ރީޖަނަލް އެއާޕޯޓްސްގައި މަސައްކަތް ކުރާ މުވައްޒަފުން ނައިޓް ލޭންޑިން ޓެސްޓުކުރުމަށް ޖެއްސި ފްލައިޓް ކައިރީގަ. -- ފޮޓޯ: އާރްސީއެލް
15 މެއި 2023 - 14:07
4 comments
ހޯރަފުށި އެއާޕޯޓާއި މާވަރުލު އެއާޕޯޓަށް ރޭގަނޑު ފްލައިޓްތައް ޖެއްސުމަށްޓަކައި ނައިޓްލޭންޑިން ސިސްޓަމް ގާއިމް ކުރުމުގެ މަސައްކަތް ފަށާފައިވާ ކަމަށް ރީޖަނަލް އެއާޕޯޓްސް އިން އިއްޔެ ބުނެފި އެވެ.
އެ ކުންފުނިން ބުނީ، ކުރިއަށް އޮތް މަހެއްހާ ދުވަހުގެ ތެރޭގައި އެ މަސައްކަތްތައް ނިންމައި އެ ދެ އެއާޕޯޓަށް ވެސް ރޭގަނޑުގެ ފްލެއިޓުތައް ފެށޭނެ ކަމަށް ލަފާކުރެވޭ ކަމަށެވެ.
ހޯރަފުއްޓާއި މާވަރުލު އެއާޕޯޓަށް ރޭގަނޑުގެ ފްލައިޓްތައް ޖެއްސޭނެ އިންތިޒާމު ހަމަޖައްސަމުން އަންނައިރު، މިދިޔަ ހަފުތާގައި ވަނީ ކުޅުދުއްފުށި އެއާޕޯޓަށް ރޭގަނޑު ފްލައިޓްތައް ބާއްވަން ފެށުމުގެ ގޮތުން ޓެސްޓު ފްލައިޓެއް ބާއްވައިފަ އެވެ.
ރީޖަނަލް އެއާޕޯޓްސް އިން ބުނި ގޮތުގައި ކުޅުދުއްފުއްޓަށް ރޭގަނޑުގެ ފްލައިޓުތައް ވަރަށް އަވަހަށް ފަށާނެ އެވެ. ރޭގަނޑުގެ ފްލައިޓްތަކާ އެކު އެއާޕޯޓުގެ މަސައްކަތް 24 ގަޑިއިރަށް ބަދަލުވާނެ އެވެ.
އާރްސީއެލްއިން ބުނި ގޮތުގައި ހިދުމަތް 24 ގަޑިއިރުވުމުން، ރޭގަނޑު ވައިގެ ދަތުރު ނުކުރެވި ދިމާވާ ދަތިތަކަށް ހައްލު ލިބިގެން ދާނެ އެވެ. އަދި ވިޔަފާރިތަކަށާއި ގެސްޓްހައުސް އަދި ރިސޯޓުތައް ހިންގާ ފަރާތްތަކަށް މިކަމުގެ ސަބަބުން ގިނަ ލުއިފަސޭހަތަކެއް ލިބިގެންދާނެ ކަމަށް ވެސް އެ ކުންފުނިން ބުނެ އެވެ.
ނައިޓް ލޭންޑިން ސިސްޓަމް ޓެސްޓުކުރުމަށް ފްލައިޓް ޖައްސަނީ. -- ފޮޓޯ: އާރްސީއެލް
އާރްސީއެލްއިން މިހާރު ނައިޓް ލޭންޑިންގެ ހިދުމަތްތައް ދެނީ ހަނިމާދޫ އިންޓަނޭޝަނަލް އެއާޕޯޓާއި ކުޅުދުއްފުށި އެއާޕޯޓާއި ފަރެސްމާތޮޑާ އެއާޕޯޓާއި ފުވައްމުލަކު އެއާޕޯޓެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ކޮރަލް
15 May 2023
ޑޮމެސްޓިކް ދަތުރު ތައް ކުރަން އިތުރު އެއަރ ލައިން ތަކަށް ހުއްދަ ދީގެން ނޫން ގޮތަކަށް ޓިކެޓް އަގު ހެވެއް ނުވާނެ އެވެ.
ނަތޭ
15 May 2023
އާނ.. އެހެންވެޔޭ ހުއްދަ ނުދޭން އެތިބެނީ. އެއްވެސް އެއްޗެއްގެ އަގު ހެޔޮކޮއްދޭން ބޭނުން މީހަކު ނެތޭ.
ހެޔޮދުޢާ
15 May 2023
ماشاءالله تبارك الله
އޮނަރަބްލް އަފީފު ދީދީ
15 May 2023
ރަސްމީގޮތުން ބަޤުރޫޓް އިއުލާންނުކުރި ކަމުގައިވިޔަސް އެތައްމިލިޔަން ރުފިޔާގެދަރަނި ބޮލުގައިއެޅިފައިވާ ޤައުމީ އެއަރލައިންކުންފުނިން ދެމުންގެންދާހިދުމަތް މެދުނުކެޑިދިނުމަށްޓަކާ ދައުލަތުގެ 3 ކުންފުނިކަމުގައިވާ އެމްޓީސީސީ، ޕޯސްޓް ލިމިޓެޑް އަދި މޯލްޑިވިއަން މާޖްކޮށްގެން މި 3 ކުންފުނި އެކުވެގެން އެތެރޭގެ އެއަރޕޯޓް ތަކާއި ސީޕްލޭންގެ ހިދުމަތް ކުރިއަށް ގެންދިއުން ރަނގަޅު. އަދި މިއީ ހަމައެކަނި ޑޮމެސްޓިކް ދަތުރަށް ޙާއްސަ އެއަރލައިނަކަށް ބަދަލު ކޮށްލަންޖެހޭ.