ކަނޑުގެ އިން ވަކިކުރި ގޮތުން މަސްވެރިކަމަށް އަސަރެއް ނުކުރާނެ: ޑރ. ހުސައިން

ގއ، ގެމަނަފުށީ މަސްވެރިންތަކެއް މަސް ބާނަނީ:

މުއިއްޒު އިބްރާހިމް، މިހާރު

29 އެޕްރީލް 2023 - 13:22

ރާއްޖެ އާއި މޮރިޝަސްއާ ދެމެދު މައްސަލަ އުފެދުނު ކަނޑުގެ ސަރަހައްދުގެ އިން ވަކި ކުރިޔަސް، ރާއްޖޭގެ މަސްވެރިކަމަށް އަސަރު ނުކުރާނެ ކަމަށް ފިޝަރީޒް މިނިސްޓަރު ޑރ. ހުސައިން ރަޝީދު ވިދާޅުވެއްޖެ އެވެ.

ދެ ގައުމުން ހިޔާލުތަފާތުވި ކަނޑުގެ ސަރަހައްދު ބެހުމުގެ މައްސަލަ ބައިނަލްއަގްވާމީ ކަނޑުތަކާ ބެހޭ ގާނޫނުގެ ދަށުން ޓްރައިބިއުނަލުން އިއްޔެ ވަނީ ރާއްޖެއަށް ކަނޑުގެ ސަރަހައްދުން ބޮޑު ބައި ލިބޭ ގޮތަށް ނިންމައިފަ އެވެ.

އިޓްލޮސްގެ އެ ނިންމުމާ ގުޅޭ ގޮތުން، ރައީސް އޮފީހުން ރޭ ބޭއްވި ނޫސްވެރިންގެ ބައްދަލުވުމެއްގައި ފިޝަރީޒް މިނިސްޓަރު ޑރ. ހުސައިން ވިދާޅުވީ ރާއްޖެއަކީ ކަޅުބިލަމަހުގެ މަސްވެރިކަމަށް ބިނާވެފައިވާ ގައުމެއް ކަމަށާއި އެހެންވެ، ވަކި ސަރަހައްދެއް ގެއްލުމުން މަސްވެރިކަމަށް އަސަރު ނުކުރާނެ ކަމަށެވެ.

"ރާއްޖެ ހިމެނެނީ އިންޑިއާ ކަނޑުގައި ކަމަށްވާތީ ކަނޑު މަހަކީ ރާއްޖޭގެ އިގްތިސާދީ ސަރަހައްދުގައި ހުއްޓިފައި ހުންނަ އެއްޗަކަށް ނުވާތީ އަދި އެއްވެސް ގައުމެއްގެ އީއީޒެޑްގައި ހުއްޓިފައި އެއްޗަކަށް ނުވާތީ،" ހުސައިން ވިދާޅުވި އެވެ.

ފިޝަރީޒް މިނިސްޓަރު ހުސައިން ރޭގެ ޕްރެސް ކޮންފަރެންސްގައި ވާހަކަ ދައްކަވަނީ: ކަނޑުގެ އިން ވަކިކުރި ގޮތުން މަސްވެރިކަމަށް އަސަރު ނުކުރާނެ ކަމަށް އޭނާ ވިދާޅުވި --- ފޮޓޯ | ރައީސް އޮފީސް

ހުސައިން ވިދާޅުވި ގޮތުގައި މޮރިޝަސްއަށް ލިބުނު ސަރަހައްދުގައި އިނގިރޭސިވިލާތުން ގާއިމްކޮށްފައިވާ ކޮންޒަވޭޝަން ޒޯން ބަލަހައްޓާނެ ކަމުގެ ޔަގީންކަން މޮރިޝަސްއިން ދީފައިވެ އެވެ. އަދި އޭގެ ފައިދާ ރާއްޖެއަށް ވެސް ލިބިގެންދާނެ ކަމަށް ހުސައިން ވިދާޅުވި އެވެ.

މިއަދު މި ދިޔައީ ދެކުނުގެ ކަނޑުގެ މައްޗަށް ދައުލަތަށް އޮތް ބާރު އިތުރަށް ބަދަހިވެގެން. އެތަން ބަލަހައްޓައި، ކޮންޓްރޯލްކޮށް އޭގެ ނަފާ ހެޔޮ ގޮތުގައި ބޭނުން ކުރުމުގެ ފުރުސަތު މާ ބޮޑަށް ލިބިގެން މި ދިޔައީ. -- ހުސައިން

"އެތަނުގައި އާލާވާ މަސްވެރިކަން ހިޖްރަ ކުރޭ ރާއްޖޭގެ ސަރަހައްދުގެ ތެރެއިން ވެސް. އެއީ ރަނގަޅު ކަމަކަށް ވާނެ،" ހުސައިން ވިދާޅުވި އެވެ.

މިނިސްޓަރު ވިދާޅުވީ ދެކުނު ކަނޑުގެ ސަރަހައްދަށް ގާނޫނާ ހިލާފަށް ވަންނަ އުޅަނދުތަކަށް މިހާތަނަށް ފިޔަވަޅު އެޅެނީ 24 މޭލުގެ ސަރަހައްދަކަށް ކަމަށެވެ. އެކަމަކު މިހާރު ޓްރައިބިއުނަލުން އިން ވަކި ކުރުމާ އެކު، ރާއްޖޭގެ 200 މޭލުގެ ސަރަހައްދުގެ ތެރެއަށް ވަންނަ އުޅަނދުތަކަށް ވެސް ފިޔަވަޅު އެޅޭނެ ކަަމަށް އޭނާ ވިދާޅުވި އެވެ.

"މިއަދު މި ދިޔައީ ދެކުނުގެ ކަނޑުގެ މައްޗަށް ދައުލަތަށް އޮތް ބާރު އިތުރަށް ބަދަހިވެގެން. އެތަން ބަލަހައްޓައި، ކޮންޓްރޯލްކޮށް އޭގެ ނަފާ ހެޔޮ ގޮތުގައި ބޭނުން ކުރުމުގެ ފުރުސަތު މާ ބޮޑަށް ލިބިގެން މި ދިޔައީ." ހުސައިން ވިދާޅުވި އެވެ.

ހުސައިން ވިދާޅުވި ގޮތުގައި ދާ ޖަހައިގެން ކަޅުބިލަމަހުގެ މަސްވެރިކަން ކުރުމުގެ މައްސަލައަކީ އިންޑިއާ ކަނޑުގައި އަބަދުވެސް އޮންނަ މައްސަލަ އެކެވެ. އެކަމަކު މޮރިޝަސްއަށް ލިބުނު ސަރަހައްދުގައި ވެސް ދާ ޖަހައިގެން މަސްވެރިކަން ކުރަން ހުއްދަ ދީފައިނުވާ ކަމަށް އޭނާ ވިދާޅުވި އެވެ.

މަސްވެރިކަން މަސްވެރިކަން ރާއްޖެ-މޮރިޝަސް ޑިޕްލޮމެޓިކް ގުޅުން މިނިސްޓަރު ޑރ. ހުސެއިން ރަޝީދު ހަސަން

40 ކޮމެންޓް, 26 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

‫ކަކުނި

30 April 2023

މަށަށް ހީވަނީ މޮރިސަސްއިން ކުރާނެކަމަކީ ޔޫރަޕިޔަން ޔުނިއަށް ލައިސަންސްދީގެން ޗޭގޯސް ސަރަހައްދުގައިވެސް ބޮޑުދަލުގެ މަސްވެރިކަން ފުޅާކުރާނީހެން

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަންތަރީސް 999

30 April 2023

ތިން ކަމެއް ރަނގަޅުކޮށްލީމަ ޗާގޯސް މައްސަލަ އެއްކޮށް ހައްލުވާނީ. 1. ދައުލަތުން ވައްކަންކޮށްގެން ޖަލަށްލާފަ އޮތް މީހަކު ދޫކޮށްލުން 2. ޕާޓީ ޕްރައިމަރީގަ ދިވެހި ތާރީޚްގަ އެންމެ ގިނަ ފޮށިން ސުމެއް ހޯދި މީހާއަށް ޕްރައިމް މިނިސްޓަރ ކަަން ދިނުން 3. ކުރިމަތިލީ ހުރިހާ ރިޔާސީ އިންތިހާބު ތަކުން ބޮޑުތަނުން ބަލިވެފައިވާ މަހުޖަނަކަށް ރައީސްކަން ދިނުން މި 3 ކަންތައް ކޮށްލެވިޖިއްޔަ ޗާގޯސް ކީއްކުރަން، ޔޫރަޕުގެ މަސްކަނޑުތައްވެސް ލިބުނީ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ލ.އަތޮޅު ބޭރު

30 April 2023

ކަނޑުން 50000 ނޮޓިކަލް މެއިލް ގެއްލުމުން އެއީ މަސްވެރިންނަށް ލިބުނު ބޮޑު ދެރައެއް. ގައުމުގެ އިގްތިސާދަށް ލިބުނު އަގުނުކުރެވޭވަރުގެ ބޮޑު ގެއްލުމެއް. އެގެއްލުން ދިން މިސަރުކާރަކީ ގައުމު ދުއް އެންމެ ނުބައި ގައްދާރު ސަރުކާރު. ކަލޭމެން މިގައުމަށް ދިން ގެއްލުން ތަހްގީގުކޮށް މިކަމުގައި ބައިވެރިވި އެންމެންނަށް ގައްދާރުންނަށް ދޭ އެންމެ ބޮޑު އަދަބު ދޭންޖެހޭނެ. އިންސާފު ލިބޭނީ އޭރަށް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ގގގގގ

30 April 2023

ކަލޭމެންނަކީ ދެން މާމޮޅު ބަޔަކީތަ؟ މަހިތުން ކަލޭމެން ހިތުން ދިވެހިންނަކީ ގަމާރުން. ކަލޭމެން ހެދިހާ ދޮގެއް ގަބޫލުކޮށްގެން ތިބޭނީ ދޯ؟ ބަލަ މޮޔައިންނޭ. ތިހެން ދޮގުހެދުމުން ﷲ ގެ ހަޟްރަތުން ލިބޭ އަޒާބު ބޮޑުވުން ނޫން ކަމެއް ނުވާނެ. އަހަރެމެން ދަންނަން ކަނޑުގެ ބައެއް ނުވަތަ މުދަލުން ބައެއް ގެއްލުމަކީ ބޮޑު ގެއްލުމެއްކަން. އަދި އެއީ ހާލަތު ބަދަލުވާނެކަމެއްކަން ބޯ މައްޗަށް ޖަހައިގެން ހިންގާ ކޮންމެ މީހަކަށް އެނގޭނެ. މިއުޅޭ ކުރުސީވެސްއެނގޭނެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ސަޅިބެ އެކެއް

30 April 2023

ދިވެހިރާއްޖޭގަ އެންމެ އާންމުކޮށް މަހަށްގޮސް އުޅެނީ ވަޒީރުން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ދިއްދޫމީހާ

29 April 2023

ހޫމް ތިންފަށް ވަރިކޮއްގެން ކައިވެންޔަ އަސަރު ކުރޭތޯ؟؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ާކެޔޮޅާ

29 April 2023

ރާއްޖެ މީހުން އޮނު ދޮއްޓެއް ހިފައިގެން ދުއްވަދުއްވާ ތިއްބާ ރާއްޖޭގެ ވަށާ ހަފަރާތުން ބޯޓް ފަހަރުތަކުގައި އައިސް ދާ އަޅައިގެން ބޯޓްތައް ފުރާ މަސް އަޅައިގެން އެތައް ފައިދާއެއް މަސްވެރިކަމުން ހޯދަމުން އެކި ގައުމުތަކުން އެގެންދާތާ އެތައް ޒަމާނެއްވެއްޖެއެވެ. އަހުރަމެން އަހަރެމެން ލަދުންތިބެ ފަހަރަކު މަހަކުން ބާނާ މަސްކޮޅުގެ އެއްބާ އޮންނަނީ ރިޖެކްޓް ޖެހިފައެވެ. ދެން ބާކީ ހުންނަ މަސްކޮޅު ކިހިލި ޖަހައިގެން އީޔޫ ފަތުން ޑިއުޓީ މާފުކޮށްދޭތޯ އާދެސް ކުރުމުގަ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަލީރާޖާ

29 April 2023

ޗާގޯސް އަކީ މޮރިޝަސްގެ ތަނެއް ކަމަށް ކޯޓުން ނިންމި އަހަރު ވެރިން ތިބީ ޑޮލަރު ގުނަން. މިހާރު މި އުޅެނީ ކިހިނެއް ވެގެންތަ؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބޯގަޅި

29 April 2023

އެއީ ތެދެއް. އިން ވަކިކުރިގޮތުން ޗާގޯސް ސަރަހައްދުގަ ތިބި ހުރިހާ މަހެއް އެސަރަހައްދުން ނިކުމެ ރާއްޖޭގެ ކަނޑަށް ވަންނާނެ. ރާއްޖޭގެ މަސްވެރިން ދޯނިތަކުގަ ކަނޑަށް ނިކުމެ މަސްތަކަށް މަރުހަބާ ކިޔަންވީ....