ފެނަކަ ކޯޕަރޭޝަންގެ މެނޭޖިން ޑިރެކްޓަރު އަހުމަދު ސައީދު މުހައްމަދު. އެކުންފުނިން ދައްކަން ޖެހޭ ފައިސާ ނުލިބިގެން ބައެއް ފަރާތްތަކުން އަންނަނީ ކަންބޮޑުވުން ފާޅުކުރަމުން-- ފޮޓޯ: ނިޝާން އަލީ | މިހާރު
10 އެޕްރީލް 2023 - 14:18
105 comments
ފެނަކައިން އެކި ކުންފުނިތަކަށް ދައްކަން ޖެހޭ ފައިސާގެ އަދަދު 2.8 ބިލިއަން ރުފިޔާ އަށް އަރާފައިވާކަން، "މިހާރު" އަށް އެނގިއްޖެ އެވެ.
ފެނަކައިގެ ދަރަނީގެ މައުލޫމާތު އެނގިވަޑައިގަންނަވާ ބޭފުޅަކު، ނަން ނުޖަހަން އެދިވަޑައިގެން "މިހާރު" އަށް ވިދާޅުވީ ފެނަކައިން އެސްޓީއޯ އަށް އެކަނި ވެސް 1.8 ބިލިއަން ރުފިޔާ ނުދައްކާ އެބައޮތް ކަމަށެވެ. އަދި އަމިއްލަ އެހެން ކުންފުނިތަކަށް ވެސް އެއް ބިލިއަން ރުފިޔާ ދައްކަން އެބައޮތް ކަމަށް އޭނާ ވިދާޅުވި އެވެ.
އެކަމަކު، ފެނަކައިގެ މެނެޖިން ޑިރެކްޓަރު އަހުމަދު ސައީދު މުހަންމަދު އާ ގުޅޭ ގޮތް ނުވާތީ މިކަމާ ބެހޭ އިތުރު ތަފުސީލެއް އަދި ނުލިބެ އެވެ.
"މިހާރު" އަށް މައުލޫމާތު ދެއްވި ބޭފުޅާ ވިދާޅުވީ އެސްޓީއޯ އަށް ދައްކަން ޖެހޭ ފައިސާ ނުދައްކާތީ، ފެނަކަ އަށް ތެޔޮ ނުވިއްކަން އެ ކުންފުނީގެ ބޯޑުން މިދިޔަ ފެބްރުއަރީ މަހު ނިންމި ކަމަށެވެ. އެހެން ނަމަވެސް، ފެނަކަ އަށް ތެޔޮ ވިއްކީ ފިނޭންސް މިނިސްޓަރު އިބްރާހިމް އަމީރު ބައެއް ޑިރެކްޓަރުންނަށް ގުޅުއްވައިގެން އެކަން ހައްލުކޮށްދޭން އެދިވަޑައިގެންނެވުމުން ބޯޑުގެ އެ ނިންމުން ފަހުން ބަދަލުކުރި އެވެ.
ފެނަކައިން ނުދައްކާ ހުރި ބިލްތަކުގެ ތެރޭގައި 2019 ވަނަ އަހަރުގެ ތެލުގެ ބިލްތައް ވެސް ހުރި ކަމަށް ވެ އެވެ. އަދި 2021 ވަނަ އަހަރު ފެށިގެން މިއަދާ ހަމައަށް އެއްވެސް ބިލަކަށް އެސްޓީއޯ އަށް ފެނަކައިން ފައިސާ ދައްކައިފައި ނުވާ ކަމަށް ވެ އެވެ.
ރާއްޖޭގެ އެކި ރަށްރަށުގައި ކަރަންޓާއި ފެނުގެ ހިދުމަތް ދޭ، ފެނަކައިން އަމިއްލަ ކުންފުނިތަކަށް ފައިސާ ނުދައްކާ ކަމަށް ބުނެ، އަމިއްލަ ބައެއް ފަރާތްތަކުން ވެސް މިއަދު ވަނީ ފެނަކަ އޮފީސް ކުރިމަތީގައި ހިތްހަމަނުޖެހުން ފާޅުކޮށްފަ އެވެ.
އެސްޓީއޯގެ ކުރީގެ މެނޭޖިން ޑިރެކްޓަރު ހުސައިން އަމްރު ރޭ ކުރެއްވި ޓްވީޓެއްގައި ވިދާޅުވެފައިވާ ގޮތުގައި ފެނަކަ އޮތީ ހިންގުން ދޯދިޔާވެ ބޮއްސުންލައިފަ އެވެ. އަދި އެ ކުންފުނީގެ ހުރިހާ އެސެޓެއް ވިއްކިޔަސް ދަރަނި ނުދެއްކޭވަރަށް ކުންފުނި ދަރާފައިވާ ކަމަށާއި އެ ކުންފުނި ރަނގަޅު ކުރަން އެއްވެސް މުއައްސަސާއަކުން މަސައްކަތް ނުކުރާ ކަމަށް އޭނާ ވިދާޅުވި އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
Draw
18 October 2023
ކަލޯ ދެން ރަގަޅުވާނީ މަޖްލިސް އިންތިހާބުގަޔާއި ދެން އޮންނަ އެއްވެސް އިންތިހާބެއްގައި އެމްޑީޕީ އަށް ރައްޔިތުން ވޯޓްނުދިނުން. އެމްޑީޕީ އަކީ މިހާރު ގައުމަށް ހެޔޮއެދޭ މީހަކުހުރި ޕާޓީއެއް ނޫން. ރައްޔިތުންގެ ފައިސާއިން ކުރީ ކައިރިމީހުންނަށް ބަދަލުދިނުމާއި، ވައްކަން. މަށެއްދެން ދުވަހަކުވެސް އެމްޑީޕީ އަކަށް ވޯޓްދިނުމުގެ ރޫހެއްނެތް
އައްޑޫ އަޙުމަދު
12 April 2023
އެ ޚިޔާނާތުގައި މުޅިސަރުކާރު ބައިވެރިވެއެވެ. ގިނަފައިސާ ޚަރަދުކޮށްގެން ސަރުކާރަށް ވޯޓްހޯދީ. ސީދާ ރައީސްމީހާއަށްވެސް އެނގޭ. ކޯޅިޝަން ގުޅިގެން ރައްޔަތުން ނިކަމެތި ކޮށްލީ
ޑޮކްޓާރ. ބަނާނާ
12 April 2023
2.8 ބިލިއަން ރުފިޔާ ދަރަނި ދައްކަން ޖެހި ކުންފުނި ބަގުރޫޓް ވާއިރު މިބޭފުޅާ ގެ މަގާމު ދިފާއު ކުރައްވަން އަވަހަށް ކުންފުނީގެ ނަންބޯޑް " ފެނަކަކޯ " އަށް ބަދަލު ކުރައްވާ !
އެކަނބާ
12 April 2023
ބިލު ނުދައްކާ ނުވަތަ ދަރާފަ މީ ސަޕްރައިޒް ނުވަތަ ޕެނިކު ވާންޖެހޭފަދަ ހަބަރެއްނޫން. ތިތަނުގައި ހުރި ވެރިމީހާގެ ހަޔާތާ ލަދު ވައްކަމާއި ކޮރަޕްޓް ފަސާދަޔާއި ބަގާވާތް މީގެން މިނެކިރަންވީ .. ގޯހީ މިގައުމުގައި ތިބި ތިޔަކަހަލަ ވާހަކަ ދައްކާ މީހުން .. ގައުމުގައި މަދީ މީހުން އޯކޭ ވާނެ 2100 ގައި.. އޭރުން މިބައިގަޑުގެ މީހަކު ނޫޅޭނެ... ހަހަހާ
އައޔަޒ
12 April 2023
ފެނަކަތީ ސަރުކާރުން ވޯޓްހޯދަން އޮތް އެންމެ ބޮޑު ވަސީލަތް. އެހެންވީމަ އޯކޭވާނެތާ ކިތަންމެ ބޮޑަށް ދެރިޔަސް.އެންމެ ގިނަ މުވައްޒަފުން މިހާރު ތިބޭނީ ފެނަކާގަ. ވަޒީފާ ދޭން ހަމައެކަނި ސަރުތަކީ ޕާޓީއަށް ވަނުން. މިހާބޮޑު ނުފޫޒެއް އޮންނަގޮތަށް މިކަންކަން ކުރެވުމަކީ ވަރަށް ބޮޑު ނާއިންސާފެއް.
ކަތުން ގޯކަކިއު ނޯ ޖޫޓްސޫ
12 April 2023
މިހެން ދިމާވާން ހުރި މައްސަލަ އަކީ ސިޔާސީ ބޭނުމުގައި މުއްވަޒިފުން ނަގަމުން ދިއުމުން. ފެނަކަ ސައިޓް ތަކުގައި އެބަ އުޅޭ އެތަައް ބައެއް ބޭނުން ނުހިފޭ.
ބޮޑުރިޔާ
12 April 2023
މަޖިލިސްމެމްބްރުން ރުއްސަން ރައްރަށުގެ އިންޖީނުގެތަކާއި ފެނަކައޮފީސްތަކަށް ވެއްދިމީހުން އަދިވެސް މަދީތޯއްޗެ
އުސައިދު ހުސެއިން
12 April 2023
ސައީދުއަކީ ގަދަ ލީޑަރެއް! ފައިނޭންޝަލް ކޮންޓްރޯލަރ އެކަހެރި ކޮށްފަ! ކުރެޑިިޓް ކޮންޓްރޯލަރ އެކަހެރިކޮށްފަ! ޗީފް ފައިނޭންޝަލް އޮފިސަރ އެކަހެރިކޮށްފަ! ޗީފް އިންޓާނަލް އޮޑިޓަރ އަށް ޖެެއްސުންކުރުން! ކޯޕަރޭޓް ގަވަނަންސް ދާއިރާއިން ކިޔަވައިގެންހުރި ކަމަނާއަށް ޒާތީވެ އެކަހެރިކޮށް ކޮންޕެނީ ސެކްރެޓަރީކަން ނުދީ! ކިޔަވައިގެންތިބި ފަންނީ ގިނަ މުވައްޒަފުންތަކެއް ކުންފުނި ދޫކޮށް ދާން މަޖްބޫރުކުރުން! ފެނަކަ ރަނގަޅުކުރަން ސަޢީދުއަށް އަދިވެސް ބާރުދީ!
އަންދަލުސް ސައީދު
12 April 2023
ދަރާފަ އޮތަސް ހިނިހޮރަކުން ހިނި ނިކުމެފަ އޮންނަހެން ހީވާނީ ތި ފެނަކާ ބުޑުން މީހަކު ހެނދުނު ގޮއްސިޔާ. މުޅި މަގުމަތިން ހިނގާލާނެ ތަންކޮޅެއް ނޯވޭ ފެނަކާގެ މުވއްޒަފުންނާހެދި. އހާވެސް މުވައްޒަފުން ގިނަ. ޚަރަދު ކުޑަަކުރުމަށް ކުރާ އެއްވެސް ކަމެއް ނެތް ސައީދު ގެ ކަމަކީ ކުންފުނި ޚަރަދުގަ ގެނައި ކާރުން ބުރުތަޅާފަ 40 ހާހާ ގާތްކުރާ ރީތި އެޕާޓްމަންޓް ނަގައިގެން މޮޅެތި ސެންޓު ޖަހައިގެން އުފަލުގައި ދިރިއުޅެމުން ދިއުން. އާޚިރު ޒިންމާ ނަގަންޖެހެނީ ކުރީ ސަރުކާރު.
ާއަސްލު ފެނަކަ
12 April 2023
2018 ނިމުނު އިރު 2800 މުވައްޒަފުން، 2022 ނިމުނު އިރު 6500 މުވައްޒަފުން. 2018 ނިމުނު އިރު މުވައްޒަފުންގެ މުސާރައަށް އެވްރެޖްކޮށް މަހަކު ހޭދަކުރަނީ 28 މިލިއަން. 2022 ނިމުނު އިރު 75 މިލިއަން މަހު މުސާރައަށް ޚަރަދުވޭ. 2022 ވަނަ އަހަރު އެކަނިވެސް 100 މިލިއަން ޚަރަދުކުރި ސީ.އެސް.އާރު އަށް ނުވާ ވަރުން ކޮންސްޓްރަކްޝަން މަސައްކަތަށް ވަދެ 100 އަށް ވުރެ ގިނަ ޕްރޮޖެކްޓް ފަށާ 4 ގުނަ ޚަރަދު ބޮޑުވުން. އަދި، އެއްވެސް ޕްރޮޖެކްޓެއް ނުނިމޭ. ސައީދު ފެއިލްޑް.