މީހަކު ވިޔަފާރިކުރި ތަކެތި ޕްލާސްޓިކް ކޮތަޅަކަށް އަޅައިގެން ގެންދަނީ. މިއަދުން ފެށިގެން ޕްލާސްޓިކް ކޮތަޅުން ދެ ރުފިޔާގެ ފީއެއް ނެގޭނެ -- ފައިލް ފޮޓޯ: މިހާރު
18 އެޕްރީލް 2023 - 13:31
ވިޔަފާރި ކުރާއިރު ޕްލާސްޓިކް ކޮތަޅު ދިނުމާއި ވިއްކުމުގައި ކޮންމެ ކޮތަޅަކް'ަށް ދެ ރުފިޔާގެ ފީއެއް ނަގަން ފެށުމާ އެކު ކޮތަޅުގެ އަގު ހަތަރު ގުނައަށް އުފުލިއްޖެ އެވެ.
"މިހާރު" އާ ވާހަކަ ދެއްކި ރީޓެއިލް ވިޔަފާރިވެރިއަކު ބުނީ، ހޯލްސޭލްކޮށް ކުރިން ކޮތަޅު ލިބޭ އަގު މިއަދުން ފެށިގެން ހަތަރު ގުނަ ބޮޑުވެފައިވާ ކަމަށެވެ. އެހެންވެ، ދެން ކަސްޓަމަރުންނަށް ކޮތަޅު ހިލޭ ނުދެވޭނެ ކަމަށް ބުންޏެވެ.
"އަޅުގަނޑުމެންނަށް 100 ކޮތަޅުގެ ބޮނޑިއެއް މި ހުރިހާ ދުވަހަކު ލިބުނީ 85ރ. އަށް. އެކަމަކު މިހާރު އެއަށް އެބަ ދައްކަން ޖެހޭ 285ރ. އެހެންވީމާ، ކަސްޓަމަރުންގެ އަތުން 2ރ. ގެ ފީއެއް ނަގައިގެން ލިބޭނީ ބޮޑު ގެއްލުމެއް. އެހެންވީމާ، ކޮތަޅުގެ އަގަށް 3ރ. އާއި ކޮތަޅުގެ ފީގެ ގޮތުގައި ނަގަން ލާޒިމުކޮށްފައިވާ 2ރ. އާ އެކު ކަސްޓަމަރުގެ އަތުން ޖުމްލަ 5ރ. ނަގަން ޖެހޭނެ،" އޭނާ ބުންޏެވެ.
ޕްލާސްޓިކް ކޮތަޅުން ފީއެއް ނަގަން ފެށީ، އާންމުން ކޮތަޅު ބޭނުންކުރާ ވަރު މަދު ކުރުމުގެ ބޭނުމުގަ އެވެ.
މީގެ ކުރިން ރީޓެއިލް ވިޔަފާރިތަކަށް އެންމެ ކުޑަ ސައިޒްގެ ކޮތަޅެއް ލިބެނީ 5ލ. އާއި 10ލ. އާ ދެމެދުގަ އެވެ. އެކަމަކު 2ރ. ގެ ފީއާ އެކު ކޮތަޅެއްގެ އަގު ވަނީ 2.50ރ. އާއި 2.85ރ. އަށް ބޮޑުވެފަ އެވެ. ކުރިން ކުދި ކޮތަޅުގެ 100 ކޮތަޅު 20ރ. އަށް ލިބެ އެވެ. އަދި ބޮޑު ރަތް ކޮތަޅު ބޮނޑިއެއް 60ރ. އާއި 85ރ. އާ ދެމެދުގެ އަގަކަށް ލިބެ އެވެ.
- އެންމެ ކުދި ކޮތަޅު: 100 ޕީސް 16ރ.
- މީޑިއަމް ކޮތަޅު: 100 ޕީސް 20ރ.
- ބޮޑު ކޮތަޅު: 100 ޕީސް 25ރ.
- އެންމެ ބޮޑު ކޮތަޅު: 100 ޕީސް 60ރ.
- އެންމެ ކުދި ކޮތަޅު: 100 ޕީސް 220ރ.
- މީޑިއަމް ކޮތަޅު: 100 ޕީސް 228ރ.
- ބޮޑު ކޮތަޅު: 100 ޕީސް 230ރ.
- އެންމެ ބޮޑު ކޮތަޅު: 100 ޕީސް 270ރ.
Copyright © 2024 Mihaaru · Terms and Conditions · Privacy Policy
ކޮމެންޓްތައް
ޑޮކްޓާރ. ބަނާނާ
20 April 2023
05 އަހަރު ވެރިކަމެއް ނިމިގެން ދާއިރު ކާއެތިކޮޅު އަޅަން ބޭނުން ކުރާ ރަބަރު ކޮތަޅަށް އެއްވެސް ގޮތެއް ހޯދައި ނުދެވި 16 ރުފިޔާ އަށް ވިއްކަމުން އައި ކޮތަޅު 220 ރުފިޔާއަށް ވިއްކާ ރައްޔިތުން ފެލާއިރު ކަލޭމެން ލަދުކޮބާ!
ލިކާ
20 April 2023
ރިޔާސީ އިންތިހާބައް ކުރިމަތިލާ ފަރާތްތައް އޯލެވެލު ފެންވަރުހުރުން ސަރުތުކުރަން ޖެހޭ
އަހައްމަދޫ
19 April 2023
އިބޫ ހެވިފަ. ޝައުނާ ހެވިފަ. މީރާ ހެވިފަ. ރައްޔަތުން ހަނާވަނީ
އަލިބެއްޔާ، އެކުވެރިސުވައިދީބް
19 April 2023
ސަރުކާރެއް އޮތުމުގެ ބޭނުމަކީ ރައްޔިތުންނަށް ކަންކަން ފަސޭހަކޮށް ފަހިކުރުން އެނޫން ގޮތްގޮތަށް ސަރުކާރަށް ޖިޒީ ދައްކަންޖެހޭ ނަމަ އެކުރެވެނީ އުނދަގުލާ ދުއްތުރާލެވެ. މިއަހަރު ފެށުނީ ބޮޑުކުރި ޖީއެސްޓީ އާއެކު އަނެއްކާ ވެސް އިތުރު ޖިޒީއެއް ސަރުކާރަށް (ކޮތަޅަކުން 2ރ) ދައްކަން ޖެހުނީއެވެ. ޕްލާސްޓިކް ކޮތަޅުން ފީ ނަގަން ފަށަން ޖެހޭނީ އާންމުންނަށް އެހެން ގޮތްތަކެއް ހޯދައިދީފައެވެ.
ނަގުދު
19 April 2023
ތިމާވެށީއޭ ކިޔައިގެން އާއްމު ރައްޔިތުންނަ އުދަގޫ ކުރުންނޫން ގޮތެއްނެތެވެ. ތިމާވެށީ ހިމާޔަތް ކުރާއިރު ބޮޑެތި ފަޅުތަށް ހިއްކަނީއެވެ. އަދި ބަދަރު ހަދާށޭ ކިޔާފައި މުޅިރަށް ވަށާ ކަޑާއިގެން ރިވެޓްވޯލް އޭ ކިޔައިގެން ތޮށި އާ މުރަކަތަށް ހަލާކުރަނީއެވެ. ރަށުގެ ވަކިހިސާބަކުން ބޮޑުހިލަ ޖެހީމާ ވެސް ރަށުގެ ގޮޑުދޮށް ގިރައިގެންދަނީއެވެ. މީ ސަރުކާރުތަކަށް މާބޮޑު ކަމަކަށް ނުވިއެވެ. ރައްޔިތުން އަތުން ފައިސާ ލިބޭނީ ކޮތަޅުން ޓެކްސް ނެގީމާ ނޫންތޯއެވެ.
ސަލީމު އިދުރީސް
19 April 2023
މިކާމާ ސަރުކާރުދެކެ ރުޅި އަންނައްޖެހޭ ސަބެއް އޮތްކަމުގަ ނުދެކެން! ކޮތަޅައް އަގުނާގާގޮތް ހަމަޖެއްސީ ޑިމާން ކޮތަޅައް ޑިމާން ކުކުރަން ކަމުގަ ވާނަމަ މަގުސަދު ހާސިލުވެއްޖެ ނޫން! އަޅުގަނޑު ތިކޮތަޅު ބޭން ނުކުރާތާ ކިތެމެ ޒަމާނެއް! ކުޑަމިނުން މަސްގަންނައް ދާއިރުވެސް ދަނީ ބާލުއްޖެއް ހިފައިގެން
ސަލިމާ
19 April 2023
ސުކުރިއްޔާ ސޯލިހް. މީސަޅި އީދު ހަދިޔާއެއް.
އެމީހ
19 April 2023
ކުރަާނެކަމެއް ނެތް. މީގެ ފަހުން ވެމްކޯއަށް ދެވޭނީ ކުނިކޮޅު އެކަނި. ކޮތަޅަކަށް ނުލެވޭނެ.
އިސްމާލި
19 April 2023
ދޮން މީހުން ކައިރިން ކިޔަވައިގެން އައިސް ދޮންމީހުން އުޅޭގޮތަށް އުޅެ ދޮންމީހުންގެ އެކްސެންޓްއިން ވާހަކަދައްކާ ވޯކް ޅަ ކުދިން ރައީސް އޮފީހުގެ ޕޮލިސީ ހަދަން ލީމައި ވާނެ ހައެތި މި ވަނީ. އެމީހުނަކަށް ނޭނގޭނެ ދިވެހިން ޕްލާސްޓިކު ކޮތަޅުން ކުރާ ބޭނުމެއްވެސް. ކޮންމެސް ދޮން އެންޖީއޯ އަކުން ޕްލާސްޓިކް ބޭގް ބޭން އޭ ބުނާއިރަށް އެ ޓްރެންޑް ފޮލޯ ކުރަންވީ. ޕްރެކްޓިކަލީ ކުރާނެ ގޮތެއް ނޭނގެ. ދެން މަޖިލީހުގައި ބާރު އޮތީމަ ގުންފައި ޖަހާފަ ގާނޫނު ހަދަނީ.
ރަބީއުމ
19 April 2023
ކޮތަޅު އަގުބޮޑު ކުރަންޖެހެނީ ކޮން ގާނޫނަކުންތޯ؟ ވިއްކާ ކޮތަޅުން 2ރުފިޔާ ނަގާކަށް ގާނޫނަކުނޯވޭ. ގަންނަ ކޮތަޅުބޮނޑި ގެންދަން އެހެން ކޮތަޅަކަށް ލާނަމަ އެކޮތަޅަށް 2ރުފިޔާ ނަގަންޖެހެނީ. ވިޔަފާރުވެރިން ރައްޔިތުންނަށް އޮޅުވާލާ ކޮތަޅުން ފައިދާ ނަގަން ދިމާކުރަނީދޯ؟ މީރާއިން އެބަޖެހޭމިކަން ރައްޔިތުންނަށް ސާފުކޮށްދޭން.
ރައީސް އިބޫ
19 April 2023
ޤާނޫނާއި ގަވާއިދު ކިޔުމަށްފަހު ކޮމެންޓް ކުރުން އެދެން
ގާނޫނު
20 April 2023
ޢެގާނޫނާައި ގަވާއިދު މިނިސްޓްރީއަކަށް އަދި މީރާ އަކަށް ވެސް އިގޭހެނެށް ހިޔެއްނުވޭ. ވާނުވާ ބޮޑު ޖޯކެއް