ޚަބަރު / މާރިޔާ އަހުމަދު ދީދީ، ޑިފެންސް މިނިސްޓަރު

ރައީސް ދަތުރުކުރައްވާ މަގު ކަނޑައަޅަނީ މިނިސްޓަރެއް ނޫން: މާރިޔާ

ރައީސްގެ މޮޓޯކޭޑް ހުއްޓުވާފައި: މި މައްސަލަ ގައުމީ ސަލާމަތާ ބެހޭ ކޮމިޓީން އަންނަނީ ބަލަމުން.

އާސިމާ ނިޒާރު، މިހާރު

05 އެޕްރީލް 2023 - 14:03

ރައީސުލްޖުމްހޫރިއްޔާ ދަތުރުކުރައްވާ މަގު ކަނޑައަޅަނީ ޑިފެންސް މިނިސްޓަރެއް ނޫން ކަމަށް ވިދާޅުވެ، މޮޓޯކޭޑަށް ހުއްޓުވި މައްސަލާގައި އޭނާއަށް އަމާޒުކުރި ފާޑުކިއުންތަކުން، މިނިސްޓަރު މާރިޔާ އަހުމަދު މިއަދު ދިފާއުވެވަޑައިގެންފި އެވެ.

ރައީސް އިބްރާހިމް މުހައްމަދު ސޯލިހް ދަތުރު ކުރެއްވި މޮޓޯކޭޑް ބޮޑުތަކުރުފާނު މަގުން ހުއްޓުވީ މިދިޔަ މަހުގެ 20 ވަނަ ދުވަހުގެ ރެ އެވެ. އިދިކޮޅު ޕީޕީއެމްގެ މުޒާހަރާގެ ބައިވެރިންތަކެއް މޮޓޯކޭޑް ހުއްޓުވުމުން ކުރިއަށް ނުދެވިގެން އަނބުރާލާފައި އައިކޮޅަށް ދާން ޖެހުނު މައްސަލައަކީ ސެކިއުރިޓީ ފެއިލިއާއެއްގެ ގޮތުގައި މަޖިލީހުގެ ގައުމީ ސަލާމަތާ ބެހޭ ކޮމިޓީގައި މެމްބަރުން ވެސް ވަނީ ކަންބޮޑުވުންފާޅުކުރައްވައިފަ އެވެ.

މި މައްސަލަ ބަލަން އެމްއެންޑީއެފުން ވެސް ވަނީ ހާއްސަ ކޮމިޓީއެއް އުފައްދައި، ޕްރެޒިޑެންޝަލް ގާޑްސް ކޮމާންޑިން އޮފިސާގެ މަގާމުގައި ހުންނެވި ކާނަލް އަބްދުﷲ އިބްރާހިމް ސަސްޕެންޑުކޮށްފަ އެވެ.

އެ ހާދިސާއާ ގުޅިގެން ރައްޔިތުންގެ މަޖިލީހުގައި މިއަދު މާވަށު ދާއިރާގެ މެމްބަރު މުހައްމަދު ސައީދު ކުރެއްވި ކުރެއްވި ސުވާލަށް ޖަވާބު ދެއްވަމުން މާރިޔާ ވިދާޅުވީ ރައީސުލްޖުމްހޫރިއްޔާ ދަތުރުކުރައްވާނެ ރޫޓު ނިންމުމަކީ ޑިފެންސް މިނިސްޓަރު ކަނޑައެޅުން އޮންނަ ކަމެއް ނޫން ކަމަށެވެ.

އެހެންވެ، އެއީ ވަޒީރުންނާ ސުވާލުކުރުމުގެ ގާނޫނު ތަރަހައިގައި ހިމެނޭ ސުވާލެއް ކަމަކަށް ގަބޫލެއް ނުކުރައްވާ ކަމަށް އޭނާ ވިދާޅުވި އެވެ.

މޮޓޯ ކޭޑް ފެއިލްވުމާ ގުޅޭގޮތުން ފަރެސްމާތޮޑާ ދާއިރާގެ މެމްބަރު ހުސެއިން މުހައްމަދު ލަތީފު ވެސް ސުވާލު ކުރެއްވި އެވެ. އެކަމަކު، މާރިޔާ އެ ސުވާލަކަށް ޖަވާބެއް ނުދެއްވަ އެވެ.

އެ ހާދިސާ ހިނގި މަންޒަރު ފެންނަ ވީޑިއޯތަކުން ފެންނަ ގޮތުގައި މުޒާހަރާގެ ބައިވެރިން އެ ތަނުން ދުރަށް ނުދިއުމުން ސިފައިންގެ ސްޕެޝަލް ސެކިއުރިޓީ ފޯސް އިން ހަތިޔާރާއެކު ވެހިކަލްތަކުން ފައިބައި ދުރަށް ދިއުމަށް އަންގަ އެވެ. ނަމަވެސް އެ މީހުން ދުރަށް ނުދިއުމުން ރައީސްގެ ބޮޑީގާޑުންނަށް މަޖުބޫރުވީ، އެ މަނިކުފާނުގެ ކާރުކޮޅު އަނބުރާލައި އެހެން މަގަކުން ދާށެވެ.

މިއީ ރާއްޖޭގައި މުޒާހަރާއެއްގެ ބަޔަކު ރައީސެއްގެ މޮޓޯކޭޑަށް ހުރަސް އަޅައި ހުއްޓުވި ފުރަތަމަ ފަހަރެވެ. އަދި މިއީ ރާއްޖޭގައި އެންމެ މަތީ ވެރިއެއްގެ މޮޓޯކޭޑް ދުއްވާފައި ދަނިކޮށް މިހާ ބޮޑަށް ސެކިއުރިޓީ ފެއިލް ވި ފުރަތަމަ ފަހަރެވެ.

ސެކިއުރިޓީ ރައީސް އިބްރާހިމް މުހައްމަދު ސޯލިހް ޑިފެންސް މިނިސްޓްރީ މާރިޔާ އަހުމަދު ދީދީ، ޑިފެންސް މިނިސްޓަރު

32 ކޮމެންޓް, 11 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

އެތެދެކޭ

06 April 2023

އެއީ ކުރީ ސަރުކާރުން އެކަން ކުރަން ނިންމާފަ އޮތްގޮތެއް. ކިހިނެތްތަ އެކަން ބަދަލުކުރާނީ؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ވަހީދުބެ

06 April 2023

ރާއްޖޭގެ ޑިފެންސް މިނިސްޓަރަކަށް ހުރެގެން ރާއްޖެ ހިފަން ބޭނުމިއްޔާ ހިފިދާނެޔޭ ކިޔައިގެން ބިދޭސީ ޗެނެލައްގައި ވާހަކަ ދެއްކީ ކާކު؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ދެންބުނާނެ

07 April 2023

ރާއްޖެ ހިފަން ބަޔަކު އެރިޔަސް ބުނެވޭނީ ރާއްޖެ ސަލާމަތްކުރަން އުޅުމަކީ ތިމަންނަ ކަނޑައަޅާ ކަމެއް ނޫނޭ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ސަރގ

05 April 2023

ޢެހެންވިއްޔާ ހަގުރާމަކުރަން ޖެހިއްޖެ ހާލަތެއްގަވެސް އެކަންކުރާނީ މިނިސްޓަރެއްނޫން، ކަމަނާތީ ސިފައިންގޭގައި ހަމައެކަނި އަންހެނުން ބާރުވެރިކޮށް ރޭންކުދޭން ހުރިމީހެއްތަ، ނަސީދު އަށްދިން ހަމަލާ، ސިފައިންގެ މައިގޭޓު ސެކިއުރިޓި ބްރީޗްކުރުން، ރައީސް މޮޓޯކެޑް ހުއްޓުވުން މިއީކީ ކުދިކުދި ކަންކަމެއްނޫން، ޑެސިސަން މޭކަރ ޕޮލިސީމޭކަރ ، ރެސްޕޮންސިބަލް ޕަރޒަން މިހާރު އޮޅިއްޖެ ކަމަނާފެއިލް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބޮޑޭޭ

05 April 2023

މިއަދު އަންނި އަކަށް ސަޕޯޓް އެއް ނެތް އިބޫ އަށް ހާދަ ސަޕޯޓް ބޮޑޭ އޯގާތެރި ސަރުކާރު 2023 ކުރިއަށް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކިމްޖޮންގް

05 April 2023

ތަރަހައިގެ ތެރޭގައިހުރި އެއްވެސް ދިވެއްސެއް މިއަދު އެބަހުރިތަ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޢަޖާއިބު

05 April 2023

އެންބިއުލެސް އާއި ފަޔާ އަދި އެމަޖެންސީ ސީންތަކަށް ދާ ފުލުހުންގެ ވެހިކަލް ފިޔަވައި އެހެން އުޅަދުތަށް ހާއްސަވަން މިޖެހެނީ ކީވޭ؟ ރައްޔެތުންގެ ހާދިމުންޢޭ ކިޔައި ވެރިކަމާއި މެންބަރުކަމަށް އަރައި ރައްޔިތުމީހާއަށް ތުރާލަކަށް. މުޒާހަރާޔަކާ ޖެހި ތާސިވި ކިތަށް ފަހަރު. ތިވަރެއް ނާރުވާ. އިއްޒަތްތެރިއަކަށް ނުވީމަބާ؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މުހައްމަދު..

05 April 2023

ފުލުހުންނަށް އޮންނާނީ އެތަނުގައި މުޒާހަރާ އޮންނާނެކަން ކުރިން އެނގިފައި. މުޒާހަރާއެއް ހިގަމުންދާ ތަނަކަށް މޮޓޭކޭޑްގައިގޮސްވަނީ ކީއްވެގެން! ތިހާދިސާއިން ފެނިހާމަވެގެންދިޔައީ ސިފައިންނާއި ފުލުހުންގެ ހިންގުމުގެ ނިޒާމްތައްވަނީ ވަރަށް ބޮޑަށް ރަގަޅުކުރަންޖެހިފައިކަން. އަދި ކަންކަން ރަގަޅުކުރެވޭވަރުގެ ގާބިލު ބަޔަކަށް އެތަނުގެ ތެރޭގައި ފުރުސަތު ނެތްކަން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޯޑިނޭޓަރ

05 April 2023

ފެންވަރެއް ނެތް މިކަހަލަ އަންހެނުންނަށް މިނިސްޓަރު ކަން ދިނުމަކީ ، ހިއްވަރާއި އަދި ތެދުވެރިކަމާއި އެކު މަސައްކަތް ކުރާ ކަނބަލުންނަަށް ކުރެވޭ ފުއްސާރައެއް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަބުރުއަލީ

05 April 2023

މިހާތަނަށް ދެފަރާތަކުން ޒިންމާ އުފުލަންޖެހިދާނެކަމަށް ބެލެވޭ. އެފަދަހާލަތުގައި ރައީސްގެސެކިއުރިޓީ އޮތްގޮތް. ޒިންމާދާރުކަމެއްނެތި މަލްޓިޕާޓީ ޑިމޮކްރެޓިކް ރައީސެއްގެ މޮޓޮކޭޑަށް ހުރަސްއެޅި ހުރަސް އެޅުން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ލަދުހަޔާތް

05 April 2023

މިވަރުގެ މީހުން މިނިސްޓަރުކަމުގައި ބައިތިއްބާނީ ވެސް ހަމަ ފެންވަރެއް ނެތް މީހެއް. ރާއްޖޭގެ ޑިފެންސް މިނިސްޓަރަކަށް މިވަރުގެ މީހެއް ހުރީމާ ދިވެއްސަކަށްވީތީ ވެސް ލަދުގަނޭ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ނ‫ާޑުވާ

05 April 2023

ކ‫ޮބާ މިނިސްޓަރުގެ މައްއަލައަކީ? މިވަރުގެ މީހުންކަމަށް ތި ނިސްބަތްކުރީ ކޮން ސަބަބަކާހުރެ. އެއްވެސް ފައުންޑޭޝަންއެއް ނެތި އަންހެނަކަށް ވީތީ ނުވަތަ ތިމާގެ ޕާރޓީ ނޫންވީމަ އިނގިލި ދިއްކުރުމަކީ ތިމާގެ ނުކުޅެދުންތެރިކަން.