ފޮރިން މިނިސްޓްރީ ހިންގާ އިމާރާތް: ދިވެހިންނަށް އޮމާނުން އޮން އެރައިވަލް ވިސާ ދޭން ވަނީ ފަށާފައި --- ފޮޓޯ/މިހާރު
30 މާޗް 2023 - 19:37
4 comments
އޮމާނުން ދިވެހިންނަށް 14 ދުވަހުގެ އޮން އެރައިވަލް ވިސާ ދޭން ނިންމައިފި އެވެ.
ރާއްޖޭގެ ފޮރިން މިނިސްޓްރީން މިއަދު ބުނީ އޮމާނަށް ދަތުރުކުރާ ދިވެހިންނަށް 14 ދުވަހުގެ އޮން އެރައިވަލް ވިސާ ލިބޭނެ ކަމަށެވެ. އެކަމަކު އެ ވިސާ ލިބޭނީ ހަ މަހަށް ވުރެ ދިގު މުއްދަތެއް އޮތް ޕާސްޕޯޓަކާއި ހޮޓެލް ބުކިން އާއި އިންޝުއަރެންސާއި އެނބުރި ދިއުމުގެ ޓިކެޓް އޮވެގެން ކަމަށް އެ މިނިސްޓްރީން ބުންޏެވެ.
ފޮރިން މިނިސްޓްރީން ބުނިގޮތުގައި އެ ފުރުސަތު ދިވެހިންނަށް ދޭން އޮމާނުން ނިންމުމަކީ ދެ ގައުމުގެ ދެމެދުގައި އޮތް ގާތް ގުޅުން ހާމަކޮށްދިން ކަމެކެވެ.
އޮމާންގައި ފަތުރުވެރިކަން ކުރިއެރުވުމަށް އޮމާނުން ވަނީ ރާއްޖޭގެ އިތުރުން އިތުރު 100 ގައުމެއްގެ ރައްޔިތުންނަށް ވެސް އޮން އެރައިވަލް ވިސާ ދޫކުރަން މިދިޔަ މަހު ނިންމައިފަ އެވެ. އޭގެ ތެރޭގައި އޭޝިއާ އާއި ޔޫރަޕްގެ ގިނަ ގައުމުތައް ހިމެނެ އެވެ.
އޮމާނުން 14 ދުވަހުގެ އޮން އެރައިވަލް ވިސާ ދޭއިރު، 50 އެއްހާ ޑޮލަރުގެ ފީއެއް ދެއްކުމަށްފަހު ވިސާގެ މުއްދަތު އެއް މަހަށް އިތުރު ވެސް ކުރެވެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ސލަމާންނިޔއް
31 March 2023
ރާއްޖޭން ކުރިކަމެއްނޫން. އޮމާނުންކުރިކަމެއް
2023
31 March 2023
ގާތް ގުޅުމާއެކު 50 ޑޮލަރ ދައްކާގެން މިއިތުކުރެވީ.... ކިހާގާތް.... ބޮއިހަލަކި
ޓުވިސްޓު
30 March 2023
ކޮންމެ ކަމެއް ތިޔަ ޓުވިސްޓް ކުރައްވަނީ ކީއްކުރަންތޯއެވެ؟ އާޓިކަލްގައި ސާފުކޮށް ބުނެފައި އެއޮތީ އޮމާނުން ފަތުރުވެރިކަން ކުރިއަރުވަން ދުނިޔޭގެ 100 އަށްވުރެ ގިނަ ޤައުމުގެ މީހުންނަށް އޮން އެރައިވަލް ވިސާ ދޭން މިދިޔަ މަހު ނިންމި ވާހަކައެވެ. އެއީ ދުނިޔޭގެ ޖުމްލަ 195 ޤައުމުގެ ދެބައިކުޅަ އެއްބައެވެ. ވީއިރު، މިއީކީ ރާއްޖެއާ އޮންނަ ގުޅުމަކުން ނިންމި ނިންމުމެއް ނޫނެވެ. އޮމާނުން ފަތުރުވެރިން ގެންނަން އެޅި ފިޔަވަޅެކެވެ. ކޮންމެ ކަމެއް ޓުވިސްޓް ނުކުރައްވާށެވެ.
އަހުމިއްޓޭ
30 March 2023
ގާތްގުޅުމޭ؟ ލަދުކޮބާ. މިގައުމަށް އަންނަ އެހެންގައުމުތަކުގެ ފަތުރުވެރިންނަށް ވިސާ ލިބޭގޮތަށް އެހެންގައުމުތަކުން ރާއްޖޭގެ ފަތުރުވެރިންނަށް ވިސާދިނީމަ ގާތްގުޅުމޭ ކިޔޭނީ.