މާފުށީ ސިއްހީ މަރުކަޒު ހޮސްޕިޓަލަކަށް ބަދަލުކުރަނީ

ގުރައިދޫ ދާއިރާގެ ކެމްޕެއިނަށް ކ. މާފުއްޓަށް ވަަޑައިގެން ބޭއްވި ޖަލްސާގައި ރައީސް އިބްރާހިމް މުހައްމަދު ސޯލިހު ވާހަކަދައްކަވަނީ.-- ފޮޓޯ: އެމްޑީޕީ/ޓުވިޓާ

އިފްރާޒް އަލީ، މިހާރު

11 އެޕްރީލް 2023 - 12:23

29 comments

ކ. މާފުށީގެ ސިއްހީ މަރުކަޒު، ހޮސްޕިޓަލަކަށް ބަދަލުކުރައްވާނެ ކަމަށް ރައީސް އިބްރާހިމް މުހައްމަދު ސޯލިހު ރޭ ވިދާޅުވެއްޖެ އެވެ.

ގުރައިދޫ ދާއިރާގެ ބައި އިލެކްޝަންގެ ކެމްޕެއިނަށް މާފުއްޓަށް ވަޑައިގެން، ރައްޔިތުންނާ ބައްދަލުކުރެއްވުމަށް ބޭއްވި ޖަލްސާގައި ރައީސް ވިދާޅުވީ އެ މަނިކުފާނު ވެރިކަމަށް ވަޑައިގެންނެވި އިރު، އެ ރަށުގެ ސިއްހީ މަރުކަޒުން ދެމުން އައީ ވަރަށް މަދު ހިދުމަތްތަކެއް ކަމަށެވެ. ނަމަވެސް، މި ވެރިކަމުގައި ސިއްހީ މަރުކަޒުން ދޭ ހިދުމަތްތަކުގެ ފެންވަރު ކުރިއަށް ވުރެ ރަނގަޅު ކޮށްދީފައިވާ ކަމަށް ވިދާޅުވި އެވެ.

"މި ރަށުގައި ދިރިއުޅޭ ރައްޔިތުންނާއި ޗުއްޓީ ހޭދަކުރަން އައިސް ތިބޭ ގެސްޓުންގެ އިތުރުން، ޖަލުގައި އުޅޭ މީހުންނަށް ސިއްހީ ހިދުމަތް ފޯރުކޮށްދިނުމަށްޓަކައި އެއަށް ވުރެ ރަނގަޅަށް ހިންގާ ހޮސްޕިޓަލަކަށް ބަދަލުކުރަން ޖެހޭ،" ރައީސް ވިދާޅުވި އެވެ.

ރައީސް ވިދާޅުވި ގޮތުގައި، މާފުށީ ސިއްހީ މަރުކަޒު ހޮސްޕިޓަލަކަށް ބަދަލުކުރުމަށް، އެތަނުގައި އޮޕަރޭޝަން ތިއޭޓަރެއް ހެދުމަށް ނިންމައި ބަޖެޓް ހަމަޖެއްސުމަށް ޕްލޭނިން މިނިސްޓްރީން ފިނޭންސް މިނިސްޓްރީއަށް މިހާރު ވަނީ ފޮނުވައިފަ އެވެ.

ގުރައިދޫ ދާއިރާގެ ކެމްޕެއިނަށް ކ. މާފުއްޓަށް ވަަޑައިގެން އާންމުންނާ ސަލާންކުރައްވަނީ.-- ފޮޓޯ: އެމްޑީޕީ/ޓުވިޓާ

"ތިބޭފުޅުން މިއަދު ބޭނުންވަނީ އެތަނުގައި ހޮސްޕިޓަލް، އެ ނަން ޖަހަން ކަމަށް ވަންޏާ އެކަން ކުރެވޭނެ އިނގޭތޯ،" ރައީސް ވިދާޅުވި އެވެ.

ރައީސް ވިދާޅުވީ މާފުށީގެ ހިއްކި ބިމާއި އެ ރަށާ ގުޅުވާލަން ބްރިޖް އެޅުމާއި ރަށުގެ ބަނދަރު ބޮޑުކުރުމުގެ މަސައްކަތާއި ނަރުދަމާގެ މަސައްކަތާ އަދި އެއްގަމުގެ ލައިސަންސްގެ ހިދުމަތް ލިބޭނެ އިންތިޒާމު ވެސް ވަރަށް އަވަހަށް ހަމަޖައްސައިދެއްވާނެ ކަމަށެވެ.

ރޭގެ ޖަލްސާގައި ރައީސް ވިދާޅުވި ގޮތުގައި، މާފުށި ވެސް ހިމެނޭ ގޮތަށް ގުރައިދޫ ދާއިރާގެ ތިން ރަށަށް މި ސަރުކާރުން ވީ ގިނަ ވައުދުތަކެއް މިހާރު ފުއްދައި ދީފި އެވެ. އަދި މި ދައުރު ނިމުމުގެ ކުރިން، އެ ދާއިރާގެ ރަށްތަކަށް ވީ ހުރިހާ ވައުދެއް ފުއްދައިދޭނެ އެވެ.

ރައްޔިތުންގެ މަޖިލީހުގެ ގުރައިދޫ ދާއިރާގެ ބައި-އިލެކްޝަން ބާއްވަނީ މި މަހު 15 ގަ އެވެ. އެ އިލެކްޝަންގައި އެމްޑީޕީ އާއި ޕީޕީއެމް އަދި އެމްއެންޕީން ވާދަކުރެ އެވެ.

ސިއްހަތު ހޮސްޕިޓަލް ކ. މާފުށި ރައީސް އިބްރާހިމް މުހައްމަދު ސޯލިހް

29 ކޮމެންޓް, 17 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

އެމްސް

12 April 2023

މާލޭގަ ހުރި ހޮސްޕިޓަލުން ދުވަހުން ދުވަހަށް އެބޭނުންވާ ޑޮކްޓަރުންނަށް ދެއްކި ޓެސްޓްތައް ހެދޭނެ ގޮތް އޭރުން ވާނީބާ؟ ގައިމު ހޮސްޕިޓާ ނަންބޯޑުވެސް އެންމެ ގިނައީ މާލޭގަ!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އިބުރާ ސޯލު އައުޓް

12 April 2023

ކޮމެންޓުތަކުން މިފެންނަނީ މިހަބަރުކީ މީހުންގެ %80 އަށް އިބުރާހިމު ސޯލިހު އިންތިހާބުތަކަށް ފޯރުވާ ނުފޫޒަ ކޮރަޕުސަން ކަމު ނުދާކަން. ދެރައީ ސޯލިހުގެ ބައި މީހުން އަސްލު މަންޒަރު އޭނާއަށްވެސް އޮޅުވާލާފަ އޮތީމަ. ލަދެއް ހަޔާތެއްވެސް ނެތޭ. މައުމޫނާ ޔާމީނަށް ބަވާފަ ވެރިކަމަށް ސަވާރުވީ. އެކަމަކު ހިންގަ ޖަރީމަ އެއަށްވުރެ މާ ހުތުރު ޑިމޮކުރަސީއޭ ދަށްގޮހެރޭ ކިޔާހަ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ނޯލިހޭ

11 April 2023

އެކަންކުރަނީ އިންތިހާބަކަށް ނޫން އެއްގޮތަކަށްވެސް. އެހެންވީމަ ރައްޔިތުން ވޯޓްދޭއިރު އެ މާނައިގަ އެކަން ބަލާނެ ކަމެއް ނެތް. ހަމަ މިނިވަންކަމާ އެކީ ވޯޓްދޭންވީ. ވޯޓް ނުދިނަސް ކަންކަން ކޮށްދޭހާ ރަގަޅުވީމަ ވަކި މީހަކަށް ވޯޓްލާން އެއްގޮތަކަށްވެސް ރައްޔިތުން ވިސްނާނެކަމެއް ނެތް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޙަސަން ކުރުސީ

11 April 2023

ވެރިކަން ނިމެން 6 މަސްދުވަހަށް ވީފަހުން މާފުއްޓަށް ހޮސްޕިޓަލެއް ބޭނުންވާކަން އެނގިއްޖެ! ނޫނޭވާ ސްލޯވެގެން މީހަކު ވާނީ މިހާވަރު!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

16555545

11 April 2023

ރައްޔިތުން ތިބޭ އަތްޖަހަން ދޮގުމުޅި

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ފަޒީލު

11 April 2023

މީނަ މިހުންނަނީ އިންތިހާބުތަކަށް ކަޑަ ޖެހުމުން ޕިއެޗުޑި ހަދައިންތަ އަޅެ؟ އެއްޗެއް ކިޔެވިފަ ނެތަސް އެކަންވޭނު އެބަ ބެއްޔާ ކަލެއަށް. ރޯމާދުވާލު ހަމަ ރޮލާ އިންތިހާބަށް ނުފޫޒު. ކޮބާތޭ އޭސީސީ؟؟؟ ނިދާހަ ދޮގެ؟؟؟ އެވެސް ރައްޔިތުންގެ ރުފިޔާ އިން ބަޔަކަށް މުސާރަދޭން ހަދާހަ ހުންނަ ތަނެއް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ރެޓޭ

11 April 2023

އިބޫއަށް މި 5 އަހަރުގަ ކަމެއް ނުވެގެން މިއުޅެނީ މަޖިލީހުގެ %100 އިބޫގެ ފަޅީގަ ނެތީމައެވެ. އެހެންވީމާ ތި ގޮނޑިވެސް އިބޫއަށް ދީގެންނަމަވެސް މާފުށީ ސިއްހީ މަރުކަޒުގެ ބޯޑު ހޮސްޕިޓަލް ނަން ބޯޑަކަށް ބަދަލުކުރަން ވާނެއެވެ. ޚިދުމަތެއް ކޮންމެހެން މުހިއްމެއް ނޫނުނެވެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ވިސްނާލުމަށް އެދެމޭ

11 April 2023

އަންނަ ހޮނިހިރުގަ މާފުށީ ސިއްޙީމަރުކަޒު ހަސްފަތާލަކަށް ބަދަލުވާނެ..އިބޫގެ ސްޕީޑްފެނޭތަ..ދެކޮމަށްޑޫ ގުޅާލިއަވަސްކަން ގުޅީގެ ބިންހިއްކާލި އަވަސްކަން މާފުށި 25ބުރިއަށް ހިއްލާލުން..ސާބަހޭ އިބޫ..ތިވަރެނެތް އަދި2ދައުރެނޫން 6 ދައުރު ދީފިން..މުލިއާގެއިން ނުނިކުންނާތި އެތާއޮވޭ ތީހަމަ ވެރިކަންކުރަން މޮޅުމީހެއް..ދައުލަތުގެ ޙަޒާނާދޮވެދީފި...ގައުމު އެއްކޮށް ވިއްކާ އަމިއްލަޖީބު ބޮޑުކޮއްފި..ސާބަހޭއިބޫ..ކޮރަޕްޝަން ނުވެސްދަނޭ..

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބޮޑުމީހާ

11 April 2023

މިމީހާ ކޮމަންޑޫ ބައިއިލެކްޝަން ކާމިޔާބުކުރަން އެތައް ވައުދެއްވެ، އިންތިހާބު ނިމުމުން އެއްކަމެއްވެސް ނުކުރޭ، 2018 ގަ ވައުދުވީ ކޯއްޗެއްކަންވެސް މިމީހާ ހަނދާން ނެތިއްޖެ، ދައުލަތް 100 ބިލިއަނުން ދަރަނި، 1400 ސިޔާސީ މަގާމު. އެވަރުންވެސް ކުރިމަތިލި ކޮންމެ އިންތިޙާބެއް ކާމިޔާބުކޮށްފި. ސުވާލަކީ ރައްޔިތުން އެހާވެސް އަޅުދާސްތުވީތޯ، ނޫނީ ހަގީގަތުގައިވެސް މިމީހާ މިހާ މޮޅީތޯ؟