ސަރުކާރު ހިއްސާވާ ކުންފުނިތަކަށް ފައިސާ ދިނުމާއި މަޝްރޫއުތަކަށް ކުރާ ހޭދަ ބޮޑުވުމާއި ރިޔާސީ އިންތިހާބާ ގުޅޭ ހަރަދުތަކުގެ ސަބަބުން ސަރުކާރުގެ މާލިއްޔަތަށް އިތުރު ހީނަރުކަމެއް އަންނާނެ ކަމަށް ވެސް ވޯލްޑް ބޭންކުން ލަފާކުރޭ.
ވޯލްޑް ބޭންކާއި އެކު ސަރުކާރުން ހިލޭ އެހީ އެއްބަސްވުމެއްގައި ސޮއި ކުރަނީ. ވޯލްޑް ބޭންކުގެ ރިޕޯޓުގައި ވަނީ ރާއްޖޭގެ އިގްތިސާދު ނުރައްކާތެރި ފައްތަރެއްގައި އޮތް ކަމަށް ބުނެފައި-- ފޮޓޯ: ފިނޭންސް މިނިސްޓްރީ
04 އެޕްރީލް 2023 - 19:46
56 comments
ރާއްޖޭގެ އިގްތިސާދީ މިސްރާބު މިހާރު ހުރި ގޮތުން، ބޭރުގެ ދަރަނި ބޮޑުވެ، ދުނިޔޭގެ މާލީ ބާޒާރުތައް ތާށިވުމުގެ ސަބަބުން މާލީ ހާލަތަށް ނުރައްކާތަކެއް ކުރިމަތިވެފައިވާ ކަމަށް ވޯލްޑް ބޭންކުން ބުނެފި އެވެ.
މާލީ އިދާރާ ވޯލްޑް ބޭންކުން ނެރޭ އަޕްޑޭޓުގައިވާ ގޮތުން، ރާއްޖޭގެ އިގްތިސާދު ވަރަށް ބޮޑަށް ރަނގަޅުވާނެ ކަމަށް ކުރިން ލަފާކުރިޔަސް ހިސާބުތަކުން މިހާރު އެ ގޮތަށް ނުދައްކަ އެވެ.
މިއަދު ނެރުނު ރިޕޯޓުގައި ވޯލްޑް ބޭންކުން ބުނީ، މި ސަރަހައްދުގެ އިގްތިސާދު ކުރިއަރާނެ ކަމަށް ލަފާކުރަނީ 5.6 ޕަސެންޓުގައި ކަމަށެވެ. ރާއްޖޭގެ އިގްތިސާދު ކުރިއަރާނެ ކަމަށް ލަފާކުރަނީ 6.6 ޕަސެންޓުގަ އެވެ. މިއީ ކުރިން ލަފާކުރި ވަރަށް ވުރެ ގާތްގަނޑަކަށް ދެ ޕަސެންޓު ދަށް އަދަދެެކެވެ. ކުރިން ލަފާކުރީ މި އަހަރު ރާއްޖޭގެ އިގްތިސާދު 8.2 ޕަސެންޓަށް ކުރިއަރާނެ ކަމަށެވެ.
ވޯލްޑް ބޭންކުން ބުނިގޮތުގައި، ބޭރުން ކުރިމަތިވާ ލޮޅުންތަކާއި ރާއްޖޭގެ މާލީ ނިޒާމުގެ ނާޒުކު ކަމުން އިގްތިސާދީ ކުރިއެރުމަށް ބޮޑެތި ގޮންޖެހުންތަކެއް އެބަހުއްޓެވެ. ބޭރުން އަގު ބޮޑުކޮށް ދަރަންޏަށް ފައިސާ ނެގުމުގެ ސަބަބުން ވެސް އޭގެ ގޮންޖެހުންތައް ރާއްޖެ އަށް އެބައޮތް ކަމަށް ވޯލްޑް ބޭންކުން ބުންޏެވެ.
ރާއްޖޭގެ ދަރަނި މިހާރު ވަނީ 100 ބިލިއަން ރުފިޔާ އަށް ވުރެ މައްޗަށް އަރައިފަ އެވެ. އެއީ ޖީޑީޕީގެ ނިސްބަތުން 114 ޕަސެންޓެވެ.
ވޯލްޑް ބޭންކުން ވަނީ ރާއްޖޭގައި އުމްރާނީ ތަރައްގީގެ ބޮޑެތި މަޝްރޫއުތަކަކަށް ހަރަދު ކުރަން ސަރުކާރުން ރާވާފައި ވާތީ، ބަޖެޓުގެ ދަރަނި އިތުރަށް މަތިވާނެ ކަމަށް ލަފާކޮށްފަ އެވެ. އެ ބޭންކުން ބުނީ އިގްތިސާދީ ހަރަކާތްތަކުގައި ސަރުކާރު ހިއްސާވާ ކުންފުނިތަކުން ބޮޑު ދައުރެއް އަދާކުރުމުގެ ސަބަބުން، އަމިއްލަ ވިޔަފާރިތަކުގެ ކުރިއެރުމަށް ހުރަސް އެޅޭ ކަމެކެވެ.
ސަރުކާރު ހިއްސާވާ ކުންފުނިތަކަށް ފައިސާ ދިނުމާއި މަޝްރޫއުތަކަށް ކުރާ ހޭދަ ބޮޑުވުމާއި ސެޕްޓެމްބަރު 9 ގައި ބާއްވާ މި އަހަރުގެ ރިޔާސީ އިންތިހާބާ ގުޅޭ ހަރަދުތަކުގެ ސަބަބުން ސަރުކާރުގެ މާލިއްޔަތަށް އިތުރު ހީނަރުކަމެއް އަންނާނެ ކަމަށް ވެސް ވޯލްޑް ބޭންކުން ލަފާކުރެ އެވެ.
އެހެންވެ، މުޅި މާލިއްޔަތަށް ކުރިމަތިވާ ބުރަ ކުޑަކުރުމަށް ސަބްސިޑީތައް ކުޑަކޮށް، ސަބްސިޑީ ދޭ ގޮތް ބަދަލު ކުރަން ޖެހޭ ކަމަށް ވޯލްޑް ބޭންކުން ބުންޏެވެ.
އެ ބޭންކުން ވަނީ މި އަހަރު ރާއްޖޭގެ އިންފްލޭޝަން 5.7 ޕަސެންޓަށް އަރާނެ ކަމަށް ލަފާކޮށްފަ އެވެ. މިދިޔަ ފެބްރުއަރީ މަސް ނިމުނު އިރު ރާއްޖޭގެ އިންފްލޭޝަން ހުރީ 3.9 ޕަސެންޓުގަ އެވެ. އެއީ މިދިޔަ އަހަރުގެ އެ މުއްދަތަށް ވުރެ ގާތްގަނޑަކަށް ދެ ގުނަ އިތުރު އަދަދެކެވެ. ޖީއެސްޓީ ބޮޑުވުމުގެ ސަބަބުން އަގުތައް އުފުލުނު ނަމަވެސް ތެލުގެ އަގު ކުރިމަގުގައި ދައްވާނެތީ މެދު ރާސްތާގައި ރާއްޖޭގެ އިންފްލޭޝަން 2.5 ޕަސެންޓަށް ދަށަށް ދާނެ ކަމަށް ބެލެވޭ ކަމަށް ވޯލްޑް ބޭންކުން ބުނެފައި ވެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ވޯލްޑް ބޭންކް
06 April 2023
ވޯލްޑް ބޭންކު ގަވެސް ތިބެނީ ހަމަ އިންސާނުން....އެގޮތަށް ފިގާޒް ތަށް ދައްކާގޮތައް ބަލާފަ ބުނާ ރިޕޯޓް ތަކަކީ ކޮންމެހެން ސީދާ ވާނެ އެއްޗެއް ނޫން... ތިކަހަލަ ކިތަށް ރިޕޯޓް ހަދާފަ އެހެން ވާނޭ މިހެންވާނޭ އެމީހުން ބުނޭތަ....ދުވަހަކުވެސް ވާގޮތް ރިޕޯޓް އާ ދިމާވޭތަ؟ އެކަހަލަ ބަޔަކު ބުނިކަމަށްވޭ ރާއްޖެއަކު ޓުއަރިޒަަމް ވެސް ނުހިންގޭނޭ...
ޑިމޮކްރަސީ
05 April 2023
ދިވެހިން މިއޮތީ ދަރިންގެ ދަރި މިރި މިރި އަށްދަންދެން ދަރުވާލާފަ ދެންވެސް ވިސްނަބަލަ މިނޫން ގޮތެއްފެނޭތޯ
ފިކުރެއްގެދިރުން
05 April 2023
މިސަރުކާރުން އޮތީ ވެރިންގެ ޖީބު ބޮޑުކުރުން ދައުލަތުގެ ޚަޒާނާ ހުސްކޮށްފި، ހިއްނަވަރުކުދިންނާއި ބޮޑު މިނިސްޓަރ ހިތަކަށް މޮޑެން އޮތް ފުށްގަޑަކަށް ވީމާ ވާނީ މިހެން، ޖޭޕީގެ ސިޔާސީ މަގާމަށް ވުރެން ހިންނަވަރު ގޭދޮށު ކުދިންގެ ސިޔާސީ މަގާމު މާގިނަ، ދެންކިހިނެތް ތޯ ކަންކަން ރަނގަޅު ވާނީ
ހަފުސް
05 April 2023
ގާނޫނު އަސާސީ އިސްލާހުކޮށްގެން ވިޔަސް ވެރިކަމުގެ ދެވަނ ދައުރުކަށް ކުރިމަތި ނުލެވޭ ގޮތަށް ހަދަންވީ. އެހެން ނޫނިއްޔާ މިވާގޮތަކީވެރިކަމުގަ ހުންނަމީހާ ދެވަނަ ދައުރެއް ހޯދުމުގެ ނިޔަތުގަ އެޔެއް މިޔެއް ނުބަލާ ބަޖެޓްތަޅާ ބުރުއްސަނީ. އަދި ބަޖެޓް ޚަރަދު ތަކަކީލިބޭ އާމްދަނީއާއި އުފެއްދުން ތެރި ކަމުގެ ނިސްބަތުން ކުރެވޭނެ ޚަރަދުތަކެއްކަމުގަ ގާނޫނަކުން ކަޑައަޅަންވީ.
ޅިންދީ
05 April 2023
ގާނޫނުގަ އޮވޭ ބޭރުގެ ދަރަނި ހުންނަންޖެހޭނީ ޖީޑީޕީއާ އަޅާފަ ކޮންމެވެސް % ގަ ހިފެހެއްޓިފަކަން. އަމަލު ނުކުރެވެންޔާ ގާނޫނު ހެދުމުގެ ބޭނުމަކީ ކޮބާ..
ޢެޑްމުންޑޯ
05 April 2023
ބޭރުން އަގުބޮޑުކޮށް ދަރަނިނެގުމުން އޭގެ ނޭދެވޭ އަސަރު ކުރަމުންދާކަމަށްވެސް ވޯލްޑް ބޭންކުން ފާހަގަ ކުރެއެވެ . މިއީ ކުރީސަރުކާރުގެ ޗައިނާ ދަރަނި އޭކިޔާ ގޮވިމީހުންގެ ހާލަތު ހުރިގޮތް ، ދަރަނި ނުރަގަޅު ގޮތުގައި ނަގާފައި ދަރަނީގެ ބޭނުން ހިފަންނޭގުނީ ކޮންބައެއްކަން މިހާރު އެންމެނަށްވެސް އެގިއްޖެ ، އެހެންނޫންތޯ ؟؟؟
ލިބުނޫ
05 April 2023
މިވަރުން ވެސް ދެވަނަ ދައުރެއް ނުލިބިގެން ސިޔާސީ މަންފާޔަށް ބޭކާރު ޚަރަދު އިންތިހާޔަށް އެބަ ގިނަވާކަން ފާހަގަވޭ
ރޯޒަސް
05 April 2023
އެޢީ ކޮންމެހެން ސޯލިހަށް ބުނިއެއްޗެއް ނޫން. މިކަމެއް ފަށަގެން މިއުލޭނީ އަނި ޒަމާނުން ފެށިގެން އަދި ހައްދުން ނައްޓައިގެން މިއުޅެނީ ޔާމީނާއި ސޯލިހުގެ ދަށުން. މިހާ ބޮޑެތި ސަބްސިޑީ ދޭ ގައުމެއްގައި ކެތް ނުވާވަރުގެ ބޭކާރު މެގަ ޕްރެޖެކްޓްތައް އެކަކަށް ވުރެ އަނެކަކު މޮޅުވާންވެގެން ކުރާތީ ގޯސްވެގެން މިއުޅެނީ. ބުރިޖާއި ގުޅީފަޅާއި އައްޑޫ ހިއްކަން އެކަނިވެސް އެބަދޭ 15 ބިލިއަން ރުފިޔާ. މީކީ ނީސްތާށްޓަށް އަރައިގެން ދަރައިގެން ކުރަންޖެހޭ ކަންކަމެއްނޫން.
މަނީމަނީ
05 April 2023
ތިޔަ އަމީރަކީ ސީދާ ބުރޯ ގެ ބޯއި ޕަޕެޓެއް. ސިކުނޑީގެ ބޭނުމެއް އަމިއްލައަކަށް ނުކުރާނެ. ބުރޯ މެން ބުނާހާ އެއްޗަކަށް ޔެސް ސޯ ކިޔުން އޮންނާނީ. އޭނާވެސް އެހެރީ ފެންނަން ދަރަންޔެއް ހެން އެހެންވީމަ ލޮލް
އެމްސް
05 April 2023
ދައުލަތުގެ މުހިއްމު ވުޒާރާތައް ހުރީ ކަމުގެ މަޢުލޫމާތާއި ތަރުރިބާވެސް ނެތް ފަރާތްތަކަކަށް ޚާއްސަވެފަކަމުން ޙައިރާނެއް ނުވޭ!
ކޯޑިނޭޓަރ
05 April 2023
ސިޔާސީ ވާދަވެރިކަމުގައި ބަޖެޓަށް ނުތަކާ ވަރުގެ ވައުދުތައްވެ އެ ވައުދުތައް ސަރުކާރުތަކުން ފުއްދަން މަސައްކަތް ކުރުމުގެ ނަތީޖާ މި ފެންނަނީ.
ޢެޑްމުންޑޯ
05 April 2023
ތިފާހަގަ ކުރި ކަހަލަ ވައުދު ތަކެއް ނާޒިމްގެ ޕާރޓީން މިހާރު އެދަނީ ކުރަމުން ،
ސަލީމު އިދުރީސް
05 April 2023
އެހެން ވިއާ އަދިވެސް ފަނަރަ މިނެއްޓުން ކަނޑު މަގުން ފެރީގަ ފޯރާފަށުގަ ހުރި ރައްތަކުގަ ބުރިޖުއަޅާފަ އިލޭ ދަތުކުރެވޭގޮތް ހަދާ ކޮއްމެއަރަކު ބުރިޖު މަރާމާތައް ފަސްމިލިޔަން ޑޮލަރު ހޭދަކުރޭ!