ޚަބަރު / ވޭސްޓް މެނެޖްމެންޓް

މަގުމައްޗަށް ކުނި ނެރޭކަށް އެއްވެސް އިރަކު ނާންގަން: ވެމްކޯ

ނިއުސް ކޮންފަރެންސްގައި ވެމްކޯގެ އެމްޑީ ޔޫސުފް ސިރާޖު ވާހަކަދައްކަވަނީ: އޭނާ ވިދާޅުވީ މަގުމައްޗަށް ކުނި ނެރެން އެއްވެސް އިރަކު ނާންގާ ކަމަށް.-- ފޮޓޯ: ފަޔާޒު މޫސާ | މިހާރު

އިފްރާޒް އަލީ، މިހާރު

11 އެޕްރީލް 2023 - 12:03

40 comments

ގޭބިސީތަކާއި ވިޔަފާރިތަކުން އުފައްދާ ކުނި މަގުމައްޗަށް ނެރެފައި ބަހައްޓަން އެއްވެސް އިރަކު ނާންގާ ކަމަށް ވެމްކޯ އިން މިއަދު ބުނެފި އެވެ.

ވެމްކޯ އިން ދޭ ހިދުމަތްތަކުގެ އަގު ބޮޑުކޮށްފައިވާ ކަމަށް ބުނެ ރައްޔިތުންގެ މަޖިލީހުގެ ސަރުކާރުގެ ކުންފުނިތަކާ ބެހޭ ކޮމެޓީއަށް ހުށަހަޅާފައިވާ މައްސަލައާ ގުޅިގެން، މިއަދު ހެނދުނު އެ ކުންފުނީގެ އިސްވެރިން ވަނީ ކޮމިޓީއަށް ހާޒިރުކޮށްފަ އެވެ.

ކޮމިޓީގައި މެމްބަރަކު ކުރެއްވި ސުވާލަކަށް ދެއްވި ޖަވާބުގައި ވެމްކޯގެ މެނޭޖިން ޑިރެކްޓަރު ޔޫސުފް ސިރާޖު ވިދާޅުވީ އެ ކުންފުނީގެ އިއުލާންތަކާއި ދެންނެވުންތަކުގައި ބުނެފައި އޮންނާނީ ގޭބިސީތަކުން ކުނި ނަގާނެ ދެ ގޮތެއް ކަމަށެވެ. އެއީ އެޕާޓްމަންޓްގެ ދޮރު މަތިން ކުނި ނެގުމާއި ގޭގެ އެންމެ ތިރީ ފުލޯއިން ކުނި ނެގުން ކަމަށް އޭނާ ވިދާޅުވި އެވެ.

"އެއްވެސް ހާލެއްގައި މަގުމައްޗަށް ކުނި ނެރުމަކަށް އަޅުގަނޑުމެން ނުދަންނަވަން،" ސިރާޖު ވިދާޅުވި އެވެ.

"އެޕްރީލް 1 ގައި [ވެމްކޯގެ] މަސައްކަތްކުރުމުގެ ވައްޓަފާޅި ބަދަލުވުމާ ގުޅިގެން ކަރަންޓް ބިލުތަކާ ޓައިކުރެވިގެންދާ މައުލޫމާތު ދެވުނު އިރުގައި އޭގެ ތެރެއިން އަޅުގަނޑަށް ވެސް ފާހަގަވި، އަޅުގަނޑުމެންގެ ސައިޑުން އެއް ނޮޓިފިކޭޝަނެއް ދިޔަ އާންމުންނާ ހަމައަށް އެގޮތަށް [މަގުމައްޗަށް ކުނި ނެރުމަށް] ދޭހަވާ ގޮތަކަށް. އެހެން ނަމަވެސް، ފަހުން އެކަން ރަނގަޅުކޮށްފައި، އެކަން އިސްލާހުކޮށްފައި އާންމުންނަށް އެ މައުލޫމާތު ހިއްސާކޮށްފައި ވާނީ."

ސިރާޖު ވިދާޅުވީ މަގުމައްޗަށް ކުނި ނެރުމަށް އެ ކުންފުނިން ބާރު ނާޅާނެ ކަމަށާއި އެއީ ރައްކާތެރި ގޮތެއް ވެސް ނޫން ކަމަށެވެ.

މާލެ، ވިލިމާލެ އަދި ހުޅުމާލޭގެ މަގުތަކުގައި ކުނި ޖަމާކޮށްފައިވާ ހުންނަ މައްސަލަ ބޮޑުވެފައި ވާތީ އެކަން ނުކުރުމަށާއި އެގޮތަށް ކުނި ބަހައްޓަން އެއްވެސް ބަޔަކަށް ނޭންގޭނެ ކަމަށް އެންވަޔަރުމެންޓަލް ޕްރޮޓެކްޝަން އެޖެންސީ (އީޕީއޭ) އިން އިއްޔެ ކުރި އިއުލާނެއްގައި ވަނީ އިންޒާރު ދީފަ އެވެ.

އީޕީއޭ އިން ބުނި ގޮތުގައި، އެ ކަންކަމަކީ ކުނި މެނޭޖުކުރުމުގެ ގާނޫނާ ހިލާފު ކަމެކެވެ. ކުނި މަގުމަތީ ބަހައްޓަން ޖެހޭ އެއްވެސް ސަބަބެއް ނޯންނާނެ ކަމަށާއި ކުނި އުކުމުގެ ހިދުމަތް ދޭ އެއްވެސް މުވައްޒަފެއް ވެސް އެގޮތަށް ކަންތައް ކުރުމަށް އަންގައިގެން ނުވާނެ ކަމަށް އީޕީއޭއިން ބުނެފައިވެ އެވެ.

މާލޭގެ މަގުތަކަށް ކުނި ކޮތަޅު ނެރެ، އެ ކުނި ކޮތަޅުތައް ނުނަގައި ގިނައިރުވެ، މަގުތައް ހަޑިވާ މައްސަލާގައި އާންމުންގެ ޝަކުވާ މިހާރު ވަރަށް ބޮޑެވެ.

ރައްޔިތުންގެ މަޖިލިސް ކުނި ވޭސްޓް މެނެޖްމެންޓް ވެމްކޯ

40 ކޮމެންޓް, 4 ރިއެކްޝަންސް

icon happy icon happy 25%
icon sad icon sad 0%
icon angry icon angry 75%
icon wow icon wow 0%
icon inlove icon inlove 0%
sign-in-facebook sign-in-facebook sign-in-facebook
Register Sign in
The name is already taken The name is available. Register?
ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ދޮންކަބިލި

11 April 2023

ދިވެހިންގެ ނާތަހުޒީބުކަން..! ހުރިހާ އެންމެން ބޭނުންވަނީ ކުނި މަގުމައްޗަށް ނެރެން!!

The name is already taken The name is available. Register?
ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މާލިކު

11 April 2023

ކުންޏަކީ ދަސްބިނަށް އަޅަން ޖެހޭ އެއްޗެއް. ދަސްބިން ހުންނަންވާނީ ގެ ނުވަތަ އިމާރާތުގެ ބޭރުގަ ވަދެ ނިކުމެވާ މީހުންނަށް އުދަގޫ ނުވާހިސާބު ދުރުގައި. ދަސްބިން ބަހައްޓަން ޖެހެނީ ކުނި އުކާ ކުންފުނިން. ދަސްބިނުގައި ހުންނަންވާނީ ކުންފުނީގެ ނަމާ ނަންބަރު ޖަހާފަ. ދަސްބިނުގަ ހުންނަ ކުނި ކޮންމެދުވަހަކު އުކާ ސާފުކޮށް ބަލަހައްޓަން ޖެހޭނެ ކުނިއުކާ ކުންފުނިން. ކުނި ދަސްބިން އިމާރާތު އެތެރޭގައި ބެހެއްޓުމަކީ ސިއްހީ ގޮތުންނާއި އެހެނިހެން ގޮތްތުން ގެއްލުންހުރި ކަމެއް

The name is already taken The name is available. Register?
ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހުސޭނު2020

11 April 2023

ބަލަ ގޭގޭގެ ގްރައުންޑް ނޫނީ ލިފްޓް ކައިރި އެއީ މާޖާގަބޮޑު ތަންތަނެއްނޫން އޮޅުވާލާފަ 350 މިހާރު ތިއަގު ބޮޑުކުރީ އެވެސް މަޖްބޫރު ކޮށްގެން.

The name is already taken The name is available. Register?
ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހަސަނުގެ ދެފައި

12 April 2023

އަގޮބޮޑޭ ގޮވާކަށް ނުވޭދޯ އަދި ކުނިނަގާ މީހުން ކުރަންޖެހޭ މަސައްކަތާއި، އެކަމަށް ބޭނުންކުރާ ވަސީލަތަކައް ބަލާއިރު މިއީ އެކަށޭނެ އަގެއްކަމަށް ދެކެން.

The name is already taken The name is available. Register?
ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ފަގީރުކޮއި

12 April 2023

ބަލަ ހުރިހާއެނމެން 'ހަސަނުގެ ދެފައި' ހާ މުއްސަނއޖެއް ނޫން!

The name is already taken The name is available. Register?
ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބަބު

11 April 2023

އަހަރެމެންގެ ގެ ހުންނަނީ 5 ބުރިޔަށް ހަދާފައި. މަގަށް އިންނަނދޮރު ހުޅުވާއިރު އިންނަނީ ސިޑި. ދެން ގޭގެ ތިރިޔަށް ވާނީ މަގުމަތިނޫން ކޮންތަނެއްކަން ބުނެދީބަލަ. ވެމްކޯގެ ވެރިޔާ އުޅުއްވާ ގެ ހަދާފަ ހުންނަ ގޮތަކަށް ނޫނޭ އެހެން ގެތައް ހަދާފަ ހުންނަނީ. ވަރަށް މަދު ގެއެއްގައޭ ތިރީގަ ހުސް ޖާގައެއް ހުންނަނީ. ކަންކަން ނިންމާއިރު އަމިއްލަ ދިރިއުޅުމަށް ބަލައިގެން ކަންކަން ނިންމީމަ އެހެންމީހުނަށް ތުރާއަކަށް ވާނީ.

The name is already taken The name is available. Register?
ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޑަންޑަނާސް

11 April 2023

ކުނިނަގަންވީ ހިލޭ. ހަދަންވީގޮތަކީ ހުރިހާ ދިވެހިންނާ ބިދޭސީންގެ އަތުން ކުނިއުކާލާ ޓެކްސްއެއްނަގަންވީ. އޭރުން ނިމުނީ.

The name is already taken The name is available. Register?
ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ވަމަދަކަ

11 April 2023

ކަލެޔަށް ކިޔޭނުކިޔޭ އެބައެނގޭތަ؟ މިޔަށްވުރެން ރަނގަޅުވާނެ ބޮޑު ހިރިގަލެއް ބޭންދިއްޔާ.

The name is already taken The name is available. Register?
ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހަސަނަނާ

11 April 2023

ގޭވެރިމީހާ ހަޅޭލަވާ ގްރައުންޑު ފޮލޯގަ ކުނި ބަހެއްޓީމަ! ވެމްކޯ އަކުން ކުނިބަލާ މައްޗަކަށް ނާރާ! ދެންކޮންތާކު ކުނިބަހައްޓަންވީ؟

The name is already taken The name is available. Register?
ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ލަތީފީ

11 April 2023

ގޭގެ އޮޅިގަނޑު ބެހެއްޓުމަކީ އީޕީއޭގެ ކަމެއް ނޫން! އޮޅިގެން ނޫޅޭ!

The name is already taken The name is available. Register?
ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮތަޅު

11 April 2023

ތި ކުނި ބަހައްޓަން ތިރީގަ ވެމްކޯއިން ބުނެވެނީ ކޮން ހައިސިއްޔަތަކުން ތޯ ؟

The name is already taken The name is available. Register?
ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޙައިރާން

11 April 2023

ވެމްކޯ ކޯލް ސެންޓަރގަ ތިބެނީ މަށަށް މަ ފެނިފަ ތިބޭ ބައެއް. ކުނި ނުނަގައިން ގުޅީމަ ޒުވާބު ކޮށްލާފަ ވާހަކަ ދައްކަދައްކާ ހުންނަ އިރު އަނގަ މައްޗަށް ފޯން ކަނޑާލަނީ. ބަރާބަރަށް ރުފިޔާ ދައްކާފަ ހުންނަ އިރު ކުނި ނުނެގެންޏާ އަމިއްލަ އަށް އުކޭ ގޮތް ހަދާ އެހެން ނޫނީ ބޭރު މީހުން ލައްވާ ކުނި އުކޭގޮތް ހަދާ

The name is already taken The name is available. Register?
ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ލާމަސީލު

11 April 2023

ސިޓީކައުންސިލް މީހެއްވީމަ ތިބުނަނީ ބޭރުމީހުންލައްވާ ކުރިއުކަން. އޭރަށްތާ ކަލޭމެނަށް ކުޑަކުޑަ މަންފާއެއް އޮންނަގޮތަށް ތިކަން ކުރެވޭނީ.

The name is already taken The name is available. Register?
ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އިތުރު ލިޔުންތައް

މަގްބޫލް ލިޔުންތައް

Daily News Digest

Deliver popular news headlines to your inbox!

Subscribe

Mihaaru Print Edition

Important Links

Download Mihaaru News App

playstore-icon appstore-icon

Offline Alerts

SMS 'sub mihaaru' to 5454

mihaaru logo

Copyright © 2024 Mihaaru · Terms and Conditions · Privacy Policy