ހުޅުމާލޭގައި ކާޑުގެ ބާވަތްތައް ހޯލްސޭލްކޮށް ވިއްކަން އެސްޓީއޯ އިން މި ހަފުތާގައި ފަށަނީ

އެސްޓީއޯ މުވައްޒަފެއް ކާޑު އުފުލަނީ. ހުޅުމާލޭގައި ކާޑު ވިއްކަން ފިހާރައެއް ހުޅުވަނީ-- ފޮޓޯ: ނިޝާން އަލީ/ މިހާރު

ފާތިމަތު ޝަނާ މުހައްމަދު، މިހާރު

26 މާޗް 2023 - 13:01

ހުޅުމާލޭގައި ކާޑުގެ ބާވަތްތައް ހޯލްސޭލްކޮށް ވިއްކަން އެސްޓީއޯގެ ހާއްސަ ފިހާރައެއް މި ހަފުތާގައި ހުޅުވަން ނިންމައިފި އެވެ.

އެ ކުންފުނިން މިއަދު ބުނީ ހަނޑޫ، ހަކުރު އަދި ފުށް ހޯލްސޭލްކޮށް ވިއްކުމަށް ހާއްސަ ފިހާރައެއް ހުޅުމާލެ-2 ގައި ހުޅުވުމުގެ އެންމެ ފަހުގެ ތައްޔާރީތައް ވަމުން އަންނަ ކަމަށެވެ.

އެސްޓީއޯ އިން މިހާތަނަށް ކާޑުގެ ބާވަތްތައް ހޯލްސޭލްކޮށް ވިއްކަމުން އައީ މާލޭގެ އިތުރުން އެހެން ބައެއް ރަރަށުގަ އެވެ. މިހާތަނަށް ހުޅުމާލޭގައި އެސްޓީއޯ އިން ކާޑުގެ ބާވަތްތައް ހޯލްސޭލްކޮށް ނުވިއްކަ އެވެ.

ހުޅުމާލޭގައި ކާޑުގެ ބާވަތްތައް ހޯލްސޭލްކޮށް ވިއްކަން އެސްޓީއޯ އިން ނިންމި އިރު، މި ރޯދަމަހުގެ ފުރަތަމަ ދުވަހު، ހުޅުމާލެ އިން ހަނޑޫ، ހަކުރު، ފުށް ލިބުން ވަރަށް ބޮޑަށް ދަތިވި އެވެ. މީގެ ކުރިން ވެސް، ހާއްސަ ދުވަސްތަކާ ދިމާކޮށް، ކާޑުގެ ބާވަތްތައް ހުޅުމާލެ އިން ލިބުން ދަތިވެ އެވެ. އެގޮތަށް ސްޓޮކް ހުސްވަނީ، ވިޔަފާރިވެރިންނަށް ސަޕްލައި ނުކުރެވޭތީ އެވެ.

ރޯދަމަހާ ދިމާކޮށް ކާޑުގެ ބާވަތްތައް ބޭނުން ކުރާ ވަރު އިތުރުވެ އެވެ. އެސްޓީއޯ އިން އަންނަނީ ރާއްޖޭގެ ހުރިހާ ސަރަހައްދަކުން ވެސް ކާޑުގެ ބާވަތްތައް އެއް އަގެއްގައި ވިއްކުމަށްޓަކައި، އަތޮޅުތަކަށް ކާޑު އުފުލުމުގެ ހަރަދު ދެމުންނެވެ.

އެސްޓީއޯ ކާޑުގެ ބާވަތްތައް ހުޅުމާލެ ހުޅުމާލޭ ދެ ވަނަ ފިޔަވަހި

5 ކޮމެންޓް, 7 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

އަހައްމަދޫ

27 March 2023

ހޫން މަހީކުރީ އެންމެ ކުރިން ބިދޭސީންނަށް ފޯނުކާޑު ހޯލްސޭލްކޮށް ވިއްކަނީ ކަމަށޭ. އެހެނޭ ވާނީ އިހައްދުވަހުވެސް އެކަހަލަ ވާހަކައެއް އޮތްވިއްޔަ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ތިލަދުން

26 March 2023

ހަމަ ޔަގީނުންވެސް މިވެރިކަން އައުމުގެ ކުރިން ހުޅުމާލެއިން ކާޑުގެ ބާވަތްތަށް ހޯލްސޭލްކޮށް ވިއްކި.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

..ހ..

26 March 2023

2020 ވަންދެން އަތުން ހަން ނޮޅައިގެން ދެން އަހެރެމެން ބިލް ހަދާ ދޫ މިކުރީ ފޯނު ކާޑުތަ؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އޮނަރަބްލް އަފީފު ދީދީ

26 March 2023

އެސްޓީއޯ އިން މާލެފިޔަވާ ހޯލްސޭލްކޮށް ކާޑުގެބާވަތްތައްވިއްކާ "އެހެން ރަށްރަށަކީ" ކޮބައިތޯ؟ ތިރަށް ފިޔަވާ އެސްޓީއޯއިން އެތެރެކުރާމުދާ ހޯލްސޭލްކުރާ އެހެންރަށެ ނެތް. # ދައުލަތުން ސަބްސިޑައިޒްކޮށްގެން "ވަދަވެރިކަމެއްނެތްގޮތަށް" އެސްޓީއޯއިން ހަނޑޫ ހަކުރު ފުށް ގެންނަން ދޭންވާނީ އުތުރުގެރަށްރަށަށް ބޭނުންވާކާޑު ކުޅުދުއްފުށި ޕޯޓަށް އަދި ދެކުނަށް ބޭނުންވާކާޑު އައްޑޫ ޕޯޓަށްގެންނަގޮތަށް. އެހެންނޫންނަމަ ވާދަވެރިކޮށް މިކަންކުރުމަށް ހުޅުވާލަންޖެހޭ.