނަނީ ވަޒީފާ ކަނޑާލީ ގާނޫނާ ޚިލާފަށެވެ. މުސާރައާއި ވަޒީފާ އިއާދަކުރުމަށެވެ. ކުށްވެރި މިވަނީ ދައުލަތެވެ. ގާނޫނާއި ޚިލާފަ ވީމީހާ އެހުރީ އެއްވެސް ކުށެއްނެތި ވަޒީފާގައެވެ.
ވަހީދު
17 March 2023
މިފަދަ ކަންކަމުގައި ވަޒީފާއަށް ނެރުމަށް އިންކާރު ކުރާފަރާތްތަކާއި ދެކޮޅަށް ޖިނާއީ ދައުވާ ކުރެވޭނެ. ކުރަންފަށަންވީ އޭރުން ފަރުދީ ގޮތުން ޒިންމާވާން ޖެހޭ މީހުނަށް ވިސްނޭނީ
އާވަސް
16 March 2023
ޔާމީނުގެ ދައުރު ރައްޔަތުންނަށް ހެޔޮކޮށް ހިތި ވަރު ތިފެންނަނީ.
1828
16 March 2023
ހުރިހާ ޒިންމާއެއް ނަގަން މިޖެހެނީ ދައުލަތް. ކޮބާތަ އެކިވަރުވަރުން މަސްއޫލިއްޔަތު ހަވާލުކޮށްފައިތިބޭ ވެރިން. އެމީހުން އެއްވެސް ޒިންމާއެއް ނަގަން ހަމަ ނުޖެހެނީބާ؟
މިސްޓަރ ޓިނޭ
17 March 2023
ކޮން ދައުލަތެއް ، އާންމު މީހުން ގެ ޓެކްސް ފައިސާއިން ތިހުރިހާ ކަމެއްވެސް ކުރަން މިޖެހެނީ