ދޮންކެޔޮ ތަކެއް މާރުކޭޓް ބޭރު ފާރު ކައިރީގައި ބަހައްޓާފައި: ލޯކަލް މާރުކޭޓުގެ ބައެއް ވަގުތީ ގޮތުން ހައި ކޯޓު ކުރިމައްޗަށް ބަދަލުކުރަން ސިޓީ ކައުންސިލުން ވަނީ ނިންމައިފައި.-- ފޮޓޯ: މިހާރު
04 މެއި 2023 - 14:11
53 comments
މާލޭގެ ލޯކަލް މާރުކޭޓު މިހާރު ހުރި ބިމުގައި ޒަމާނީ މާރުކޭޓެއް އިމާރާތް ކުރުމުގެ މަސައްކަތް ފެށުމަށް، އެ މާރުކޭޓުގެ ބައެއް ވަގުތީ ގޮތުން ހައި ކޯޓު ކުރިމައްޗަށް ބަދަލުކުރަން މާލޭ ސިޓީ ކައުންސިލުން ނިންމައިފި އެވެ.
އެއީ ރައްޔިތުންގެ މަޖިލިހުގެ ރައީސް މުހައްމަދު ނަޝީދަށް ސަރުކާރުން ހާއްސަ ކޮށްފައިވާ މުރައިދޫގެއާ އިންވެގެން އޮންނަ ބިމެވެ. އެ މަނިކުފާނުގެ ކާރުކޮޅު އެ ގެކޮޅަށް ވައްދަނީ ހައި ކޯޓުގެ ކުރިމަތިން ޕާކިން ޒޯން ކައިރިން [ވަގުތީ މާރުކެޓް ހަދާ ބިން] ހަދާފައިވާ ގޭޓުންނެވެ.
މަޖިލިހުގެ ރައީސަށް ދައުލަތުން ވަގުތީ ގެކޮޅެއް 2021 ގެ ފަހުކޮޅު ހަމަޖައްސައި ދިނީ ނަޝީދު އަވާހަރަކޮށްލަން އެ އަހަރުގެ މޭ 6 ގައި ބަޔަކު ދިން ބޮމުގެ ހަމަލަށް ފަހު، އެ މަނިކުފާނުގެ ސަލާމަތީ ކަންކަން ވަރުގަދަ ކުރުމަށެވެ.
ސިޓީ ކައުންސިލްގެ މަސައްކަތްތައް އާންމު ކުރުމަށް މިއަދު ބޭއްވި ނިއުސް ކޮންފަރެންސްގައި މާލޭގެ މޭޔަރު ޑރ. މުހައްމަދު މުއިއްޒު ވިދާޅުވީ ލޯކަލް މާރުކޭޓުގައި ކުރަމުން އަންނަ ވިޔާފަރި ވަގުތީ ގޮތުން ދެ ތަނަކަށް ބަދަލުކުރަން މިހާރު ނިންމާފައިވާ ކަމަށެވެ.
ލޯކަލް މާރުކޭޓް މިހާރު ހުންނަނީ ބޮޑުތަކުރުފާނު މަގުން މަސްމާރުކޭޓު ކުރިމަތީގަ އެވެ.
މާލޭގެ މޭޔަރު ޑރ. މުހައްމަދު މުއިއްޒު، މާލޭ ސިޓީ ކައުންސިލުން ބޭއްވި ނިއުސް ކޮންފަރެންސްގައި ވާހަކަދައްކަވަނީ.-- ފޮޓޯ: ފަޔާޒް މޫސާ | މިހާރު
މޭޔަރު ވިދާޅުވި ގޮތުގައި، ލޯކަލް މާރުކޭޓުގެ އެއް ބައި ބަދަލުކުރަނީ ހައި ކޯޓުގެ ކުރިމަތީގައި އޮންނަ ޕާކިން ޒޯން ނަގައި އެ ތަނަށެވެ. އަދި ބާޒާރު ސިބްކޯ ކުރިމަތީގައި އޮންނަ ޕާކިން ޒޯން ނަގައި އެ ތަނުގައި ވެސް ލޯކަލް މާރުކޭޓުގެ ބައެއް ހިންގަން ދޭން ނިންމާފައިވެ އެވެ.
"މާރުކޭޓް ދެ ބަޔަށް ބަހާލަން ޖެހެނީ އެއީ އެއް ތަނުން ނުފުދޭތީ. ކޮންމެ ގޮޅިއަކަށް ގޮޅިއެއް އަޅުގަނޑުމެން ދޭން ޖެހޭނެ ނޫންތޯ. އޭރުން ވިޔަފާރި ނުހުއްޓޭނީ،" މޭޔަރު ވިދާޅުވި އެވެ.
ހައި ކޯޓު ކުރިމައްޗަށާއި ބާޒާރު ސިބްކޯ ކުރިމައްޗަށް ލޯކަލް މާރުކޭޓު ބަދަލުކުރަން ނިންމީ، ބާޒާރު މައްޗާ ދުރު ތަނަކަށް ބަދަލުކޮށްފި ނަމަ، އޭގެ ސަބަބުން ވިޔަފާރިތަކަށް ގެއްލުން ލިބިދާނެ ކަމަށް ފެނިވަޑައިގަންނަ ވާތީ ކަމަށް މޭޔަރު ވިދާޅުވި އެވެ.
ސިޓީ ކައުންސިލުން ޕްލޭން ކޮށްފައި އޮތީ ލޯކަލް މާރުކޭޓު މިހާރު ހުރި ބިމުގައި ހަތަރު ފްލޯގެ ޒަމާނީ މާރުކޭޓެއް އިމާރާތް ކުރުމަށެވެ. އެއީ އެންމެ ތިރީ ފްލޯގައި މަސްމާރުކޭޓަކާއި ދެވަނަ އަދި ތިންވަނަ ފްލޯގައި ތަރުކާރީ އާއި މޭއްވާ ވިއްކާ މަރުކޭޓެކެވެ. އެންމެ މަތީ ފްލޯ ދޫކުރަނީ ރެސްޓޯރެންޓު ހިންގާށެވެ.
އެ އިމާރާތް ހަދައި ނިމުމުން މިހާރުގެ މަސްމާރުކޭޓް ބަންދުކޮށް، އެ ތަން މި އިމާރާތަށް ބަދަލުކުރާނެ އެވެ.
މޭޔަރު ވިދާޅުވީ ލޯކަލް މާރުކޭޓުގެ ޒަމާނީ އިމާރާތުގެ މަސައްކަތް ނިންމާލަން 10 މަސް ހޭދަވާނެ ކަމަށެވެ. އެ މަސައްކަތް ކޮށްދޭނެ ބަޔަކު ހޯދަން ވަރަށް އަވަހަށް އިއުލާންކުރާނެ ކަމަށް ވެސް އޭނާ ވިދާޅުވި އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އިއްބެ
22 June 2023
ނަޝީދުގެގެކޮޅެއްނުހުންނާނެ
ތުނޑު ހަސަނު
06 May 2023
އެހާބޮޑު ބިމެއްގައި 4 ބުރީގެ އިމާރާތެއް އެޅުމަކީ މާލޭގެ އަގުބޮޑު ބިން އިސްރާފު ކުރުމެވެ. ތަނެއް ހަދާނަމަ އެހާބޮޑު ބިމެއް ހެދޭއެންމެ އުސްކޮށް ހަދާފައި ދައުލަތުގެ އޮފީސްތަކާއި ކުންފުނިތަކުގެ އޮފީސްތައް ހިންގަން މަތީ ބުރިތައް ކުއްޔަށްވެސްދެވިދާނެއެވެ. އޭރުން އަމިއްލަ މީސްމީހުންގެ ގޭގެ ބޮޑެތި ކުއްޔަށް ނަގައިގެން ކޮރަޕްޝަނަށް މަގުފަހިވާގޮތަށް ކުރެވޭ ބޮޑު ހޭދަ ކުޑަކުރެވިދާނެއެވެ. ކޮންމެ ކަމެއް ކުރިޔަސް އެންމެ 4 ބުރިޔަށް އެވަރުގެ ބޮޑު ބިމެއް ނަގާކަށް ނު
ފާޓް
06 May 2023
ނަޝީދުގެ ގެ ކޮޅެއް ނުހުންނާނެ ހުންނާނީ މަޖިލީހުގެ ރައީސަކަށް ހުންނަ މީހަކަށް ހުންނަ ގެއެއް. އެހެންނޫނަސް ކުރެވޭ ބޭކާރު ޚަރަދެއް އެއީ އޭގެ ބަދަލުގައި އާއްމު ރައްޔިތު އެންމެންނަށް ގެދޮރު ހިލޭ ދީބަލަ
މާރުކޭޓް ގޮޅި
05 May 2023
ހެޔޮ ނުވާނެ ތިޔަތާ ތިރީ މާރުކޭޓަށް ދާ މީހުން ވެހިކަލް ޕާރކް ކުރަން ޕާކިންގ އެއް ހަދާ ބަލަ. މި މާލޭގަ ތަންތަން ހަދާ އިރު މިހާރު ވިސްނަން ވެއްޖެ އެތަނެއްގެ ތިރީގަ ޕާރކް ކުރެވޭނެ ގޮތް ހަދަން މިނޫން ގޮތަކަށް މިކަމަށް ހައްލެއް ލިބޭކަށް ނެތް. އަދި މީހުންނަށް ފަސޭހައަކަށް ވިޔަފާރިންގެ މުދާ މައްޗަށް އަރުވާ ހަދަން ލިފްޓެއް ނެވުނިއްޔާ ވެސް ހާދަ ފަސޭހަ ވާނެ އޭ.
ސްޓިކާ
07 May 2023
ދެން ތިހެން ހެދީމަ ސްޓިކާ ޖަހާލާނެ ސައިކެއްވެސް ނުލިބޭނެއެއްނު
ޒަމާނީ ލާރިގަނޑު ބަނޑުއެޅުން
05 May 2023
ތިޔަ ޒަމާނީ އިމާރާތުގައި އަހަރުމެން ބަލާނަން އެއްޗެހި އަރުވާ ބާލަން މަގަށް ދަތި ނުވާ ގޮތަށް ޕިކަޕު މަޑު ކުރެވޭނެ ތަނެއް ހުރިތޯ. ނޫނިއްޔާ ތިތަނަށް އަންނަ މީހުން މުޅި މަގު ފުރެންދެން ސައިކަލުތައް ނުބަހައްޓާ އިމާރާތުން ބައެއް ޕާކިންނަށް ޚާއްޞަވޭތޯ. ވަރަށް ހީނުވޭ މުއިއްޒުމެންގެ ޒަމާނީ ވިސްނުމުގެ މިކަހަަލަ މީހުންނަށް ފަސޭހަވާނެ ކަމެއް ހުރެދާނެހެނެއް. ތި އާޓިކަލްއަކުން ގައިމުވެސް އެކަހަލަ ވާހަކައެއް ދެއްކި ކަަމަކަށް ނުބުނޭ
އަހްމަދު ސަލީމް
05 May 2023
ކާކުގެ ގެޔެއްތޯ ބަލާނެ ކަމެއް ނެތް. ތިތާގަ ވަގުތީ މާރުކޭޓް ހަދައިގެންވިޔަސް އެއްތަނެއްގަ ހުރިހާ މާރުކޭޓެއް ހުންނަ ގޮތް ހަދަން އެބަޖެހޭ، އޭރަށް ނިކަން ފަސޭހަވާނޭ
މޫސާ ނިޒާރް
05 May 2023
ވަކި މީހެއްގެ ގެ ކައިރި ވީމަ މާރުކޭޓެއް ނެހެދި ރައްޔިތުންނަށް ދޭ ހިދުމަތް ލަސްވެގެން ނުވާނެ. ތިކަން ކުރަން ވާނެ.
ހަމީޝާ މުނީރް
05 May 2023
ނަޝީދު ގެކައިރީ ނުވޭތަ ހަދައިގެން؟ އޭނަޔަށް ތްރެޓެއް ނެތިއްޔާ ހަމަ ހަދަންވީނު؟ ގައިމު އޭނަޔަށްވެސް ދެވޭނެ އެތަނަށް އެއްޗެސް ގަންނަން
ނިމާލް ހަސަން
05 May 2023
ވަރަށް ފަސޭހަވާނެ ތިގިތަށް އެއް ބްލްޑިންއެއްގަ ހުރިހާ މާރުކޭޓެއް އިނިއްޔާ. އަވަހަށް ތިކަން ނިންމާލަދީ މޭޔަރ
ސުޕް
04 May 2023
ސެކިއުރިޓީ އަދި އެހެން ގޮތްގޮތަށް ބެއްޔަސް ތިއީ ގޯހެއް.
ބުރާންޗާ
05 May 2023
ކަލޭ ތިބުނާ ސެކިއުރިޓީއަކާ އަނެކައްޗަކާ ގޯސްވަންޏާ މީހުން ދިރިނޫޅޭ ރަށެއްގަ ގަނޑުވަރު ހަދާފަ ނަޝީދު ބަހައްޓަންވީނު... ތޮއްޖެހިފަ މިއޮތް މާލޭގަ ނަޝީދަށް ވަކިން ގަނޑުވަރު ބިނާކޮށްދީ އެތަނުގެ ވަށައިގެން ބޮޑު މަގު ހަދާފަ އެތަނުގަ އޭނާ ވަޑުވާފަ ބަައިންދަން އޭނަ އެއީ ދިވެހިންނަަށް ބަލަދުއަރާ ރަސްކަލަކީތަ؟؟؟
ތުނޑު ހަސަނު
06 May 2023
ބޮންގޮއްވީ މާލޭގެ އެންމެ ބޮޑުމަގުގެ ކައިރީގައެވެ. ދިރިއުޅުނު ގެއަކުނޫނެވެ. ވީއިރު ސެކިއުރިޓީއަކާ ގެކޮޅެއް ހެދުމަކާ އެއްވެސް ގުޅުމެއްނެތެވެ. އެއީ ލިބުނު ރަނުގެ ފުރުޞަތު އެންމެ ފުރިހަމަގޮތުގައި ބޭނުންކޮށް ދައުލަތުން ކިތަންމެ ބޮޑު ހޭދައެއް ކުރަންޖެހުނަސް މުސާރައިން ކުރަންޖެހޭ ހޭދަކުޑަކޮށް ހައިބަތު ބޮޑުކުރުމުގެ ބޭނުމުގައި ކޮށްފައިވާ ކަމެކެވެ.