އިލެކްޝަންސް ކޮމިޝަނުން ބޭއްވި ނިއުސް ކޮންފަރެންސްގައި ނަޝާތު (ވ-2) އަށް ކޮމިޝަނުގެ މެމްބަރުންނާއި ސެކްރެޓަރީ ޖެނެރަލް (ވ)އާ އެކު ނިއުސް ކޮންފަރެންސެއްގައި ބައިވެރިވެވަޑައިގަންނަވަނީ. .-- ފޮޓޯ: ފަޔާޒު މޫސާ | މިހާރު
10 މެއި 2023 - 18:46
6 comments
އިލެކްޝަންސް ކޮމިޝަން (އީސީ)ގެ މެމްބަރު އަލީ ނަޝާތުގެ ދައުރު ހަމަވާތީ، މެމްބަރަކު ހޯދަން އިއުލާންކޮށްފި އެވެ.
އީސީގެ އައިޓީ ޑިޕާޓްމަންޓްގައި އިސްކޮށް އުޅުއްވި ނަޝާތު މެމްބަރު ކަމަށް އައްޔަން ކުރެއްވީ 2018ގަ އެވެ. އޭނާގެ ފަސް އަހަރުގެ ދައުރު އަންނަ ޖުލައި މަހު ހަމަވާނެ އެވެ.
ރައީސް އޮފީހުން ބުނި ގޮތުގައި އީސީގެ މެމްބަރުކަމަށް އެދި ހުށަހަޅާ ފޯމު ބަލައިގަތުމަށް ހަމަޖައްސާފައި ވަނީ މި މަހުގެ 17 ވަނަ ދުވަހު ހެނދުނު 8:30 އިން މެންދުރު 13:30 އަށެވެ. މަގާމަށް ކުރިމަތިލާން އެދޭ ފޯމު އެ އޮފީހުގެ ވެބްސައިޓުން ޑައުންލޯޑްކުރެވޭނެ އެވެ. އަދި ރައީސް އޮފީހުގެ ރިސެޕްޝަނުން ވެސް ދޫކުރެ އެވެ.
އީސީގައި ތިއްބަވަނީ ފަސް މެމްބަރުންނެވެ. ނަޝާތުގެ އިތުރުން މިވަގުތު މެމްބަރުންނަކީ ކޮމިޝަންގެ ރައީސް ފުއާދު ތައުފީގާއި ނައިބު ރައީސް އިސްމާއިލް ހަބީބާއި ޑރ. މުހައްމަދު ޒާހިރުގެ އިތުރުން މުހައްމަދު އާސިފް އެވެ.
މި އަހަރުގެ ސެޕްޓެމްބަރުގައި ރިޔާސީ އިންތިހާބު އޮންނާތީ، އީސީން އަންނަނީ އިންތިހާބަށް ތައްޔާރުވާން ގިނަ މަސައްކަތްތަކެއް ކުރަމުންނެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އާންތު
11 May 2023
ގަވާއިދާ ހިލާފު ހުރިހާ ކަމަކަށް ނަޝާތުވަރު މީހަކު މަދުވާނެ
ފެރިދޫ އަލީ
11 May 2023
ނަޝާތުގެ ކަމަކީ އަބަދުވެސް ކޮންމެވެސް ބަޔަކާ ޖައްސާލާގެން އުޅުން. ފީކަޅާ ބޮޑާމީހެއް
ނަސީމް
11 May 2023
ވޭތުވެދިޔަ ފަސްއަހަރު ނަޝާތުކުރީ މުޅިން އަމިއްލަ މަސައްކަތް. ތަންތަނުން ޕްރޮޖެކްޓް ނެގީ. ދެން ފެރިދޫ ކައުންސިލް މެންބަރުންނާ ޖައްސާލައިގެން އުޅުނީ.
ވަދީފާ
11 May 2023
މި ނަޝާތުވަރުގެ ކޮރޮޕްޓް މީހަކު އީސީގައި ނޫޅޭނެ. މީނަ ޔާމިން ދުވަސްވަރުވެސް މަންޑޭ މެނާއެކީ ޑީލްހެދިގޮތަށް މިފަހަރު ކިތައް ޑީލް ހަދަބެބާ
އޮނަރަބްލް އަފީފު ދީދީ
10 May 2023
މިސަރުކާރަކީ "ވަޅޯ ސަރުކާރެއްކަމަށް" ބުނަނީ މިފަދަ ސަބަބުތަކާއިހެދި. އިންތިޙާބު ބޯމަތިވެ މާދަމާ ވޯޓް ލާންވީމަތޯ އިލެކްޝަން ކޮމިޝަންގެ މެންބަރެއްގެ ޤާނޫނީ މުއްދަތު ހަމަވާކަން ވެރިކަމުގައި ހުންނެވި ބޭޅާއަށް އެގިވަޑައިގެންނެވީ. # ދައުލަތުގެ އިދާރީ ހިންގުމާއި ޙަވާލުވާ ފަރާތްތަކުން ރައީސުލް ޖުމްހޫރީއްޔާ) ޤާނޫނުތަކުގެ ނާޖާއިޒު ފައިދާ ނަންގަވާތީ ރާއްޖޭގެ ޤާނޫޖުތަކުގައި މިފަދަ ކަންކަން ކުރުމަށް (އިއުލާންކުރަން) 6 މަސް ދުވަހުގެ މުހިލަތެއް ކަޑައަޅާންޖެހޭ.
ކޮމިޝަނަރ
11 May 2023
ބޭޅާ ވާނުވާގައި ހުންވާފައި ކޮމަންޓްކުރެއްވުމަކީ އާންމުންނަށް ކަންކަން އޮޅުއަރާލެއް ކުޑަވާކަމެއް، އިލެކްޝަން ކޮމިޝަންގެ މެންބަރުންގެ ދައުރު އެއީ ރައީސް އާއި ސަރުކާރާ ގުޅުމެއް އޮންނަކަމެއްނޫން، ޤާނޫނުއަސާސީގައި މެންބަރުންގެ ދައުރަކީ 5 އަހަރުކަމަށް ބަޔާންކޮށްފައިވޭ މެންބަރުކަމަށް އައްޔަންކުރާ ފަރާތެއް އެމަޤާމުގައި ހުރެ 5 އަހަރު ހަމަވުމުން އަލުން މެންބަރަކު އައްޔަން ކުރުމަށް މަޖިލީހަށް ނަންފޮނުވަން ޖެހެނީ ރައީސް މަގާމު ދޭނެމީހެއް ފާސްކުރާނީމަޖިލީހުން