ހުޅުމާލޭގައި ހިންގާ މަޝްހޫރު ރާކަނި ބީޗް ކެފޭގެ ބޭރު ޕޭވްމަންޓްމަތީގައި ގޮނޑި އާއި މޭޒުތައް ޖަހައިގެން ހިދުމަތް ދޭ ތައްޔާރު ކޮށްފައި.---ފޮޓޯ: އާބަންކޯ
06 މެއި 2023 - 14:35
56 comments
ހުޅުމާލޭގެ ކެފޭތަކާއި ޓޭކްއަވޭ ތަންތަނުގެ ޕޭވްމަންޓްމަތީގައި ގޮނޑި އާއި މޭޒު ބަހައްޓައިގެން ހިދުމަތް ދިނުން އާންމު ވާތީ އެ ތަކެތި ނަގަން އާބަންކޯ އިން އަންގައިފި އެވެ.
އެ ކުންފުނިން މިއަދު ބުނީ، ބައެއް ކެފޭތަކާއި ޓޭކްއަވޭގެ ހިދުމަތް ދޭ ތަންތަނުގެ ޕޭވްމަންްޓްގައި ގޮނޑި އާއި މޭޒުތައް ބަަހައްޓާފައި ވާތީ އެކަމުގެ ޝަކުވާ އާންމުންގެ ފަރާތުން ލިބިފައިވާ ކަމަށެވެ. އެހެންވެ، އާބަންކޯ އިން ބެލި ބެލުމުގައި ހުޅުމާލޭގެ 34 މަގެއްގެ ޕޭވްމަންޓުގައި 182 މޭޒެއް ބަހައްޓައިގެން ހިދުމަތް ދޭ ކަން އެނގިފައިވާ ކަމަށް އެ ކުންފުނިން ބުންޏެވެ.
"މިކަން ހައްލު ކުރުމަށްޓަކައި ގޮނޑި އާއި މޭޒު އެ ތަންތަނުުން ނެގުމަށް ވިޔަފާރި ހިންގާ ފަރާތްތަކަށް ކުންފުނީގެ ފަރާތުން ވާނީ އަންގާފަ އެވެ،" އާބަންކޯ އިން މީޑިއާ އަށް ފޮނުވި ލިޔުމެއްގައި ވެ އެވެ.
އެ ކުންފުނިން ވަނީ އެ ގޮތަށް ބައެއް ޕޭވްމަންޓްމަތީގައި ބަހައްޓާފައިވާ ގޮނޑިތަކާއި މޭޒުތަކުގެ ފޮޓޯތައް ވެސް މީޑިއާއާ މިއަދު ހިއްސާ ކޮށްފަ އެވެ.
ހުޅުމާލޭގެ ކެފޭއެއްގެ ބޭރުން ޕޭވްމަންޓްމަތީގައި ގޮނޑި އާއި މޭޒު އަތުރާފައި.---ފޮޓޯ: އާބަންކޯ
އާބަންކޯ އިން ބުނީ، މަގުތަކަކީ އެންމެން ބޭނުންކުރާ ތަނަކަށް ވާއިރު، ޕޭވްމަންޓުތަކުގައި ގޮނޑި އާއި މޭޒު ބަހައްޓައި، ކެފޭ އުސޫލުން ހިންގައި އެ ތަންތަނުގައި ދުންފަތުގެ އިސްތިއުމާލުކުރުން ފަދަ އަމަލުތައް ކުރުމަކީ އޭގެ ނޭދެވޭ އަސަރު މުޅި މުޖުތަމައަށް ވެސް ކުރާނެ ކަމެއް ކަމަށެވެ.
"އެހެންވެ ހުރިހާ ފަރާތްތަކުން ވެސް މިފަދަ ކަންކަމަށް ސާމަލުކަން ދީ، ވިޔަފާރިތައް ދީފައިވާ ހުއްދައާ އެއްގޮތަށް ހިންގައި އާންމުންނަށް އުނދަގޫ ނުވާނެ ގޮތަކަށް ބައްޓަން ކުރުމަކީ މި ކުންފުނީގެ ވަރަށް ބޮޑު އެދުމެކެވެ،" އާބަންކޯ އިން ބުންޏެވެ.
ޓޭކްއަވޭ ވިޔަފާރި އާއި ކެފޭ ހިދުމަތްތަކަށް ވެސް ހުއްދަ ދީ ހިންގަމުން އަންނަނީ ހުޅުމާލެ އަކީ އެންމެން ވެސް ހިތްހަމަޖެހޭ ބަދަހި މުޖުތަމައުއެއް އޮންނަ ތަނަކަށް ހެދުމުގެ މަގްސަދުގަ އެވެ. އަދި ކެފޭތަކާއި މިފަދަ ހިދުމަތްތައް ދިނުމަށް، އޯޕަން އޭރިއާތައް އާންމުންނަށް އަދިވެސް ބޭނުންވާކަން މި ކުންފުންޏަށް ފާހަގަވެފައިވާތީ، އެފަދަ ފުރުސަތު ވެސް ފަހިކޮށްދިނުމަށް ކުންފުނިން އަންނަނީ މަސައްކަތް ކުރަމުންނެވެ."
ހުޅުމާލޭގެ ކެފޭއެއްގެ ބޭރުން ޕޭވްމަންޓްމަތީގައި ގޮނޑިތައް ބަހައްޓާފައި: މިއީ ފެށުނީއްސުރެ މަނާކަމަކަށް ވިޔަސް ހުއްޓުވަން މާ ބޮޑު ސަމާލުކަމެއް ނުދެވޭ.---ފޮޓޯ: އާބަންކޯ
އާބަންކޯ އިން ބުނީ، އޭގެ ތެރޭގައި މަގުތައް ހިޔާވާނެ ހެން ގަސް އިންދުމާއި އެކްސެސިބިލިޓީގެ ގޮތުން، އާންމުންނަށް އެންމެ ލުއި ފަސޭހަ ގޮތަކަށް ބައްޓަން ކުރުމަށް ގިނަ ކަންތައްތަކެއް ކޮށްފައިވާނެ ކަމަށެވެ. އެ ކުންފުނިން ކުރަމުން އަންނަ އެ މަސައްކަތަކަށް އެންމެންގެ އެއްބާރުލުމަށް ވެސް އާބަންކޯ އިން އެދުނެވެ.
ހުޅުމާލޭގެ ކެފޭ/ޓޭކްއަވޭ ތަންތަނުގެ ޕޭވްމަންޓްމަތީގައި ކެފޭގެ ހިދުމަތް ދިނުން ދޭތެރެދޭތެރެއިން ވަރަށް ބޮޑަށް އާންމުވެ އެވެ. އާބަންކޯ އިން ގިނަ ފަހަރު އެ ކަން ހުއްޓުވަނީ އާންމުންގެ ޝަކުވާ ވަރަށް ބޮޑަށް އިތުރުވެ، ކަންކަން ހައްދުން ނެއްޓުމުން ކަން ފާހަގަ ކުރެވެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އަސްލުމައްސަލަ
07 May 2023
34 މަގެއްގަ 184 މޭޒު ބަހައްޓަންދެން ކަމެއްނުކޮށް ތިބީމަ އަސްލު މައްސަލައަކީ. މަގެއްގަ 2 މޭޒު ބަހައްޓާލާއިރަށް އެކަން ހުއްޓުވީމަ އިތުރު މޭޒާ ގޮނޑި ވިހައިގެން ގިނަނުވާނީ. އެކަކު ކޮށްފިއްޔާ ކީއްވެހޭ ތިމަންނަމެން ނުކުރަންވީ ކިޔާ ލައްކަ ފޯރި ދައްކާލާ ބައެއް ދިވެހިންނަކީ.
ސާދުނާ ޒަކީ
07 May 2023
ބޮޑޭ ގޭދޮށުގަ (ގުޑް ވައިބްސް) ތިބެނީ އޫރުބާނުކޯގެ މުައްޒިފުން ވަޅުފެހި ޓީޝާޓު ލައިގެން.. ތިކަމެއް ނުވާނެ..
ޕޭވްމަންޓީ
07 May 2023
ބަރާބަރު!
ޙަމިީ
07 May 2023
ރަނގަޅު ނިންމުމެއް
ޝަފީޤު
07 May 2023
ވަކި މުއްދަތެއް ދީފައި ނަގަންބުރި ވެހިކަތްތައް މަގުތައްމަތިން ނަގާ ނިމުނީތަ ޑަބަލްކޮށް ޕާކްކޮށް އަހަރު 2 އަހަރުވެ އާބަންކޯއަށް ނުފެންނަ އެތަށް ބައިވަރު ވެހިކަލްތަކެއްވެސް މަގުތަށްމަތީ ހުރުމުންވެސް ދުއްވާ މީހުންނާއި، މަގު ހިނގާ މީހުނަށް އުދަގޫވޭ
ގޭންގް ވޯޓަރ ސްޕޯޓްސް
07 May 2023
ކީއްވެ އާބަންކޯ އިން ނޭންގީ ގޭންގުތަކުން ހިންގާ ވޯޓަރ ސްޕޯޓްސް ތަން ތަނުން ކެފޭ ހަދައިގެން ވެއިޓަރުން ލައިގެން މޭޒު ބަހައްޓައިގެން ސާވް ކުރާ ވާހަކަ. ގޭންގް ބަޔަކަށް ވީމަ ބިރުގަންނަނީތައް. ނަގަން އަގަންޏާ ހުރި ހާއެންމެން ނަށް ވެސް ނަގަން އަންގާ، ހަމަ އެކަނި ކޭފޭތަކުން ނިންމާ ނުލާ..
މޮހިތު
07 May 2023
އެކުދިންވެސް ބަލަން ޖެހޭ ވެރިކަން ބޭނުމިއްޔާ!
އަރްރޭ
07 May 2023
އެކުދިން ބީޗުން އަރަން އެންގީމަ ދެން ޖެހެނީ ކޮންމެވެސް ސަރުކާރުގެ ބޮޑު މަގާމަކަށޭ ލާން. ހުރިހާ ގޭންގް ކުދިން ވައްދާނެހާ އޮފީހެއް ނެތޭ.
އެއްވެސް ކަމެއް ނުވާނެ
07 May 2023
ތިޔަ ތަނަށް ކަމެއް ނުވެސް ހުއްޓުވޭނެ. ނުވެސް ބެލޭނެ. ބެލޭ ނަމަ ތިޔަ ބުނާ އޮފީހަކުން ނުކުންނައިރު ދެފަރާތުން ފެންނަން އެހެރަ ފިހާރަތުން މަގުމަތީގައި ހިންގާ ފިހާރަތައް ހުއްޓުވޭނެ. މަގުމަތީގައި ތިބެގެން ފިޔާނޮޅައި ތަރުކާރީ ނޮޅައި ހަދާތަން ފެންނާނެ. އެތަކެތިން ދުވާ ނުބައިވަސްވެސް ދުވާނެ. މަގުމަތީގައި ހިންގާ ހޮޓަލުން ބުރުވާލާ ދުމުގެ ވަސްވެސް ދުވާނެ.
އަގުމަގު
07 May 2023
ހުޅުމާލޭގައި ހިންގާ ގިނަ ފިހާރަތަކުގައި މުދަލުގެ އަގުވެސް ޖަހާފައި ނުހުރޭ. ބަލާލާނީ ކާކު؟ މިއޮތީ ހައްދުން ނެއްޓިފައި އޮތް މޮޅުމީހާއަށް މޮޅު ގޮތްވެފައި އޮތް ގައުމެއް. ނުލަފާ މީހާއަށް ހިތުހުރި ކޮންމެ ކަމެއް ކުރެވޭގޮތަށް އޮތް ގައުމެއް.
ސުމައިލް
07 May 2023
އާބަންކޯއަށް އެމީހުން ޒިންމާ އަދާ ކުރެވޭނަމަ އެކަން ހުއްޓުވޭނެ.އާބަންކޯ އެއީ އުޒުބަކިސްތާނުގަ ހިންގާ އޮފީހެއްތޯ.ނުން ހުޅުމާލޭގަ.މިކަމެއް މިވަނީވެސް ހުޅުމާލޭގަ.އޮފީހާ ނުބައދަލު ވަރަށް އެކި ނަންނަމުގަ މީހުން ބޮޑެތި މުސާރަދީފަ ބައިތިއްބާފަ އެބަތިބި.ކީއްވެތޯ ނުބެލެންވީ.ބަޔަކު ގޮސް ހޭރިގަތީމަ ނުން ކަންތައް ހުއްޓުވަންވީ.އެއަށްވުރެން ޒިންމާދާރު ވާން ޖެހޭ.
ސްމައިލްސް
07 May 2023
އާދަންކޮއި އެއީ އެޗްޑީސީ ނަމުގައި އޮތް އިރު ވެސް ފެއިލް ވެފައި އޮތް ބައެއް. ނަން ބަދަލު ކުރިޔަސް ހަމަ ތިބީ އެއްބައެއް. ސޮރީ މިހާރު ޕާޓީ ކުދިން އިތުރުވެއްޖެ. ހުސް ބޯ ތަކެއް. އެއް ކޮފީ އިން އަނެއް ކޮފީ އަށް. ރޭ ވެއްޖެޔާ ކޮންމެވެސް ދިމާލެއްގައި ތާސް ކުޅެން. ކުޅަދާނަ އިނގޭ.
ދުވާރުތަކުރު
07 May 2023
ތިޔަ ތަންތަނުން ތިޔަ ބުނާ ގޮނޑިއަކާއި މޭޒެއް ނެގިފައި ހުއްޓައި ފެންނާނެ ދުވަހެއް ނާންނާނެ. މަގުމަތީގައި ހުންނަ ގަސްގަހުގައި ދޮންކެޔޮގަނޑު އެލުވައިގެން ވިޔަފާރިކޮށް ހަދަނީ މަޝްހޫރު ކެފޭތައް ހިންގާ މީހުން. ހިޔާ ފްލެޓުގައި އެތައް ތަނބެއް ތަޅާލައިގެން ހޮޓާ ހަދައިގެން ހިންގާއިރު އެއީވެސް ނުވާކަމަކަށް ވެފައި އެ އޮންނަނީ. ބޮޑެތި ސުރުޚީ ޖެހިދާނެ. ވާނެ ކަމެއް ކަމެއް ހަރާމުން ހަރާން.
ހިޔާ ރައްޔިތެއް
07 May 2023
ފާރުގައި ލޯވަޅެއް އެޅީމައޭ ކިޔާފައި ޖޫރިމަނާ ކުރަން ހިފާލީ. އެކަމަކު ބަލާބަލަ ތިރީގައި ހަދާފައި ހުރި ފިހާރަ، ކެފޭ ފަދަ ތަންތަނުން ފާރުތައް އެއްކޮށް ތަޅާ ދަގަނޑުތައް ގްރޭންޑަރ އިން ކީހާ ނެގީމަވެސް އޭރު (އެޗްޑީސީ) މިހާރު އާދަންކޮއި މިބުނަނީ އެއީ ސްޓްރަކްޗަރއަށް ގެއްލުން ނުވާ ގޮތަށޯ އެހެރީ އެކަން ކޮށްފަ. މީހަކު ހައިރާނެއް ނުވާނެތަ؟ ހުރިހާ ޓަވަރެއްގެ ލިފްޓް ކުރިމަތީގައި ހުރި ފާރުވެސް 14 ރާތާ މަރުތޭލަކުން ތަޅާފައި ގްރޭޑަރަކުން ދަގަނޑުތައް ކީހާލީ.