ޚަބަރު / މާރިޔާ އަހުމަދު ދީދީ، ޑިފެންސް މިނިސްޓަރު

ރައީސްގެ މޮޓޯކޭޑް ހުއްޓުވުން: މާރިޔާ ވިދާޅުވީ ފާޑުކިޔަނީ އަންހެނެއް ވީމަ ކަމަށް

ސިފައިންގެ އަހަރީ ދުވަސް ފާހަގަކުރަން ބޭއްވި ރަސްމިއްޔާތެއްގައި ރައީސް އިބްރާހީމް މުހައްމަދު ސޯލިހު އަދި ޑިފެންސް މިނިސްޓަރު މާރިޔާ އަހުމަދު ދީދީ ބައިވެރިވެވަޑައިގަންނަވަނީ.-- ފޮޓޯ: ނިޝާން އަލީ/ މިހާރު

އާސިމާ ނިޒާރު، މިހާރު

22 މާޗް 2023 - 10:59

57 comments

ރައީސް އިބްރާހިމް މުހައްމަދު ސޯލިހްގެ މޮޓޯކޭޑް މަގުމަތިން ހުއްޓުވި ހާދިސާއާ ގުޅުވައި އޭނާއަށް ފާޑުކިޔުން އަމާޒުކޮށްފައި ވަނީ އަންހެނަކަށްވީތީ ކަމަށް ޑިފެންސް މިނިސްޓަރު މާރިޔާ އަހްމަދު ދީދީ މިއަދު ވިދާޅުވެއްޖެ އެވެ.

ހުޅުމާލޭގައި އަންހެނުންގެ ދުވަސް ފާހަގަކުރަން ބޭއްވި ޖަލްސާއަށް ފަހު، ރައީސް އިބްރާހިމް މުހައްމަދު ސޯލިހު މިދިޔަ ހޯމަ ދުވަހުގެ ރޭ އިދިކޮޅު ޕީޕީއެމް/ޕީއެންސީގެ މުޒާހަރާ އޮތް ސަރަހައްދުން މޮޓޯކޭޑްގައި ވަޑައިގަތުމުން އިދިކޮޅު ސަޕޯޓަރުން ވަނީ ހުރަސްއަޅައިފަ އެވެ. ރައީސްގެ ކާރުކޮޅު ހުއްޓުވައި އެ މަނިކުފާނު އެއްގޮތަކަށް ވެސް ކުރިޔަށް ވަޑައިގަތުމަށް ފުރުސަތެއް ނުދިނެވެ. އެހެންވެ، މޮޓޯކޭޑަށް ޖެހުނީ ފަނަރަ މިނެޓަށް ފަހު ފަހަތަށް އަނބުރާލައި، އެހެން މަގަކަށް ވަޑައިގަންނަވާށެވެ.

އެ ހާދިސާ އަދި މަޖިލީހުގެ ރައީސް މުހައްމަދު ނަޝީދު އަވަހާރަކޮށްލަން މެއި 6، 2021 ގައި ދިން ބޮމުގެ ހަމަލާއާ ގުޅިގެން ވެސް އެމްއެންޑީއެފާއި މާރިޔާއަށް ގިނަ ބައެއްގެ ފާޑުކިޔުން އަމާޒުވެފައިވެ އެވެ.

އެ ފާޑުކިޔުންތަކަށް ރައްދު ދެއްވައި މާރިޔާ ކުރެއްވި ޓްވީޓުގައި ވިދާޅުވީ އައިޖީއެމްއެޗުގައި ކުރާ އޮޕަރޭޝަނެއްގައި މައްސަލައެއް ދިމާވެއްޖެ ނަމަ އެއްވެސް މީހަކު ހެލްތު މިނިސްޓަރު ގޯސްނުކުރާ ކަމަށެވެ. ހަމަ އެގޮތަށް، ފުލުހުން ވެސް ގޯހެއް ހަދައިފިނަމަ އެކަމުގެ ޒިންމާ ހޯމް މިނިސްޓަރުގެ ބޮލުގައި ނާޅުވާ ކަމަށެވެ.

If an operation in IGMH goes bad noone blames the Health Minister. If the police goof up, noone blames the Home Minister. But, even at an operational/tactical level, something happens at MNDF, Defence Minister, who happens to be a woman is to blame & it’s “Celebrate women” Month!
— Mariya Didi 🎈 (@MariyaDidi) March 22, 2023

އެކަމަކު، އެމްއެންޑީއެފްގައި ކަމެއް ހިނގައިފި ނަމަ ޒިންމާ ނަގަން ޖެހެނީ ޑިފެންސް މިނިސްޓަރު ކަމަށާއި އެ މަގާމުގައި ހުރީ އަންހެނެއް ކަމަށް މާރިޔާ ވިދާޅުވި އެވެ.

"އޮޕަރޭޝަނަލް ނުވަތަ ޓެކްޓިކަލް ލެވެލްގައި ވެސް، އެމްއެންޑީއެފްގައި ކަމެއް ހިނގައިފިނަމަ، ޑިފެންސް މިނިސްޓަރު، އެ މަގާމުގައި އަންހެނެއް ހުރީމަ ކުށްވެރިވަނީ. އަދި މިއީ "ސެލެބްރޭޓް ވިމެން" މަސް." އޭނާ ވިދާޅުވި އެވެ.

ރައީސްގެ ސެކިއުރިޓީ ބްރީޗްވި މައްސަލަ ރައްޔިތުންގެ މަޖިލީހުގެ 241 ކޮމިޓީން އަންނަނީ ބަލަމުންނެވެ. އެކަމާ ގުޅިގެން ފުލުހުންނާއި ސިފައިން މަޖިލީހަށް ހާޒިރު ކުރަން އެ ކޮމިޓީން ވަނީ ނިންމައިފަ އެވެ.

އެ މައްސަލާގައި ރައީސްގެ ސަލާމަތީ ކަންކަމާ ގުޅޭ ސިފައިންގެ އިސްވެރިޔާ ކާނަލް އަބްދުﷲ އިބްރާހިމް އިއްޔެ ވަނީ ސަސްޕެންޑް ކޮށްފަ އެވެ. އަދި އެ މައްސަލަ ބެލުމަށް ޑިފެންސުން ވަނީ ވަކި ކޮމިޓީއެއް އުފައްދައިފަ އެވެ.

ސެކިއުރިޓީ އެމްއެންޑީއެފް ރައީސް އިބްރާހިމް މުހައްމަދު ސޯލިހް ޑިފެންސް މިނިސްޓްރީ މާރިޔާ އަހުމަދު ދީދީ، ޑިފެންސް މިނިސްޓަރު

57 ކޮމެންޓް, 38 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ވަހީދުބޭބެ

24 March 2023

އަންހެނަކަށްވީމަތަ އިންޑިއާ މީހުން ގާތު ބުނީ މިރާއްޖެ އެމީހުންނަށް ހިފަންބޭނުމިއްޔާ ހިފިދާނެއޭ. ޑިފެންސް މިނިސްޓަރޭ ކިޔައިގެން މުސާރަ ތިނަގަނީ ކޮބާ މަގާމުގެ ހަގީގީ ބޭނުމަކީ؟ ހަނގުރާމައަކަށް ދާންޖެހިއްޖިއްޔާ އެކަންވެސް ކުރަން ނުޖެހޭތަ ރާއްޖޭގެ މިނިވަންކަން ހިމާޔަތްކުރަން؟ ބޭރުގެ ބާރުތަކާއި އެކު އެގްރީމެންޓް ހަދަން ނުޖެހޭތަ ރާއްޖެ ހިމާޔަތްކުރަން؟ ކޮބާ އދ ގެ އެއްބަސްވުން؟ މިހުރިހާ ކަމެއް ކުރެވެން ހުއްޓާ އެމީހުންނަށް ރާއްޖެ ހިފިދާނެއޭ ތިބުނަނީ؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ދހސތވސ

24 March 2023

އަންހެނަކަށް ވިޔަސް ފިރިހެނަކަށް ވިޔަސް، ޒިންމާ ނަގަންޖެހޭނެ. ޒިންމާދާރުކަން ކުޑަވީމަ ކަންކަން ގޯސްވާނީ. ދުނިޔޭގެ ކޮން ޤައުމެއްގައިތޯ ކުޑަޔަސް، ބޮޑަސް އިދިކޮޅު މުޒާހަރާއެއްގެ ތެރެއަށް ގައުމުގެ ވެރިމީހާގެ މޮޓޯކޭޑް ގޮސް ވަންނަނީ. ނާގާބިލު ބަޔަކު ތިބިނަމަ އެބަޔަކު އެކަހެރިކޮށްފަ ޒިންމާދާރު، ގާބިލު މީހުން ލާންޖެހޭނެ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަހަންނާ

23 March 2023

ކަމަނާ ކަންކަމުގެ ޒިންމާ ނުނަގާތީ ތިޔަ ތަނުގެ އަތްދަށުން ދާ ހުރިހާ ގޯސްކަމެއްގަ ހުސް ފިރިހެނުން މަގާމުން ވަކިވާންޖެހި ސަސްޕެންޑްވަނީ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އާޗާ

22 March 2023

އަންހެނަކަށް ވީމާ ޒިންމާ ނަގަން ނުޖެހޭނެޔޭ ތޯ ތިޔަ ވިދާޅުވަނީ. ނުވާވަރު މަތީ މަގާމު ބޭނުން ވޭ އެކަމަކު ޒިންމާ ނަގަންވީމަ މަމީ އަންހެނެއް. އަޖައިބު އަންތަރީސް. މިއީ ދޯ ތިޔަބުނާ ހަމަ ހަމަ ކަމަކީ. ސާބަސް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހަސަނު

22 March 2023

ސެކިއުރިޓީ ފެއިލް ވުމުން މާރިއާދީދީގެ ޖަވާބު.."އަމައްޔާއި.. މަށަކީ އަންހެނެކޭ.."

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކަނބިލި

22 March 2023

ނާގާބިލިއްޔާ ނުބުނެވޭނެ ގާބިލެކޭ. ގާބިލު މީހުންނަކީ އަމިއްލަ ގައުމުގެ ދިފާއުގައި، ކިތަންމެ ކުޑަވެފައި ނިކަމެއްޗަސް ، ބަސްބުނަން ކެރޭމީހުން. ގައުމުގެ ދެކެ ލޯބިވާ ގައުމަށް ލޯޔަލިޓީ އޮންނަ މީހުން. މަގާމަށް ކުފޫ ހަމަވާނީވެސް އެއިރުން. މަގާމުގެ ޝަރަފާއި ލައްޒަތުގައި ޖެހި ތިމާގެ ގައުމުގެ ކަރާމާތަށް ގެއްލުން ޒާތުގެ ވާހަކަ ދައްކަންޏާ ފިރިހެނެއް ކަމުގައި ވިޔަސް ކުފޫހަމައެއް ނުވޭ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކުރުކޮށްފޮނިކޮށް

22 March 2023

ނާގާބިލްކަން މާ މާބޮޑީ. ފުރަތަމަ މަގާމަށް ލީއިރުވެސް ކުފޫހަމައެއްނުވޭ. ތިޔަ ދާއިރާގަ ދުވަހަކު އުޅެފަ ހުރެ މީހެއް ނޫން. މިލިޓަރީ ކަންކަން އެނގޭ އެކަމުގެ ތަޖުރިބާހުރި މީހެއް ނޫން. މިނިސްޓަރަކަށްވީމަ އެހެން މީހުންނަށް އިހްތިރާމްކޮށްފަ ވާހަކަ ދައްކަން އެނގުނީކީ ނޫން. ގައުމުގެ އަގު ވައްޓަން އެނގެނީ، އަގު ހިފަހައްޓަން އެނގެނީކީނޫން. ފާޑުކިއީ އަންހެނަކަށްވީމައޭ ބުނާއިރު އެންމެ ފަހުން މައްސަލައިގަ ސަސްޕެންޑް ތިޔަ ކުރީ ފިރިހެނެއް.