ކުރީގެ ރައީސް އަދި ރައްޔިތުންގެ މަޖިލީހުގެ ރައީސް ރަސްމީ ދަތުރުފުޅެއްގައި އެމެރިކާ އަށް އިއްޔެ ފުރައިވަޑައިގެންފި އެވެ.
މަޖިލިހުގެ އިދާރާ އިން މިއަދު ބުނީ، އެ މަނިކުފާނު އެ ގައުމަށް ވަޑައިގަންނަވަނީ އިއްޔެ އިން ފެށިގެން އަންނަ ހޯމަ ދުވަހާ ހަމަ އަށް ކަމަށެވެ.
އެއީ އިންޓަނޭޝަނަލް މަނިޓަރީ ފަންޑް (އައިއެމްއެފް) އާއި ކްލައިމެޓް ވަލްނަރަބަލް ފޯރަމާ ގުޅިގެން ބާއްވާ ވަލްނަރަބަލް 20 (ވީ20) ގައި ބައިވެރިވެވަޑައިގަތުމަށްޓަކައި ކަމަށް މަޖިލިހުގެ އިދާރާ އިން ބުންޏެވެ.
އައިއެމްއެފާއި ވޯލްޑް ބޭންކް އަދި ސީވީއެފްގެ އިސްވެރިންނާ ނަޝީދު މި ދަތުރުފުޅުގެ ތެރެއިން ބައްދަލު ކުރައްވާނެ ކަމަށް ވެސް މަޖިލިހުގެ އިދާރާ އިން ބުންޏެވެ.