ބިލް ނުދައްކައިގެން ޒިކުރާ މިސްކިތުން ފެން ކަނޑާލައިފި

ޒިކުރާ މިސްކިތް ހުރި ބިމުގައި ހުންނަ ވަގުތީ މިސްކިތް: އެ ތަނުގައި ވަގުތީ މިސްކިތެއް ހުޅުވީ 2021 ވަނަ އަހަރު.-- ފޮޓޯ: ފަޔާޒް މޫސާ \ މިހާރު

ފާތިމަތު އަޖްފާން، މިހާރު

04 މެއި 2023 - 15:45

7 comments

މަޖީދީ މަގުގައި ހުންނަ ޒިކުރާ މިސްކިތުގެ ފެން ބިލް ނުދައްކައިގެން މިއަދު ފެން ކަނޑާލައިފި އެވެ.

ނަމަވެސް މާލޭ ސިޓީ ކައުންސިލުން އެކަން މީޑިއާތަކަށް ތިލަ ކުރުމާ ގުޅިގެން "މިހާރު" އިން ސުވާލު ކުރުމުން އިސްލާމިކް މިނިސްޓްރީގެ މީޑިއާ އޮފިޝަލަކު ވިދާޅުވީ ބިލްތައް ނުދައްކައި ހުރުމުން ޒިކުރާ މިސްކިތުން މިއަދު މެންދުރު ފެން ކަނޑާލި ކަމަށެވެ. ނަމަވެސް ބިލްތައް ދެއްކުމުން އެމްޑަބްލިއުއެސްސީން މިހާރު ފެން ގުޅައި ދީފައިވާ ކަމަށް އޭނާ ވިދާޅުވި އެވެ.

ޒިކުރާ މިސްކިތް ހުރި ބިމުގައި ވަގުތީ މިސްކިތެއް ހުޅުވީ 2021 ވަނަ އަހަރު އެވެ.

ސިޓީ ކައުންސިލުން އިސްލާމިކް މިނިސްޓްރީ އަށް މިއަދު ފޮނުވި ސިޓީއެއްގައި ވާ ގޮތުން، ޒިކުރާ މިސްކިތުގެ ފެން މީޓަރު ހުރީ އިސްލާމިކް މިނިސްޓްރީގެ ނަމުގަ އެވެ. ފެން ކަނޑާލީ ބިލް ނުދައްކައިގެން ކަމަށް އެމްޑަބްލިއުއެސްސީން ބުނެފައިވާ ކަމަށް ވެސް އެ ސިޓީގައިވެ އެވެ.

ސިޓީ ކައުންސިލުން ބުނީ، އެ މިސްކިތް ހުޅުވި ދުވަހުން ފެށިގެން މިހާތަނަށް އެ މީޓަރުގެ ބިލަށް އެއްގޮތަކަށް ވެސް އިސްލާމިކް މިނިސްޓްރީން ފައިސާ ދައްކާފައި ނުވާ ކަމަށެވެ. ނަމަވެސް ނުދައްކާ އޮތީ ކިތައް ބިލް ކަމެއް އަދި ނުދައްކާ އޮތީ ކިހާ އަދަދެއް ކަމެއް ނުބުނެ އެވެ.

ޒިކުރާ މިސްކިތުގައި މީހަކު ނަމާދުކުރަނީ.-- ފޮޓޯ: ފަޔާޒް މޫސާ \ މިހާރު

ސަލްމާން މިސްކިތާއި އިސްލާމީ މަރުކަޒު ފިޔަވައި، މާލޭގައި ހުރިހާ މިސްކިތެއް ވެސް ބަލަހައްޓަމުން އަންނަނީ ސިޓީ ކައުންސިލުންނެވެ. ކައުންސިލުން މި އަހަރު ވަނީ މިސްކިތްތައް މަރާމާތު ކުރުމަށް ފަންޑެއް ވެސް ހުޅުވައިފަ އެވެ.

މާލެ ސިޓީ ކައުންސިލް އިސްލާމިކް މިނިސްޓްރީ އެމްޑަބްލިއުއެސްސީީ މިސްކިތްތައް

7 ކޮމެންޓް, 3 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ފެންކަނޑާ

05 May 2023

އެމްޑަބްލިޔުއެސްސީން އެތަނުގެ ފެންބިލު ދައްކާތޯ ކޮންމެވެސް މީހަކު ބަލާލަބަލަ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

3202

05 May 2023

ފެންބިލް ނުދެއްކުމަށް މިސްކިތުން ފެން ކަނޑައިގެން ނުވާނެ. ތިޔައީ ދީނަށްކުރި ފުރައްސާރައެއް. ބިލްނުދެއްކީމާ ބިލް ދައްކަންޖެހޭ ފަރާތުގެ މައްސަލަ ކޯޓަށް ހުށަހަޅައިގެން ފައިސާ ހޯދަންވީ. ފެން ވިޔަސް ކަރަންޓު ވިޔަސް، ކަނޑައިގެން ނުވާނެ. ބިލު ނުދައްކައޭ ކިޔާފަ އެމިސްކިތަށް ނަމާދަށް މީހުން އެރިޔަނުދީ ނުހިފަހައްޓާނެބާއޭ ހިތަށްއަރާ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ފައިސާކައުންސިލު

04 May 2023

ގަސްތުގަ ސަރުކާރަށް ޖެއްސުންކުރުމުގެ ބޭނުމުގައި. ސިޓީކައުންސިލުގެ ބެލުމުގެދަށުގައި ހުރި ތަނެއްގެ ފެންބިލް ނައިސް ބިލް ނުދައްކައި އަހަރެއް ވެގެންދިޔައިރު ނޭނގިއެއް ނޯންނާނެ. ބަޖެޓުގައި ނެތްކަމަކަށް ބަޖެޓުން މިލިޔަނުން ޚަރަދުކުރެވެން އޮތްނަމަ ފިސާރި ފޯރި ހުންނާނެ. މިސާލަކަށް ގަސްގަތުން، ކޮތަޅު ބެހުން. ވ.ސަލާމް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ރައްޔިތުކަލޯ

04 May 2023

100% އިސްލާމީ ގައުމެއްގަ މިސްކިތަކުން ކަރަންޓާ ފެން ކެނޑިގެންނުވާނެ. ބިލް އަށް ފައިސާ ދައްކަނީ ވެސް ސަރުކާރުން އަދި ކަރަންޓާ ފެނުގެ ޚިދުމަތް ދެނީ ވެސް ސަރުކާރުން. ޕްރައިވެޓް ޕާޓީ އަކުންނޫން. ބިލްތަކަށް ފައިސާ ނުދެއްކުމާ މުއްދަތު ހަމަވުމުގެ ކުރިން ފައިސާ ނުހޯދުމަކީ ސަރުކާރުގައި ކަންކަން ހިންގަން ހަވާލުވެތިބި ބައެއްގެ ނާގާބިލް ކަމާ ދޯދިޔާ ކަން.