03 އެޕްރީލް 2023 - 13:26
37 comments
މަސްތުވާތަކެތީގެ ފަރުވާގެ ނިޒާމް އިތުރަށް ހަރުދަނާ ކުރަން ގޮވާލައި މަޖިލީހަށް ހުށަހެޅި ގަރާރަށް ތާއީދު ކުރައްވައި ޖުމްހޫރީ ޕާޓީގެ ލީޑަރު ގާސިމް އިބްރާހިމް ސަރުކާރަށް ފާޑު ވިދާޅުވެއްޖެ އެވެ.
މަސްތުވާތަކެއްޗާ ބެހޭ މައްސަލަތަކާ ގުޅޭ ގަރާރެއް މަޖިލީހަށް ހުށަހަޅާފައި ވަނީ ހެންވޭރު ހުޅަނގުު ދާއިރާގެ މެންބަރު ހަސަން ލަތީފެވެ.
އެ ގަރާރަށް ބަހުސް ކުރައްވަމުން މަޖިލީހުގެ ރައީސް މުހައްމަދު ނަޝީދު ފެކްޝަންގެ މެންބަރުންނާއި އިދިކޮޅު ޕީޕީއެމްގެ މެންބަރުން އަދި އެމްއެންޕީގެ ރައީސް، ދަނގެތި ދާއިރާގެ މެންބަރު މުހައްމަދު ނާޒިމް ވަނީ އެ މައްސަލަތައް ހައްލުކުރަން ސަރުކާރު ވަރަށް ބޮޑަށް ފެއިލް ވެފައިވާ ކަމަށް ވިދާޅުވެފަ އެވެ.
މި ސަރުކާރު ދަމަހައްޓަން ހެދި ކޯލިޝަންގައި ހިމެނިވަޑައިގަންނަވާ ޖޭޕީގެ ރައީސް ގާސިމް ވިދާޅުވީ ނާޒިމް އާއި ސަރުކާރާ އިދިކޮޅު އެހެނިހެން މެންބަރުން ދެއްކެވި ވާހަކަ އަށް ތާއީދު ކުރައްވާ ކަމަށެވެ.
ދައުލަތުން ކަމެއް ކުރަން ޝައުގުވެރިކަން ހުރެއްޖެ ނަމަ އަމަލު ކުރާ ގޮތަށް މަސްތުވާތަކެތީގެ މައްސަލަ އާ މެދު އަމަލު ނުކުރައްވާ ކަމަށް ގާސިމް ވިދާޅުވި އެވެ.
"ބަޔަކަށް ފެނަކަ އާއި ރޯޑް ކޯޕަރޭޝަނުން ވަޒީފާތައް އެތުރެމުން އަރައިގަންނަގޮތް ފެނޭ. އެހެން ނަމަވެސް ޑްރަގުގެ ދާއިރާގައި ފަރުވާ ދޭނެ ޑޮކްޓަރުންނާއި އެކްސްޕާޓުން ނެތިގެން ދާ ދިޔުން، އޭގެން މި ފެންނަނީ ގައުމުގެ ޝައުގުވެރިކަން ހުންނަ މިންވަރު،" ގާސިމް ވިދާޅުވި އެވެ.
ސަރުކާރުގެ މެނިފެސްޓޯގައި އެ މައްސަލަތައް ހައްލު ކުރަން ގިނަ ކަންކަން ފާހަގަ ކޮށްފައިވާ ކަމަށާއި ނަމަވެސް ކަން ދިމާކުރި ގޮތުން ޖުމްހޫރީ ޕާޓީއަށް އެ ދާއިރާ އާ ގުޅޭ އެއްވެސް މަގާމެއް ނުލިބޭ ކަމަށް ގާސިމް ވިދާޅުވި އެވެ.
އޭނާ ސަރުކާރަށް ފާޑުވިދާޅުވި އިރު، ކޯލިޝަންގައި އަދި ތިއްބަސް މި ސަރުކާރާ ދެކޮޅަށް ރިޔާސީ އިންތިހާބުގައި ވާދަކުރައްވަން ވަނީ ނިންމަވައިފަ އެވެ.
ގާސިމް ވިދާޅުވި ގޮތުގައި ޑްރަގް ހިފައިގެން އަންނަ މީހުން ޓްރާންސިޓް ވެގެން ދެވޭ ގޮތަށް އޮންނަ ނަމަ ދުވަހަކު ވެސް އެ މައްސަލަ ހައްލެއް ނުވާނެ އެވެ. އެ މައްސަލާގައި ސިންގަޕޫރު ފަދަ ގައުމުތަކުގައި ގެންގުޅޭ އުސޫލުތަކަށް ރާއްޖެއިން ވެސް އަމާޒު ހިފާނަމަ މައްސަލަ ހައްލު ވާނެ ކަމަށް ވެސް ގާސިމް ވިދާޅުވި އެވެ.
"މަޖިލިސް މެންބަރުންނަކީ މި ބާވަތުގެ ކަންކަމުގައި ސަރުކާރު ޒިންމާދާރު ކުރުވަން ތިބި ބޭފުޅުން ކަމަށްވާއިރު މިއީ އެއް ގޮތަކަށްވެސް ވަކި ބޭފުޅަކާ ޒާތީ ގޮތުން ދިމާ ކުރަން ދައްކަ ވާހަކައެއް ނޫން،" ގާސިމް ވިދާޅުވި އެވެ.
ގާސިމް އިންތިހާބުގައި ވާދަކުރައްވަން ނިންމެވުމާ ގުޅިގެން ޖުމްހޫރީ ޕާޓީ އާއި ރައީސް އިބްރާހިމް މުހައްމަދު ސޯލިހުގެ ފެކްޝަނާ އޮތް ގުޅުން ވަނީ ގޯސްވެފަ އެވެ. ރައީސް ފަޅީގައި ތިއްބެވި ރައްޔިތުންގެ މަޖިލީހުގެ މެމްބަރުން ވަނީ، ޖޭޕީގެ ސްލޮޓްތަކުގައި ކެބިނެޓުގައި ތިއްބެވި މިނިސްޓަރުންގެ އިތުބާރު ނެތް މައްސަލައެއް ނަގަން ވެސް ގޮވާލައިފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އަލީ ހަމީދު
04 April 2023
މަކަހަލަ އެތަށް ބައެއްގެ ހައްގު މުސާރަކޮޅު އެހުރީނުދީ. އެތަށް ހާސް ރުފިޔާއެއް ކާލައިގެން ހުރެ އަދި ވަޒީފާއިންވެސް ރަހުމެއްނެތި ކަނޑާލި މިހަކަށް މަގޭ ވޯޓެއް މަގޭ އާއިލާގެ ވޯޓެއް ނުދޭނަން މާޝާ ﷲ... ގާސިމުގެ ލަދު ހަޔާތް ކޮބާ. ވެރިކަމަށް މިފަދަ މީހަކު ގެނެސްފިއްޔާ ގައުމުގެ ހަޒާނާ ކަހާލާނީ ގެއަށް. މާ ރަގަޅުވާނެ މުވައްޒަފުން ދޭންޖެހޭ ހައްގު މުސާރަ ދިނިއްޔާ. އެއީ އަހަރުމެންގެ ހައްގު. އެ ޖެހޭނީ ދޭން.
ކާތިބު
03 April 2023
ރައްޔަތުންގެ މަޖިލީހުގައި މިހާރު ހަމަ ކޮންމެ ދުވަހަކު "ފިކުރެއްގެ ދިރުން" ކުދިންކޮޅު ލައްވާ ކޮންމެވެސް ގަރާރެއް ހުށަހަޅައިގެން މުޅި މަޖިލިސް ހިސޯރުކޮށްގެން ސަރުކާރަށް ބެވުން ނޫންކަމެއް ނުކުރޭ. ބަލަގަ އެމްޑީޕީގެ ރައީސް ތިޔަ މަޖިލީހުގެ ރިޔާސަތުގަ އިންނަވައިގެން އެމްޑީޕީގެ ސަރުކާރަށް ބަވާ ނަގާއިރު އެމްޑީޕީގެ އެތައްހާސް މެންބަރުންނެއް މިތިބީ ތިބޭފުޅާގެ ތިކުޅި ބަލަން އިނގޭތޯ؟ ގަލަމާ ކަރުދާސްކޮޅު ލިބުނީމަ ރަނގަޅަށް ޖަވާބު ދޭނަން.
ކާސިންބެ
03 April 2023
ކޯލިޝަންސަރުކާރެއްގެ އެއްބައިވެރިޔާ ތިގޮތަށް ވާހަކަދެއްކެވީމަ އުފެދެނީ ސުވާލު. ވެއަތުވެދިޔަ 4 އަހަރު އޮންނެވީ ނިދީގަބާ؟ ލޮބުވެތި ރައްޔިތުން މިތިބީ ނިދީގައި އުޅުއްވިތަން ބަލަބަލާ. ރައްޔިތުން ގަމާރުންކަމުގައި ދެކެވަޑައިނުގަނޭ. ލިބިވަޑައިގަންނާނީ އިތުރުގެއްލުން.
ކަހެރުވައް
03 April 2023
ކޮބާ އުމަރު؟ ހައްލަކީ އުމަރު....
ދޫނި
03 April 2023
ގާސިމް ހިތުން ތި ހުރީ ހޮވިފަ. ބަލަ ތީ ޗޮއިސް އެއް ނޫން. ރައީސް ސޯލިހު 2023 އިންސާ ﷲ
މޯޑް
03 April 2023
މުޅި އުމުރު ކުންފުނީގެ ޙައްގުގައި ގުރުބާންވެ، ވެހޭހާ ވާރޭގައި ދިންހާ އަވީގައި އާއިލާއާއި ދުރުގައި ވަފާތެރި ކަމާއި އެކު ދިން ހިދުމަތުގެ ބަދަލަކީ މިއީ . ކަމެއް ޖެހުނު ދުވަހު ދިނީ ފުރަގަސް. މަހަރު 1000/- ދީފައި އެއްބަސް ނުވި އެންމެން ވަކިކޮށްލީ. 2 އަހަރު ފަހުން 500 މިލިޔަނާއި އެކު ނުކުތީ ރިޔާސީ ރޭހަށް. އަގަލެއް ކުލުނެއް ހަމްދަރުދީއެއް ނެތް .
ޖާބިރު
03 April 2023
ކޮވިޑު ދުވަސްވަރު މިކަލޭގެ އޮތީ ހޮހޮޅައަކަށްވަދެ ފިލާ. ރޮއެ ހޭރިގަތީ މުވައްޒަފުންނަށް މުސާރަނުދެވޭނޭބުނެ. ހުރިހާ މުވައްޒަފުންގެ ލާރިކޮޅު ކަނޑާލީ ނޯ÷ޭނަގަން މަޖުބޫރު ކުރުވީ އަބަދުމެ މުވައްޒަފުން ދައްކާވާހަކައަކީ ސަރވިސްޗާޖުކޮޅުވެސް މިކަލޭގެ ކާލާ ވާހަކަ. މިވަރުމީހުންނަށް ކޮން ވެރިކަމެއް ކުރެވޭނީ. ތިހިރީ ހަމައިގަތަ؟
ކަތްދައްތަ
03 April 2023
ގާސިމަކަސް ކާސިމަކަށް މިއޮއްފަދަ ރޯދަމަހު އެކުން އަނގަގޮއްވާން އުޅޭނެކަމެއްނެތް. 9 މަހާއި 9 ދުވަސް ފުރެން އެއްމަހަށް ވީމައެއްނޫން ދަރީގެ ބަފައާމެދު ސުވާލު އުފައްދާނީ.
ކޮލޮމަނަބ
03 April 2023
ހާހަަހަހަހަހަހަހަހ ހޭލެވުނީތަ
ޖަޒުވާ
03 April 2023
ޤާސިމް އަށް ލިބޭނީ މާމިގިލީ ރައީސްކަން. މާމިގިލީން ވަކިން މިނިވަންކަން އިޢުލާންކުރީމަ ރަސްގެފާނުކަން ވެސް ލިބިދާނެ.