ގަން، ފޮނަދޫ މީހުންގެ ހިއްސާ އޮންނަ ގޮތަށް ލަގްޒަރީ ގެސްޓް ހައުސްއެއް ހަދަން އުއްޗު ހުށަހަޅުއްވައިފި
އުއްޗުގެ މިދިޔަ އަހަރުގެ އުފަން ދުވަހުގެ ކޭކު، އޭނާގެ ކޮއްކޮ ޗަމްޕާ ހަސަން އަފީފް އަދި އުއްޗުގެ އާއިލާގެ ބައެއް އެހެން ބޭފުޅުންނާއެކު ފަޅުއްވަނީ.---ފޮޓޯ: އެލީޒް
27 އެޕްރީލް 2023 - 19:31
11 comments
ޗަމްޕާ ބްރަދާސް އާއި ލ. ގަމާއި ފޮނަދޫގެ މީހުންގެ ހިއްސާ އޮންނަ ގޮތަށް އެ ދެ ރަށުގައި ލަގްޒަރީ ގެސްޓް ހައުސްއެއް އިމާރާތް ކުރަން އެ ކުންފުނިން ހުށަހަޅައިފި އެވެ.
ފޮނަދޫ ކައުންސިލުން މިއަދު ބުނީ، އެ ރަށުގެ ރައްޔިތުންގެ ހިއްސާ އޮންނަ ގޮތަށް ލަގްޒަރީ ގެސްޓް ހައުސްއެއް އިމާރާތް ކުރުމުގެ ޝައުގުވެރިކަން، ޗަމްޕާ ބްރަދާސް އިން އިއްޔެ ފޮނުވި ސިޓީއެއްގައި ފާޅުކޮށްފައިވާ ކަމަށެވެ.
"ޗަމްޕާ ބްރަދާސް އާއި ފޮނަދޫގެ ރައްޔިތުންގެ ހިއްސާ އޮންނަ ގެސްޓް ހައުސްއެއް އިމާރާތް ކުރުމުގެ ޝައުގުވެރިކަން އެ ބޭފުޅުންގެ އެބަހުރި. އެކަމަކު ކައުންސިލްގައި އަދި އެކަމާ ގުޅޭ މަޝްވަރާއެއް ނުކުރޭ،" ފޮނަދޫ ކައުންސިލްގެ ނައިބު ރައީސް ވިދާޅުވި އެވެ.
އޭނާ ވިދާޅުވިގޮތުގައި އެކަމާ މެދު އަންނަ ހަފުތާގައި ކައުންސިލްގައި މަޝްވަރާކޮށް، ގޮތެއް ނިންމާނެ އެވެ.
ގަމު ކައުންސިލަށް ވެސް ޗަމްޕާ ބްރަދާސް އިން ވަނީ އެ ހުށަހެޅުން ހުށަހަޅައިފަ އެވެ. އެކަމަކު، އަދި ވަކި ގޮތެއް ނުނިންމަ އެވެ.
ޗަމްޕާ ބްރަދާސް އިން ކަނޑައަޅާ ޕަސެންޓެއް އަދި ނާންގަ އެވެ. އެނގިފައިވާ ގޮތުގައި، ރާއްޖޭގެ އެންމެ މުއްސަނދި އެއް ކުންފުނިން ނިންމާފައި ވަނީ ގަމާއި ފޮނަދޫ ކައުންސިލުން ވަކި ގޮތެއް ނިންމުމާއެކު، މަޝްވަރާތައް ފަށައި ވީހާ އަވަހަކަށް އަމަލީ މަސައްކަތް ފެށުމަށެވެ.
ގަމުގައި މިހާރު ވެސް މަތީ ފެންވަރުގެ ގެސްޓް ހައުސްތައް ހިންގަ އެވެ. އެކަމަކު، ފޮނަދޫގައި އެ ފެންވަރުގެ ތަނެއް އަދި ނެތެވެ.
ޗަމްޕާ ބްރަދާސްގެ ޗެއާމަން މުހައްމަދު މޫސާ (އުއްޗު) އިސް ނެންގެވުމަކަށް ފޮނަދު އާއި ގަމުގެ ރައްޔިތުންގެ ހިއްސާ އޮންނަ ލަގްޒަރީ ގެސްޓް ހައުސްއެއް އިމާރާތް ކުރަން ނިންމެވިއިރު، އޭނާ ގެންދަވަނީ އިޖުތިމާއީ ޒިންމާގެ ދަށުން ވެސް ގިނަ ކަންތައްތަކެއް ކޮށްދެއްވަމުންނެވެ.
ޗަމްޕާ ބްރަދާސްގެ ދަށުން މިހާރު ހިންގަނީ ކޮމަންޑޫ އައިލެންޑް ރިސޯޓާއި ކުރެއްދޫ އައިލެންޑް ރިސޯޓާއި މީރު އައިލެންޑާއި ވެލިގަނޑު އަދި ވިލަމެންދު އެވެ. އޭގެ އިތުރުން ވެސް އުއްޗު ގެންދަވަނީ އެންމެ މަތީ ފެންވަރުގެ ރިސޯޓްތައް ހިންގަވަމުންނެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ޗޯރު
29 April 2023
ތިކޮށްދޭ ކަންތައް ތަކުގައި ފޮރުވިފައިވާ ރޭވުމެއްވާނެ.ކާށި ބަހާފި ،ކަރާ ބަހާފި.މިހާރު ގެސްޓް ހައުސް.ނަގަން ރާޅު ބޮޑީ.ދައުލަތުން ހަދާފައޮތް ޑީލެއް.ނޭގެ ދިހަވަރަކަށް ފަޅުރަށް ދިނީ ނޫންކަންވެސް.
މިވަރެއްނެތް
28 April 2023
ރާއްޖޭގެ ގެސްޓްހައުސްތައް ތައާރަފު ވުމަކީ ޓޫރިޒަމަށް އޮތް ނުރައްކަލެއް ކަމަށް ބުނެ އެކަން ހުއްޓުވާދިނުމަށް އެދި މަޓީގެ އިސްވެރިން ވޯލްޑް ބޭންކް ފަދަ ތަންތަނަށް ޑެލިގޭޓުން ވޮނުވި ދުވަސްތައް މަތިން މަމެން ހަނދާންވެ މިއަދު ހިނިއާދޭ! އާންމު ރައްޔިތުންނަށް ޓޫރިޒަމްގެ މަންފާ ހޯދާދިނުމުގެ ބޭނުމުގައި އުފެއްދި އެމްޓީޑީސީ ފުނޑާލީވެސް މަމެންގެ ކުރިމަތީގަ. އިސާހިތަކު ކުދިބޮޑު ހުރިހާ ގެސްޓްހައުސްތަކެއްވެސް ހަދާ، ހިންގާ އެއިން މަންފާ ހޯދާނީވެސް އެއްބައެއް.
އޮނަރަބްލް އަފީފު ދީދީ
27 April 2023
ތަޖުރިބާއާއި މާޒީގަައި ކަންކަން ހިގާފައިވާގޮތަށް ބަލާއިރު "ދައުލަތާއި ރައްޔަތް ޙިއްސާވާ ކުންފުނި އެމްޓީޑީސީ އަށް ވީގޮތަށާއި. ޢައްޑޫ ގޭން އިންޓަރނޭޝަނަލް އެއަރޕޯޓްގެ %30 ޙިއްސާ ބައްލަވައިގަތް KASA HOLDING ގެ އަމަލުތައް ހުރިގޮތަށްބަލާއިރު ތިއީ ކުރާންހެޔޮވާވަރު ކަމެއްނޫން" ކަމަށް ބުނެވިދާނެ. # ގޭންއެއަރޕޯޓްގެ ޙިއްސާ ޗަމްޕާ ޤުރޫޕުން ބައްލަވައިގަތުމުން އަޅުގަނޑުވެސް ހީނުކުރަން އެތަނުގައި "މަރުގެތަޅު" އަޅުވައިގެން ތިބެން އެމީހުން ރުހިގެންތިބޭނެ ކަމަށް.
ބްރީފްލީ
28 April 2023
އެތެރޭ ވޯރާ!
ރިބާ
27 April 2023
އަތޮޅު ކޮންމެރަށެއްގައި ތިބުރަދާސްގެ ގެސްޓްހައުސެއްހެދީމައި، ހުންނާނީ ހަތަރެސްކަން ހަމަވެފަ. ހަންފެތުރުމުގެ އ ބ އަޅާނީދޯ!!!
އުއްޗުގެ ބޯއި
27 April 2023
އުއްޗު މިސަރުކާރަށް ކޮށްދޭ ކެމްޕޭންގެ މަލަމަތި. ކިތަންމެ އެއްޗެއް ތިހެން ކުޅުނަސް ގައުމަށް ހިޔާނާތްތެރިވެ ގައުމު ވިއްކާލާ ބަޔަކަށް ވޯޓެއް ނުދޭނަން!
ހިޔާލީ
27 April 2023
ގައުމުގެ ކޮން ތަނެއްތޯ ވިކުނީ ވިއްކާލީ. މާމިގިނލި ތޯ، ބަލަ ތިބޭފޫލާގެ ތަނެއްނޫނޭ ޗާގޯސްއަކީ، ސިޔާސީ މީހުންގެ ޗިޕުގަ ޖެހިގެން ރޯމަރު ދޮގުތަކެއް ތި ފަތުރަނީ
ސަމާސާއެ
27 April 2023
ރައްޔިތުންނަށް 1 ޕަސެންޓް ދިނަސް ހިއްސާ އޮތް ކަމަށް ދޯ ވާނީ
އޭނަ
27 April 2023
ހެޔޮނުވާނެ ތިކަން ކުރަން. ތީ ވަރަށް މަކަރުވެރި ރޭވުމެއް
އަފްޣާނިސްތާނުގެ ހާމިދު ކަރުޒާއީ
27 April 2023
އުއްޗުގެ ޚަބަރެއް ހަމަ ކޮންމެދުވަހަކު ކޮންމެދުވަހަކު. އަނެއްކާ ރޭހަށް ނުކުންނަނީބާ؟
ބުރުހާނުއްދީނުއްރައްބާނީ
27 April 2023
ގާއްކޮ ނުކުންނަންޏާ ވަކި މޫސް ނުނުކުންނާނެ ކަމެއް އެބައޮތް