ދިވެހިންގެ އެވްރެޖް އުމުރު 80 އަށް މަތިކުރެވިއްޖެ: ނަސީމް

ރޭ ބޭއްވި ރަސްމިއްޔާތުގައި ހެލްތު މިނިސްޓަރު އަހުމަދު ނަސީމް ވާހަކަ ދައްކަވަނީ: މިނިސްޓަރު ވޭތުވެ ދިޔަ އަހަރުތަކުގައި ރާއްޖޭގެ ސިއްހީ ދާއިރާއަށް އައިސްފައިވާ ކުރިއެރުންތައް ފާހަގަ ކުރައްވާފައި--- ފޮޓޯ/ ރައީސް އޮފީސް

ފާތިމަތު އަޖްފާން، މިހާރު

12 މެއި 2023 - 14:36

46 comments

ދިވެހިންގެ އެވްރެޖް އުމުރު 80 އަށް މިހާރު މަތިވެފައިވާ ކަމަށް ހެލްތު މިނިސްޓަރު އަހުމަދު ނަސީމް ރޭ ވިދާޅުވެއްޖެ އެވެ.

ދުނިޔޭގެ ސިއްހަތު ދުވަހާ ގުޅިގެން ބޭއްވި ޖަލްސާގައި އޭނާ ވިދާޅުވީ ސަރުކާރާއި ބައިނަލްއަގްވާމީ އިދާރާތަކާ ގުޅިގެން ސިއްހީ ހިދުމަތްތެރިންގެ ހިތްވަރާއެކު ކުރަމުން އައި، މަސައްކަތްތަކުގެ ނަތީޖާ ވަރަށް ފޮނި ކަމަށެވެ.

މީގެ 63 އަހަރު ކުރި އަށް ބަލާއިރު، ދިވެއްސަކު ދިރިހުންނާނެ ކަމުގެ އެވްރެޖް އުމުރު ކުރު ނަމަވެސް މިހާރު އެ އަދަދު މަތި ކުރެވިފައިވާ ކަމަށް ނަސީމް ވިދާޅުވި އެވެ.

"ފަސްދޮޅަހުގެ އަހަރުތަކުގައި ދިވެއްސެއް ދިރިހުންނަ އުމުރަކީ 39 އަހަރު. އެ އަދަދު މިހާރު ހުރީ 80 އަހަރަށް މަތި ކުރެވިފައި،" ދަރުބާރުގޭގައި ބޭއްވި ޖަލްސާގައި އޭނާ ވިދާޅުވި އެވެ.

މިނިސްޓަރު ވަނީ ރާއްޖޭގެ ސިއްހީ ދާއިރާ އަށް މިދިޔަ 75 އަހަރުގެ ތެރޭގައި އައިސްފައިވާ ބަދަލުތައް ވިދާޅުވެ ދެއްވައިފަ އެވެ. އޭގެ ތެރޭގައި:

- ޅަފަތުގައި ކުދިން މަރުވާ ނިސްބަތް މަދުވުން.

- ވިހެއުމުގެ ތެރޭގައި މައިން މަރުވާ ނިސްބަތް ދަށްވުން.

- އެކަށީގެން ސިއްހީ ފަރުވާ އާއި ހިދުމަތްތައް ރާއްޖޭގެ ކަންކޮޅުތަކުގައި ގާއިމު ކުރުން.

- ސިއްހީ ހިދުމަތަށް އަމިއްލަ ޖީބުން ބޮޑެތި ހޭދަތަށް ނުކޮށް ސޯޝަލް ހެލްތު އިންޝުއަރެންސްގެ ނިޒާމުގެ ތެރެއިން، މި ހިދުމަތްތައް ލިބޭގޮތަށް ހަމަޖެއްސުން.

ރޭ ބޭއްވި ރަސްމިއްޔާތުގައި ރައީސްގެ ދެކަނބަލުންނާއި ހެލްތު މިނިސްޓަރު އަހުމަދު ނަސީމް ބައިވެރިވެވަޑައިގަންވަނީ--- ފޮޓޯ/ ރައީސް އޮފީސް

ދިރިއުޅުމުގެ އާދަތަކާ ގުޅިފައިވާ ގައިންގަޔަށް ނާރާ ބޮޑެތި ބަލިތައް އިތުރުވަމުން ދާތީ ވެސް މިނިސްޓަރު ކަންބޮޑުވުން ފާޅުކުރެއްވި އެވެ. ނަމަވެސް ވެކްސިނުން ރައްކާތެރިކަން ލިބޭ ބަލިތައް ރާއްޖޭގައި ކޮންޓްރޯލްކޮށް، އަދި ބައެއް ބަލިތައް ނައްތާލެވިފައިވާ ކަން ނަސީމް ފާހަގަ ކުރެއްވި އެވެ.

"ބަނޑުގައިވާ ދަރިފުޅަށް، މައިމީހާގެ ފަރާތުން އެޗްއައިވީ އާއި ސިފިލިސް ޖެހުމުގެ ފުރުސަތު ނެތް ގައުމެއް ގޮތުގައި މިހާރު ވަނީ ރާއްޖެ ކަނޑައެޅިފައި،" އޭނާ ވިދާޅުވި އެވެ.

ނަސީމް ވަނީ ކޮވިޑްގެ ބަލިމަޑުކަމުގަ އާއި އެ ނޫން ވަގުތުތަކުގައި ވެސް ރާއްޖެއަށް ސިއްހީ ގޮތުން އެހީތެރިކަން ފޯރުކޮށްދިން ހުރިހާ ފަރާތްތަކަށް ޝުކުރު އަދާކުރައްވައިފަ އެވެ.

އަހުމަދު ނަސީމް، ހެލްތު މިނިސްޓަރު ސިއްހަތު ހެލްތު މިނިސްޓްރީ ދުނިޔޭގެ ސިއްހަތު ދުވަސް

46 ކޮމެންޓް, 23 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ފޮނިޓައްޕު ހަސަނު

14 May 2023

ދިވެހިން އުމުރު އާއްމުގޮތެއްގައި 70 އަހަރުން މަތީ ގައި މީގެ 30 އަހަރު ކުރިންވެސް އުޅުނީ ނަމަވެސް ސިއްޚީ ޚިދްމަތް ލިބެން ނުތުމުން ޅަފަތުގައި މަރުވާ ތުއްތުކުދިންގެ އަދަދު އެޒަމާނުގައި ވަރަށް މަތި، އަދި ފެންވަަޅަށް ވެއްޓިގެން މަރުވާ ކުދިންގެ އަދަދު ވެސް މަތި. މަރުވާ މީހުންގެ އުމުރުގެ އެވަރޭގް ތުުއްތު ކުދިން ލައިގެން ހަދައިފި ނަމަ މަރުވާ އެވަރެޖް އުމުރު ވަރަށް ދައްވާނެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޚަލިލް

13 May 2023

އަވަހައް ރިޓަޔަމަންޓް އުމުރު މަތިކުރޭ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ގެދޮރު ނެތް މާލޭމީހާ

13 May 2023

ތީ މި ސަރުކާރުގެ މޮޅުކަމުން ކުރެވުނު ކަމެއް ނޫން

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބަރުބާދު

13 May 2023

ބޮއެގެން ދުންއަރާ މީހުންގެއަދަދު އިތުރުވިވަރުވެސް ވިދާޅުވިނަމަ؟. 1960 ގަ އެއަދަދު ހުރީ 0 ގަ، މިއަދުހުރީ 200 އިން މަތީގަ!!!!.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އޮނަރަބްލް އަފީފު ދީދީ

13 May 2023

ސިޔާސީ ވެރިން ފަތުރާ މިފަދަ މަކަރުވެރި ވާހަކަތަކާއި ދައްކާ ތަފާތު ހިސާބު ތަކުގެ ސަބަބުން ރާއްޖޭގެ ޙަޤީގީ ހާލަތު ދެނެގަތުމަށް އުދަގޫވޭ. # ވިހެއުމުގެ ތެރޭގައި މަރުވާ އަދަދުގެ ވާހަކަ ދައްކާންވާނީ ވިހޭ މައިންނާއި ފަޅައިގެން ކުދިން ނެގި އަދަދު ހިމަނައިގެން. ޅަފަތުގައި މަރުވާ ނިސްބަތުގެ ވާހަކަ ދައްކާފައިވަނީވެސް "އެއްޗެއް ސާދުނުވާގޮތަށް" ހީލަތްތެރި ބަހުރުވައަކުން. ކެންސަރާއި ކިޑްނީ ގިރިގެންނާއި ސްޓޯރކް ޖެހި މަރުވާ ޒުވާނުންގެ އަދަދު ކޮބާ.!؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ސުން

13 May 2023

މީހާދަގަދަ މީހެކޭދޯ؟މަގޭ އުމުރު 100 އަށް ހަދާ ނުލެވޭނެތަ ތިހާ މޮޅިއްޔާ؟ދޭނަން ބަބުލީ ސްޕާރި ފުޅިޔެއް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ަސޭޑް

13 May 2023

މަރުވާ ރޭޓް އިތުރުވީ!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ގައުމުގެޙާލަތު

12 May 2023

ޙެލްތުމިނިސްޓްރ ގެ އޯޑިޓް ބުނަނީ ކީކޭބާ؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަސްލުވެސ

12 May 2023

މިނިސްޓަރު ވަނީ ރާއްޖޭގެ ސިއްހީ ދާއިރާ އަށް މިދިޔަ 75 އަހަރުގެ ތެރޭގައި އައިސްފައިވާ ބަދަލުތައް ވިދާޅުވެ ދެއްވައިފަ އެވެ. އޭގެ ތެރޭގައި: ( ޅަފަތުގައި ކުދިން މަރުވާ ނިސްބަތް މަދުވުން. - ވިހެއުމުގެ ތެރޭގައި މައިން މަރުވާ ނިސްބަތް ދަށްވުން.) 2008 ގެ ކެމްޕޭނުގައި މައުމޫނު ވިދާޅުވި ބަސްފުޅެއް ގެ ކޮޕީއެއް. މީބަސް ކޮޅޔގެ އިތުރުން މައުމޫނު ވިދާޅުވީ މަރުވާ އެވްރެޖު އުމުރު މަތިވެފައިވާކަމަށް.