ޓްރީޓޮޕްގައި ގާއިމުކޮށްފައިވާ އައިވީއެފް ސެންޓަރުގައި މުވައްޒަފަކު ހަރަކާތްތެރި ވަނީ: އެ ސެންޓަރު ހުޅުވާނީ މި މަހު 29 ގައި --- ފޮޓޯ: ނިޝާން އަލީ މިހާރު
16 މެއި 2023 - 16:22
16 comments
ރާއްޖޭގައި ފުރަތަމަ ފަހަރަށް އައިވީއެފް ފަށަން ތައްޔާރުވާ ޓްރީ ޓޮޕް ހޮސްޕިޓަލްގެ އައިވީއެފް ސެންޓަރު މި މަހުގެ 29 ގައި ހުޅުވަން ތައްޔާރު ވެއްޖެ އެވެ.
ހުޅުމާލޭގައި ހުންނަ އެންމެ މަތީ ފެންވަރުގެ ހޮސްޕިޓަލްގައި ބާއްވާ ހާއްސަ ރަސްމިއްޔާތެއްގައި އައިވީއެފްގެ ހިދުމަތް އިފްތިތާހުކޮށްދެއްވާނީ ރައީސް އިބްރާހިމް މުހައްމަދު ސޯލިހެވެ.
އައިވީއެފް ފެށުމުގެ ކުރިން ޓްރީ ޓޮޕް ހޮސްޕިޓަލުން ވަނީ ސްކްރީން މަރުހަލާއެއް ކުރިއަށް ގެންގޮސްފަ އެވެ. އެ ހޮސްޕިޓަލުން ބުނީ ސްކްރީން މަރުހަލާގައި 250 އަށް ވުރެ ގިނަ މީހުން ރަޖިސްޓަރީ ކުރި ކަމަށެވެ.
ޓްރީ ޓޮޕްގެ ތިން ވަނަ ފްލޯގައި ގާއިމު ކޮށްފައިވާ އައިވީއެފް ސެންޓަރަށް ޒަމާނީ ޓެކްނޮލޮޖީ އާއި މެޝިނަރީ ގެނެސް، ސެޓަޕް ހަދައި ހިދުމަތް ފެށޭ ވަރަށް މިހާރު ވަނީ ތައްޔާރު ކޮށްފަ އެވެ. އައިވީއެފް ސެންޓަރުގެ ލެބޯޓަރީ އާއި ސްޓޯރޭޖް ފެސިލިޓީ އާއި ސާމަޕްލް އާއި އެމްބްރިއޯ ކަލެކްޝަން އަދި ޓްރާންސްފާ ޔުނިޓާއި ތިއޭޓަރު ވެސް އެ ހޮސްޕިޓަލުން ވަނީ މީގެ ކުރިން "މިހާރު" ގެ ނޫސްވެރިންނަށް ދައްކާލައިފަ އެވެ.
ޓްރީ ޓޮޕް ހޮސްޕިޓަލް ވަނީ އައިވީއެފަށް ފުރިހަމަ އަށް ތައްޔާރުވެފައި.
ޓްރީ ޓޮޕް ހޮސްޕިޓަލްގެ އޮފިޝަލުން ވިދާޅުވީ، އެއީ ސާމްޕަލް ކަލެކްޝަނާއި އެމްބްރިއޯ ޓްރާންސްފާގައި ސަލާމަތީ ގޮތުން ރައްކާތެރިކަން ކަށަވަރު ކުރެވޭ ފެންވަރަށް ގާއިމުކޮށްފައި ފެސިލިޓީތަކެއް ކަމަށެވެ. އެއީ "ސްޓޭޓް އޮފް ދި އާޓް ސްޓޭންޑަޑަށް" ފެތޭ ގޮތަށް ގާއިިމު ކޮށްފައިވާ ވަސީލަތްތަކެއް ކަމަށް ވެސް އޮފިޝަލުން ވިދާޅުވި އެވެ.
އައިވީއެފް ހިދުމަތް ފެށުމުގެ ކުރިން، ސިއްހީ ދާއިރާގެ ތަޖުރިބާކާރުންގެ ޓީމަކާ އެކު ޓްރީ ޓޮޕްގެ މެނޭޖުމެންޓުން ވަނީ އިންޑިއާގެ ބައެއް އައިވީއެފް ސެންޓަރުތަކަށް ޒިޔާރަތްކޮށް، އެ ތަންތަނުގެ ފެންވަރާއި ރައްކާތެރި ކަމުގެ ފިޔަވަޅުތައް ހުރި ގޮތް ބަލައި ދިރާސާ ވެސް ކޮށްފަ އެވެ
ޓްރީޓޮޕްގެ އައިވީއެފްގެ ހިދުމަތް ދިނުމަށް ބޭނުންވާ ޓެކްނިކަލް ސަޕޯޓް ހޯދުމުގައި އިންޑިއާގެ އައިވީއެފް ސެންޓަރަކާ، ޓްރީޓޮޕުން ވަނީ ގުޅިފަ އެވެ. ޓްރީ ޓޮޕްގައި އައިވީއެފް ހިދުމަތް ފޯރުކޮށްދިނުމަށް އެންމެ އިސްކޮށް ހަރަކާތްތެރި ވާނީ ބޭރުގެ ތަޖުރިބާކާރަކާއި ރާއްޖޭގައި މި ދާއިރާގެ ތަޖުރިބާކާރު ޑޮކްޓަރު ޒާކިޔާ އަހުމަދެވެ. ކުރިން ގައިނޮލޮޖިސްޓެއްގެ ގޮތުގައި މަސައްކަތް ކުރެއްވި ޒާކިޔާ މިހާރު ވަނީ އައިވީއެފްގެ ދާއިރާއިން ސްޕެޝަލައިޒް ވެވަޑައިގެންފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އިންތިޒާރުގަ އިން އަންހެނުން
17 May 2023
އައިވީއެފް އަށް ރާއްޖެއިން ބޭރުން ފަރުވާ ކުރުމަށް އާސަންދަ ލިބޭނެގޮތް ހެދުމަށް ގޮވާލަން.. ރާއްޖޭގަ ތިކަން ކުރިޔަށް ގެންދާނީ ކުޅޭ ކުޅިވަރެއްގެ ގޮތުގަ އާންމު ރައްޔިތުން އަތުން ލާރި ކާން..
ދުމަށި
17 May 2023
ފުރަތަމަ ކުރިކަމަކީ މިއީ އާސަންދަ ލިބެންޖެހޭ ކަމެއްކަމަށް ވަކާލާތުކޮށް އެކަމަށް މަގުފަހި ކުރުމެވެ. ޕްރެޝަރ ގްރޫޕްތައް މެދުވެރިކޮށް ޕްރެޝަރކޮށް އެންމެ ފަހުން އާސަންދަ ލިބޭނޭކަމުގެ ޔަގީންކަން ހޯދުމެވެ. މިހާރު މިއޮތީ ހިފެހެއްޓުމެއްނެތި ދައުލަތުން ލާރި ލިބޭނޭ މަގުކޮށާ ނިމިފައެވެ. ދައުލަތުން ތިކަމަށް ބޮޑު ހޭދައެއް ކުރަންޖެހޭނެއެވެ. ހުރިހާ ފައިސާ އުއްޗުއަށެވެ.
އާސަންދަކޮޅާ ސަންދޯއްކޮޅަ
17 May 2023
އާސަންދައިން ލާރިގަނޑު ނެގޭނެ ގޮތްތަށް އަމިއްލަ ހޮސްޕޮޓަލުތަކުން ފަހިކުރަނީ. ދަރިންނުލިބުމަކީވެސް ހިތާމަވެރި ކަމެއް. ޢެކަމު މިކަމަށްވުރެ މާ ވޭންއަޅާ މާ ހިތާމަވެރި ކަންކަމަށް ރނގަޅަށް ބޭސްކުރެވޭނެ ގޮތެއްނެތް ކިތަންމެ ކަމެއް އެބަހުރި. މިކަމަށް އާސަންދަގެ ފުލް ކަވަރޭޖް ދޭންޖެހޭނެކަމަކަށް ގަބޫލެއްނުކުރަން. ދައުލަތުން ހަރަދުކުރުން މާ އައުލާކަން ބޮޑު ވޭންތަށް ބައެއް މީހުން އަމިއްލައަށް ހަރަދުކޮށްކޮށް ނޫނީ ނުކުރެވި ނިމިގެންދޭ.
އަހަރެން
17 May 2023
އައި.ވީ.އެފް އަށް އާސަންދަ އެއް ނުލިބޭ!
ޭެެެަަާޭއެކޮއެ
17 May 2023
އުފާވެރިކަން ??
ފާތުންގ
16 May 2023
ޢާސަނދައިން ކަވަރ ކުރޭބާ، މުޅި ފަރުވާ؟
ބޮޑުމީހާ
16 May 2023
އައިޖީއެމްއެޗް ހިންގާތާ 20-30 އަހަރު ފަހުން ހުޅުވި ހޮސްޕިޓަލެއް މިއަދު އެންމެ މަތީ ފެންވަރުގެ ހިދުމަތްތައް ދެވޭ. ކާކު ސަބްސިޑީ ދީގެންތަ ޓްރީޓޮޕް ކުރިމިއަރަނީ. އައިޖީއެމްއެޗްއަށް ބަޖެޓްކޮށް އިމާރާތްތައް ގިނަ ކުރާ ވަރަކަށް ހިދުމަތްތައް ދަނީ ދަށަށް. ބަލިމީހުންނަށްވުރެ މުވައްޒަފުން ގިނަ، މަސައްކަތެއް ކުރާ އެކަކުވެސް ނޫޅޭ
ދިއްދޫމީހާ
16 May 2023
މިހިދުމަތް އާސަންދައިން ލިބޭގޮތައް ހަމަޖައްސާފިއްޔާ ވަރަށް ވޯޓްލިބޭނެ…
އަހްމަދު ނިސާމް
16 May 2023
އިންޑިޔާ ހުރޭ ވަރަށްދަށް ފެންވަރުގެ އައި ވީ އެފް ސެންޓަރތަށް ކެއްވެތަ ނަންހަމަ ނުކުރީ؟އެތަށް ދިވެހިންނެއް އިންޑިޔާށް ގޮސް ތަޖުރިބާކޮށްފި.
ފާތުންގ
16 May 2023
ދަށް ފެންވަރަސް އެތަނައްތާ ދާން ޖެހެނީ.
އޮނަރަބްލް އަފީފު ދީދީ
16 May 2023
ހޮސްޕިޓަލެއްގެގޮތަށް ECC ބަދަލުކޮށް މިތަނަކީ ދަރިންނުލިބޭ ދެމަފިރިންނަށް އުފާވެރިކަންގެނެސްދޭނެ In Vitro Fertility ސްޕެޝަލައިޒް ޑަކްޓަރުންނާއިއެކު އެކަމަށްފަރުވާދޭ ޙާއްސަ ޑިޕާޓްމަންޓެއްހިމަނައިގެން މުޅިހިދުމަތް އާސަންދައިން ކަވަރުކުރާގޮތަށް IVF ހިދުމަތަށްޙާއްސަ ސަރުކާރުގެ ހޮސްޕިޓަލްގެގޮތުގައި ތަރައްޤީކުރާނެތަނެއްކަމަށްނިންމާ ޖަރުމަންގެ ހޮސްޕިޓަލަކާއިއެކު އައްޑޫހޮސްޕިޓަލް މެނޭޖްމަންޓް އެކުލަވާލި އެއްބަސްވުން މިސަރުކާރުން ކުރިއަކަށްނުގެންދިޔަ.
މޯޑޭ.
17 May 2023
އައްޑޫ ހޮސްޕިޓަލަށް ބޭނުންވާ ސާމާނު ހަމަކޮށް ޒަމާނީ ފެންވަރަށް އެތަން ތަރައްޤީކޮށް ހުޅުވީ ރައީސް ސޯލިޙް.
އާނިފު ފުވާދު.
17 May 2023
އެމްޑީޕީގެ ވެރިންނަށާއި މާލޭ ބޮޑުންނަށް ކަމުނުގޮސްގެން މިނިސްޓަރު އަމީން މަޤާމުން ވަކިކުރީ ތިޔަބުނާ ބޭރު މީހުންނާއި އައްޑޫ ހޮސްޕިޓަލް ހަވާލު ކުރަން އުޅުމުން. އެތަނަށް ލިބުނު ކުރިއެރުމެއް ލިބުނީ އަމީނުގެ މިނިސްޓަރު ކަމުގައި. މިހާރު ހުރި ކެރަފާ ކުރިކަމަކީ އެތަނުގައި ހުރި ތަކެތި މާލެއަށް ގެންދިއުން.
ޖަމީލުބެ
16 May 2023
އެއީ ކޯއްޗެއްތޯ؟
ޙޭޙޭޙޭ.
16 May 2023
އެއީ ވީއައިޕީގެ ވައްތަރެއް.